رواية تراث النهروان – الفصل الثلاثون
part-30
ماكعد ولا تحرك لو رمش من عينه اباوعله وكلبي
مقبوض وروحي مفرفحه عليّ، دخل بـرهــوم وكال
– يله حبيبي عزيز نعس وتعب وعلاجج لسه ما اخذتي.
– بـرهــوم شوكت يكعد تُـــراث؟
– ان شاء الله ما يطول اكثر ويكعد.
اجه لزم ايدي، كمت وطلعنه من الغرفه واني عيني عليّ
باوعت على بـرهــوم ولزمت ايده حيل وهمست
– زين حاجي الدكتور يجيبة للبيت اني اداري.
– ميصير بــــراء هي غير جلطه ياعيني بكيفنه نجيبة للبيت
عاد هنا ممرضين ودكاتره يشوفون حالته لا تسوء
لا سامح الله شلون نجيبة حتى ما يقبلون.
تنهدت وسكتت اجه عزيز من يم الولد لزم ايد ابو
مشينه للسيارة ورجعنه للبيت، طبيت واحس من شفته
گـلبي انقبض بيتنه صار كئيب وياخذ الروح
جان
صوت تُـــراث وقمر بالبيت مسوين بي روح
جريت
حسره وذبيت عباتي وكعدت على التخم بالهول
اجه عزيز يمي وبـرهوم راح للحمام
يسبح
عزيز- مامااا طيني تلفونش.
– لا ماما شوف عيونك من المُبايل شلون صايرات.
– ماماا حباابة.
– عزيزز!
باوعلي وكلب وجهه عود زعل كعد على التخم كدامي
وحضن رجلية لـ صدرة، نزعت الشال واخذته هو والعبا
حطيتهن بالغرفه وطلعت وعزيز على طنكورته
مايرضة يتحرك
طلع بـرهــوم من الحمام ينشف بشعره باوعله
وباوعلي
– ها عزيز شبيك؟
– بابا ماما ماتنطيني تلفونها.
بـرهــوم- عزيز بابا من ماما تكلك كافي تلفون كلها حاظر ماما
واسكت بدون ما تزعل لان انتَ زلمه عيب الزلمه يزعل.
– ماا سعلااان اني.
– عزيز!
– ما سعلان باباا ماسعلان بس ماخذيته كعدت هناا مو سعل هذا.
– اي مو زعل هذا تنطنكر.
كلب وجهه عزيز لان حجه ويا بـرهــوم لان كل مره
بـرهــوم يوكف ويا ويتسبع بـ ابو هلمره من شاف
ابو حچه عليّ عرف تصرفه غلط وما طنكر اكثر
كعد
بصفي بـرهــوم ولزم ايدي
– شلون تحسين نفسج؟
– زينه الحمد لله.
بـرهــوم- باجر السابع مال قمر، راح اروح بس اني
واخذ الولد ويا ضلي هنا انتِ.
بــــراء- اريد اروح.
– لااا بــــراء تتخربطين مره ثانية اكعدي واسكتي
غير مره اخذج بطنج بدت تكبر وكوة تمشي ب
مال طلعه هسه هي؟
– بـرهــوم عفية.
– اسكتي بــــراء ما ترحين والله ماتشوفين نفسج شصاير بيج .
سكتت ماكدر اجادله اكثر لان صدك تعبانه
كمت
للغرفه وهو فات وراي
– تنامين؟
– اي.
– اكلي شوية قبل لا تنامين واخذي علاجج.
جاب اكل
اكلت واخذت علاج ونمت وهو وعزيز كعدوا بالهول
ثاني يوم من الصبح راحوا بـرهــوم وكم ولد من اصدقائهم
راحوا واني كاعده هنا حاطه صورتها ومشغله قصيده وابجي
وعزيز مايعرف شنو يعني موت بس من عرف
بعد
مايشوف قمر ضل يبجي وياي ويباوع على صورتها
غمضت عيوني استمع لـ كلمات القصيدة
فزيت
على صريخ عزيز، فتحت عيوني اباوعله شال الصورة
وركعها بالكال وصاح بزهگة
– اليدددد قمرررررررر.
ركضت شلته لا يتعور بالكزاز وهو يصرخ بحضني
حضنته حيل خايفه عليّ واهدي بي وهو يبجي
– كاافي عزيزز مامااا.
– ماماا وين لاااحت اريد اليد الوحلهاا.
-اشش اسم الله ماما كافي وليدي كافي.
ضليت حاضنته حيل وامسح بدموعه لحد ما نام
وهو يشهك يحضني، تنهدت وكمت حطيته بالغرفه
طلعت وسديت الباب، رحت طفيت القصيده
ولميت
الكزاز الي بالكاع، شفت الشموع خلصن وطفن وحدهن
شلتهن وشلت صورتها واني مغمضه ماريد اشوفها
حطيتها بالغرفه وطلعت كعدت بالهول امسح بدموعي
وهن ينزلن بهدوء على وجناتي..
” نـــهروان ”
– موافقة.
سكت وما طلع صوته بعد واني عضيت شفتي شسويت اني وشحجيت!
– هُمام؟؟
مارد ضل ساكت شوية واجاني صوته يحجي بهمس وصوت يرجف
– موافقة؟؟؟
– هُمام.
– نـــهروان موافقة؟؟؟؟
– اي.
سمعت حسرته الي طلعه من نص كلبه صوت نفسه
صار عالي وكام يحجي ويرجف
– نـــهروان حظري نفسج اليوم امي تجي عليج.
– هُمااام هُمااام اوكف لحظة..
ما سمعني سد التلفون بسرعه!!
حطيت ايدي على حلكي متردده شسويتي نـــهروان
عزة اني وافقت على هُمام!
كعدت على الجرباية وحاطه ايدي على حلكي
مصدومه
ومتفاجأة من نفسي، بعدني ما مستوعبه ودك تلفوني
شلته شفته هُمام يتصل، غلقته وشمرت التلفون بسرعه
كمت افتر بالغرفه وعاضه شفتي واكل باظافيري
سمعت باب الغرفه مالتي يندك، فتحت عيوني بسرعه
وتحمحمت وكلت بصوت
– منووو؟
بــارون- رواان نايمة؟؟
– لا هااي اجيتك.
