رواية الموروث نصل حاد – الفصل الخامس والعشرون
♛ 25 ♛
حضني بكل حيله على صدره نشغ وصاح
سهم : يا بوية شگد مشتاقلچ ولچ ميمونة .
غمضت عيني توجعني وخنگه على صدري
اغفي واصحى اريد اجاوبه بس وعيي
يروح ويرد بحيث صرت اصحى على
ضربات سَــهم ، لدقايق فقدت الوعي
فزيت مثل الغرگان آجر بالنفس ويروح مني
وبيرغ مقابيلي لونه مخطوف يغسل بوجهي
استوعبت وضعي شهگت وانفجرت ابچي
ميمونة : خابر وارث خابرة .
بيرغ : بس نرجع للبيت اخابر .
ميمونة: لا اخذني على مستشفى على بندر .
بيرغ : تحلمين ما تسكتين ميمونة .
رجع صعد حرك السيارة وسهم يمسح بيدي
ويتوسلني اشرب ماي لمني بحضنه حضني
غفيت ويمكن فقدت الوعي ما ادري ، بس صحيت
على عطر امي ولمساتها الدافية ما صدگت
رجعت سمعت صوتها شگد ازعل منها على ضعف
شخصيتها مقابيل ام بيرغ وهل لغز ماعرفت
أفسره هي ليش تخاف منها ليش ؟
بس ارجع حضنها عندي مايتعوض واصبر بروحي .
حضنتها بكل قوتي اوف يا حضنها
اخذتني منها امي ام وارث تمسح على راسي
نزلتني هي وياها وبصوتها المهيوب بيناتنا صاحت
ام وارث : يمه بيرغ اخوتك وينهم همام وارث ؟
ماجاوب انتظرها تخليني بغرفة امي
ورجعت على بيرغ ، كل بالي وحالي يمهم
سمعت شهگت الخوف عدها خليت
ايدي على گلبي ودموعي نزلت بلا سيطرة
ميمونة : يمه بس لا مات بندر .
ام همام : موتتهم دحگي يول شمسوي بحالچ .
ميمونة : اذا يموت اموت روحي والله
فلا اسامح روحي ولا اسامح اللي جان السبب .
رجعت ام وارث عليه اخذتني من ايدي
فوتتني للحمام بسرعة وهمست
_ انا امچ لا تستحين مني .
هزيت راسي وبضعف گعدت على كرسي
سبحتني بكل حنية وقبل لا اطلع طلبت اروح حمام
خلتني براحتي واول ما طلعت لفتني لف گعدتني
على چرباية سرحت شعري وسوت ظفيرة ، عطرتني
وامي فاتت بيدها صينية اكل مليانة اشكال وألوان .
ميمونة: يمه خابري وارث بس خابروا بندر عايش ؟
طلعت تلفونها خابرته اول مرة ما رد بالثانية جاوبها
وارث : الو يمه .
_ هلا بيك عزيز گلبي ، شلونه بندر .
_ بعده بالعمليات عيوني انتِ ؟
سد الخط حاولت توسلت بس اكل ماقبلت
نمت على رجل امي جسمي ينفض نفض
وبيرغ سمعته من برا صاح
_ انا راجع للمستشفى ارجع امي محتاجين شي ؟
ركضت ام وارث تسأل بي
_ ها راح تطلع ؟
_ اي خابرني خالي گال تنتظرني انا اطلعها .
_ تجي هنا امك لو تروح غاد بيت اخوانها .
_ لا هنا .
طلع وانا نمت بضياع ، وكوابيس ما فارگت عقلي
ثاني يوم گعدت على وجع بعظامي
عيوني متنفخة من البچي، وأفكاري هلكتني
حتى نومي ما رحم جسمي كوابيس وصرخات
ووجه بندر وهو ينزف ما فارگني كلشي أسمعه
أصوات طلقة، وعيونه، ودمه .
انفتح باب الغرفة بكل هدوء ، دخل وارث من شافني
فاتحه عيوني ابتسم وفتح كل اضاءه نور الغرفة
رفع ايدي على راسه عبالك ياخذ تحية
_ سلام عليكم نونا .
نزلت راسي مقهورة منه فهمني تقدم
گعد بصفي سندني على صدره وباس راسي
ميمونة : هي هاي وصية ابوك وارث تعوفني اتعذب .
