رواية القسوة تشع من عيناه – الفصل الخامس عشر
بارت 15
مهاب اجاني يركض احس بحراره احتلت افخاذي خدر كل شي بجسمي وباب الشارع تندك حيل
ركض مهاب جابلي شال لبسني وشالني للسياره فتح باب الشارع يريد يطلع السياره وشفت صديقه عباس يسأله خير مستغرب
ما جاوبه اخذني للمستشفى واني بنص الطريق وفقدت الوعي
وفتحت عيني اون من وجع بطني اسمع الدكتوره تحجي ويا مهاب
– راد يصير عدها اسقاط بس الحمد لله لحكت وهسه انطيناها مثبت حمل وصحتها تعبانه حيل لازم تاكل هواي وداري نفسها لا تبقى واكفه هواي لازم ترتاح تنام تمد ضهرها
مادري ليش ما جاي يعوفني هذا الطفل كانُ متعلق باحشائي ورايد يجي الهاي الدنيا غصبًا عليه يمكن مكتوب اولد هذا الطفل وحرام أذي لان ربي رايد هذا الشي
كومني مهاب طلعت برا كعدت ؏ الكراسي وهوه راح للصيدلي يشتري العلاج بالوصفه شويه و اجه گـال
مهاب :- ها تكدرين تمشين
ترف :- اي اكدر لمحت عباس اجه يركض رافع دشداشته بتك ايد وطالعه رجله كلها شعر يصيح
عباس :- ها يا ابو قاهر ابشر صبي ولا نثيه
وكف يم مهاب يلهث من الركض گـاله
مهاب :- اكيد نثيه
عباس :- عا وينها خلي اشوفها حتى اخطبها لابني
مهاب :- جيب ابنك اول ما ننطي بتنه لواحد زعطوط اصغر منها
عباس :- ها تحبون الجبير
مهاب :- عبيس شطحت النيه
عباس :- لا صدك خيركم
مهاب :- روح ما نحتاجك
عباس :- لا الله عليك كول محتاج شي رايد شي
مهاب :- مشكور بعد عيوني ما قصرت باللحظة الاخيره وصلت
عباس :- هههههه والله ازدحام الشوارع
مهاب :- اشاقه حبيبي الله وياك تسلم جائز بليل انه يمك
عباس :- هلا بيك
مشه كومني ورحنه للسياره وبنص الطريق گلت
ترف :- مشتهيه كيكه
مهاب :- هسه انزل اشتريلج الكيك وابو الكيك
طبك يم محل كيك نزل واجه خله بحضني كارتونه كيكه فتحت الكارتون وشفت شكلها يموت حرفيًا ؏ المرام
ترف :- عمو
مهاب :- ها عمو
ترف :- اشتهيتها شلون اكل ماكو سجينه
مهاب :- انتظري راح نوصل للبيت
ترف :- ما اتحمل جفن عيني يحكني
مديت ايدي واكلت باديه ضحك وگـال
مهاب :- والله بويه مو ثريده هاي
ما اهتميت اله قرب وجه يمي عينه ؏ طريق
– ضوكيني بالله
ترف :- والله نقطه ما انطيك ايع
سكت مبتعد اكلت مامهتمه لمشاعره التفتت عليه امص باصابعي باوع عليه ورجع يباوع للطريق بلع ريگه العرك نزل من بين شعره
ترف :- شبيك
مهاب :- اكلي عدل
بقيت امص باصابعي وباوعله اطلع صوت امطك فك عينه عليه
مهاب :- هاي شبيج شجاي تسوين
ما جاوبته طبك يم البيت مسحت اديه بالكلينس ونزلت فتحلي الباب دخلت وهوه رجع السيارته دخلت انطيت الكيكه الورده وصعدت للغرفه وام رافت تصيح وراي
ام رافت :- شصار تعاي احجيلي ولج لا تصعدين الدرج كتلتيني كعدي يمي اخوف اني خاف وحش ومادري بروحي
غلست عليها صعدت غسلت اديه ورحت كعدت ؏ كرسي مكابله المرايه بس اباوع ؏ جسمي تلعب نفسي اباوع بوجهي
رفعت ملابسي وفليت الشاش وكفت ؏ حيلي اباوع ع جروح يابس عليهن الدم رجعت لفيتها كاشه روحي
وبالغلط رفعت عيني الوجهي بالمرايه بقيت صافنه صفنه مليانه تفكير وكره وحقد وشر اكره هذا الوجه اكرها صايره اغلط واسب وصل بيه الحال اكفر بالعلاقه اني ومهاب صايره شيطان صايره مثل ابوي صايره مثل الناس الجنت ادعي الله يعذبهم عذاب أليم
