رواية القسوة تشع من عيناه الفصل الرابع عشر 14 – بقلم الكاتبة زهرة

رواية القسوة تشع من عيناه – الفصل الرابع عشر

بارت 14

فكيت عيني الغرفه فارغه واني وحدي نايمه ؏ جربايه ومتغطايه والغرفه نظيفه ومرتبه السبلت مشتغل ومطفي الضوه

 

اتلمست بطني شايغه روحي من الوجع ملفوفه بشاش لزمت راسي باثنين ادين ابجي

 

ابجي ؏ ضعفي ابجي ؏ حياتي ابجي ؏ عزيزة گلبي الراحت ابجي ؏ ايامي الجنت ما احمد الله عليهن ابجي ؏ ورده ؏ الوجع البيه ؏ مهاب الي الله مجاي ياخذ حقي منه

 

بقيت ابجي وابجي وابجي لمن انفتح الباب بهدوء مدت راسها ورده ومن شافتني كاعده ابتسمت

 

ركضتلي حضنتني تبوس بيه ابعد ايدها عن بطني خايفه تلچمها

 

ورده :- حبيبي مريضه

 

ترف :- منو كالج

 

ورده :- عمو مهاب گال ترفه مريضه خليها نايمه كلتله عمو ليش ترف اصيح گال ماتريد تضرب ابره تخاف

 

هزيت راسي اي باستني براسي تباوع للغرفه اتقربت يمي وشاورتني

 

ورده :- غرفتج حلوه

 

هزيت راسي اي غمضت عيوني جريت النفس وزفرته ارد ابجي بيه غصه بس شيطلعها

 

ترف :- ورده

 

ورده :- ها

 

ترف :- نزلي جيبيلي سجينه من المطبخ

 

ورده :- ليش

 

ترف :- روحي جيبي وتعاي اكلج شراح اسوي

 

هزت راسها موافقه كمت ؏ حيلي فتحت المجر طلعت علاكه مال صيدليه بيها اشرطه حبوب كعدت وخليت العلاكه بحضني روحي تشيط من احرك جسمي

 

دقايق وسمعت صوت ورده تبجي مفرفحه عقل ما بقى براسي اريد اجدامي يوصلن الها ماكدر ماتن رجليه

 

ورده :- تررررف

 

هبطت روحي جريت البدي من صدري اريد اجر النفس وصلت الموت دخيلك ربي ولو نسمة هوى

 

دخلتلي ورده تبجي مفرفحه وخدها احمر مضروبه لطمت ؏ وجهي باثنين ادين خلي يضربوني ولا يضربوها ماريد شخصيتها تضعف ماااريد

 

ورده :- خاله مها ضربتنيييي

 

بدون وعي نزلت اركض متخبله لزمتها من ياخه دشداشتها رافعه رجلي عيني بعينها

 

ترف :- يابه انتِ منو حتى اطكين ورده؟؟

 

مها :- اني اسوه راسج وراس اهلج

 

ترف :- يكرم الله ماتسوين نعال مكطع

 

مها :- احجي شتردين احجي راح اسكتلج لان ما مربايه وخطيه اهلج ماتو ومهاب ماخذج يدك بيج وياخذ حاجته وخدامه جوا رجلين امه

 

نار وچت بيه هديتها والتفتت ؏ الچدر ؏ الطباخ شلته باديه واني ماحاسه بوجعهن رفعته وشمرته عليها تشريب يصلخ نار

 

من كد ما يصلخ ملابسها لزگن ؏ الجلد صرخت صوت هز مسامعي وام رافت دخلت ادك وتلطم والجهال صارت صريخه

 

الحمدلله جان رافت موجود اخذها للمستشفى يركض بيها وهيه ماتت انتهت معقوله الهاي الدرجه بعد ما اخاف وماعندي ضمير ولا انسانيه معقوله راح تموت بسببي معقوله هذني الادين صارن يكتلن معقوله ومعقوله الى ان حسيت عقلي انفجر من كميه التفكير ..

