رواية القسوة تشع من عيناه – الفصل الثاني والعشرون
بارت 23
مياسه :- ولج شبيج خبلتينيييي والقران لو ادري مخليتج تسقطين سوده بوجهي ؏ ساعه المنعتج بيها
مهاب :- شبيج بابا حبيبي شبيج شتردين سولفيلي كليلي شتردين انطيج عيوني بس كليلي شتردين
ترف :- اريد اموت
مهاب :- اشششش اش ماتعوفيني بابا ماتعوفيني منو يبقالي اني
رفعت راسها من حضنه باوعت بعيونه ودفعت وجه بيدها باوعتلي
ترف :- يلا خلي نروح
مياسه :- مهاب توديني البيتي
مهاب :- ماخليها ماتروح بنيتي ماتروح المكان تبقى يمي جذابه تريد تبقى يمي مو ترف تردين تبقين يمي
ترف :- چؤ چؤ ، اخذيني مياسه
مهاب :- بابا ترف
ترف :- اسكتتتتت اسكتتتتت بااباااا باباااا مو بابا انتَ مو بابا سمعتنيييي ماريدك يلا اخذينييييي اخذيني
ملخت روحها تصيح بعلو صوتها ومهاب عافنه ودخل جوا رحت ورا كوه قنعته بطلاع الروح قنع طلعت الترف حضنتها وبستها
مياسه :- نتريك ونروح ها يمه
ترف :- اكللها لاعبه روحي تكلي نتريك
مياسه :- يلا ميخالف هسه نروح تاخذين ملابس
ترف :- اي ملابس و ورده
مياسه :- ورده تبقى هنا يم ام سلام او فاطمه
ترف :- لاااا لااا لا
مياسه :- جا ها
ترف :- لا لاااا يتقربلها حيوان هذا ولج حيوان امج ما جابت بشر جابت حيوان اخوج مطي
مهاب :- شكرًا
التفتت ؏ مهاب بيده السويج صعد بسيارته طلعها من الكراج هزيت راسي بأسف ودخلت احضر ملابسها
حضرتهن ونزلت انطيهن المهاب شفتها كاعده بمكانها ولازمه ورده بيدها تفرك بعيونها
مياسه :- صدك تحجين كعدتي البنيه
انطيت ملابسها المهاب ودخلت ابدل اخذت جم لبسه لورده وكعدت الجهال واخذتهم وطلعت اتصل ؏ محمد زوجي حتى يكعد
ورده :- لعد وقاهرة ليش ما اخذناها
محد جاوبها وبس وصلنه ترف خلت راسها ؏ المخده ونامت راحت بسابع نومه
واني كعدت اسوي ريوك للجهال شابعين نوم وكعدو جوعانين واني راسي طبل بس اريد انام ساعه ؏ الاقل
مر 3 ايام وهيه يمي وكل ما اجيب سيرة بنتها تصيح ، ماريدها اسكتي
من الجهال يمها اصير شزيناتها ومن تبقى وحدها تبقى تتلفت خايفه وبالها مو يم واحد مرات اشوفها تحجي وحدها ومرات الكاها صافنه شكد احاول احجي وياها ماتتحرك نهائيًا 5 دقايق وترجع طبيعيه
المشكله عميلتها ما مهتمه الها ولا كانُ واني روحي تشيط بس تتحرك حيل
ومهاب كل ساعه سألني عليها يحلفني اصورها بدون ماتدري ومرات احسها تشوفني من اصورها تبقى خازرتني ودير وجها
وقاهرة فاطمه امها الثانيه صايره مرات اشوفها فيديوهات اطفال تبتعد تريد تستفرغ
مياسه :- شرايج اخذج صالون تسوين شويه تغيرات حتى تتغير نفسيتج
ترف :- ايع
مياسه :- لا حبابه الخاطري خلي نروح
سكتت تباوع الورده حسيتها موافقه ولمن شالولها خياط العمليه اخذتها وسويتلها تغير شامل صارت اية من الجمال وهيه تباوع للمرايه بقرف
