رواية تراث النهروان – الفصل الخامس عشر
التفتوا عليّ عمامي وخزروني
جاسم – شجاابكم ؟؟ غيدد احجي عدللل .
– ايي شجاابكم شجاابكم ؟؟ شذكركم بينه ؟ لو ضاالين بعد سنه سنتين يله
صااار سنين تووكم يالله تذكرتونه ؟؟؟
– ولججج غيددد لسااااانج الزززمي .
سكتت اجر نفس واباوعلهم بحقد
سالم – لساااانهااا شطوووولة .
– حقييييييي لوو مو حقيييي صار سنين محد داك بيتنه منكم وهسه يله اجيتوووا ؟؟ اكيد تردون شي من عدنه كوولوا يله شتردوو كوولوا ؟؟
تقدم ابن عمو جاسم وضربني راجدي حيل شهكت وماما صاحت ولزمتني
ابتسم عمو جاسم متشمت بية والتفت على ابنه
– عمار .
التفت عمار خازرني ورفع اصبعه
– صوتج اذا يعلى عليهم لساانج اكصة .
فتحت عيوني بصدمه خزرته ورجعت عليّ ضربته راجدي صاحوا كلهم رفعت اصبعي بوجهه اصيح
– انييي لأكص لسااانك لو رجعت مديت ايدك عليّ وااانيي موو بنت جعفررر اذاا ما ندمتك حييوااان .
تخبلوا شلون سويت هيجي ركض عمو خنكني وماما كامت تصرخ وتلطم على وجها
جاسم – وعليي اذبحج واكص لسااانج اذاا رجعتي تطاولتي علينه .
– وخررررر صاااااير براااسي رجاااااااال .
حجيت هيجي وهو فقد اخر ذرة عقل ضربني راجدي وعمار ويا يضربون بية
ماما تبجي وتصيح وترديهم يعوفوني وعمو سالم لازمها وابنه سجاد واكف بصفه يباوعلي ويخزر بية
ادفع بيهم واصيح وهم يضربون هو وابنه
جاسم – ادفننننج ولج غيدد ادفنجججج .
– وخرررر عنييييييي وخررررررررر .
عمار – لسااااانج ساااااقطة .
سحلني من شعري شمرني بالكاع وصار يدفر بية وكعت بالكاع روحي طلعت من الضرب
بس ما استسلمت ضليت اغلط عليهم وماما تبجي وتضرب على حلكها وتصيح
– ولجج موتينييي اسكتيييييي اسكتييييي .
حسيت من الضرب راح يغمى عليّ غميت عيوني وهمست
– صايرين زلم براسي المخانيث .
كلتها وحسيت بضربة على راسي خلتني افقد الوعي فورًأ
” مــريــم ”
خلصنه المُحاضرات وطلعت من الكلية ادور على غيد
مالكيتها بالقاعه مالتها
طلعت برة لكيت الولد يردون يطلعون صحتلهم وركضت بأتجاهم
مــريــم – شباب غيد شفتوها ؟
مصطفى – رجعت للبيت من اول محاضرة .
– صدك ؟؟ شو مكالتلي .
– جانت ضايجة وكالت راجعه للبيت .
هزيت راسي وعبرتهم اريد امشي حسيت بأحد يمشي بصفي
التفتت عليّ لكيته مصطفى ابتسملي وهمس
– شلونج اليوم ؟
– زينة .
– عساج .
ابتسمت ودرت وجهي
مصطفى – اوصلج ؟
– حتى ماما توصلين للجنه كبل .
ابتسم وكال
– براحتج .
ودعته ومشيت
وصلت للبيت استغربت من شفت سيارات اثنين باب بيتنه
هلو هذا منو يمنه
فتحت الباب وطبيت سمعت صوت ماما تبجي واصوات زلم
طبيت اركض فتحت الباب وباوعت بصدمه عمامي ؟ هذولة شيسوون هنااا ؟
التفتوا عليّ عمو جاسم وعمو سالم وسجاد ابن عمو سالم وعمار ابن عمو جسام
وعماتي واكفات يمهم باوعتلهم مستغرب ابتسم عمو جاسم
– هاي مريم ؟ كبرانه مريومة تعاي سلمي على عمج .
بلعت ريكي ورحت سلمت عليهم ورحت لماما مستغربة
مـريـم – ماما ؟ شبيج ليش تبجين ؟
مسحت عيونها وهزت راسها بـ مابية شي
صفنت عليها خاف لان شافت عمامي تذكرت بابا وبجت؟
مــريــم – اجت غيد ؟ كالولي طلعت قبلي .
ماما – اي بغرفتها .
– عمو شربتوا مي ؟ شي ؟
ابتسم عمو جاسم مكيف بكلامي وباوع على عمار الي ابتسم مستهزء
جاسم – شربنه شربنه امج ما قصرت .