كمت اتحمحم واجر نفس اهدء نفسي
رحت فتحت الباب باوعلي بــارون مستغرب
– بيج شي؟؟
– اني؟ لا شبية؟
– شو وجهج اصفر؟
– هههههه جنت صافنه وفززتني من دكيت الباب.
– اسم الله حبيبي، تعاي جبت عشة من بره وياي.
– ايي عاشت ايدك اليوم تعبت مابية حيل اطبخ شي.
طلعت ويا بــارون للهول اخذت الاكل وفرغته بصينية
وكعدنه نتعشه بس اكل لكمة واصفن ربع ساعه
متوتره
واحس حتى خايفه من هاي الخطوة الي خطيتها
كملنه العشه شلت الصينينه اغسل بالماعين
وصافنه
كملتهن ورجعت عدلت الهول وكعدنه بــارون جر ايدي وكال
– شبيج؟
– مابية شي!
– شو مدري شبيج صاير شي وياج؟
– لا والله بــارون شيصير يعني هو اني طلعت من البيت حدي لبيت غيد ورجعت.
ابتسم وهز راسة
– خوش باجر اطلعكم حقج مبينه ضايجه وتريد تطلعين.
ابتسمت وهو ضحك
– اي كولي اريد اطلع من البداية.
ضحكت ونزلت راسي اللعب باظافيري
– غير انتَ تحس.
– بعيوني يابة باجر وين ماتردين ترحين اخذج.
ابتسمت
ونزلت روحي حطيت راسي على رجله وهو
حط ايده
على راسي ويلعب بشعري
مر وقت مو طويل واحنه على كعدتنه اندكت الباب
طفرنه بسرعه كمت من حضن بــارون وهو راح يفتح الباب
وسيف طفى البلي وطلع ورا وكفت يم الباب اباوع منو
فتحت عيوني من شفت هُمام ويا مره ورجال كبار
بالعمر وبنيه شابه لابسه صاية وحجاب وكافين بالباب!!!
ركضت بسرعه طبيت للغرفه وسديت الباب كمت اكمز
– صخاام صخاام جاابهم هسهه!!
كمت افتر بسرعه بالغرفه، جريت ثوب زيتوني بسيط حيل
حتى ما يكولون بدلت علمودنه، لبسته بسرعه وكمت احط
ميكب خفيف بسرعه بسرعه وحطيت الشال على راسي
وشمرته منا ومنا وطلعت بسرعه لكيت بــارون مطببهم
للبيت واكف بالمطبخ يكاسر مي التفت شافني اباوعله اشرلي بسرعه
بــارون- تعااي تعااي.
عضيت شفتي ومشيت على كيفي هو باوعلي بخزرة وكال
– هذولة شعدهم جايين؟
– شمدرينيي اني!
– نـــهروان!!؟
– ماادري بــارون ياا.
– لعد ليش بدلتي؟
– لعد اطلع مبذلة بملابس البيت؟ هسه انطيني وروح يمهم فشلة كاعدين وحدهم.
اخذت
المي منه وهو يباوعلي ما مقتنع راح يمهم واني
كاسرت المي وتحمحمت ورحت للهول
بلعت ريكي وفتت وكلت بصوت
– السلام عليكم.
باوعولي كلهم وردوا وهُمام يباوعلي والضحكه شاكه حلكه
مشيت اقدملهم مي وهم يردون (رحمالله والديج)
واني ابتسم انطيتهم المي وكعدت يم بــارون باوعلي بــارون
ورجع باوعلهم وهم كلهم مبتسمين
كاموا يسولفون هُمام وابو ويا بــارون واندموجوا
وهُمام يباوعلي ومبتسم بفرح، صاحتني امه وكالت
– تعاي يمي حبيبة.
ابتسمت الها وباوعت على بــارون الي يباوع مستغرب
كمت كعدت يمها واستلمني مدح هي وبنتها وتتغزل بعيوني
واني تسرسحت احب المدح مو بيدي!
شوية وكال ابو
ابو هُمام- الله بالخير.
بــارون- الله بالخير والعافية.
– شوف ابني انتَ اكيد تعرف ابني هُمام مو؟
– والنعم منه اعرفه طبعا خوش شاب ينشد بي الظهر وماسامع شي مو زين عليّ.
– من كرم اخلاقك بوية، الحمدلله على السمعه هم نعمه.
– طبعا ابو هُمام.
– ويا وليدي احنه اجينه ونتمنه ما تردنه.
– تأمر ابو هُمام مايردك اله لسانك.
همه يحجون واني اباوع على هُمام واكل بشفتي
لو اطكطك اصابيعي التوتر الف والخوف صعد للهامه
ابو هُمام- والله يا وليدي هُمام رايد بنت اخوك
على سنة الله ورسولة احنه جابتنه السمعه
والبنيه
خوش بنيه وهو يكول اني وياها بالكلية واشوفها
خوش بنية واخلاقها وتربيتها مشهودلهن واجينه
نطلب ايدها لـ ابنه هُمام وهو يكول لو هي لو ما اتزوج
وهل اجيناك احنه ونتمنى ما تردنه.
كمل كلامه ابو هُمام وتوجهة الانظار لـ بــارون كلهم
بلعت ريكي وهو متفاجئ من كلامه باوعلي ورجع باوعلهم
راد يحجي رجع سكت
هُمام- بــارون ادري بيك متفاجئ من الموضوع
بس والله اني من زمان بالي وكلما اريد افتح الموضوع
اشوفة مو كته بس هسه وكتها وكلش وانتَ تعرفني كلش زين.
هز راسة بــارون بـ اي وباوعلهم
بــارون- ان شاء الله كل خير، نتشرف بيكم احنه
بس تدرون القرار يبقه بيدها هي اني لا اجبرها توافق
ولا اجبرها ترفض تدرون انتوا نـــهروان وحيدتي
وهي مو بس بنت اخوية هي بنتي واختي وصديقتي
قبل كلشي ما تعتبرني عمها وبس علاقتنه اقوة من هيج
واتمنى اشوفها سعيده واي قرار هي تاخذه اني وياها.
ابو هُمام- الله يحفظها الك ان شاء الله البنيه عزيزه.
ام هُمام- والله احطها بطن عيني وتصير مريت عزيزي؟
ياا شكبرها الفرحه تصير عندي.
ابتسمت الها وهي جرتني باستني وبنتها تضحك
هـدى- هههه ماماا البنيه خدها راح.