شكد حاولت اخليها تحن ؏ بنتها ماكو شكد حاولت اخليها تشتاق لمهاب ماكو
جانت لا تشوف محمد ولا يشوفها اول مايجي تاخذ ورده وتروح للغرفه حتى ازهر تبتعد عنه قدر المستطاع وهوه ما فاهم يريد يلعب وياها او يسولف وياها مثل اخواته
لحد ان اندك الباب وازهر ركض فتحها جنه كاعدين نتغده سمعت صوت مهاب برا وهيه تخبلت هدت الخاشوكه وراحت للغرفه قفلت الباب واني طلعت المهاب فرحانه بجيته
كعد شويه وگـال
– ترف وين
مياسه :- نايمه
مهاب :-اتغدت
مياسه :- اي اتغدت ونامت
مهاب :- شلونها؟
مياسه :- احسن
مهاب :- يابعد عيوني
ترف :- كاعده ورا الباب مغطيه عيوني بيدي اردد ، لا لا حلم ما متزوجته شبيج جذب مو زوجج غير اخو مياسه واجه عليها غير اني عايشه يم مياسه لا ماعندي بنيه ولا مزوجه ولا اعرف مهاب ماعرفه صدكيني ماعرفه
للعصر واني بالغرفه اندك الباب بهدوء همست
– منو
محد جاوبني رجعت تندك بهدوء همست
– مياسه ؟
مهاب :- بس كلمه
سديت اذني بيدي صافنه بالفراغ
مهاب :- ترفه بس كلمه فتحيلي الباب احجي وياج ميت شوك يشهد الله خلي اشوفج
ترف :- جذاب يوميه تشوف صوري
مهاب :- ماتكفيني الصور عيوني مشتاكه تشوف طولج
ترف :- ماريدك روح
مهاب :- تكعد يمنه مياسه؟
ترف :- چؤ
مهاب :- تكعد يمنه ورده؟
ترف :- چؤ
مهاب :- وحدنه؟
سكتت ثواني وكمت اتقربت ؏ المرايه اباوع حب طالع بوجهي وهالاتي حالتهن حاله حلكي متروس حب صخونه لبست طوك ؏ شعري ورحت فتحت الباب رفعت راسي وهوه ذابت روحه رخه اكتافه وضيق عيونه مبتسم براحه
مهاب :- جنت ميت يشهد الله هستوني عشت
دخلت جوا وهوه دخل وراي طبك الباب اتقربلي وگال
مهاب :- عادي احضنج
ترف :- چؤ
مهاب :- زين نكعد نسولف
ترف :- يعني عندك سالفه مو فارغ؟
مهاب :- اي عندي سالفه بس خلي نكعد
كعدت ؏ دوشك وهوه كاعد بصفي صافن بعيوني هزيت راسي ها
مهاب :- مشتاقلج
ترف :- هيه هاي السالفه
مهاب :- ما اشتاقيتيلي
ترف :- لا ايع
مهاب :- ترف
ترف :- ايعع ها
مهاب :- اريد اكلج شي بس مو تخافين
ترف :- ماخاف من شي احجي
مهاب :- بس شو شعرج
ترف :- شنو
مهاب :- اوكفي لا تتحركين لا يطير
ترف :- شنو هوَ
نكثت شعري بيدي لزم ايدي وتقرب عليه مد ايده ؏ راسي وقربني عليه طابع شفته بشفتي ويبوس بشوغة قشعر بدني خانسه جوا مرخيه اديه ومغمضه عيني
فتحت عيني نايمه جوا يبوس بيه اتقرب يم اذني شواربه تتحرك بهدوء ؏ اذني همس انفاسه نار
مهاب :- احبج ام قاهرة
جسمي متشنج انفاسي عاليه گلبي ما جاي يهدى راح يطلع من مكانه هاي شبيه شوصلني لهنا مساع ماريده شبيه ساكته تحركي ترف تحركي يضحك عليج نسيتي السواه بيج ابتعدي لا تضعفين
مهاب :- خدرتي بابا
ترف :- اريد انام
لمني بحضنه يضحك يبوس بيه يلم بشعري ويبوس بكل مكان بوجهي