_ وحق علي لا مايهون ولا راح يهون بيوم
بس جنت اتمنى يتصلح وضعكم .
_ ما يتصلح بعد ابد ابد خسرته وخسرني للأبد .
دخل همام دمعته بطرف عينه اخذني من ايد
وارث ضماني بين ايدي بكل حيله باس راسي
همام : وارث هذا شمسووووووي بيهاااا .
وارث : صوتك عيب اهله بالأستقبال .
ميمونة : اهله ؟ اهل بندر؟
همام : اي ، ميمونة هذا يريدچ
بس لووو يمووت ما اخلي ياخذها .
جريت روحي منهم اثنينهم من فات بيرغ
اذيت جسمي بچيت دگيت ولطمت ما گدرت اسكت
ميمونة : شمروني بمستشفى اتعالج بيها
اني مو بعقلي والقران اني مو بعقلي مخبلة
اخذني اذا ما تريدوني شمروني مستشفى
لا ترجعوني لبندر والله وارث والله ما اعرف اتعامل وياه .
لزم ايدي همام وارث يأشر يريد يهديني تخبلت
ميمونة : هسة اني مقهورة عليه والقران همام
صح بندر ضربني بس انقهررر گلبي يتگطع
بس شايف من اشوفه اريد ارجع اموته
واموت نفسي واكرهه ما اطيق اشوف وجهه .
ام وارث اخذتني منهم وامي بعيد تباع وتبچي
ميمونة : يمه بداعت وارث عليچ فهميهم
ما اريد اروحله ولا اشوفه اخاف منه
شلون تخلوني اعيش وياه مدمن يمه
مدمن مو صاحي هو تخبل وانا تخبلت ما نرهم .
ام وارث : لو مو السادة فاتت للبيت تريدچ
لوو تنگلب الدنيا بعد ما اخلي وارث يرجعچ
واذا فكر يرجعچ لا انا امه ولا اعرفه للموت .
وارث : من البارحة حلگنه يبس نفهم بيهم
هو اول ما گعد يصيح ومايحس يريدها
ويهددهم ينتحر روحي شوفي ابو
يبچي الحجر يگول اريدها تساعدني
بس شهرين فترة العلاج من ادمان السم
هذا حتى وراها يسافر يعالج تشوه
وجهه وينفصلون بعد .
رفضت خوف والله خوف وتوسلتهم اتعالج
كلهم ما يسمعون مني رجعتني ام وارث نومتني
بقيت خاتله بفراشي حتى من اگعد ما ابين انا گاعدة
ويوم بعد يوم صار اربع ايام وبليلة باردة
عبر الوقت ودخلنا ساعة 12 ونص ، همام وبيرغ
وسهم گاعدين بالصالة أمنت وبدون خوف رحت
اغسل بالحمام واسمع صوت دبچ على درج
طاعت اغسل بيدي سمعت وارث يبلغهم
وارث : بندر برّا بالگراج .
بيرغ : شلون فات هل چلب بوية جني هذا مو بشرر.
راح وارث فك الباب ختلت بمكاني اسمع صوته بس
وارث : الحمدلله على سلامتك.
بندر : وين اختك ؟
وارث : اتفضل .
بندر : اريد اختك ، اختكم وين قنادر ؟
بيرغ : وحق خالق السموات ما توگف بعيني
انتِ مريض ادير عليك هساع انا وياهم
وين ما يوجعك اخذك دگ سحل .
وارث دخل بيرغ للمطبخ يتجادل وياه
_ لك معقولة ما تنقهر على حالته .
بيرغ : يول ماتسمع كلامووو .
وارث : مريض يا اسلام يا كائنات مريض .
بيرغ : اي مريض شلون نرجع اختي بيده .
وارث : بيرغ بندر صاحبي واخوي واعرفه قبل لا اعرفكم
وقبل لا يتزوج اختي انا وياه عشرة عمررر
لك بندر ماكو اطيب منه بس الصار صعب
خلي نفسك مكانه انتَ ابوها ضرب سيارتك
سممتهم لا خليت شغل ما بطلت ابوها
سجنت ابوها وعمامها خبلتهم ، بندر متشوهه
خسر حياته واختك مو راضيه تعترف بالسبب .
