رواية تراث النهروان – الفصل العشرون
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
” مـــريـــم ”
ضليت مصدومه ماعرف شسوي طبيت بسرعه للبيت وركضت
كعدت بالكاع وصافنه على الباب ، بـــارون يريد يتزوج غيد !!
اعرف بغيد تحبه بس مستحيل تقبل يكون زواجهم هيج
رفعت
راسي من انفتحت الباب دخلوا ماما وبـــارون واثنيهم مبينين
مهمومين دنكت راسي وسويت روحي ما انتبهت عليهم ولا اعرف شصاير
بـــارون – مريم ؟
رفعت راسي باوعتله بسرعه باوع على غيد وكال
– كعديها .
هزيت راسي بـ اي وكمت واعرف شنو يريد يحجي وياها
جريت نفس ورحت كعدت يمها احرك بيها
– غيد، غيددد اكعدي شوو.
فتحت عيونها على كيف حمرر وشرايين عيونها واضحه من الحمار
فزت بسرعه تعدل بشالها وتهمس
– وخري من كدامي وخرري .
كمت وكفت على صفحه وهي كعدت باوعت عليهم ورجعت باوعتلي
– شكو شبيكم؟!
بـــارون – غيد اريد احجي وياج ؟
– احجي!
– انتِ جبيرة واعية واريد منج تتقبلين كلامي وتفكرين بي بعقل مو بتسرع؟
باوعتلي عبالك اني الحجيت مو هو ورجعت باوعتله وهزت راسها
– كول بـــارون .
بـــارون – اسمعيني غيد اريدج توافقين على عرض الزواج والج مني وعد بس ارجع بيتكم افصخ كلشي وداعت نــهروان بس اريد أأمن عليجن !
غــيد – بـــارون!
كالتها وباوعت على ماما
ماما هزت راسها وهمست
– ماما غيد كلام بــارون صحيح مانكدر على عمامج واني شسوي لو اخذوج مني؟
شيفيدني اني شيفيدني بعد؟
دنكت غير وفركت كصتها حيل ورجعت باوعت علينه
– تريد تصخ كلشي بس ترجعلي البيت ؟
هز راسه بـسرعه وعلى وجهه لمحة أمل هي موافقه
غــيد – تمام .
هز راسة بسرعه وكال
– يعني شنو ؟
جر حسرة وهمست وهي تباوع بعيونه
– موافقه على العقد بـــارون .
باوعلها بسرعه وظهرت شبه ابتسامه على وجهه دنك ورفع ايده مسح على شعره
ورجع نزلها باوعلها وباوع على ماما
– هاهي باجر نسوي عقد بيناتنه ونسويها سكتاوي علما ارجعلج البيت .
ماما – بس اني خايفه لا يسوون شي بعناد ومايخلونكم؟
– لا شنو السالفه اني هنا وعلي شحده الي يدخل نسويها سكته واذا حجوا نلبغ يابه يردون ياخذون مرتي ترضوها ؟؟
كالها وباوع على غيد وهي باوعتله بسرعه ودنكت
ماما – هاهي يمه .
هز راسة وترخص وكام طلع من البيت باوعت ماما على غيد
وغيد دنكت راسها ماحجت شي ورجعت مددت على التخم
كمت طبيت للغرفه عزلتها وكعدت على الجرباية وسيف كاعد بالكاع يقره
رفع راسة باوعلي ورجع دنك
– شراح يصير مرمر ؟
– ههههههههههه مرمر ؟
– اي لعد اصيحلج مريم غير ادلعج ؟
– اوي فدوووة دلع حبيبي دلع .
– اي شراح يصير مرمر ؟
– والله يا سوسو ما ادري حالي حالك .
سكت وهز راسة ودنك يقره
كمت سويت اكل وكعدنه تعشينه وبـــارون ما اجة غير ورا العشه
عيونه حمر وخشمه وجهه مبين باجي بس محد تجرأت تسأل
طب غسل واجه كعد يمنه
بـــارون – خالة ان شاء الله باجر المغرب يجي السيد يعقد خوما عدكم شي؟
ماما – لا يمة شعدنه قابل .