معقوله وصلت لهنا شوصلني هذاك اليوم امي تمشطلي هذاك اليوم اخاف من صوت ابوي هوَ ويفشر هذاك اليوم اكول لامي ليش ماتطلكين صرت مثلها؟
عشت حياتها جربت الجربته ليشش مو جنت متخيله ابوي يموت ونعيش اني وامي ورده وحدنه نعيش احلى عيشه ليش وصلت لهنا ليش
لگيت المكص بين ايدي ولازمه شعري اكص بيه واكص لحد ان حسيت المكص يطخ باذني التفتت اباوع الشعري كله مكصوص بشكل مبعثر شعره طويله وشعره كصيره
اريد اتغير ماريد اشوف ترف القديمه ماريد تلعب نفسي اكرها ان شاء الله اموت الله ياخذ عمري الله يطم هاي الملامح بالتراب
سحبت شيشه عطر زجاج وشمرتها بالمرايه الشيشه انكسرت والمرايه صار بيها فطر قليل
رحت قفلت الباب وطفيت الضوه وكعدت وحدي بنص الغرفه مبتسمه صرت احس هاي احلى كعده بحياتي ظلام وحدي لا اشوف جسمي ولا وجهي ولا واحد كبالي
اسمع صوت الأذان وام رافت اصيح ، ولج طلعي كتلتيني ليش كاعده بغرفه ظلمه
تخلي ورده تصعدلي تشوف من جوا الباب الغرفه ظلمه وتكللها ومن ادك الباب ما اجاوبها لمن تمل وتروح
تمددت اتلمس بشراين ايدي شكد حلوات مال اكطعهن
غمضت عيوني ادردم بصوت ناصي باغنيه دوم يغنيها مهاب لو يشغلها بسيارته
التفتت ؏ جهة الثانيه هاي اول مره اسويها صوت الجوامع تكبر واني اغني ضربت كصتي حيل اهمس بيني وبين نفسي ، ماتدرين شكد اكرهج مطيه
9:30 انفتح الباب عنده نسخه المفاتيح كل الغرف شغل الضوه وفز فاك عينه ؏ شعر بالكاع والكزاز والغرفه مليانه عطر والمرايه مفطوره ونومتي الجنه واحد ميت فاتحه اديناتي ؏ وسعهن اباوع الردة فعله واضحك
الثواني بردت ملامحه اتقرب عليه لمني الصدره يبوس بخدي واني اضحك بصوت عالي لزم شعري گـال
مهاب :- الله حلو
باسني بخدي وگـال
– لو انتِ محليته
ترف :- كو***
مهاب :- ماتصيرلج جاره كومي اكلي
ترف :- ماشتهي
مهاب :- لازم تاكلين بويه
ترف :- ماريد عوفني
مهاب :- لا اله الا الله ترف
ترف :- حتى ؏ الاكل تجبرني كلت ماريد كاااافي
مهاب :- ترف يابويه ياعمو ياخالو بعد شتردين اكلج بس كومي اكلي علمود بنيتي اكلي خطيه هسه تكول ليش ماما ماتحبني وما توكلني
ترف :- ماحبها ان شاء الله اموت ماريدها
مهاب :- كومي اتسممي بت ****
دفعته وكمت نزلت جوا شعوري واني شعري كصير احس نفسي بلا ملابس طالعه
كعدت ؏ الكرسي جايب اكل جاهز ورده فكت عينها عليه وام رافت لطمت ؏ صدرها شاهكه
ام رافت :- يااااربي استررر شمسويه بشعرججج
لزمت شعري اضحك
– اغير نفسيتي
ام رافت :- تغيرين نفسيتج بشعرج لا هاي الناقصه صرتي زعطوطه رسمي لا شعر ولا جسم
دنكت اكل ساكته ورده فرت كعدت يمي تباوع الشعري عيونها يلمعن
ورده :- حتى اني كصيلي هيج
هزيت راسي موافقه دخل مهاب كعد ياكل وام رافت كوه تبلع اللكمه تتحركن
ام رافت :- سكتت الها انتَ باجر عكبه تطلع **** هم تسكت الها
محد جاوبها باوعتلها اضحك اهز راسي متأسفة ؏ تربيتها الخيسه التفتت اوكل ورده رفع راسه مهاب وصاح
مهاب :- اكلي انتِ عوفي ورده تعرف تاكل شبيج ملگوفه بويه
ترف :- انتَ شعليك اريد اوكل اختي
مهاب :- جا اني ليش ما داريني هيجي
ترف :- ما تستاهل
مهاب :- صدك كلامج والله