رجع وارث طلع من شاف همام يتصادم هو وبندر
فتح باب الأستقبال وبنبرة عالية صاح
_ تعال فوت ارتاح امشي لا تفقد وعيك جرحك يصب دم .
بندر : ميمونة ؟
_ هسة غير يفوووت ويعوف البنية بحالها .
بندر : افوت بس انا اجيت مو عليكم اريد مرتي .
اول ما دخل رجلي اخذتني على استقبال
منعت الوسوسة زرفت راسي ما اهتميت
اول ما دخل شافني مقابيله عيونه تعبانة
تعب كارثي بصعوبة واگف على رجله لازم
صدره ينزف ، گعد متألم وارث من شافني
اني دخلت ظل برا هو واخواني واشر بيده
بدون ما يشوفه بندر بمعنى ” كلنا يمچ ”
بندر: بدلي حتى نرجع .
_ وين ؟
_ على بيت .
ميمونة: جوعان ؟ تاكل شوية تنام ترتاح ؟
_ لا ، بس اريد ماي .
هزيت راسي ورحت على مطبخ اخذت ماي
وايدي مو متحمله اشيل هل گلاص
بلعت ريگي شفايفي يبست دخلت اجبر بروحي
وصلت قريب منه جر ايدي قوي گعدني بمكانه
وهوَ وگف سد شفايفي حتى ما يطلع صوتي
اخذ الگلاص شرب قليل وشمره على تخم شمر
بندر : تگدرين تحضنيني ؟
ميمونة : لازم تروح على مستشفى جرحك ينزف .
بندر : هو انا ليش ما اموت ؟
حتى الله ما ياخذني عنده ويخلصني .
غمضت مو گادره اخلي عيني بعينه
ايده دافية مثل النار خلاها على وجهي
وقرب شفايفه على خدي ون بوجع
ومال راسه على راسي تعبان
بندر : ريحي گلبي وگولي امي مالها دخل بدمارنا .
ميمونة : اذا احجي راح اذكر اسماء ثانية
متأكدة انتَ ما تعديها راح تاخذ ثارك منهم و .
بندر : منو اهلي لو اهلچ .
ميمونة : صعب احجي والله اخاف .
تحملت ضغطته على ايدي بس صعبة انطق
“رجعت الذاكر ”
اليوم فصلت وعشت بأخر يوم
قبل لا تصير الكارثة ، البيت فارغ عافته امه
وراحت البيت اهلي ، افتر واجول بالمكان
احاول اتذكر شصار باليوم الفات خلصتها
نايمة وبندر نايم ، دخل قاطع كل افكاري
بيده اشكال الحلويات خلاهم على كاونتر
وتملكني بين ايده وانا انظف المواعين
بندر : يا علي شگد حلمت بيها هل لحظة.
درت كل جسمي ناحيته وطوقت رگبته بين ايدي
نزل راسه برگبتي يتنفس بكل حيله
ميمونة : يا لحظة سيد يا لحظة ؟
بندر : هاي تشوفيها من ادخل البيت
بعد تعب واشوف حب حياتي بنص
بيتي بمطبخها بوية عندي هاي ما اثمنها بكنوز الدنيا .
فتح شعري مكوي نزل على طول ضهري
لزم ايدي باسها وفرني يراقصني وهو يضحك
بندر : اروح فدوة لهل شعر ، اغدي عشر فدوات
لهل طول الحلو ، ابوس ميلات الخصر انااااا
تمايلي بنت گلبي وافتري اخذي عقلي .
ضحكت دوخني گد ما فرني گمزت حضنته
وخليت واسي على صدره اهمس بخجل
ميمونة : سيد استحي وروح صلي الصلاة فاتتك .
رفعني صرخت گعدني على كاونتر
وباس شفتي ابتعد ورجع باسها
بندر : فد احبچ .
_ احبك .
_ ميت بيچ .
_ بندوري روحي انتَ .
_ يابوووووية شگد احبهاااااااا ربي .
اخذ ايدي باس باطنها وهمس وعيونه تلمع
بندر : شگد يعني شگد تحبيني ؟
فتحت ايدي على وسعها ورجعت راسي وصرخت
_ بگد الدنيا بحجم السمااااء بكبر الأرض
وعدد الناس وبمقدار كل نقطة ماي بالكوكب .