هز راسة بـ اي وكام
– خوش اني رايح هسه اقفلوا الباب وديرن بالجن اي احد يدك الباب لا تفتحنه بس اذا اني دكيت عليكم وكتلكم هاي اني يله تفتحون خوش؟
– خوش يمة .
طلع وطلعت ورا سديت الباب وقفلتها طبينه للغرفه وتلفلفنه ونمنه كلنه
ثاني يوم بدلنه شلون ماجان وطلعنه للكلية تلكونه الولد سلموا علينه
ومحد منهم سأل شي غلسوا واحنه هم طبينه للمحاضره
بس
خلصنه طلعنه
تلكونه الولد سلموا علينه
هُمام – ها شصار؟
مريم – بــارون راح يعقد على غيد.
ابتسموا ومصطفى دنك راسه وكال
– اي هاهي لا تضوجين غيد ان شاء الله بس يرجعلكم البيت افصخوا العقد لا تقهرين روحج ولا تضوجين.
هزت راسها وضلت ساكته
ودعناهم ورجعنه للبيت لكينه بارون موجود ويسولفون هو وماما
سلمنه وكعدنه وهو ودنك يدعدل بالطرف مال رجله علمود يوكف
سواها وكف يعدل بتشيرته
– يله كومي.
غيد – اني؟ وين!
– نعقد محكمه مو سيد.
– ليشش؟؟
– السيد راح يحطون الف عذر ويحجون ماكو شهود ومدري شنو
نقد محكمه ونختم العقد عند القاضي وفنه اليفتح حلكه منهم.
كالها وتجتف
هزت راسها وكامت
بـارون – خالة تجين انتِ لو مريم وياها؟
– اخذ مريم اني ضالة هنا يم الولد.
هز راسة وأشر النه نطلع
مشينه لسيارة براس الفرع فتحها وصعدنه
حرك
السيارة ومشينه وصلنه للمستشفى نزلنه وهو اخذنه
على قسم التحليلات سووا التحاليل هو وغيد
ومبين
ضابط كلشي بحيث محد وكفه يسوي كلشي بسرعه
ويطلع كالوا انتظروا التحاليل وقت وتطلع
كعدنه
ننتظر شوية وكالوا طلعت التحاليل سالمه
ابتسم
بــارون وباوع عليهن وخفاها بسرعه واشر النه
– يله نطلع.
طلعنه من المستشفى وغيد بس تتصفن ما اعرف شبيها
كلمة ماحجت واحنه هم ما حجينه وياها شي
صعدنه
ونزلنه كبال المحكمه وهم هو طب يحجي وياهم
وسووا كلشي بسرعه بسرعه كأنُ محظر لكلشي من زمان
عقدوا محكمه وكالوا ورا كم يوم ينختم العقد مالتهم
بس بــارون ماعرف شلون قنعهم اليوم يختمونه
وانختم العقد مالتهم وصاروا زوج وزوجه قانوناً
طلعنه من المحكمه دنيا اليل وهو شايل العقد ويمشي ويانه
بـارون – جوعانات؟ اكوا مطعم قريب هنا نروحله؟
رفعت تك حاجب وهمست
– شمدريك اكوا مطعم قريب هنا؟
ضحك وغيد باوعتله
دنك راسة واشر عليّ
– يكولون اكله طيب نجرب؟
هزيت راسي ومشينه للمطعم طبينه وكعدنه على الكراسي
بـارون – شتاكلن؟
مريم – أي شي عادي.
هز راسة وراح باوعت على غيد وهمست
– شبيج؟ صرتي مثل ابو صابر خلصتها صفنات.
غيد – انجبي مريم.
كالتها ودنكت تلعب باظافرها
سكتت
اجه بـارون جايب الاكل ويا حطه اكلنه شوية ورجعنه للبيت
تلكتنه ماما وهو سولفلها وهي عينها على غيد الي
بس تتصفن
غيد – رايحه ابدل وانام تعبانه.
كالتها وطبت للغرفه
بـارون – ميخالف خليها تضوج هسه ولا بعدين يصير عليها شي.
ماما – ماضايجه هي يمة بس تدري بيها..
– اعرفها خاله اعرفها، هسه اخذن راحتجن اني طالع
وباجر اجيب السيد.
– خوش يمة خوش .