ضحكوا وهُمام مبتسم فرحاان اليكول ماخذ انجلينا جولي
ضلوا شوية يحجون ويا بــارون والزواج نص الدين
ولازم البنيه تتزوج وشلون هم يحبون الجنه
لان
عدهم ولد قبل هُمام اسمه هادي وطبعا كلهم بالـ هاء بداية
اسمهم وهادي متزوج وعنده ولد ثنين واحد بالاول
والثاني توه يزحف وكعدوا يحجون لحد ما كملوا
ترخصوا وطلعوا وبـارون طلع وراهم للباب
ركضت اني للغرفه بدلت بسرعه وطلعت لكيت
بــارون توه طب باوعلي صفح ورفع اصفه
– ترفضين وغصبا عليج.
حصرتني الضحكه على شكله بس ماضحكت كلت بصوت خشن اقلده
– اني لا اجبرها توافق ولا اجبرها ترفض.
خزرني وصاح
– اييي وخير ان شاء الله تردين توافقين؟
– ليش لعد اريد اتزوج.
– نـــهروااااان!
فزيت من كالها بعصبية سيف كاله
– عمو لا تصيح ما تسوه.
باوعله بــارون ورجع باوعلي
– لا تحاولين تقنعيني ما تعرفين بالسالفه خوش؟
ما يمشن عليّ.
– ترى نظرات هُمام مبين من زمان يعني بس ما ادري
بهاي الخطوبة المفاجأة!
كعد على القنفه وحاط ايده على راسه كعدت بصفه
جريت ايده لزمتها ورفعت راسه احاجي
– هسه انتَ شبيك عصبت شصار؟
باوعلي وعيونه حمر حيل وجسمه يرجف بلع ريكه وهمس
– نـــهروان ما متخيل بيوم تتزوجين وتعوفيني
نسيت
نسيت هاي السالفة اصلا نسيت راح يجي يوم وتتزوجين.
برطمت بوجهه وحضنته حيل وهو شدد حضنته الي اكثر
– شبيك بارونتي والله ارفض شنو قابل همه حاطين
سجينه على ركبتي حتى اوافق والله ماريد كلشي
ولا انتَ تضوج يروحيي.
سمعت حسرته ابتعد من عندي مد ايده يعدل
شعري
– رفضتي هسه رفضتي بعدين راح يجي هذا اليوم
وتتزوجين وياخذج كلب ابن كلب من عندي.
– يعني هُمام كلب ابن كلب؟
– اييي كلهم كلاب لعد وحددد؟؟؟
ضحكت وهو لزم ايدي وجر حسره
– نـــهروان لا تفكرين بية عوفيني على صفحه شوفي
انتِ شتردين وشنو الي تشوفينه صح ويناسبج سوي
واني وياج بكل خطوة ترفضين؟ ما اخلي يلمح اظفرج
بعد ولا حتى احد يضغط عليج، توافقين؟ اوكف وياج
وازفج بايدي اله انتِ بس كولي واني انفذ.
ابتسمت وضميت روحي بحضنه ساكته حتى مارديت بعد
بــارون- خلي ننتظر كم يوم يله نرد الهم خبر.
هزيت راسي
بـ اي وضليت ساكت، كعد سيف بصفنه وكال
– اكلج نونه.
وخرت من حضن بــارون وباوعتله
– هاا؟
– شنو انتِ ماتردينه؟
باوعتله مستغربة ورجعت باوعت على بــارون
– ليش؟؟
– لعد شكو تتزوجين؟
كتمت ضحكتي كوه مستحيه من بــارون وهو يضحك
وسيف يباوعلي منتظر جوابي
– مو ما اريدكم بس هو كل بنيه راح يجي يوم وتتزوج.
– تردين تتزوجين؟
– سيف راح ادفرك والله.
ضحك بــارون بعلوا صوته واني وجهي صار احمر
خجلانه منهم، جره بــارون وكعده بصفه
– سيف حبيبي عوفها هسه، بعد كم يوم يله نعرف
خليها تفكر براحتها يمكن ترفض ويمكن توافق.
ابتسمت وباوعتله بنظره تكول “مامرتاحتلك”
عفتهم كاعدين وكمت طبيت للغرفه شمرت روحي
على الجرباية وصفنت، شسويت اني؟؟؟
واني جاهزه
لهيج خطوة؟ جاهزه اعيش حياتي كلها ويا هُمام؟
جاهزه اعيش ويا اهله واعوف بــارون وسيف؟
جاهزه
انسى الشخص الي حسيت روحي حبيته رغم كلشي
صار بس بقيت احبه واحس الشخص الي حسيته
آمان الي وحسيت ويا احساس كلش حلو مستحيل
يتكرر بس هو جان يتسله بية ويضحك وبس نساني
بلعت ريكي وجريت مخده نمت على بطني اكيد
هو نسانج! نـــهروان هو ساعدج وبس وساعد هواي بنات
واكيد حالج حالهن منو انتِ حتى يتذكرج؟
اكيد
هسه هو بإيران هناك متونس وهم راح يتزوج وحده
إيرانية وينسى كل لحظة عشتها ويا وينسى نـــهروان منو..!
بعدني صافنه وفزيت على صوت التلفون يدك تنهدت وكمت
جريته، شفته هُمام يدك، عضيت شفتي وباوعتله
متردده اجاوب؟؟ اخذت نفس وجاوبته
هُمام- نـــهروان.
– هلا هُمام.
– روحه لـ هُمام.
– هُمام ليش اجيت هسه؟ شلون تخطي هيج خطوة بدون ماتكلي؟
ولا حتى خليتني اتحظر او احجي لـ بــارون شي.
– اعذريني والله حقج بس جنت متحمس كلش وفرحان
ماكدرت اأجل شي.
نـــهروان- بس بعدني ما متأكده من قراري هُمام
اريد بعد وقت افكر واردلك خبر.
– بس انتِ وافقتي؟
– هُمام!
– تمام تمام براحتح فكري اهمشي عبرنه مرحله.
– الله كريم.
– ان شاء الله خير، اكلج.
– ها ؟
– طالعه حلوة.
– هُمام روح.
– هههههههههههه شبيج والله طالعه حلوة.
– ههههه شكرااا.