لزم اصبعي وباس عيوني قوي وهو يرد
بندر : ضربيها بخمس مرات لا عشر مرات
هذا حجم حبي بعلي عاشگچ انا .
غطيت شفايفي بخجل وبقيت احرك برجلي فرحانة
خبث وعافني على كاونتر
ميمونة: ياا يااا تعال نزلني .
بندر : تبوسيني وانزلچ .
_ يا خبيث .
_ بشرط بوسة على الشفايف .
_ اشمر روحي ترا هااا .
_ نحاسة فول للسگف وصلت.
رفعت ايدي اثنينهم ورمشت وانا اميل راسي
_ تعال ميمي تريدك .
رجع شالني يفتر بيه وراسه برگبتي
وراسي رافعته اضحك من كل گلبي
ماجنت اعرف هاي اخر مرة اضحك
من كل گلبي انا واعز انسان على گلبي
انا واول حب مر بحياتي واحلى حب مر عليَّ .
نزلني وراح على جدوره مال اكل وتذكرت
بهل لحظة قبل ساعة من اجت امه وام بيرغ
وياها بيدهن هل جدورة وحتى الزلاطة كاملة
اكل منها صفنت بي من اكل شوية من التمن
بندر : تراني جوعان اصلي بين ما تجهزين الأكل؟
هزيت راسي وقررت بعد الأكل اسأل على فديو
رجع گلبي انقبض صوت بداخلي يجذب عيوني
اول ما اجت ام بندر اليوم تركت التلفون على مجمدة
وراحت تغسل ايدها وگعت عليها مرگة ، اجت ام بيرغ
فتحت التلفون وضربت خدها جوت ايدي وگالت
_ اگلچ هذا مو زلمتچ ؟
اول ما وگعت عيوني على فديو شفت اربع
بنات بعمري واصغر مني عاريات بلا ملابس
واحد واگف يجلط بيهن والثاني يصب عليهن ماي
حار ، وبندر گاعد على كرسي يشاهد المنظر
ام بيرغ : يا طلع صدك يتاجر بالنسوان
يضحك على عقلهن ويخليهن يشردن من اهلن
ويبيع بيهن للملاهي لو يتاجر بأعضائهم
ما تشوفين ما يشتغل عطال بطال هاي شغلتوو
تفوو تفووو يبوووو الله يسترنا .
اجت ام بندر اخذت الجهاز من ايدنا
وتعاركت هي وام بيرغ على كلامها
وام بيرغ تصيح : شنو هذا ابنچ لو عندي
وادحگ على هيچ فديو على عدد البنات شگد
البنات اربعة اصب عليَّ اربع ابطال زيت واحرگو .
خلني بصدمتي مو گادره استوعب الصار كله
قفلت الباب وراهن گعدت لازمه راسي ضايعة
تهت بس ماردت اصدگ حتى عيوني ما اريد
اصدگها جذبتها ، كملت صب وقررت بس اخلص
ابلغه امه وام بيرغ اجوني اليوم واستفسر على فديو
خليت الصينية بالگاع قريب منه جرني بحضنه
باس راسي وايدي مبتسم براحة
_ تعبتچ فدوة اروح لهل اصابع اغدي فدوة .
صفنت بوجهه وضاق نفسي اول ما دخلت غرفتي
اكلت وهو اكل من نفس الماعون ، واني وياه
نباع على تلفزيون شوي وعقلي كله فصل
ما اتذكر تفاصيل حتى ما اتذكر شلون
اخذت المواعين وطلعت اجهز الچاي ، بس الفديو
تخيلت الفديو وكلام ام بيرغ يتكرر براسي
لو عندي احرگه على عدد البنات اخلي الزيت
خليت الچاي على نار هذا اخر شي اتذكره
اتمنى اتذكر الباقي بس عقلي فصل .
كفخني صوته من احترگ اي اتذكر اني شوهته
انا حرگته چانت بيدي الطاوة ، والزيت لمحته
من بعيد اربعة مفتوحات مخلصات ، وما اتذكر
غير جنت اركض بوسط الشارع مثل المخبلة
اندل درب بيت ابوي رحت اندل الدرب
التلفونات بيدي جنت اتخيل المدرسة
رجعت الأيام الطفولة تفرقت ابوية بين زوجاته
اتذكر من جنت انتظره بصف الشباك
الى ان اتعب وانام ، هذا الشارع جنت اركض
بي من ارجع من مدرستي هذا فرعنا عشت طفولة
بهل ثواني غير الأمتحانات ماكو براسي .