طلع هو وسيف راح قفل الباب ورا وطب للغرفه
جرت ماما غيد وكعدت وكعدتها بصفها حضنت وجهه غيد بأثنين اديها
وجرتها باست خدودها وباست راسها وحضنتها وغيد ضمت روحها بحضن ماما
ماما – شبيج ماما ؟
– مابية شي.
– لعد ليش ضايجه ؟
– ماما اني مقهورة من عمامي ماما .
– لا تفكرين يبعد امج الله كريم .
كلبت وجهي ونمت على بطني ورفعت رجلية احرك بيهن وباوعلها
– اممم كملن كملن ولا عبالك اني هنا .
ماما – انتِ كومي نامي شوفي عيونج شلون صايرات اله تعمين يله ترتاحين .
– مااماا شساالفة مانعسانه .
– ولج شوفي عيونج صارن حمر من النعاس .
احجي واتثاوب واتمغط
– امم خوش .
جريت عباتها من الكاع تغطيت بيها ونمت بمكاني وغفيت بسرعه
ثاني يوم فزيت على صوت هوسة يم راسي
فتحت عيوني
اباوع هاي غيد وماما وسيف يتعاركون فوك راسي غطيت راسي وصحت
– اشششش اريد اناااام .
ماما – ولج كووميليي مريم شوفي هااي مرمرت حااليي .
طلعت بس عيوني من الغطه اباوعلهم
– شكو؟
غيد – غيرر ماما تعاي اله تلبسين ثووب ياابة المن هو عقد سيد والسلام عليكم .
– وعليكم السلام انجبي وروحي البسي .
– مريم !
– دروحييي عابت لهل جهره .
كلتها ورجعت غطيت راسي اجتني رفسه معدله على رجلي
غيد – كلبة ضليي ناايمه هنا ويجي السيد يقره عليج عباله مسودنه .
طفرت بسرعه وشمرت الغطه اعدل بشعري
– كايمة .
كمت وعفتهم يعدلون الهول وسيف واكف يفتر يمهن ويصيح على غيد يكلها
– اكشخيي مررت عميي اكشخيي .
غيد – ولك سيفففففف .
ركضت للحمام سبحت وطلعت لبست ثوب بيجي لميت شعري وحطيت ميكب خفيف
ولبست شالي حتى نروح للكلية وغيد لبست نفس ثوبي بس لون نيلي
طلعنه ورحنه للكلية تلكوني الولد وباوع علينه
هُمام – هلاا يابة شهل جمال هذاا ؟
ضحكت وغيد ابتسمت
مريم – اريد اكلك جمال عيونك بس استحي .
مصطفى – جماال عيوونك هُمام السرسري
اني كلتها ولا يهمج .
هُمام – انجب خل نفتهم ، عقدتوا غيد ؟
هزت راسها بـ اي ودنكت راسها وجها صار احمر
مريم – عقدوا محكمه هههههههههههههههه .
ندستني وخزرنتي
هُمام – هو صح مو عقد دائم بس مبروك .
عبد الرحمن – خااب انجب مبروك غيد ان شاء الله نشوف جهالكم .
غـيد – عبوود !
ضحك وهُمام ركعه على ظهره ومصطفى يحرك بشفايفه ويعض بيهن ويباوع بنظره ماعاجبه
غيد – يله انه راجعات للبيت .
هُمام – اوصلجن ؟
– لا نتمشى .
لزمت ايدي وجرتني مشينه وهي ضلت لازمه ايدي
مريم – ما اضيع والله .
باوعت على ايدي وهدتها ومشت كدامي بسرعه
وصلنه للبيت وطبينه جانت بس ماما كاعده وسيف يمها
ماما – يله بدلي غيد شوية ويجي بـــارون هو والسيد .
غيد – ماما اذا دروا عمامي !
– معليج ماما روحي .
كالتها ودفعتها بخفه بـ اتجاه الغرفه ، شمرت الكتب من ايدي
وكعدت على التخم بالهول
سيف – شبيج جايفه انتِ شيلي كتبج وضميهن .
رفعت تك حاجب وهو رفع تك حاجب
سيف – شبيج عيني ؟
ماما – والله صدك تستاهلين هو هيج تشمريهن الجايفه كومي شيليهن يله .