ضحكت وسديت الخط ماعرف ليش ارتاح من احجي ويا
وبنفس الوقت بنقبض كلبي من افكر هو راح يصير زوجي
لان اشوفة صديق او
يمكن لان بالي وتفكيري كله يم تُـــراث الي مو بحالي اصلا
تنهدت وشمرت روحي على الجرباية ونمت
فتحت عيوني واحس بشي مقيدني، باوعت بسرعه اني وين!!
تلفتت خايفه واشوف روحي بالغرفه مال العُثمان!!
صرخت خايفه وكمت بسرعه افتر بالغرفه واصرخ
– بــااااروون باااااروون.
انفتح الباب بقوة باوعت بسرعه واشوفة تُـــراث
جريت نفس وركضت عليّ ضميت روحي بحضنه
ضمني لحضنه حيل واني كمت اجر نفس واصرخ
– تُـــراااث اني شسووي هناا تُـــراااث.
تُـــراث- اشش كافي شلالي.
– شتسووي هناا تُـــراااث شتسووي.
– اششش امشي هسه اطلعج لا تخافين شلال.
– طلعنيي ايي طلعنييي.
جرني من ايدي وطلعني من الغرفه واني اضحك واصيح
– اييي راح نطلععع.
ضحك لضحكتي وفتح باب جبيرة ودفعني بيها
التفتت اباوعله وكلت بصوت عالي
– تعاااال.
– رووووحييي انتِ.
– لااا لااا تُـــراث تعاال ويايي تعاال.
– روحيي شلاال.
– عليك العبااس تعاال ويايي.
– اجيج بعدين اني روحييي روحيي.
بعدني اريد اصيحه وحسيت احد يجر بايدي التفتت
واشوفة “هُمام” باوعتله مستغربة وهو جرني من ايدي
– تعالي وياي نـــهروان.
– لاا لا هُمااام تُـــراااث وحدده.
– امشيي نـــهروان.
جرني واني اجر بروحي منه اريد اطلع تُـــراث ويانه
بس هو ماسمعني ضل يجر بية لحد ما اختفى تُـــراث من نظري
حسيت كلبي يريد يطلع وانقبض وجسمي اشتعل نار
ماحسيت غير على ركعه قوية خلتني اصحة على زماني
فتحت عيوني بسرعه وصرخت، واشوف روحي واكعه
من الجرباية وجسمي عركان وريكي ناشف
وكلبي
يدك بسرعه والخفقان لزمني، كمت بسرعه من الجرباية
افرك براسي وجعني من اثر الوكعه واهفي على روحي
نزلت بجامتي وعدلت شعري ورجعت كعدت على
الجرباية صافنه بحلمي المفاجأء تُـــراث وهُمام؟
اعتقد الحلم هذا اشارة انُ انسه تُـــراث واوافق
على
هُمام، لان تُـــراث بأيده انطاني لـ هُمام.!
عدلت شعري وطلعت من الغرفه باوعت البيت فارغ
بــارون طالع وسيف نايم، هو بــارون كاعد من وكت
لو اني اخذتني النومة؟ بعدني صافنه وانفتح باب الهول
باوعت بسرعه شفته بــارون دخل للبيت
نـــهروان- بــارون؟؟
باوعلي ودنك نزع حذائة
– هاا كعدتي؟
– اي، وين جنت؟
– هيج، تعاي جبتلج ريوك.
سكتت واخذت العلاكه منه وهو ضحك وراح لسيف
– هذا بعده نايم؟
– اي.
كلتها ورحت للمطبخ غسلت وجهي ولميت كفشتي
رحت كعدت يمه وهو يكعد بسيف ويضحك
بــارون- المن جبت الريوك اني اذا حطيتي هناك واجيتي يمي؟
ضحكت ومددت على القنفه
– توني كاعده مابية حيل، اكلك بــارون.
بــارون- ها.
– حلمت حلم.
– خير ان شاء الله، شنو من حلم؟
– ماعرف بس اني من فسرته يعني الحلم يكول وافقي على هُمام.
– هااي شنووو هاااي؟؟
– اي والله.
– همزين ما امشي على احلامج اني.
ضحكت وهو دفعني
– كومي سوي ريوك يله جوعانين.
– بــارروووون مابيةة حيلل.
– رايحه تحاربين هو ريوك كومي وتريد تتزوج هناك
يكلولج سويلنه ريوك تكليلهم مابية حيل يركعوج ميت جلاق.
كعدت عدل وباوعتله، ابتمست وجريت شعري افر بي باصبعي
– شحدهم وانتَ عمي؟
ابتسم بهدوء وهمس
– وعيونج اليمس منج شعره يحسب الله ما خلقه.
ضحكت بعلوا صوتي متحمسه وكمت شمرت روحي بحضنه
لزمت وجهه ابوس بي حيل واضحك وهو يضحك
– ولجج تخبلتيي.
– والعبااس اموت عليك تنگرط، الله تحمستتتت والعباس اله اوافق وما اشتغل وفنه اليحجي.
بــارون- دكوومي كومي.
كزكزت عليّ وجريته من شعره اضحك
– اوووي بارونتييي احبج احبج فدديت بارونتي حزاام ظهررري سنددددي.
– لج رواان شعرري شعرري.
ضحكت وهديت شعره امسح عليّ وكمت من حضنه
– يله يله رايحه اسويلك ريوك.
عفته يكعد بسيف ورحت للمطبخ اسوي الجاي
حميته
وحطيت الاجبان الجايبهن ورحت للهول، كعدنه نتريك
بس بــارون ياكل لكمة ويصفن ويرجع ياكل
عرفت
اكوا بحلكه حجي وصدك شوية وكال
– اكلج روان.
باوعتله وهزيت راسي بـ شنو
– شوفي، اذا يعني اذا وافقتي وصار العقد انتِ وهُمام
انخلي عرسكم ورا عرسي اني وغيد لان ماريد البيت يفرغ وراح
عاد غيد هنا موجوده بدالج يعني.
رفعت تك حاجب وارتاجيت على رجله
– بعدني ما وافقت وكمت تعزل وتجيب سالمين؟
بعدين حتى اذا تزوجت ترى غيد ما تعوض مكاني خوش؟
– طبعا، كملي اكلج كملي لا تعصبين.
ابتسمت
ورجعت اكمل اكل وكل شوية اصفن واتذكر الحلم
” بــرهــوم ”
صاعد بالسيارة واسوق رايحين للنجف اليوم السابع
مال قـمر ولازم نروح، طلعنه اني والولد بس مارحنه هواي
وهم اخذنه سيارة ثانيه نريد نبني القبر مالتها
لنص الطريق حسيت روحي تعبت ماكدر اكمل سياقة
وكفت السيارة على صفحه باوعوا عليّ گال حمزه
– شكو شبيك؟ تعبتت؟
هزيت راسي بـ لا وباوعت على رائد
– سوق انتَ.