 

ركضت للغرفه التنام بيها ورده قفلت الباب وكعدت خانسه لامه رجلي الصدري فاكه عيني ؏ الباب

 

وبقيت ؏ وضعي لا طلعت ولا حجيت ولا بجيت لليل ضهري انكسر وضوه الغرفه مطفي ماريد اكوم اشغله كاعده بالظلمه وحدي والافكار الشيطانيه ما فاركت عقلي جنت ادعي تموت واكو شخص ثاني بداخلي يكول حرام وما قابل

 

وبقيت وحدي بالظلمه لامه رجلي الصدري ومبتسمه بشر لحد ان اتمددت وغفيت ؏ صوت ام رافت اصيح برا

 

ام رافت :- ولج طلعي من هاي الغرفه راح تموووتين ولج نعلعلا ابو الوكت خلاج يمي وحامل بابن ابني ولج اذا جبتي هذا الطفل ؏ خير وسلامه اطلع مخبله وتعاي تفلي بكصتي

 

فزيت ب12 معدتي كطعتني من الجوع بقيت اتكلب بمكاني البيت هدوء لحد ان سمعت باب الشارع انطبك اتقربت ؏ باب الغرفه اتنصت منو اجه

 

ام رافت :- صلوات ؏ محمد وال محمد شرف العريس اطكها بهلهوله

 

مهاب :- *** اخت العريس الله يطيح حظه اليتزوج *** الحياة

 

ام رافت :- والله تفشر بوجهي اني امك والله وسفه وهضيمه

 

مهاب :- يابعد الروح تعبان وداعت عيونج عذريني

 

ام رافت :- واني اريد احجي وياك تكلي تعبان

 

مهاب :- خير ان شاء الله سولفي

 

ام رافت :- مرتك ترف

 

مهاب :- شمسويه

 

ام رافت :- حركت مرت رافت بجدر تشريب وهسه المره منوميها مستشفى

 

صار هدوء ابتعدت لورا اضحك وحدي راح يضربني ادري بي راح يضربني شسوي شسوي وين اروح راح يضربني

 

دقايق وانفتح مقبض الباب مانفتحت قافلتها من يمي دكها بهدوء همس

 

مهاب :- حبيبي ترف

 

سكتت ما جاوبته رجع يدكها بهدوء يكح تعبان

 

مهاب :- فتحي الباب بويه احجي وياج

 

ترف :- جذاب تريد تضربني

 

مهاب :- لا حبيبي ماضربج بس فتحي الباب

 

ترف :- هههههه والله تضربني

 

مهاب :- يشهد الله ماضربج فتحي الباب بويه ليش الغرفه ظلمه

 

ترف :- ما ما والله ما ، ماحركتها هيه احتركت وحدها

 

مهاب :- حركت المطايه فتحيلي الباب حبيبي لا تخافين

 

ترف :- تؤ تؤ ما افتحها

 

صار هدوء ثواني وسمعت صوت مفاتيح انفتح الباب ودخل طبك الباب والتفت يضوي عليه بشاشه التلفون وصل يمي واني عاصره روحي عصر مستعده للطكه

 

كعد بصفي شمر الموبايل بالكاع وحضني الصدره يبوس براسي

 

مهاب :- بويه صيحي احجي غلطي بس لا توصلين لهاي المرحله تشوهين جسمها وتأذيها ترا بعدين تتأذين

 

ترف :- والشوه جسمي واذاني وغيرها وغيرها تندم لو بعده

 

مهاب :- يتمنى تسامحي والله لو يرجع الوكت مايعيدها ، ترف سامحيني والله جنت مو بوعي اليوم

 

ترف :- لو تموت

 

مهاب :- شسويلج وتسامحيني

 

ترف :- بس عوفني بحالي

 

مهاب :- شوكت تسامحيني ترفه

 

تذكرت الجروح البطني الي مستحيل يروح اثرهن تنهدت وگلت

 

– لمن يختفن هذني الآثار البطني كلهن هيج نقطه منهن مايبقى بهذا اليوم راح اسامحك

 

مهاب :- لا ترف جاي اتأذه تعبان انه

 

ترف :- عادي أذيتني هواي اتحمل

 

تقرب ؏ شفايفي يبوسني بهدوء تقرب يم اذني انفاسه نار

 

مهاب :- ترف صايره فد نوب ، هاي انتِ اول واحد يراددني واسكتله

 

خنست نزل ؏ ركبتي يبوس بيها يرفع شعري من وجهي

 

مهاب :- اتحملي بس يوم واحد اتحملي

 

اتقربلي بهدوء واني خنست جوا انفاسي نار قرب اصابعه الشفايفي درت وجهي الغير جهة روحي لاعبه

 

مهاب :- اشش بويه اش فتحي حلكج يلا يلا اششش

 

ترف :- ايععع ماريد

 