مريم – ياا ماما ؟
– كومي كومي .
استغرفت وكمت شلتهن فتت من يم سيف كرصته من ايده وهو صاح ركضت للغرفه وشايله الكتب بـ ايدي
دفعت الباب وطبيت اركض
فتحت عيوني وصوفرت من شفت غيد خزرتني هي وبرزت الكحله بعينها
ضحكت وباوعت عليها من فوك لـ جوة لابسة ثوب ابيض كلوش وساده ولابسة حجاب ابيض
وحاطه مكيب بسيط وبارزته بالحُمرة الحمرة
مريم – اوويلييي ولج هااي شمسووية ؟
فتحت عيونها وباوعتلي وقلق
– عززه مصخمه مو؟ امسحه ؟؟
– تشككين شكك عززة اوووي شهل جماال؟
– انجبي اكلج خاف عيب امسحه ؟ شنو عروس هسه !
– هههههههههههههههههه والله حلووو عليج العباس عوفي تموووووتين .
رجعت باوعت على روحها بالمراية وعض شفتها بقلق
– خاف عيب ؟
– لا عادي عادي ماعليج .
عدلت حجابي اني وهي كلساع تريد تمسح الحمرة واجرها
طبت ماما تهمس
– اجوا اجوا .
باوعت على غيد وحطت اديها على حلكها وصفنت عليها
– هاي شمسوية؟
ضحكت اني وغيد استحت من ماما دنكت
– والله ردت امسحه بس هاي الأدبسزز ما خلتني .
– لا لا امشي حلوة تخبلين بعد امج .
تحجي مبتسمه جرتها من اديها وطلعنه وهي وراي
طبينه للهول واتفاجات بشكل بـارون هلو هذولة خاف
ضاحكين علينه ويردون يعقدون صدگ لو متقمصين الدور كلش
لابس قميص نيلي بارز لون عيونه ورافع شعره ومحدد ولابس بنطرون اسود
وطالع يشك شك
باوعت عليه وهو صفن على غيد
مريم – هلوووو بـارون؟
باوعلي بسرعه وتحمحم وعدل ملابسة
– هلا مريم.
رجع باوع على غيد ودار وجهه لـ ماما
– راح يوصل السيد خاله.
– اي حبيبي ماعدنه شي.
كعدت غيد واني بصفها وهو طلع وكف بالباب وراها
بوقت قصير دخل بـارون ورا السيد وهُمام ويا ودخلن
نسرين وندى ومصطفى وعبد الرحمن ابتسمنه وكمنه
سلمنه عليهم والبنات يضحكن وغيد مستحيه من مكياجها
شلون حاطه هيج مكياج كدامهم
نسرين – عزززة دوودي شطاالعه!
ابتسمت غيد خجلانه وهمست
– شبيج نسرين.
– والله تموووووووووتين!!
– حبيبي عيونج الحلوة.
– ياااايييي بالعقددد مالتي اني وعبودي انتِ تحطيلي المكيب
وهاا شرط الفستااان يكون على ذووقج.
– تدللين نووسة.
ابتسمت نسرين وكعدت يمها جابت ماما مي انطتهم وهم كعدوا بجهه يم بـارون والبنات يمنه
كام بـارون طلع وكف بره وصاح
– السيد اجةةة.
كامنه طفرنه كلنه طبينه للغرفه وضلوا الولد بالهول
طلعت ماما شال ابيض حطته فوك راس غيد وهي لبست عبا
– يله امشي.
طلعنه وياها كلنه سلمنه على السيد وكعدنه كلنه بالهول
بده الشيخ يحجي أيات ويسأل ومره ماما ترد عليّ
ومره بـارون لحد ما بده يعقد وگال
– اسألج ثلاث اسأله بنيتي بالثالثه يله تنطيني موافقتچ.
باوعنه على غيد وجها صار اصفر عبالك كال راح نعدمها
هزت راسها بـ اي وهمست
– اي سيد.
توه راد يحجي السيد وصار صوت صياح بالباب وصوت رمي!
طلعوا الولد كلهم يركضون والسيد يصيح
– يااستااار يااارب.
” نـــهروان ”
رفعت راسي وانصدمت من شفت العُثمان!