رائـد- لا تحرجني بربك ما اندل طريق النجف.
غمه زيـد وكال
– اني اسوق.
منتظر- اسوق اني؟
حـمزة- ياابة بسرعه واحد منكم السيارة مال الولد طلعت كدامنه زحمه.
نزلت اني وهم يتعاركون بيناتهم منو منهم يصعد
حطيت ايدي على عيوني من الشمس واباوعلهم
منتظر احد بيهم يصعد ويسوق
جرهم حمزه دفعهم وصعد هو، صعدت بالصدر
وهم سكتوا وصعدوا ورا، رجعت راسي على الكشن
ضليت مغمض عيوني حسيت السيارة وكفت
فتحت
عيوني باوعتلهم، شفتهم كلهم يباوعون عليّ بقلق وقهر
حـمزة- بـرهــوم بيك شي؟؟
رائـد- ننزل شوية؟
بـرهــوم- لا لا حرك حمزه مابية شي بس تعبان شوية.
هز راسة بـ اي ساكت ومشه
ماغمضت عيوني بعد ولا حاولت حتى لا اخوفهم عليّ
بعد فتره طويلة وصلنه للنجف نزلنه هناك ولكينه
الولد نزلين قبلنه وجايبين المواد مال البناء
وجايبين
السيراميك الي بي صورتها والكتابات كلهن حاطيهن على صفحه
بلعت ريكي وانقبض كلبي شلون راح اشوفهم وهم
يبنون قبر قمر كدامي
رجعت ليورة وكعدت بالكاع وحطيت ايدي على راسي
اجوا الولد وكفوا يمي بسرعه هزيتلهم راسي بمعنى
مابية شي، بدوا يبنون بي ويحطون السيراميك
ويحط الصورة
طولوا يله كملوا واني ماريدهم يكملون كون وبعدهم
يبنون بي يصحه تُـــراث ويجي يطلعها من جوه الكاع
ويحضنها ويشم ريحتها ويشبع منها
شفتهم كملوا حاسبوهم الولد وراحوا كعدت يم القبر
اباوع على صورتها، هاي تندفن؟؟ ملاك قمر مو طفلة ملاك
تنهدت وكمت قرينه الفاتحه وطلعنه بسرعه من المكبرة
صعدت بالسيارة وهم صعدوا وياي رجعنه لبغداد
وصلتهم كلمن لبيته ورحت للمستشفى كبل
طبكت
السيارة بالكراج مال المستشفى ونزلت، طبيت
للمستشفى
حتى الممرضين البيها كاموا يعرفوني من كد ما طاب
وطالع عليهم، مشيت للغرفة الي بيها تُـــراث ماجان
اكوا احد يمه، فتت للغرفه، باوعتله وجريت حسره
بعده على نومته.!
جريت كرسي وكعدت يمه اباوعله وامسح على ايده
الي صايرة زركه من الكانونات اليحطوها يوميه
تأوت
ويغيرونها والعلاجات الي ينطوها اله ولحد هسه فاقد
بـرهــوم- تُـــراث شوكت تصحه؟ ماتريد ترجع النه؟
ترى تعبت اني بالقرآن تعبت متعود كلشي يصير انتَ
وياي وبظهري لعد هيجي تخليني وحدي؟
دكوم يله
ما تريد تجيب نـــهروان؟ لعد مو احبها واحبها
يله كوم
حتى نخلي بــراء تحاجيها ونخطبها الك يله
حتى بـراء راح تجيب
وعناد بيك ما اسمي أوس ديله ضل على نومتك.
كلتها بزعل محروك كلبي عبالك صدك هو مايريد يصحه
كمت طلعت من الغرفه ويا طلعتي طبت السستر
تغيره الادوية، طلعت من المستشفى ورجعت للبيت
فتحت الباب على كيفي، لكيت بـــراء حاطه راسها
على الحايط ونايمة، مشيت بهدوء حتى ما تكعد
بس اول ما لزمتها فزت بسرعه
باوعتلها وابتسمت ميلت راسها وضمت روحها بحضني
كعدت بصفها وجريتها لحضني، رفعت راسها وحركت
اصبعي على طرف خدها
– ليش نايمة هنا حبيبي؟
– مادري غفيت بدون ما احس.
– اكلتي؟
– لا ما اشتهي شي.
– مايصير حبيبي وراج علاج.
كومتها كامت كوه بطنها كبرانه ابتسمت وحطيت ايدي عليها
– اخذج تعرفين جنس الطفل شنو؟
باوعتلي
وهزت راسها بـ اي متردده ابتسمت وحضنتها امشيها للمطبخ
– خوش اكلي واخذي علاجج حتى نروح نسوي سونار خوش؟
كعدتها على الكرسي وطلعت اكل حميته وصبيتلها
ادري لو تضل عليها ماتكل لگمة
خليتها تاكل وتاخذ علاجها وطبيت جبت شالها وعباتها
لبستهن الها وطبيت كعدت عزيز كعد باوعلي وصاح بسرعه
– بااباا.
– يروح بابا، هلا بروحي.
– باباا وين بابا تولااث؟
– مريض خطية بالمستشفى ادعيله يصير زين حتى يجي يمك.
هز راسة وكام يفرك بعيونه بعده نعسان شلته وطلعت
سندت بـــراء وطلعنه صعدتها بالسيارة هي وعزيز
وافتريت صعدت، رحنه للمستشفى وحجزنه
ما تأخره هواي
فاتت هي كدامي وطلبت من الدكتوره افوت اني وياها
ماعارضت دخلنه اني وعزيز وياها ساعدتها الدكتوره تصعد على السديه وبدت تسويلها سونار
الدكتورة- هذاا شووفي.
كالتها واشرت على الشاشة، مافتهمت شي منها
بس بـــراء ابتسمت وباوعتلي
– شووف بـرهــوم هذاا الطفل.
رجعت باوعت اريد افتهم شي ولا افتهمت ولا عرفت الطفل وين
ابتسمت الها وكمت اهز براسي واباوع على الشاشة عود شفته
بـــراء- دكتوره شلون صحته؟
– لا زين حالته زينه وثابت.
