رواية بريئه بين قيود مجرم – الفصل الثامن والعشرون
بريئه بين قيود مجرم
علي الاكبر…. خوش خوش نور اذا مااطلعهم كلهم واصفطهم سره كدام عيونج روسهم مشدوده مااطلع زلمه
خفت من حجيه وماعرفت منو يقصد بكلهم بس اجه بالي يم هاله وجاسم همه الوحيدين الي ضلوا الي
نور… ش.. شنو قصدك
وهوه ورث جكارته وراد يطلع بره ولحكته
نور…. علي الاكبرر
التفت عليه
نور.. شنو قصدك
علي الاكبر… بعدين تعرفين
وراح طلع بره وسد الباب ضليت ارجف خايفه من كلامه ورحت صعدت فوك خايفه ودخلت الغرفه وسديت الباب وشلت مخدتي والبطانيه ورحت للقنفه عدلتهن وتمددت افكر بكلامه لحد ماتعبت ونمت وحسيت احد يحرك بيه وشالني فتحت عيوني شويه حطني عالجربايه وغطاني وكعد كبالي صافن عليه ويلعب بشعري وكام وراح للقنفه تمدد ونام واني هم رجعت نمت…….
………………………………..
ريام…. لججج احجيلي شلون سويتيها
نسرين…. اسمعي…
….
طلعت من المكتب وبيدي جهاز التتبع ورحت الااركان
نسرين… محامي اركان
التفتي ورحت اله بسرعه وكلت
نسرين… امم اكدر اخذ موبايلك شويه
استغرب وكال
اركان… ليش؟
نسرين… اريد اتصل على ابويه بشغله موبايلي مخلص شحن
اركان… ليش لا اخذي واخذته ورحت على صفحه وشكلت الجهاز بموبايله واتصلت على ابويه هم اتطمن عليه وهم حتى مايشك بيه
ادريس… الو؟
نسرين… الو بابا حبيبي شلونك
ادريس… هلا بنيتي بس ليش طلع يمي رقم غريب
نسرين… اي بابا اتصلت عليك من رقم زميلي موبايلي مخلص شحن شلون صرت؟
ادريس… بخير بنيتي لايضل بالج يمي حبيبي
نسرين… تمام حبيبي محتاج شي اجيبلك؟
ادريس… اريد سلامتج بنياتي
نسرين… حبيبي، تمام بابا اني اروح اكمل شغلي
ادريس… الله وياج
ونهيت المكالمه ورحت اله اتشكره
نسرين… شكرا
اركان…. بخدمتج انا
نسرين… تسلم
وردت اروح
اركان… نسرين
التفت اله مستغربه
نسرين… نعم
اركان… اكدر احجي وياج بموضوع
نسرين… وهوه؟
اركان… يخص يوم الحفله
نسرين… اركان اني اسفه مااكدر اجاوبك
اركان… بس اريد اعرف سببج؟
نسرين… مااكدر اسفه لازم اروح هسه
ورحت مسرعه وهوه ضل واكف ودخلت المكتب كعدت مرتبكه وخايفه ودخلت ريام…
….