ترف :- لو اعرف اهلهل جان هلهلت طلعت تعرف روحك بس لو افهم امك شتوحمت اشافت من جابتك
مهاب :- جان تباوع فلم ويجيبون بيها
ام رافت :- مهاااب مو كاعدين ناكل
ترف :- فلم شنو
مهاب :- بعدين اشوفه الج
ترف :- متحمسه اشوفه حتى اعرف ليش انتَ هيج
ورده :- حتى اني اريد اشوف فلم وياكم
مهاب :- ههههههه
ام رافت :- مو احنه كاعدين كافييي ترا مو وحدكم بالغرفه
مهاب :- اححح وحدنه بالغرفه ، وج ترفه اكلي عدل شكيتي جدي
ترف :- خليني اتسمم براحتي حتى من اتسمم تشتهيني ابن ال …
سكتت اباوع لام رافت ماغلطت لان كاعده
ورده :- حتى اني من تاكلين اشتهي اكل
مهاب :- شوفي حتى ورده تتفق وياي
ام رافت :- كافي بس تحجون نريد ناكل مثل البشر شهلدوخة الراس
ترف :- والله ابنج بس يحجي بالع مسجل
مهاب :- اليوم تعرفين وين احطه الج المسجل
ترف :- احطه بـ …
سكتت لان ورده كاعده
مهاب :- هههههه
باوعت لام رافت خازرتنه ورده شبعت واني شبعت وراها كمت غسلت واخذت ورده صعدت لفوك دخلت للغرفه ام جربايه نفر حضنتها وبستها
ورده :- وين عفتيني اليوم رحتو لماما
ترف :- لا رحت للطبيب
ورده :- ليش شبيج انتِ مريضه
ترف :- وردتي تعرفين شنو يعني حامل مو
ورده :- اي يصير طفل بالبطن
ترف :- زين شنو رأيج اذا جبتلج طفل صغيرون و حلو تلعبين ويا
ورده :- انتِ تجيبين
ترف :- اي
ورده :- بس مايصير انتِ صغيرونه لمن تصيرين بكد ماما يصير عندج طفل
ترف :- لا عادي غير اتزوجت لازم اجيب طفل
ورده :- ليش شلون يصير طفل اذا اتزوجتي
ترف :- اني جبت حب من الدكتوره وبلعته وصار عندي طفل بطني
ورده :- راح تحبي اكثر مني
ترف :- لا يشهد الله اجيبه وانطي لابو معليه بي بس انتِ بنيتي احبج اكثر من كلشي موجود بهذا الكون
ورده :- هوَ حلو صغيرون من يكبر يلعب وياي
ترف :- اي تلعبين ويا وتوكلي وتنيمي يمج هنا حتى ما تخافين وحدج ونسويله ممه ونشتريله ملابس
ورده :- شوكت تجيبي
ترف :- بعدين لمن تصير بطني جبيره هلكد
حضنتني تبوس بيه وتلعب بشعري مبتسمه
ورده :- شنسمي
مهاب :- شجاي يحجون الجماعه
ورده :- ترف عدها بيبي
شالها لفوك يضحك يباوع بعيونها
– غير تفضها وتجيبه النه
ترف :- نزل ورده
نزلها وهيه تضحك وجها وردي من الضحك رفعت اديناتها
ورده :- بعد شيلني بعد
شالها وشمرها ؏ جربايه صار فوكها عاصر خدودها يبوس بعيونها دفعته متخبله راسي نصه خدر ضربت ورده ؏ رجلها اصيح
ترف :- كااافي
مهاب :- وج ترافه گلبي شيبتي گلبي يشهد الله بنيتي ورده ، لو تردين اشيلج مثلها
شحجي ويا سكتت تقرب عليه يريد يشيلني دفعته
– شبيك وخر
ابتعد وطلع من الغرفه بقيت كاعده ويا ورده للـ12 تقريبًا وسمعت مهاب صاحني اروح برجليه احسن مايجي ياخذني سحل
نيمت ورده بمكانها طبكت الباب ورحت الغرفه مهاب منظفها كام ؏ حيله قفل الباب رحت كعدت ؏ جربايه شعور مقرف اني ويا وحدنه بغرفه ومقفوله الباب علينه
طفه الضوه جاب لابتوبه شمره ؏ جربايه نزع قميصه وكعد ؏ جربايه رخه ضهره ؏ تاج الجربايه سحبني الحضنه خليت راسي ؏ صدره باس راسي وفتح الابتوب
مهاب :- خلي نشوف الفلم الكتلج عليه
سكتت اباوع دخل ؏ موقع مليان فيديوهات اباحيه بلعت ريك نفسي لاعبه من صور الفيديوهات دخل ؏ واحد منهن ونزل ايده ؏ صدري كشت روحي غمضت عيوني عاصرتهن حيل نار وجت بيه