– زين عرفتي شنو جنسه؟
– ماتعرفون؟
– لا.
– ههههه لعد مبروك راح تجيكم بنية.
فتحت عيوني بسرعه وباوعت على بـــراء وهي صرخت
الدكتورة فزت من صوتها وهي كامت تبجي والدكتوره
تضحك وتباركلها، ضليت اني مصدوم!
بـــراء
راح تجيب بنية؟ نزلت عزيز من حضني ورحت حضنتها
اريد اسكتها وهي انهارت تبجي الدكتوره ترخصت وطلعت
بست راسها حيل وهي ضمت روحها بحضني
بـــراء- شفت عوض رب العالمين؟ بـرهــوم رب العالمين عوضنه
بس بس يصحه تُـــراث انطي بنتي والله انطيها اله
واخلي يسميها قمر بس خل يصحه انطيها لـ تُـــراث.
بـرهــوم- ننطيهيا والله بس كافي يروحي اهدي شوية مو زين عليج.
ابتعدت من عدها دكت الدكتورة الباب ودخلت
تضحك وتبارك النه واني حاير بـ براء، نزلتها الدكتوره
من السدية وتلكيتها اني اعدل عباتها وشالها
وعزيز
صافن مايدري شكو، تشكرت من الدكتوره وحاسبتها
وطلعنه وبــراء تضحك وتبجي حيرتني
صعدتها بالسيارة وسديت الباب وافتريت صعدت عزيز وصعدت
التفت على بـــراء تصيح بـ اسم قمر وتبجي
بـرهــوم- كافي بـــراء كافي ياعيني هو هيج؟
هسه حتى الله مايقبل
طفلة طير من الجنه وراحت يم الارحم من تُـــراث عليها
عليمن تبجين بعد؟
– الله يرحمها بـرهــوم، دا ابجي لان رب العالمين عوضنه
اخذ قمر ورزقنه بـ قمر ثانيه.
– ربج ما يكطع حشه.
اخذت كلنس مسحت عيونها ومديت ايدي مسحت خشمها
عـزيـز- عيعع بابا لا تمثح خشمها بي كخه.
ضحكنه
اني وبــراء وهي تضحك وتمسح بعيونها وتحجي بصوت مبحوح
– اني اعلمك ولا عبالك امسح خشمك يوميه.
بـرهــوم- لا عوفي بـــراء عزيز راح يصير مثل خالو
اخ جبير وعنده اخت صغيرونه يدير باله عليها بعدين.
ضحك عزيز فرحان وبــراء باوعتلي وكالت
– ياريت كل الاخوان مثل تُـــراث.
– اسكتي يله اسكتي.
شغلت السيارة وهي كامت تضحك وترجع تمسح عيونها
حسيت روحي رفرفت من كامت تضحك
– شبيك؟ تغار من تُـــراث؟ لا تغار ترى اخوية.
– ماغررت.
– لا غرت.
عـزيـز- باباا يغار من بابا تولااث.
بـرهــوم- انچب ولك.
ما رجعتهم للبيت اخذتهم على شارع عام بي محلات
وعلى صفحه حديقة مال العاب، نزلنه من السيارة
عزيز كام يكمز ويصيح
– باباا اليددددد.
– روح بابا بس دير بالك لا تتعور.
هز راسة وركض يلعب ويا الجهال، مشينه اني وبــراء
كعدتها على مسطبة وكعدت بصفها
– اجيبلج شي تشربينه؟
– لا ماريد.
– خوش راح اجيب.
عدلت عباتها ومشيت جان الجو حلو مو حار كلش
والانارة مضوية المكان واصوات الجهال تلعب وتضحك
والناس تفتر، رحت لواحد من المحلات اخذتلها
عصير ورجعت، رحت يمها انطيتها العصير وكعدت يمها
بـــراء- بـرهــوم عفية شوف عزيز لا يتعور.
– ماعليّ شي شوفي جاي يلعب ويا الجهال.
سكتت تباوعله وترجع تشرب ساعه تصفن وتبتسم
بـــراء- شتكول اسميها قمر لو شمس؟
– لا سميها زحل.
باوعتلي وعقدت حاجبها
– شوو تحشش؟؟؟
– يا حبيبي تسمين بنتج لو كوكب شنو شمس لو قمر دعوفي ياعيني بعدين نشوف الاسم.
بـــراء- خوش لعد من يكعد تُـــراث هو يسميها.
– خوش، واذا كعد وسماها اسم غير اني نا يعجبني
تنكتلون انتِ ويا.
– يااا.
– اي والله هم عوزكم تسموها بدون ما تاخذون رأيي.
– ياا بـرهــوم شبيك عزةة.
– اووي بـــراء شبيجج عزززة، شنو هو غير بنتي.
عقجت وجها وكالت بضوجه
– بعدها ما جاية وغيرتك عليّ.
– البنيه عزيزه عند ابوها بـــراء.
گلتها بحسره وهي سكتت ونزلت راسها
ماردت اضوجها اكثر باوعت على عزيز وكلت بضحكه
– شوفي البنات شلون يباوعن عليّ،احلى واحد بالولد الموجودين هو.
ابتسمت وباوعتله وكالت
– بعد روحي يشبه خاله.
– اكلج تررى مصختيهاا عادد قدري مشاعري شويةة.!
ضحكت وكطعت ضحكتها بسرعه
– ياا عفية عود صدك تغار من تُـــراث؟
– لاا ما اغار منه.
– لا والله هاي دشوف شلون حتطك من الغيره.
– ماا اغار منه.
– اييي، ههههههههه.
ابتسمت وضلينه كاعدين شوية وعزيز لعب لحد ما
كال الله بس، كمل لعب واجه تعبان ويضحك
شلته
واشرت لـ بـــراء يله، صعدنه بالسيارة ورجعنه للبيت..
” مــريــم ”
اووووووه، اول مره اشتاقلهم هيج، من تخرجنه
من الكلية
لحد هسه ماملتمين احنه والشله ابد وفد مشتاقتلهم
باوعت على غيد حايره تراسل بــارون ولا عبالك نفسها الجانت تگول
– انيي ماريدد اعقد ماريدد اوووي.
نسوان تحب الزلم كوة هي؟
دزيت رسالة بكروب الشله وكتبت
– ريحاانه تحييكم هيّ مُشتاااقة إليكم.