نسرين… وهذا الصار
ريام… ولله ماتوقعت زين وهسه موبايلج اشر؟
نسرين… لا بعد مااشر
ريام…. برأيج هوه وراه شي؟
نسرين… اي وراه شي اكيد
ريام… راح تطلع حقيقتهم واحد واحد
نسرين… عرفتي شي يخص نور؟
ريام… اي عرفت العنوان مالتهم
نسرين…زين هسه لازم نروح
ريام… وين؟؟
نسرين… الها
ريام… بس علي الاكبر اكيد وياهه
نسرين… لازم ندبرها امشي ويايه وشلت اغراضي وطلعت وهيه ويايه هم……
………………………………
كرم… هسه بس خلي احاجيج شبيييج
براء… يااخي مااريد احجي وياك انت تفتهم او لاااا
كرم…. بس اريد اعرف ليش زعلتي
براء… لك بابا انت تعرف بروحك انوا انت ماشي بطريق اجرام انت مجرم تاجر مخدراااات تقتلون بشررر ملاااحظ
كرم… ولله ماااكاااتلييييين والادمان شغله وصارت وتعودت عليهااا
براء… انت شلون عرفتهم بس كلي شلون دخلت بشغلهم شلوووون
كرم… براء بس عوفيني بحالي ولاتساليني اساله مااكدر اجاوبج عليها وهسه خليني اوصلج
براء… مااريييد
كرم.. استغفرر الله هسه شلون يعني تروحين وحدددج؟
براء…. اي مثل ماتعودت بغيابك وانت بلسجن
ورحت فتحت الباب اريد اروح للجامعه
كرم… براء امشي خلي اوصلج ولاتعاااندييييين
براء… لاتصيييح
كرم…. امشييي يلا مااصيح بس امشي
ورحت صعدت السياره من وره
كرم… استغفر الله
وصار يسوق والطريق هوه يحاول يشرحلي واني مطنشته وصلنا واخيرا بعد ماتاخرت بسببه صارت بل تسعه وهاي اول يوم الي من بعد كل الي صار وضاعن عليه هوايه محاضرات بسبب اخويه المجرم وصلت قسمي ودكيت الباب وسمعت صوت فرات يكول
فرات… ادخل
فتحت الباب وشافني عاكد حاجبه وباوع على ساعته الي بايده وكال
فرات… انسه براء مو بعد وكت على جيتج؟
وكل الي بلقسم صاروا يضحكون باوعت عليهم وهوه كال
فرات…. هدوووء
براء… اكدر ادخل دكتور
فرات….ليش تاخرتي؟
براء… ضروف عندي
فرات… خوش اطلعي من المحاضره وتعالي المكتبي بل استراحه
فار دمي من العصبيه بس اريد اخنكه سديت الباب وطلعت ورحت للحديقه ماكوا احد ضليت كاعده لحد ماطلعوا واجت بنيه عليه وكالت
.. دكتور فرات ينتضرج بمكتبه
شلت جنطتي وكمت رحت المكتبه وصلت دكيت الباب ودخلت وهوه جان يدخن ورحت وكفت كباله
براء… نعم دكتور
فرات… ليش تاخرتي؟؟
براء.. مثل ماكلتلك عندي ضروف
فرات… مااقبل بهذا الشي مره ثانيه واخذتي بامتحانج صفر
هزيت راسي وبداخلي بركان يريد ينفجر بوجه وكلت
براء… اكدر اطلع؟
فرات… طبعا
ورحت فتحت الباب وطلعت بره معصبه منه ومن تصرفه شايف روحه ولاعبالك يعرف ضروفي وبكل عين يسال ليش تاخرتي حقير ورحت كعدت بلقسم انتضر المحاضره الجايه واجت بنت وكفت يمي
ريم… هلاو عادي اكعد يمج؟
التفت اله مبتسمه وكلت
براء… طبعا تكدرين
ابتسمت بوجه وطلعت كتبي
ريم… اي عرفيني عليج
براء…. اني براء من غير محافضه بس اجيت هنا حتى اكمل دراستي مع اخويه وانتي
ريم… اني ريم من البصره بس اجيت هنا لان هناك صارت عندي مشاكل وانجبرت اجي هنا عفت هناك ذكرياتي وصديقاتي
براء.. حبيبتي الله يساعدج
ريم… حبيبتي تسلمين زين شنو السبب ودخلتي صيدله؟
براء… الصراحه هذا جان حلمي من البدايه والحمدلله حققته
ريم… اني مو حلمي وانما حلم ابويه وحققته
براء… زين انتي شنو حلمج؟
ريم… اني حلمي ادله جنائيه
براء… حلو بس احسها متعبه
ريم.. ليش؟؟
براء…ماادري حسب الضروف المريت بيها
ريم… هيه متعبه صح بس بيها حياة حلوه
براء… صح
وخلصنا اليوم نتعرف على بعض كلش حبيتها وحسيتها قريبه عليه طلعنا اني وياهه وهيه انتضرت ابوها يجي ياخذه واني انتضر اخويه المجرم اجه ابوها
ريم… خلي اوصلج
براء… لاحبيبتي شكرا
بوستني وراحت مع ابوه سمعت صوت صياح بنيه كلش عالي التفت خايفه وشفت..
يتبع… 🩵✨
…………………
انتضروني…. 🩵✨
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.