صرخت
وكمت ادفع بي وهو عاصرني بحضنه ويصيح
– شلووون تتجرأين تركضين وراها هيج وتضربيهااااااا ؟؟؟!!
وخرني من حضنه ولزمني من معصم ايدي واني اجر بروحي منه بس ماكدرت أيدي صارت تأذيني وهو ما تركها
باوعت عليها جرت نفس وصاحت بعصبية
– الكـ**** تمد ايدهااا عليه!!
فتح عينه خازرها وصاح
– لججج دينااااا.
هي كامت تصيح وتأشر عليّ
– اذبحج لوو طحتي بأيدي اذبحج.
هو فتح عينه على وسعها وباوعلها دفعني بالكاع
وطلع سلاح من خصره وبدون سابق أنذار رمه عليها
ثلاث طلقات وحده ورا الثانيه
صرخت بعلوا صوتي وكمت ازحف بعيد وهي وكعت بالكاع
ترافس والدم ينافر من كل جسمها
– يماااامااااا يمااااماااا.
كمت اصرخ وازحف جرني من ايدي راد يكومني
صرخت بعلوا صوتي وكمت ادفر بي
– لااااااااااااااااا عووووووووفني.
احس بشي حار ينزل على وجهي بس ماعرف هذن دموع لو دم
عيوني يردن يطلعن من مكانهن من كد ما فاتحتهن
وصوتي انبح من الصريخ واحس الدم كام يطلع من حلكي
حسيت روحي بدت تطلع وما اكدر اسوي شي
غمضت
عيوني واني ازحف بعيد، نزلت روحي للكاع واسمع
صياح يم راسي وصوت العُثمان وهو يصيح عليهم احس بأحد
يجرني من ايدي يريد يشيلني واني اشهك واجر بروحي منه
ماكدرت اقاوم اكثر غمضت عيوني وماحسيت بشي بعد
مرت فتره مو طويلة احس نفسي بمكان بارد وجسمي يوجعني كله
فتحت عيوني على كيف اباوع اني وين لكيت روحي نايمه بغرفه
جان مأثثه وكامله من كلشي وجديده ومفروشة واني نايمة على الجربايه وبارده
ومغطاية بطانية طفرت بسرعه اتلفت واباوع على روحي
اني وين!!!!
نزلت من الجربايه اباوع على الغرفه واتلمس بجسمي وجهي خاف بيهن شي
كمت وكفت ركضت للميز اباوع على روحي ملابسي متربه وشعري مكفش
ودم يابس يم خشمي ركضت على الباب افتح بي مقفول من بره
كمت ادفر بي واصيح
– افتحححح الباااااااااب عُثمااااااااان افتحهااااا يااا نذللللللل ياا مجرررررررم .
ادفر بيها بكل قوتي احس رجلية تكسرت بس ما بطلت كمت ادفر حيل واصيح
حسيت بصوت مشي من بره رجعت ليورة وكفت بعيد عن الباب
انفتح الباب ودخل عُثمان بس شفته ركضت على الباب اريد افتح
جرني من ايدي جتفني كمت اصرخ وهو حط ايده على حلكي
وحده لازم ادية بيها دنك راسة يم اذاني وهمس
– شبيج نــــهروان .
كمت ارافس بحضنه واكمز اريده يهدني واصرخ بصوت مكتوم لان ساد حلكي
عضيته من ايده هدني وخزرني بسرعه
نـــهروان – لك شتريدددد منييييييييي شتريددددد !!!!!
كلتها وكمت ادفر بي واضربه على وجهه وصدره وهو يدفع بيه
– حيواااانه ساااقطه .
كالها وضربني راجدي على وجهي انشمرت على الجرباية على أثره
جرني من شعري ورجع صفكني واحد ثاني ، لزم شعري حيل
وهز راسي بـ ايدة
– اذبحج وامحي أثرج لو اريد بس اني ردتج خليج ام مصلحه
وتعلمي من ترضيني وتريحيني انتِ هم ترتاحين لا تصيرين
غبية وتخسرين فرصج بالحياة بسبب غباائج!
تخبلت من كلامة كمت ادفر بي وارافس بأثنين اديه لحد ماحسيت
على ضربه منه اجت على كليتي، ماجانت ضربه عاديه انشليت !