ابتسمت مجامله وركضت لغرفتي
بدلت ملابسي وطلعت لكيتهم كاعدين بالهول وماما كاعده وتفرك بأديها
سالم – تعاي عمو مريم اكعدي هنا يمي .
كعدت بصفه حط ايدة جتافي استغربت حركته بس سكتت
عمار – ياسنه هاي الج مريم ؟
– الثالثه .
– شكد وتتخرجين ؟
– هاي السنه ماضل شي وتخلص بعد سنه ان شاء الله واتخرج .
هز راسة ودار وجهه
وعمو جاسم يباوعلنه ومبتسم مكيف علمين ما ادري
ســالم – ام غيد ان شاء الله مثل ما اتفقنه ؟
بلعت ريكها ماما وباوعت عليّ ورجعت باوعتله
– بس خوية اني ما اجبرهم اذا ما راضيات .
– ام غيد مثل ما اتفقنه ؟؟؟؟
– بس..
بعدها ما حاجية اجانه صوت غيد يصيح
– محددد يجبرررنه على شييي ما انريدددة افتهمت لو لااا
والي بااالك تنساا احسن الك .
فتحت عيوني بصدمه من منظرها عيونها حمر وجفنها ازرك
وخشمها كلها دم وشفتها هم مشكوكه ركضت عليها وهم ركضوا وراي يصيحون
حضنتها حيل عمار مد ايدة من فوكاي سحلها من شالها وهي تصيح وتدفع بأدية
– وخررررر خسيس مخنثث كووة تريد تصير رجاال براااسي .
حطيت ايدي على حلكها اريد اسكتها وهو يصيح ويجر بيها
ماما تلزم بيها وعماتي هم عمامي وسجاد وعمار يردون بس لزمونها
وهي لسانها يمطر مطر بالغلط ما سكتت ولا سدت حلكها اريدهم
يعوفونها حتى احاجيها وهم يصيحون
غــيد – ولك المخنبثثث صااااير زلمة وتضرررب المخنثثثثثث .
كالتها ورفعت اديها تضرب بـ عمار على راسه
اتخبل كام يكفر ويفشر ويجر بيها من شالها واني وماما ندفع بي عنها
سحلني عمو سالم وعمو جاسم سحل ماما وخرونه عنها
وخزرو عماتي
وخرن هنه بسرعة سحلها عمار من شعرها وشمرها بالكاع
اتخبلت كمت اصرخ وادفع بعمو سالم اريدة يهدني اتكابوا عليها هو وسجاد
ملخوها تملخ وهي كل هذا الضرب وتغلط عليهم وتسب بيهم
وترجع تريد تضربهم سودتني كمت اصرخ
– غيدددد اسكتييييييي اسكتيييييييي .
ماما كامت تبجي وتطلم على وجها وتصرخ وهم يضربون بغيد
وكعت بالكاع تجر النفس كوة وتهمس
– مابيكم رجال مخانيث .
فرفحت روحي من عمار داس على راسها بحذائة وصاح
– اذبحج لججج ساااااقطة .
دفعت عمو سالم بكل قوتي
ركضت على عمار دفعته راد يوكع على وجهة دنكت على غيد
رفعت راسها من الكاع وكمت اصيح
– ليششششش هيجيييييييي ليشششششش شسوتلكممم هييييييييي ليششش هيجيييييييييي .
عمار – اختجج هااااااي السااااقطة نهاايتها على ايديي الكـ*** ام لسااان الزفررررر .
كالها ودفرها على رجليها دفع عمو جاسم ماما وطلعوا كلهم من البيت
ركضت ماما على غيد حطت راسها على رجليها حضنتها وتبجي
– ماما غيدد حاجيني ماما .
فتحت عيونها بتعب وباوعت على ماما وهمست
– والله لأخذ حقي من عيونهم .
كامت تروط وماما تصيح عليها تريدها ترجع
طبت للغرفه كوة تمشي وطلعت لابسة صاية وحجاب خلت ماما تلطم
مــريم – وينن رااااايحة غيددددد ؟؟؟
غــيد – هسه اجي لحد تطلع وراي ما اتأخر .
تحجي وتسحل روحها جرتها ماما مانعتها تطلع كامت تصيح
– اكتلل روحيييي اذاا منعتينييي اكتل روحييييي .
دفعت ادين ماما وطلعت من البيت
كعدت ماما تبجي وتضرب على رجليها
مــريــم – مااماا شبيهمم شبيهم انجلبواا عليهاا ؟؟
– وللجج عمج يسااومنييي يكليي لو اخذ البناات لعمار وسجاد لو اخذ البيت منكم واهجولجن بالشاارع .
– موو بكيفةة البيت هذاا مُلك بأسمج يااخذة شنوو ؟؟
– مو وبأسمييي مو باسميي بأسمةة .
– مااماا شداتحجيين مو اشتريتي البيت وسجلتيي بأسمجج!!