مهاب :- ميت بدونج
دفعته وكمت عدلت ملابسي وطلعت من الغرفه كعدت بالمطبخ ايدي ؏ عيوني سمعته سلم وراح دخلتلي مياسه مبتسمه تغسل بالمواعين
مياسه :- احميلج الاكل ما اكلتي عدل
ترف :- لا شبعت
مياسه :- الف عافيه
ثاني يوم هم اجه مهاب بقيت كاعده بمكاني وهمه كانما متقصدين اجو كعدو يمي وجانت قاهرة بحضن مهاب اريد اخلي عيني عليها وماكدر مدري منو يمنعني
ومن سمعتها بجت التفتت عليها اباوعلها مياسه اخذتها من حضن مهاب خلتها بحضنها كاعده بصفي ومهاب طلع من يمنه واني ساكته اباوعلها
بيضه وجها مليان نقط حمر عدها شعر قليل اشكر وحواجبها شكر مياسه خلتها بحضني وكامت واني فكيت عيني ع مياسه
ترف :- تعاي الله عليج تعاي
مياسه :- هسه اجي هسه بس اسويلها مميه
ترف :- اخذيها راح اشمرها
عافتني وراحت باوعت ؏ قاهرة تذكرني بورده من جانت صغيره بس مادري ليش هلكد ما متقبلتها
ترف :- يلا مياسه
مياسه :- هسه هسه سكتيها
ترف :- شسويلها
دنكت عليها اهز رجلي اسكتها ماتسكت بقيت احرك ابهامي بين حواجبها بهدوء شويه شويه بدت تسكت وتغفي الضحكه شكت حلكي كانما مسويه انجاز
ومن دخلت مياسه اختفت ضحكتي باوعت ؏ قاهرة بيدها مميه
مياسه :- فدوووه باع النومه شلون نيمتيها
ترف :- مادري هاج
مياسه :- لا خليها هسه تفز
ترف :- ضهري يوجعني هاج
مياسه :- حبابه خطيه
ترف :- وين راح هذا
مياسه :- مهاب
ترف :- اي
مياسه :- هسه اشوفه ليش تردي
ترف :- ايع لا
مياسه :- صدك بالله تكولين ايع ؏ زوجج
ترف :- مو زوجي ط***
مياسه :- يا يا عززززه
ترف :- ههههههه
عافتني وطلعت واني بقيت كاعده وقاهرة بحضني لحد ان ضهري انكسر من الكعده كمت ؏ حيلي شايلتها بحضني اديه يرجفن نيمتها ؏ فراش وخليت من كل جهة مخده
وطلعت ادور ؏ مياسه لكيتها كاعده بالحوش تشرب جاي دغيتها بكتفها
ترف :- تضحكين عليه انتِ وين مهاب
مياسه :- ولج وين الطفله
ترف :- نيمتها
مياسه :- يمه يمه راحت البنيه انسحكت
عافتني وركضت لجوا هزيت ايدي مستهزئه كعدت ؏ الكرسي بمكانها انفتح باب الشارع ودخل محمد زوج مياسه واني طفرت والكرسي انكلب بس شافني دنك ملتفت يصيح
محمد :- يااللله
ركضت لجوا دخلت يم مياسه وقفلت الباب كعدت بصفها اصيح
– مياااسه مياسه ، وهيه فكت عينها متخبله
مياسه :- شكوووو شكووو شبيج خبلتيني شكو
ترف :- ماكو شي
مياسه :- صدك بالله ترررف
عافتني وكامت طلعت برا وكفت يم الباب اسمعه يصيح
محمد :- مو بيتييي الى متى ابقى اسمع المنطقه كلها اني اجيت للبيت شنو السالفه يابه بالعباس فزيت فزه عبالي داخل البيت الجيران بالغلط
كعدت ساكته اباوع القاهرة وين اروح دخيلك ياعلي هيج تسوي بيه جا مو انتَ ابو اليتامه شو تيهتني ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.