حسيت روحي ماكدر اجر نفس تخشب جسمي وكعت على الجرباية
كمت اشهك وضاغطه على جهة كليتي بقوة وفاتحه عيوني احس روحي طلعت
هو من شافني هيج عقج وجهه بألم ودنك عليه لزم وجهي مرده
بأيده ودفعني وطلع وسد الباب ورا وركعه حيل ، ضليت اتلوه
وحدي وعاصرة بطني بقوة واشهك واجر نفس كوة حسيت
عيوني كامت تغوش وراسي يريد ينفجر من الصريخ وشرايي
راسي تريد تنفجر من كد ما مقلصه وعاصرة روحي
” بـــــراء ”
نزلت اركض من الدرج وشايلة عزيز بحضني تلكاني بــرهــوم
– على كيفج !
كالها واخذ عزيز مني
بـــراء – بـرهـوم تُــــراث صارلة يومين لا يرد عليّ ولا يجي للبيتت !!
شالي عزيز بحضنه رفعه وباسة من خده ودار وجهه ومشة كعد على التخم
– مابي شي تلفونه طافي حاجاني قبل شوية .
– بـــرهـــوم !!!
كلتها وباوعتله بتعب، باوعلي وهز راسة
بـرهـوم – هاا حبيبي؟
– اعصاابي تلفانه وخايفه على اخوية شلون تحجيها برود!
– تعبنيييي بــرااء تعبنيي!
اكله هيج يكلي هيج يريد يسوي بالبراسة ولا يهمه احد!
كعدت على الدرج افرك براسي وروحي تريد تطلع
– استغفر الله ياربي.
– لا تخافين برائي! اني حاجيته وكال طمنها مابية شي
يومين هيج ويجي لهنا.
هزيت راسي وضليت كاعده على الدرج
نزل عزيز من حضن بـرهـوم واجاني يركض حضنته
لصدري وهو حضني من ركبتي وهمس
– ماما.
– عيون ماما ها حبيبي؟
– اتي ذعلانه؟
– لا مازعلانه حبيبي.
– اتي ثايجة؟
– لا وليدي.
– بابا ذعلاج؟
– لا حبيبي مابية شي.
يحجي واديه حاضنة وجهي
بـرهـوم – ولك عزيز اني مزعل ماما؟؟
– لا بابا اني اثألها.
ضحك بـرهـوم وكام جره يبوس بي ويضحك وعزيز يضحك بصوت
على حضن بـرهـوم الة، باوعلتهم وتنهدت
كمت صعدت فوك طلعت التلفون ورجت ادك على تُـــراث
طلع يرن! ثواني واجاني صوته
– بروئه.
– تُـــراث!!!
– هلاا.
– بعدد وكت ليش رديت هسه؟
– بــراء بربح غير وكت خليها.
– وين انتَ؟
– خارج المحافظة.
– تكدر تجي؟!
– تدرين شي؟
– اريدك تعال فدوة.
– مسافة الطريق.
كالها وسد الخط، تنهدت رجعت التلفون على الميز وطلعت من الغرفه
نزلت كلت لـ بـرهـوم هز راسة وكام
– خل يجي اله اطيح حظة.
– شبيك ويا بـرهـوم!
– غيررر خاايف عليّ!!!!
– ميخالف مو هيج صاير ماتتحاجه!
جر حسرة واجه حضني وحط راسة بركبتي تنهدت وعبرت ادية حاضنته
– اعذريني اعصابي تلفانه هاي الفترة.
ضليت ساكته وهو ضل حاضني ابتعدت يمسح على خدي
– روحي اسبحي بمي بارد جسمج حار يمكن مصخنه؟
كالها وحط ايدة على جبيني، هزيت راسي بـ اي وصعدت
وكفت بالدرج وصحت
– عزيز انتبه عليّ بـرهـوم!
– يمي حبيبيي روووحي.