نمت
على بطني انتظر الرد وشوية واجاني الرد من مصطفى
– تدرين من چنت صغير مكرش على ريحانه؟
وسبحان الله
فد تشبيها وهسه ذكرتيني بيها هّيجتي المواجيع.
متت ضحك عليّ دزيت إيموجي مال ضحك وكتب
– منو من الشخصيات انتَ بيهم؟
– هذا الچنتي تحبينه.
– منوه؟
– ماعرف اسمه بس هو انتِ تحبينه.
– اني احب نظيف نظيف.
– طـ***، لعد وهذا الشايل بطانيته ويمشي كدامج
حتى ينطيج بساميل تعاي نامي يمي شوفي بطانيتي شلون حلوة وحمره ولا انتبهتي.
فحطت من الضحك ماكدرت ارد بعد اجه هُمام دازله ڤويز
– ولكك مصطفى موووو هيجججج الله يطيح حظك.
مـريـم- ولك مصطفى صاير ادبسزز.
مصطفى- خررب روحك هُمام توني وصلت البطانيه وكتك هسه.
طبك وياهم عبد الرحمن هم داز فويز فتحته اجه صوته يصيح
– لك مصطفى الخاايس اني الخاطب ما وصلت لمرحلة البطانيةة
وين طفررت انتَ الله يغسلك.
مصطفى- ههههههههههههههههه تغاااار ولك عبوود تغااار.
اجن نسرين ونـدى وشمشون وجواد طلع انُ شافوا الرسايل
نـــهروان- هااي شصااير هنا؟
هُـمام- هلاا بمريتي.
فتحت عيوني مصدومه وصرخت فزت غيد على صوتي واجت تركض
– شبيج؟؟؟
– ولج هااي شكوو؟ شووفي هُـمام شكاتب هااي وافقت من وراانه؟؟
فتحت عيونه ودخلت على الكروب من تلفونها
مصطفى- لكك هُمااام لاا لاا افكاارك وصلتنه مو هيج بعدد اخوووك.
بعده ما رد واتصلت شمشون بالكروب فتحنه خط
وبعدنه ما حجينه صاح مصطفى
– يبووووووووووو، شمشون هذاا هُـمام مرات تجي صنفات
يكوم يمسلت لا تضوجين منه خطية براغية راخيه
مرات يكوم يفلت غلسي.
ضحكوا كلهم وهي صاحت
– لك ابو الصوووف ندري الصديق وقت الضيق
بس انتَ خربتها ترى
مو هيج ياخي ترى هُمهم خطبني و..
بعدها ما حجت
صحنه كلنه بصوت
– شنووووو؟؟؟؟؟
شمشون- اهدووو شبيكم خل احجي!
هُـمام- خل يولون تعاي نحجي بالخاص.
– اسكتتت انتَ علكتهااا.
سكت هُـمام وبعد ما طلع صوته، اخ هاي صاحبتنه
من هسه حاميه على الولد
غـيـد- شكو نـــهروان سولفي بربج؟
جــواد- نسمع احنه لو سوالف نسوان؟
مـصطفى- على اساس لو سوالف نسوان راح تسد اذانك.
– لا اسمع وعلي.
نـــهروان- هسه احجي لو انجب؟
ردينه كلنه
– انجبي واحجي.
ضحكت هي وصاحت
– متفقين عليّ؟
نـدى- لا تفرين الموضوع سولفي.
مصطفى- والله وهذا الخوينس طلعت منه سالفة فلا متوقع.
هُـمام- خل تكمل حجيها واعلمك منو الخوينس
عاد احسن منك لحد هسه منتظر شوكت تترحم عليك وتتغطه وياك.
انريد نسكت بعد ما كدرنه فحطنه من الضحك
اسمع بس صوت ضحكهم
والولد غاصين ويكحون والبنات مثل الاطرش بالزفه
واني اضحك ام عقلين ماعرف السالفة عليّ لو لا
عاد شوية من راحت الضحكه سولفت النه وبنهاية
كلامها كالت بصوت مايل للتمجعص
– امم وبعدني مارجعت خبر دافكر على راحتي.
هُـمام- فكري يابة فكري شعدنه.
مصطفى- شوو الاخ مچنص وعبالك راح توافق
شمشون برج اضربي بوري.
هُـمام- اااانجبببب.
غـيـد- ايي خليها تفكر وانتَ هم فكر هُـمام يمكن يكون مو حب
يعني مجرد شفت بنيه وحسيت بشي الها هذا حب
ورحت تخطب وبعدين تكول تورطت يمكن مجرد
اعجاب فتره ويروح فكروا ثنينكم زين حتى بعدين محد يتندم.
جــواد- يكلك غـيـد ماتعرف تسولف.
شمشون- لا مرات تعجبك.
هُـمام- لا اني اعرف نفسي اني حبيتها من اول نظره
شمشون حبها انزرع بكلبي مستحيل يكون اعجاب
الاعجاب عشته هواي بس الحب هاي اول مره اعيشة.
نـــهروان- والله فلا تستحون دروحوا ولا عبالك اني يمكم.
نزلت من المكالمه ضحكنه وهُمام كال
– شفتي؟ والله احس هي هم تحبني من تصرفاتها.
غـيـد- ان شاء الله، والله الصراحه هُـمام كل احنه
نحبكم سوة ونتمنى نشوفكم سوه لان كلبز كلش كيوت والله.
مصطفى- واني ماتحسوني كبلز ويا احد كيوت؟؟ منا منا ابد ولا كبولزه وحده؟
نـدى- انقهرت عليك اني اكبل وياك.
– نـدى بربج؟ انتِ اذا احطلج شوارب تطلعين مثل عبود.
ضحكنه بعلوا صوتنه وهي تضحك الفطيره
نسرين- شنو قصدك صوفي؟
– ما اقصد شي سوسي.
غـيـد- لاا مصطفى بربك؟ عبود ونـدى؟ ظلمتها والله.
صدك نـدى كلش حلووة ناعمه وبيضة وملامحها
مثل ملامح الكورين بس على عراقيات اكثر يعني
جــواد- مصطفى ظلمتها لو مشبها بـ ببروسلي اكلك اي.
نـدى- ولك جوااااااد.
ضحكنه بعلوا صوتنه وهي مانست مصطفى كال
– وانتَ روح مصطفى روح ضل منتظر ام البطانيه الي مو بحالك.