مهاب :- غصبًا عليج تردين يلا لججج

 

دخل اصابعه بحلكي لزمت ايده باثنين ادين وعضيت اصابعه بكل قوة باسناني وهوه يريد يجر ايده مايكدر لازمتها بكل قوتي

 

لمن حسيت طعم دم بحلكي فتحت حلكي اكح لاعبه روحي لزم اصابعه يضحك بعلو صوته

 

مهاب :- بت الشريفه طلع دم شنو من اسنون عندج ها ولججج

 

ترف :- اكرهككك لو تموت ما اسامحك لو تبجي دم

 

مهاب :- والعباس ماتعوفيني

 

التفتت ؏ صوت تلفونه يتصل واحد مسمي ، صديق السوء

 

سحب تلفونه يمص بالدم باصابعه ويباوع عليه مبتسم سمعت صديقه گاله

 

– تجي نشرب؟

 

مهاب :- لا تعبان

 

ترف :- روح حباب اشرب بطلين

 

سد المكالمه وكام ؏ حيله شمرلي مخدتين سحب بطانيه شغل السبلت ونام بصفي جرني الحضنه منيمني ؏ ايده وهوه طابك مخدتين جوا راسه

 

حضني يبوس براسي يهمس ، اسف ما اسيطر ؏ نفسي مادري بروحي من أذيج اسف بويه

 

خنست ساكته لمن غفيت وكعدت الصبح شفته نايم ؏ بطنه واني بعيده عنه فاتحه اديناتي ع وسعهن ونايمه عبالك ميته

 

رحت غسلت وبطني انلوت لزمت المغسله باثنين ادين خايفه اوكع غمضت اتخيل مهاب وراي يبوس بيه صوت بوساته سون عندي جالي واستفرغت اتلفت محد يمي

 

؏ صوتي دخل مهاب غسل وجهي يرفع بشعري

 

مهاب :- استفرغي يابعد حيلي استفرغي

 

ترف :- بطني توجعني

 

مهاب :- تسبحين ترتاحين؟

 

ترف :- لا لا بطني

 

خليت ايدي ؏ بطني عندي جالي مو طبيعي طلعني نيمني ؏ جربايه ورفع فانيلتي يتلمس بطني من فوك الشاش باسها وگـال

 

مهاب :- بنيتي لا تأذين الفصمه مالتي

 

ترف :- اريد امي

 

باوعلي بتعب اجه عليه نزلني جوا شفت ام رافت كاعده ؏ التخم كعدني يمها گالت

 

ام رافت :- ها خير

 

ترف :- خاله بطني كطعتني

 

خزرتني ودارت وجها نزل مهاب لمستواها باس ايدها مبتسم بوجها التفتت الي وجرتني نمت ؏ رجلها خلت ايدها ؏ راسي تقرأ عليه المعوذات

 

كام ؏ حيله مهاب صعد للغرفه گالت

 

ام رافت :- لا تخافين الأم الحمل ، ترحين للطبيب

 

ترف :- لا هسه اصير زينه

 

بقيت نايمه ؏ رجلها ايدها دافيه جنها ايد امي ياروحي يايمه شكد مشتاكه لشوفتج

 

مهاب نزل سابح ومبدل باوعلي لزم بطني وگـال

 

مهاب :- شلون صرتي فصمه

 

ترف :- زينه

 

ام رافت :- اكلك يمه ماتاخذني بطريقك البيت اخوك رافت اشوف مها شلون صارت شصار ما صار

 

مهاب :- ميخالف حضري روحج هوَ اني اريد امر عليهم

 

كعدت وام رافت كامت ؏ حيلها راحت للغرفه تبدل ومهاب واكف كبالي يهز بالسويج بيده عاض شفته الجوا مركز بشفتي درت وجهي وهوه كعد بصفي حضني الصدره يحرك ايده بهدوء ؏ رجلي

 

ترف :- شبيك عمو

 

مهاب :- احححح من زمان ما سامع عمو ولج ترافة گلبي شوكت تبطلين تكولين عمو

 

ترف :- من تبطل ***

 

مهاب :- شو صايره تحجين كل شي بالقلم العريض

 

دنكت العب باصابعي اريد اكوم من حضنه لازمني يباوع بوجهي بلعت ريك بعد ماعرف شسوي

 

مهاب :- اشتعلت

 

درت وجهي عليه اباوعله من فوك لجوا
– ماكو نار

 