– ولج مااما هددوني اذا ما سجلت البيت بأسمهم ياخذوجن منيي
وسجلته بأسمهم .
من الصدمه ضليت فاتحه عيوني وايدي على راسي
– شسويتي ماما!!
” غــيــد ”
امشي واجر بروحي جر كوه وصلت الشارع العام
غطيت وجهي وأجرت تكسي
– وين خوية ؟
– مركز الولاية .
هز راسة وحرك السيارة وصلني للمركز نزلت من السيارة انطيته الكروة ونزلت
امشي كوة واجر روحي جر وصلت للمركز طبيت امشي كوة نزلت الشال من وجهي حتى الأأثار تبين ومشيت للمركز اريد اطب
اتلكوني الضباط الواكفين بالباب
– تفضلي ؟
– سيدي اريد اقدم شكوة .
هز راسة وباوع على وجهي اشرلي منين افوت
دخلت للمركز تلكوني هم ضباط ويباوعن على وجهي مستغربين
واسألهم منين اقدم الشكوة لحد ما دلوني على مكتب لكيت حارس واكف بالباب
– تفضلي ؟
– اريد اقدم شكوة .
– اشوف سيدي فارغ واجيج .
ضليت واكفه بالباب اغمض بعيوني وافتح كوة راسي وجسمي يوجعني
طلع وكال
– اتفضلي منا .
فتت للغرفه وهو ضل واكف برة من شافني الضابط باوعلي مستغرب
– تفضلي بوية استريحي .
كعدت على الكرسي اجر نفس مدلي كلاص مي
– اشربي واهدي واحجيلي كلشي وان شاء الله حقج ناخذه لو بسابع سمة .
شهكت ابجي وباوعتله
– واذا عند عمامي ؟
عقد حاجبة مستغرب رجع هز راسة
– كتلج ناخذة اشربي مي واهدي .
شربت المي وباوعتله
– سيدي عمامي اجوي لبيتنه تهجموا علينه واحنه ماعدنه احد غيري اني وماما واختي
شوف شسوو بينه سيدي بس لان رفضنه نتزوج واحد من ولدهم
سيدي اريد اقدم شكوة ضدهم .
– ميخالف .
هز راسة وطلع ورقة صار يكتب بيها ومدها الي
– وقعي .
– بس ماريدها يطلعون .
– الأسماء ؟
– عمار جاسم وجاسم عدنان وسالم عدنان وسجاد سالم .
– وقعي هنا بوية .
وقعت وانطيته الورقة
– راح نطلع دورية تجيبهم بس الموقع .
انطيته موقعهم
– عاشت ايدج تفضلي ارجعي لبيتكم وان شاء الله حقج مرجوع .
– رحمالله والديك .
– واجبنه هذا بوية .
طلعت من يمه روحي رايحة وكوة امشي ويا طلعتي صادفني الضابط الي لازم قضية نــهروان
جان يحجي ويا احد بس ما انتبهت منو لحد ما باوعلي الضابط مستغرب
والتفت الي واكف ويا وانصدمت من عرفته هذا بـــارون
فتح عيونه بصدمه
واجوا اثنيهم بأتجاهي
الضابط – غيد جعفر ؟
بـــارون – غيدددد ؟؟؟؟؟ شبيجججج ؟؟؟
غيد – مابية شي مجرد مشلكة صغيرة .
سكت بـــارون عرف ماريد احجي كدام الضابط
دار وجهي والخوف والقلق محتلات وجهه
الضابط – سلامتج غيد .
– الله يسلمك سيدي ، ماعرف شي على نــهروان ؟
– جاي نجمع معلومات ان شاء الله عن قريب كلشي يتوضح .
– ان شاء الله ، من رخصتكم .
هز راسة ودنك ساكت
مشيت من يمهم وطلعت من المركز بعدني ما عبرته وحسيت احد يجرني من صايتي
التفتت بسرعة شفته بـــارون باوع على وجهي وهمس
– منو وياج غــيد ؟؟؟
– بـــارون .
كلتها ودنكت ابجي وهو اتخبل يريد يلزم وجهي يريد يلزمي ايدي ويبطل
– بس كليلي منو وياج منو مسوي بيج هيجيي ؟؟
– المكان مو مُناسب بـــارون .
هز راسة وراح وكف تكسي واشرلي اصعد
صعدت وهو صعد يمي وصلنه باب بيته نزلنه اثنينه فتحلي الباب وطبيت
لكينه سيف غافي على القنفه دنك باس راسه وشالة طببه للغرفه وطلع
بـــارون – منو وياج غيد احجيلي ؟؟
– عمامي .
– عمامج ؟؟؟؟؟
– اي .
– شسوولج وليش ضربوج ؟؟؟
مسحت عيوني اشهك وحجيلته مختصر بدون ما اذكر بعض الشغلات
– وليشش ترداددينهمم ؟؟؟؟؟؟ هااي مو قووووة ما تكدريلهم انتِ ليش ترادديهم خل يحجون ويطلعون .