ضحك مصطفى وصاح
– لاا على راسي وعلي اخيتنه نـداوي انتِ.
– ههههههه بعد روحي.
سلمت نـدى ونزلت نزل وراها هُـمام وراهم عبود
ونسرين نزلوا ضلينه اني و غـيـد ومصطفى، راحت
غيد وضلينه اني ومصطفى بس كلهم نزلوا
مصطفى- تدرين مشتاقه لوجهج؟
– اريد احظرك.
– لا وعلي اتشاقه، يعني مشتاقلك كلكم جنه نلتم بالكلية
هسه تخرجنه وكعدنه وين نولي؟
– ان شاء الله نتشاوف بعرس نـــهروان وهُمام.
– وعبود ونسرين.
– اي ان شاء الله.
– وعرسنه.
– شنووو؟؟؟
– يعني اقصد من اني اتزوج او انتِ هم نتشاوف.
– هااا.
– اييي.
– الله كريم.
حجينه شوية وسديته وكمت من الجرباية ردت اروح للحمام
لكيت غيد بالحمام، رحت دكيت الباب عليها وصحت
– ترررى مااايصير هيج والله هم اريد اسبح بس تسمعين اريد اسبح تركضين قبلييي!
– شسويلج كتلج لا تسبحين؟ اشوف الحمام فارغ ادخل اسبح.
– مااامااا.
عفتها ورحت لـ ماما اريد اكللها لكيتها تخابر بخالتي
خالتي من درت احنه رجعنه للبيت لسه هي يوميه
تخابر ماما تريد تجي ويطلعلها شي يعطلها لو ولدها لو رجلها
كعدت يمها منتظرتها تكمل حتى افتن على غـيـد يمها
بس كملت مكالمتها ردت احجي هي اشرتلي باديها
– تعاي ماما مريم.
ماما مريم؟ استغربت شصاير شو ماما تحجي بلطافة
رحت كعدت يمها وباوعتلها مستغربة
– ها ماما؟
– شوفي بنيتي خالتج سولفت وياي وحجت قبل شوية
وكتلها على غيد انخطبت وراح تتزوج بــارون وهي كالت.
– شكالت؟؟
– كالت ما تنطيني بنتج مريم لـ ابني محمد.
” نـــهروان ”
سديته منهم خجلانه هذولة مايستحون والله يخجلون بية
انوب ولا يكولون بنية مخطوبة بالجديد واول خطبه الها
خاف تستحي صخاام ابد مايحترمون مشاعري
شلة جارحه!
طلعت من الغرفه تلكاني بــارون
– شنو هاي الصوت؟
– هاي جنت احجي ويا الشلة بالكروب ونضحك يعني.
– منو ومنو؟
– مريم وندى وعبود ونسرين وجواد ومصطفى وهُـمام وغـيـد.
– شعدها غيد؟
– ماعدها، هو شفناهم صاعدين صعدنه سلمنه ونزلنه.
– وهي تسلمن كهكهكهكهكهكهكه.
ضحكت من كالها بصوت عالي ويقلد علينه
– لاا مو همه يتشاقون بيناتهم وضحكونه.
دفعني بخفه وراح لغرفته، عقدت حاجبي وصحت
– ويننن تررى متفقين اليوم تطلعنيي؟؟
– غير مره بربج تعباان.
– خووش.
طلعت للهول صدك مبين عليّ تعبان كلش
مالحيت عليّ
كعدت بالهول يم سيف الي نايم على البلي ولا يرضة يكوم
نـــهروان- سيف راح اخذ البلي واكسره وبأقرب زبالة يكرم الله.
باوعلي وكام طفاه بسرعه وكعد
– مو لان عطله وضوجه ملتهي بي.
– شوو تعال.
اجه كعد بصفي لزمته من وجهه اباوعله هذا مو سيف اخوية!
مو سيف الي اكله على شغله ويضل يتعارك وياي ويصيح
اله ياخذها واتعارك ويا ويزعل وبعدين اراضي
سيف
احسه كبر اكثر من عمره بهواي مو طفل عمره 12 سنه
نـــهروان- سيف بيك شي؟
– لا مابية شي يروحي.
– يايمة شو سوالفك ما عجايز شنو مبدليك بعد اختك؟
ضحك وهز راسة بـ لا
– هههههههههههههع لااا نوونه شبيج، بس المعلمه كالتلي شي مره.
– شكالت؟
– من جنت اروح للمدرسه وانتِ مو يمي جنت ابجي بالساحه هواي
فـ اجتي مره وكالت ليش تبجي اني كتلها كلشي
جان تكلي ادعيلها وانطي وعود لـ رب العالمين
اذا رجعت تسويهن
اني كلت اذا اجيتي ما اكلج على تلفون واسمع كلامج
وما اضوجج ابد ولا ازعلج مني.
بوزت بوجهه وحضنته حيل وبسته بخده
– ميخالف يروحي على راسي وعدك، بس اني ماحب
سيف الجديد اريد سيف القديم الي نتعارك اني ويا
تدري بية اني حقيره احب اتعارك واضرب وانتَ
اذا تصير حباب ماكدر اكتلك فـ ارجف وكح.
ضحك
وهز راسة بـ اي
اجه بــارون سابح ومبدل وكعدت كمت حطيتله اكل
بدون ما يكلي لان مبين عليّ جوعان صدك وتعبان
واني اعرف ليش، علمود يلم المهر مال غـيـد
بس
مستحيل بهاي السهوله لهل سبب كام يستغل شيفتين
ويتعب هواي سوده عليّ وياريت تستاهل غيد الوصخه
مرن يومين مايخلن من راسائل هُـمام ها وافقتي؟
بــارون وافق؟ واني مغسله وبس افكر لان صدك
احتاجيت افكر زين وبــارون ما ضغط عليّ من أي ناحية
بيوم كاعدين بالهول ودگوا اهل هُـمام، فتح خط
وجاوبهم وسالوا على عليّ واني لسه ما مرجعتله خبر
باوعلي منتظرني ارد
هزيت راسي بـ معنى مواففة، ابتسم وردلهم الموافقة
ضليت منتظرته يكمل كلامه ويكول شراح يصير
سده وباوعلي كال
– باجر راح يجون خابري امج، يردون يتفقون على
المهر والمشية، يكولون نعقد هذا الاسبوع وراها بشهر العرس.
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.