اخذت ملابس وطبيت للحمام فتحت الدوش بس مي بارد
ضليت واكفه جوة المي والمي البارد ينزل عليّ
بس احس
كلبي بعده حار ومشتعل نار على نــهروان وتُــراث
خلصت بدلت وطلعت لافه شعري بالمنشفه
وكفت
باول درجة اريد انزل وسمعت صوت تُــراث ابتسمت
ونزلت اركض من الدرج
وكفت بمكاني من سمعته يصيح
– مو بكيفك بـرهـوم!
– شني مو بكيفي؟ حظك اطيحه ومحمد صارلنه سنين من شغله لشغله
هسه تريد تخربها علمود بنية.
– مووو بنيةةةةة عاااديةةة لاا تخليني احجي!
بـرهـوم – خااب ما تنجب.
– بـرهـوم لا تستفزني.
– انجب.
– خااب بعلي اله اسويها واعلمك.
– طبك مرررض سويهاا كتلك اني اطلعها الك بس انتَ كووة تريد تلعب بالناار يله العب بيهاااا واحترك واحركنه وياك.
– لاا تصيح كلب.
– غثك صياحي غثك يكرررررص.
– اشششش انجب يلة انجب.
حطيت ايدي على حلكي ونزلت اركض التفت عليّ
بـرهـوم وتُـــراث التفت ويا من شافني ابتسم واجه
ناحيتي، جريت حسرة ورحت حضنته حيل وهو عصرني بحضنه
باسني براسي ولزم وجهي يبوس بخدودي
– افيشش مشتاااق.
– وين جنت عني؟
تُـــراث – عني لو خالي.
ضحكت وضربته على جتفة
– هااي شبيك مو داحجي ويااااك.
– بكاع الله واجيتج.
– ليش ما ترد عليّ؟ خوفتني عليك والله.
– اعذريني مافتحت التلفون وداعتج.
هزيت راسي وسكتت وضليت حاضنته مجلبة بي وهو واكف ويحجي وياي
بـرهـوم – وخري عنه خل يكعد ويجيبله مي شوفي فحط.
باوعتله صدك مبين عليّ التعب
وخرت وركضت جبت مي واجيت وهو كعد على التخم
تُـــراث – براء ملابس بداعت العزاز وشغلي السبلت بالغرفه
اريد اسبح وانام كم ساعه حتى اطلع.
هزيت راسي وبدون ما اسأل ولا احجي رحت حظرتله ملابس
وشغلت السبلت بالغرفه الي جانت تنام بيها نــهروان ونزلت
– حظرتهم تُـــراث.
كام بسرعه باسني بخدي وصعد
باوعت على بـرهـوم وكعدت يمه
– شبي تُـــراث؟
– شبي؟
– ليش جان يصيح اول ما اجه؟
– بطران.
– بـرهـوم!!
ضحك ومد ايده يمسح على رجلي
– كلشي بوكته حلو بــرائـي.
هزيت راسي وهو جرني خله راسي راسي على صدره
واديه بين اديه يحرك بالمحبس الي بأيدي
– بـراء.
– عيونها.
– اروحلهن فدوه، نسوي اخ لـ عزيز؟
ضحكت خجلانه منه وضربته على رجله بخفه
– والله انتَ البطران مو تُـــراث.
ضحك وجعصني بحضنه اكثر، رفعت راسي اباوعله مبتسمه
دنك راسة باس طرف خشمي، غمضت عيوني مبتسمه
ماحسينه غير على صوت حمحمه
فزينه ابسرعه وانشوف تُـراث واكف بداية الدرج ويباوع علينه
ابتعدت بسرعه عن بـرهـوم وهو ضحك بصوت وخر ايده
نزل هو يباوع لـ بـرهـوم صفح وبـرهـوم يضحك
حسيت وجهي صخن من المستحه ما رفعت راسي ولا باوعت
على تُـــراث بعد، صرت اشرد بنظراتي عنه ما احط عيني بعينه
سمعت عزيز يصيح بالمطبخ، فتحت عيوني وطفرت اركض
ركضت للمطبخ على صوت صريخه وبـرهـوم وتُــراث يركضون وراي
طبيت للمطبخ اركض وصرخت بعلوا صوتي
من شفت…!!
يتبع….
بارت قصير صح بس انتوا طلبتوا علما اكمل البارت الـ21
اقروا هذا وحقكم عليه والله اعبكم زهراتي😔💋💋
يتبع..
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.