باوعتله وصحت محروك كلبي
– اسكتلهم ؟؟ اسكتلهم اموت غيرر امووت ولا اسكت امدااانيي اذاا انهاااان واسكت .
– وتنضررربين ؟؟؟
– على الأقلل ضربتهم وغلطت وريحت كلبي.
– وكـــلبي غيد ؟
رفعت راسي اباوع بعيونه وهو يباوعلي والقهر واضح على وجهة
دنكت ساكته تقرب كعد كدامي يجر حسرات ويريد يدوسني ويرجع يستغفر ويدير وجهه
– غيد ابوية انتِ اسمعيني ولا تراددينهم خل يحجون ما يكدرون يأذون شعره منج واذا سووها صدكيني ما يسلمون مني .
– لا تخاف اشتكيت عليهم .
كلتها وهو فتح عيونه بصدمه وصفك كصته
– لا اله الا الله ، شسويتيييي ؟؟؟
– راح اسجنهم كلهمممم .
– مخبلهه انتِ؟؟؟؟ شلوون تسوين هيج ولج شلوون
راح تورطين روحج وياااهم .
– خل اتروط اني اريد اتورط .
– غيددد ليش ماا تسمعين منيي ؟؟ راح تعمين على روحج هيجي مراح يفكون ياخه منج .
– خليهم اني وهم والزمن طويل شيسوون يعني ؟
– غيد امشي ترحين وياي تسحبينها .
– مااا اسحبها بــارون خليهم ينكتلون كم كتله بالسجن يريحن كلبي يله .
سكت صافن عليّ واني روحي شايطة رفع ايدة يمشيها على وجهي بدون ما يطخني
– شسويتي بروحج غيد ليش هيجي ؟
– احسن خااف عبالهم ماعدنه زلمة بالبيت يولونه ولية المخانيث
انعل والديهم لو مو عماامي والله وكل ضربة ضربونياها ارجعه الهم اضعاف .
كلتها ودنكت ابجي بصوت واشهك
بـــارون – وسفة لعد واني وين رحت ؟
– بــــارون بياا حق ؟ بيا حق توكف بوجهم ؟
– اني اسوي الحق!!
– شلووون ؟؟؟
– نتزوج .
” نـــــهـروان ”
باوعتله بسرعة وفتحت عيوني مصدومه بكلامة شهكت بـــراء وصاحت بسرعة
– تُـــــراث!!
باوعلة بــرهــوم مصدوم بكلامة وهو دنك يفرك براسة
واني باقية على صدمتي
ضليت اباوعلة والدموع صارت تنزل بهدوء على وجناتي
دنكت راسي
غمضت عيوني حيل نزلن دموعي وحسيت بيهن يوكعن على ايدي
تُــــراث – ما اقصد هيج بـ…
بعده يريد يحجي رفعت ايدي بوجهة وصرخت
– شتقصددددد لعددددد شتقصدددد ؟؟؟؟ ولك كلاامك هذاااا السااقطين ولد الشواارع ما يكولونه
انيييي تحجييي عليّ هيجج ؟؟؟؟ امدااااانيييي .
كلتها وصفكت كصتي حيل وشهكت
كام بسرعة اجه بأتجاهي ولزم ادية وبــراء حطت اديها على حلكها
وتباوع علينه بــرهــوم مدنك ساكت ،دفعت ادية اصرخ
– عووووووفنيي لا اكتلل روحييي عووفنيييييي .
– والله اسف مو هيجي اقصدد والله .
– ولك عووفنيييييي هدنيييييي هدنيييي .
كمت اصرخ وادفع بي اريده يهدني وهو مجلب بأدية
حاولت تلزمة بــراء توخره من عندي دفعها وصاح بيها
– وخررري هيججج انتِ .
فزت مبتدعه لزمها بــرهــوم وهي تباوع علينه بقلق طببها هي وابنها بغرفه ثانية وسدوا الباب
خلوني وحدي ويا
حضني من ظهري حيل ولازم ادية واني كمت اصرخ وادفع بي
– عووفنييي يمااامااا والله تعبتتت والله عووفنيييي .
حضني حيل وهمس يم اذني
– اسكتي واعوفج اسكتي .
– مااا اسكتتتتتتتتت ولك عااااااار جلببب حقيرر اني تحجيي وياايي هيجييي ؟؟
ولك اكتلهم والله العظيم اكتلهم واكتلل روحيي وما اخلي واحدد كلب ابن كلب يمد ايدة عليّ .
– اشش ادري كافي .
– عووووووفنيييييييي .
تعبت من كد ما ادفع بي وهو قوتي يمه صفر استسلمت سكنت بحضنة ابجي واشهك
– الله لا يوفقك .
– ميخالف كافي اهدي شبيج .