مهاب :- يابعد اهلي تروحلج فدوه مها وعشيرة مها

 

ترف :- خاف سكران

 

ضحك بعلو صوته باسني بخدي وطلع برا ورا بشويه طلعت ام رافت تلف بعبايتها وتوصي

 

ام رافت :- مو تلعبين بالنار سدن بابجن واكعدن انتِ واخيتج مو تلعبن بالكهرباء

 

ترف :- شسالفه ترا اعرف

 

ام رافت :- اي ديربالجن مهاب هم ما يتاخر شويه ويجي

 

هزيت راسي موافقه طلعت واني رحت اسوي ريوك والتفتت ؏ صوت ورده

 

ورده :- صرتي زينه

 

ترف :- ياروحي وردتييي تعاي تعاي الحضني بنيتي

 

ركضتلي تضحك خجلانه لان هيج اعاملها بستها بخدها حيل ودي اكلها

 

ورده :- لعد وين خاله ام رافت

 

ترف :- طلعت شويه وبعد تجي

 

ورده :- ترررف اريد ثوب وحذاء وقراصات ماعندي ملابس حلوه

 

ترف :- والله اشتريلج بعيني بس لازم اول تاكلين كل اكلج

 

هزت راسها موافقه البيت فارغ ماخذين راحتنه شكد لعبنه وضحكنه وكل ما تصفن ورده تكول

 

ورده :- هم يصير عدنه هيج بيت وهيج اكل بالثلاجه وماما غرفتها مثل غرفة ام رافت ونلعب وياها وتسويلنه اكل امي

 

اجاوبها ، ان شاء الله واسكت

 

ورا الغده شغلنه التلفزيون وطلعنه قناة اغاني اطفال عليته كله ورده تكمز طايره من الفرح ماخذه راحتها جانت تخاف من ام رافت

 

بقت تلعب وتصيح وتكمز ؏ التخم لمن تعبت وجها احمر صار كعدت ؏ تخم تضحك تكح

 

خلت مخده ونامت تباوع ؏ تلفزيون لمن التفتت عليها لكيتها بسابع نومه

 

ابتسمت غطيتها ونزلت بالكاع كعدت مرخيه ضهري ؏ تخم سمعت الباب انفتح ودخل مهاب كعد بصفي باوعتله ورفعت عيوني بضوجه وانداريت اباوع ؏ تلفزيون شجابه هذا مو يبقى للعصر

 

مهاب :- شو ما عاجبج

 

شبكت ايدي اباوع كرهت الجاي اشوفه بعد مالي واهس كلت هسه يكوم درت وجهي باوعتله وصارت عيني بعينه

 

مخلي ايده ؏ تخم وراي وجفه ؏ راسه بين اصابعه الجگاره صافن عليه ومن التفتت اخذ حسره والتفت ؏ تلفزيون

 

سحب ريموت من حضني وگلب القناه طلع اخبار وجان طالع ؏ رجال مكتول بطلقة تايها اتنهد وگـال

 

مهاب :- يوم الالي

 

باوعت بعيونه عافني وكام للغرفه وبعد ما نزل بقيت بالصاله للعصر وطلعت للحوش الجو حار فتحت الحنفيه وكفت اغسل بالحوش

 

ورده كعدت واجت تلعب بالمي وتمسح بالماسحه عود تساعدني تدخل جوا الصونده وتضحك فرحانه

 

اندك الباب والمفتاح مو عندي دخلت صحت المهاب ونزلت وهوه نزل وراي فتح الباب دخلت ام رافت جوا ومهاب بقى واكف باب المطبخ يدخن مضيق عيونه بتعب باوع الورده وگـال

 

مهاب :- امشي طبي جوا راح تتمرضين جنج عصفور مهلس

 

ترف :- عوفها معليك انتَ

 

مهاب :- اششش لا حلگج ينشك

 

ترف :- ورده دخلي جوا هسه اجي اني

 

عافتني ودخلت لجوا درت وجهي اغسل بالكاع حسيت مهاب يتقرب مني التفتت گـال

 

مهاب :- اححح اعشق ترافة گلبي اوفيششش باع الشعر باع الجسم

 

كام يصوفر واني مشيت احس وجهي يوچ نار من الخجل ماحس اله متعثره بالصونده مال مي وكعت وصرخت بعلو صوتي بطني كطعتني تكطع صار عندي نزيف حاد والدوخه لزمتني ..

 

 

الفصل التالي اضغط هنا

يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.