كلشي انعاد بذاكرتي ابوي الشرب الفيديوهات لمساته خوفي كمت عن صدره وضربته ؏ وجها حيل اضرب اضرب روحي مفرفحه شلت الابتوب وشمرته بالكاع وركضت للباب نسيت قافلها افتح بيها ماتنفتح التفتت شفته لازم خشمه فاك عيونه
ترف :- انطيني المفتااااااااح
اجاني واني اتخبلت اريد اشرد منه عقل ما بقى براسي لزمني حيل غمضت عيوني بقوه خايفه يضربني بس يريد يهديني واني متخبله ادفر برجلي اصرخ ضمني ؏ صدره حيل
مهاب :- اسف بويه اسف
ترف :- وخرررر عني اكرهككك وخر ايدككك
ابتعد عني جر لابتوب وشمره بالكاع ثنه رجله وكعد يضرب بيده الابتوب اسمع صوت انفاسه العاليه الكيبورد اتفلش والشاشه اتفلشت وايده كامت تنزف سوا شقف بالضبط نفس حالتي اخذ منه الكيبورد والشاشه وجماله لو مهما يصلحه ما راح يرجع يشتغل حتى لو اشتغل ما راح يرجع نفس قبل
كام منه ونام ؏ جربايه حط معصم ايده ؏ عيونه والثانيه ؏ بطنه تنزف دم
خنست دموعي تنزل ؏ خدي دقايق وكام اجه عليه واني تخبلت اصرخ اضم بروحي ورا الكنتور
مهاب :- بس اهدي والله ما أذيج
سكتت كعد گبالي لزم اديه يبوس باطنهن
مهاب :- ترف جاي أذيج هواي والله عبالي تحبين هيجي شي وراح تخدرين احاول اخليج ما تتأذين بس مادري ليش كلشي جاي يصير عكس
ترف :- يا يوم ما أذيتني كرهتني بعيشتي خليتني ادخن افشر اغلط ما احترم ماطيق اشوف بشر كل هذا من وراك وهسه جاي تريد تعلمني اشوف هيج فيديوهات اني اكرهن ماريد اصير مثل ابوي ماريد كرهت روحي حرام عليك
لمني الحضنه حيل يمسد ؏ ضهري
– اسف والقران بعد ابد ماراويج هيجي فيديوهات والله وداعت فاطمه الزهراء اسف بابا اسف شسويلج وترتاحين ها يابعد اهلي
ترف :- عوفني لا تتقربلي واني ارتاح
مهاب :- ميخالف بعيني بس لا تبجين كتلتيني لا تبجين
مسح دموعي يبوسني شالني نيمني ؏ جربايه يبوس براسي
ترف :- ولا فد يوم نمت واني اضحك دوم انام ؏ بواجي
مهاب :- بعد ما ابجيج كومي تردين نطلع نتونس ششتريلج ها حبيبي شجيبلج تردين نروح لمياسه باجر لو وين تردين
ترف :- اريد انسه الشفته روحي لاعبه اريد يروح من بالي
جاب موبايله وسحبني لحضنه يبوس براسي طلعلي افلام كارتون ضهري اله وايده جوا راسي بنفس الايد لازم موبايله وايده الثانيه تلعب بشعري
بقيت اباوع وهوه يحاول يضحكني انسى واندمج بس الثواني اتذكر الفيديو الشفته والمغص ما يفاركني روحي لاعبه
ترف :- لا تأذيني والله اموت
مهاب :- شتحبين اشتريلج ملابس لعابات سوارات شتردين ها بويه
ترف :- كلشي ماريد
مهاب :- راح اشتريلج فستان وردي
ترف :- ماريده
مهاب :- جا شتردين يابعد اهلي انطيج روحي
ترف :- اريد امي
مهاب :- اصير امج
ترف :- ماطيق فكرة اعيش وياك للابد اكرهك
مهاب :- ولج بويه شيبتي گلبي جعل يومي قبل يومج ليش تبجين كافي مسحي دموعج
ترف :- اريد ورده
مهاب :- كومي بويه مسحي دموعج وكومي
مسحت دموعي وكمت ويا اخذني الغرفه ورده فتحت الباب ودخلت لكيتها كاعده ؏ جربايه تبجي عيونها حمر وبس شافتني بجت بعلو صوتها
ورده :- اريد امييييي
بعد ماعندي طاقه كعدت بصف الباب انهد حيلي رجليه ماتن شبقى بيه ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.