عصرني بحضنه حيل وباسني من راسي وهمس
– والله العظيم مو هيجي قصدي ليش ما تسمعيني ليش تتسرعين
اقصد هم يجبروج غصبا عليج يسوونها والله واني ماسويتها ساعدتج بس.
– وتعيررنيييييي بمسااعدك الي؟؟؟؟
– ماا اعيرج والله ماا اعيرررج حجيتهاا بشقه شبيههاا هاييي
غصبا عليّ وعلى راسي اساعدج واني الممنون .
هو كاعد ورا ظهري وحاضني ولازم ادية شهكت اجر نفس ورجعت راسي على صدره
نزل ادية من اديها وحضني يمسح على خدي بأيدة
– والله مو قصدي احرك دمج واخليك تنهارين .
– حركته وخليتني انهار .
– اسف حقج عليّ شتردين مني ؟ اي شي تردينه اسوي الج والله اسوي واني الممنون .
– رجعني لـ بــارون .
– والله ما اكدر ارجعج خطر عليج وعلى بــارون .
سكتت مخنوكة وهو ضل كاعد وراي
وخرت عنه امسح دموعي واجر نفس كوة واشهك سكتت بس اشهكة ضلت معلكة
تُـــراث – دكافي عليج الله مو حركتي كلبي بالعباس اسف .
مسحت وجهي وهو كام جابلي كلاص بي مي
– اشربي شوية .
اخذته من عنده اشرب وهو يباوعلي مقهور من نفسه ونظراته كلها ندم
دار شوية من الكلاص بأيدة ومسح وجهي
انفتح الباب وطلعت بـــراء نظرات الخوف على وجها وبــرهــوم وراها شايل ابنه
بـــراء – ها حبيبتي شلون صرتي ؟
هزيت راسي بدون ما اجاوبها راحت وكفت يم تُــراث وضربته على جتفه
– كم مره اكلك هذا كلامك تبطلة ماتعرف تحجي اذا ما تفشر وتحجي كلام عيب ؟
بــرهــوم – حبيبي هو هذا اخوج مسقط فد مره يرنادله تربية .
تُـــراث – اربيك وياي ؟؟
بـــراء – ايي اتعاركوا انتوا انوب .
كعدت بصفي تمسح بوجهي وتصعد الكبوس على شعري
حطت اديها على كصتي وصاحت
– يااا سودة علية هاي صايرة نار من الصخونه .
باوع تُـــراث عليّ بسرعة واجه حط ايدة بركبتي
– هاي من المطر شوف شصاير بيها .
دفعت ايدة عني وهو ضل ساكت يجر حسرات
بــرهــوم – امشي تُــــراث هم يالله نرجع .
هز راسة واحسة مايريد يطلع ويا ، اجه بأتجاهي
– خل اصعدج فوك حتى انطيج علاجج واروح .
ضليت ساكته
دنك عليّ شالني عبرت ادية على ركبته اخاف لا اوكع
طببني للغرفه
حطني على الجرباية وجر الغطة صعدة عليّ
تُــــراث – هسه اجيج خوش ؟
ضليت ساكته مجاوبته مسح وجهة متنهد وكام طلع برة
نزلت روحي على الجرباية ارجف من البرد صعدت الغطى وتغطيت
غطيت حتى راسي ونزلت روحي على المخدة حطيت راسي عليها
توني غمضت عيوني وسمعت الباب انفتح وصوت تُـــراث يكول
– شلااال شووفي شجبتلج ؟؟
فتحت عيوني ونزلت الغطة شهكت من شفته شايل ببغاء
ضحكت وهو يضحك حاطة على ايدة
جبير وملون بلون برتقالي واصفر واخضر والوان هواي
نــهروان – الله هذااا منيلك ؟؟
– ههههههههه هذا سوكي الببغاء مالتي .
– مالتك ؟؟ ههههههههه عليك الله حطة على ايدي .
اضحك واباوعلة
كعد كدامي يضحك فرحان لزم ايدي مدها وكف الببغاء عليها
صرخت بحماس اضحك وفرحانه
نـــهروان – هلو سووكي ؟؟
سوكي – هلو شلال .
صرخت فازة ودفعته بسرعة وكع على الجرباية وكام طار وكف على ايد تُـــراث
فتح عيونه تُـــراث متفاجأ
– لااا شلال!!
– هذاااا يحجييي يمااااماااا .
ارجف من الخوف واباوعله وتُـــراث خرب من الضحك عليّ
– غير ببغاء يحجي .
– عبالي جذبب والله عبالي جذبب ماعبالي صدك يحجوون .
سوكي – كحـ*** .
فتحت عيوني مصدومة وتُـــراث خربان من الضحك
– هذاا ليش يفشرررر ؟؟
– مستهتر ، سوكي كول اسف نـــهروان .
سوكي – اسف شلال .
دمغه تُـــراث على راسة بخفه
– ابن الكلب كول نـــهروان لا تكللها شلال .
سوكي – ابن الكلب .
فحطت من الضحك وكمت اكح كوه اضحك من الصخونه وهو يفشر على تُـــراث وتُــرث يضربة وهو يرجع يفشر
شاله وجر ايدي حطة على ايدي واني اباوعلة وارمش بسرعة
من الخوف خاف يحجي شي وارجع اشمرة خطية
تُـــراث – سوكي روح بوسها .
اجه مد راسة وسوة صوت عود بوسة خربت ضحك عليّ اريد اسكت ما اكدر
وهو يرجع يحط راسة على خدي ويطلع صوت مال بوسة ام الطكة
ضحكت وخرته عن خدي وهو خلا على ايدي وكام طلع باوعتله بخوف
– لا تباوعلي هيجي حباب اخاف .
سوكي – كحـ*** .
– عززززةةة ولك لاا تفشررر .
– افشر .
– لاااا .
– افشر افشر افشر .
ضحكت من كام يعيدها بسرعة فحطني من الضحك
طب تُـــراث شايل قفص جبير علكة بالحايط واجة بأتجاهي
تُـــراث – صاير مستهتر ارجعك للقفص احسن حتى تتأدب .
سوكي – انجب .
– ولك سوووكي اسكت تأدب لا اشويك للعشة والله .
– لاا لاا لاا لاا .
غطيت وجهي اضحك وهو يصيح لا لا صوته يموت من الضحك
حطه تُـــراث بالقفص وحط فوكاه قطعه سودة
نـــهروان – هاي ليش هيجي خاف يختنك ؟
– لا ماينام اذا مو ظلمة وهم يضل يصيح ويفشر .
سوكي – كو**** .
شهكت اشخر من الضحك وهو يضحك بعلوا صوته
تُـــراث – تربية سزز .
نــهروان – هاي تربيتك .
– لا بعلي هذا الساقط بــرهــوم غير عايفه يمه بالبيت شمدريني يعلمة يفشر .
– بـرهـوم ما سمعته يفشر بس انتَ تفشر هواي .
– ساالمين ؟ طبعًا مايفشر كدامج ، اكلج سو اسكتي اسكتي وسدي الموضوع .
كلب وجهة واجه وكف يمي
– ارجعي نامي خل اسويلج كمادات باعي وجهج انكلب احمر من الصخونه.
هزيت راسي واحس صدك جسمي مشتعل نار وراسي يوجعني
نزلت راسي وصرت اتثاوب بنعاس
نــهروان – خل انام ومن اكعد عود حباب اريد انام نعست .
– نامي انتِ مالج شغل .
– مو ابرد غير !
– نامي نامي ماعليج .
رجعت راسي على المخدة وتغطيت وهو طب للحمام وطلع شايل خاولي وطاسة بيها مي
كعد كدامي على الجرباية وحط الطاسة على الطبلة كدامه
نكع الخاولي
وحطه على راسي شهكت من البرودة وردت اوخره لزم ايدي
– لا تتحركين شلال اصبري شوية تروح الحرارة واشيلها .
غمضت عيوني
وضليت ساكته وهو يحط الخاولي على راسي ويرجع يعصرة
ويرجع مره ثانية هم يرجعه على راسي
طلع الخاولي من الطاسة وعصره وفتحه مد ايدة على سحابة الدشداشة
من الصدر فزيت ولزمت ايدة بلع ريكة وباوعلي ورجع دنك عيونه
– بس افتحي هاي وخلي الخاولي على صدرج .
– تُـــراث !!
– مناا مناا شبيج!
كالها واشر على صدرة وركبته من فوك
اخذت الخاولي من عنده وطببته جوة الدشداشة على صدري وعفته
غمضت عيوني وردت اغفي حسيت بشي ينصحب من صدري
فتحت بسرعة لكيته يجر بالخاولي ، سحبته بسرعة وانطيته الة
اخذهن وكام رجع للحمام واني تغطيت اريد اكمل نومتي
تُــــراث – لا تنامين راح اجيبلج اكل اكلي ورجعي نامي .
– ما اشتهي حباب اريد انام .
– ميخالف اكلي ونامي .
– ما اشتهي اكل شي والله ماريد لا تجيب من اجوع اكلك .
احجي ويا واني مغمضة من كد ما جسمي نحلان ونعسانه
غمضت عيوني بتعب وغفيت ماحاسة بشي بعد
فتحت عيوني بهدوء من حسيت ايد تمسح على راسي
لكيته
كاعد يم راسي ويمسح عليّ من شافني كعدت ابتسم
– شلون صرتي ؟
بلعت ريكي وكعدت ورجعت ظهري على الجرباية
– زينه احسن ، مارحت ويا بــرهــوم ؟
– لا باجر الحكة ، كومي ننزل يم بـــراء .
هزيت راسي بـ اي وهو دنك يريد يشيلني دفعته
– شنو انتَ اخذك الواهس ؟ وخر اني اكوم .
– تكدرين ؟
– اي اكدر .
وخرت الغطة وكمت وكفت على تك رجل كمت اكمز اريد اطلع
سحلني من ايدي وشالني بسرعة تعلكت بركبته بسرعة ردت اوكع
– نزللنييي اني انزززل .
بلعت ريكي من قرب راسة يم ركبتي غمضت عيوني وهو همس
– شلال مُستحيل اخليج تنزلين وحدج واني موجود .
مغمضة عيوني وادية محاوطة ركبته صوت دكات كلبي علت اكثر همست بنفس نبرة صوته
– تُــــراث .
حط اصبعه على حلكي وهمس
– اشش شلال اشش .
ضل شايلني وراسة قريب ركبتي وانفاسه الحارة تضرب بركبتي
ميلت راسي عليّ من حسيت راسة يتقرب لـ ركبتي اكثر
من ما خليت
مجال الة ابتعد يباوع بعيوني وكصته عركانه ويجر نفس كوة
بلع ريكة وتفاحة ادم صعدت ونزلت باوعت عليها ورجعت عيوني بعيونه
نـــهروان – شداتسوي تُـــــراث .
ضل ساكت دار وجهة ومشه بية لـ برة الباب مفتوح بس فتحه اكثر رجلة
نزلنه جوة وهو شايلني وضل على هدوئه ضليت ساكته واباوع عليّ
وهو نظراته غريبة نزلني كعدني على التخم اجت بـــراء
– شلون صرتي نــهروان ؟
– الحمدلله احسن .
– ان شاء الله .
ابتسمت وهي باوعت على تُـــراث
– فنك شنو سويت عشة ؟؟؟
هي كالتها وجرت الكلمة جر وهو تخصر وهز راسة وحجه بنفس طريقتها
– شسويتيي عشةة ؟؟
ضحكت ودنكت راسي وهي ضحكت وضربته على ايدة
– لا تقلد عليّ .
ضحك وعبر ايدة على جتفها
– اي بالله شسويتي ؟
– سويت مركة خُباز هاي التحبهاا .
– اويلي الله هنا الأكل الزين .
ضحكت وباوعتلي
– كلت خاف ما تاكله سويتلج دجاجة شوي .
نـــهروان – ليش تعبتي روحج حبيبتي اكُل كلشي الجان .
– مو هي هنا المشكله اني مسوية مرك خُباز وما ادري تاكلينه لا ف سويتلج .
– والله الصراحة ما سامعة بيها هاي مركة الخُباز .
– يااا تخبلل غير طيبة أسألي تُــراث عليها .
تُـــراث – اي صدك طيبة ، لحظة هي شنية ؟
بـــراء – تُـــــراث بطل بطللل .
تضحك وتضرب بي على ايدة بخفه ابتسمت على شكلهم
اتذكرت بـــارون
دنكت راسي وهم يتشاقون ويضحكون
التفتنه كلنه على باب من سمعنه صوت طفل ضحك تُـــراث وفتح ايدة
– هلااا بعزيززز .
اجه يركض ويفرك بعيونه من النوم حضنه تُــــراث وشالة
عـزيـز – خالو .
– حبيب خاالو .
بـــراء – همزين كعدت حتى تتعشة ويا خالو .
عـزيـز – اريد اندوميييي .
– ماما اندومي شنو اكل تمن ومركه وبعدين اسويلك .
– خاالو دللها اريد اندومي .
تُـــراث – مو هسة ورا العشة اشتريلك وسوي واكل انتَ وخالة .
– يا خالة ؟
– هاي خالة نـــهروان .
أشرلة علي وابتسم ، ابتسمت لـ عزيز هز ايدة ودار وجهة لـ تُــــراث
– هي هاي خالة اثلا هاي ذغيرة .
فتحت عيوني بصدمه وتُــــراث وبـــراء ضحكوا بعلوا صوتهم عليّ
بـــراء – عيب ماما خاله جبيرة بس هي ههههههههههههه كصيرونه .
ضحكت وحطيت ايدي على وجهي ، راحت هي تسوي العشة وعزيز ركض وراها
باوعلي تُــراث وكام كعد يمي جر ايدي عصرها بأيدة ورجع حط ايدى على كصتي
– لا الحمدلله نزلت حرارتج .
هزيت راسي ساكته ، جر حسرة وكام
– راح اتعشة واروح ورا بــرهـوم .
رفعت راسي اباوع بعيونه وهمست
– بس بس انتّ كلت باجر اروح!
باوع بعيوني وعيونه تفتر على ملامح وجهي عض شفته وهدها
– ترديني اضل شلالي ؟
– اذا تكدر تضل ؟ ضل بس اذا ماتكدر روح .
– أكدر ما اكدر .
ابتسمت بهدوء ودنكت مد ايدة راد يلزم وجهي اجته ضربة على ايدة
فزينه اثنينه والتفتنه على بــــراء باوعتله بشك وكالت
– شتريد تسوي ؟؟
باوعله وكلب وجهه ما عاجبه
– هو اني اكدرر اسوي شي من وراج جنج ابو العريف تركضين وراي مضيعه رزقي .
– تُــــراث كم مره اكلك حراام تدوس مره انتَ محرم عليها ؟؟
يعني انتَ اله تزعلني منك يله ؟
– وشسوووويت شسووويت جنت احااجيهااا !
– بس انتَ تحجي بأيدك ؟؟؟
باوعلها وكلب وجهه وهي ابتسمت باوعتلي دنكت راسي عنها
وهي لزم اذاني صحت ولزمت اديها بسرعة
– وانتِ ؟ انتِ مو تصلين ؟ مو تعرفين الحلال والحرام ليش تخلينه يدوسج ؟
نــهروان – والله ماليي دخل هو يلزمني اكدر احاجيي انيي ؟
– اخوي اعرفه بس انتِ لا تنطينه مجال حتى لا يتمادى .
– شعلية اني حاجي اله .
– اي حاجيته وهسة اجه دوررج .
– والله ما اخلي اووي اذااني حبابه والله ما اخلي .
تُـــراث – شوف الله ولج اذانها يابه هسة نايم وياها اني .
باوعتله بسرعة وكالت
– شوووف شووف مايتوب والله ، روح توضى وصلي امشي امشي .
– ماا أّذن بعددده بعدددده بسس اني اصلي قبل الأذن ؟؟؟
ضحكت وكالت
– أذن مالك شغل بتلفوك هاي المحافظة تأذن من السته ونص امشيي .
باوعلها بطرف عينه وراح
ضحكت وصاحت
– اخذ عزيز وياااك تُــــراث .
– ايي خووش .
كالها بصوت عالي وهي تضحك عليّ اخذ عزيز وطب بغير غرفه
– هاي وين راحوا ؟
– للأستقبال.
هزيت راسي ساكته ، حطت اديها على ايدي وهمست
– نـــهروان أسألج سؤال ؟
– اكيد .
– اكو علاقه بينج وبين تُـــراث ؟
– علاقة شنو بالضبط ؟
– يعني شنو نوع علاقتكم انتوا ؟
– ماكو أي علاقه مجرد ساعدته وهو هم ساعدني وعن قريب يرجعني لـ عمي واخوية وجزا الله الف خير .
سكتت وباوعت بعيوني حسيتها مقهورة بس عليمن ما اعرف بالضبط
ابتسمت وطبطبت على ايدي وكامت ، تمنيت اكوم اصلي هسة
هواي محتاجه اصلي وأدعي ، جريت حسرة وباوعت على رجلي
انفتح باب الغرفه وطلع تُـــراث شايل عزيز على جتفه
كعدوا
على التخم وهي بحضنه يلعب ويا اجت بــراء شايله صينية
بـــراء – ماجبت سفرة لان احنه قليلين .
حطتها على الطبلة الي كدامي وجابت كراسي الهم
تُـــراث – نروح بالمطبخ على الميز ؟
بـــراء – ونــهروان ؟ هو اني جبته هنا علمودها لان ماتكدر تكوم .
– اتي اشيلها ؟
ضحكت هي ودنكت راسها
– لا خلينه ناكل هنا .
سكت كالب وجهه كعد بصفي على التخم وهي وابنها كاعدين على كراسي ياكلون
هو يسويلي لفات دجاج ويحط بأيدي وياكل المرك الي شكله يشبه مرك الأسبيناغ
نـــهروان – اكل انتَ ادية مابيهم شي اكدر اكل .
– اسكتي اسكتي .
سكتت وبـــراء تضحك سكتاوني وتسوي روحها تضحك ويا ابنها
كملنه الأكل وهو كام استحيت من دنك عليّ رايد يشيليني
بــراء – ها وين ؟
– اخذها تغسل .
– لا خليها راح اجيبلها مي تغسل هنا احسن .
راحت وهو كلب وجهه كام غسل واجه وهي جابت دولكة وطاسة جبيرة
غسلت وهي اخذتهن وراحت
راحت واسمع صوت الماعين مبينه تغسل بيهن شوية واجت جايبة جاي
قدمتلي وانطت لـ تُـــراث وهي اخذت واحد وصبت لـ ابنها عصير وكعدنه نشرب
تُـــراث مدد على التخم وحط الجاي على الطبلة يشرب ويتعاركون هو وبــراء ويضحكون
واني اباوعلهم وابتسم بهدوء وادعي الله يحفظهم سوية
دك تلفون تُـــراث ابتسم وباوع على بـــراء
– هذا رجلج يدك عليّ .
– هههههه دشوفة شيريد منك .
فتح خط حطة على اذانه بس كال
– الو ؟
صفن وبعدها صاح بصوت
– لكوووهااااا ؟؟؟؟؟
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.