بين الحلم والواقع شفت اخواني يغسلون بوجهي
رجلي تصب دم وام بندر تهز بيه تصرخ
_ يول هاي شبيهااا بندر وين ابني وينووو .
رفعوني من الأرضية صرت بوسط السيارة
وريحة الدم كفختني ونفسها قوت رجعتني
للواقع هاي مو ماضي هاي ريحة دم بندر .
اول ما رجعت جنت مخنوگة النفس ما اتنفسه خفت
صحيت بين ايده وارث يسحب بيه وهمام يصيح
_ شسووويت بيهاااا يول شبلاهاا اختي .
وارث : ميمونة تسمعيني ؟
همام : بيررررغ سيارررتك بيررررررغ شغل سيارتك .
ميمونة: بنـدر .
همام : راح راااح لا تخافين رررراح كلنا يمچ .
ملِكه …
بوسط الغرفة الشباك مفتوح الجو بارد والهوا نظيف
يلاعب شعرنا اني وبنات خالاتي واگفات على مرايا
نعدل شعرنا وجهنا قبل لا ننزل اليوم ابوية عازم
كل عمامي وخوالي بمناسبة عيد ميلاد جنى .
ملِكه : اجت الشلة التعبانة راح انزل قبلچن .
جنى : عليچ الله مو تخلين الجهال يطيحون الكيكة اموت .
عفتها ونزلت سريع على درج نسوان عمي كلهن
گاعدات ليگول فاتحة مو عيد ميلاد يدردمن
لابسات اسود وبالگاع ناصبات اجتماع النميمة
بس نزلت توجهت انظارهن عليَّ
ملِكه : شبلاچن وجوهچن تتلاطم عبالك فاتحة
ومنتظرات ينزل الهبيط مال لحم اضحكن نغمد گلبي .
ضحكن نزلت ابوسهن وحدة وحدة وگعدت مثلهن
انا هم انتظر الهبيط مال لحم ، جرتني وحدة منهن
عود هو سر ويخافن يخربن عقليات بناتهن
وبناتهن وحدتها تعلم سلف بكبره على فسوق .
_ شلونه المقدم وياچ .
ملِكه : مقدم لو اعلامي هههههههههه .
_ يول عوفي التحشيش احجي .
ملِكه : زين يخبل .
_ هاي منين دشداشتچ حلوة ؟
ملِكه : هاي ذوق حرمة أبو الأولى ذوقها يخبل .
_ الشال هم حلو يلمع من نزلتي .
ملِكه : القالب غالب .
گرصتني طفرت منهن رحت على مطبخ امي
مفعلة شلة الخالات واحزاب صايرات ناس هناك
وناس هنا كل وحدة ادردم شكل عاطت بيه خالتي .
_ جاوبتي زلمتچ ؟
ملِكه : لو يموت ما اجاوبه.
_ يا يا دحگي العرامة .
ملِكه : اول البارحة خابر والبارحة واليوم فلا ارد .
_ فوك ما جالطة امو وساكت عنچ الصلفة .
ملِكه : خالتي تسكتين لو اكرهچ اختاري ؟
ضربتني على راسي اخذت جلاتين اكلت وامي كملت
_ خابر على ابوچ بعد وجاوب وحتى عزمة .
ملِكه : عجل صار اسبوع ما يسأل عني هساع تذكر .
_ يولو غير لابسه مثل الجن وخبلتي امو .
ملِكه : يمه تراها امو خبلتني مو انا خبلتها
اشتغل عدها خدامة لا تخبليني مو اذا
اقفل بعد لوووو يموت ما ارجع .
ام ملِكه : مو زين اخو شردچ هو لو راجع وانتِ
بالبيت يلزمچ يشنقچ الأم عزيزة .
ملِكه : لا تخافين اعرف شلون اسكتو .
اشرت على تلفوني وضربته بكف ايدي
_ سمع خابر .
_ ابن حلال .
_ اي هاي هيه ، دخلي اروح اخلي يتخبل رسمي .
صعدت ركض على درج بكل سرعتي
دخلت عليهن هوسة رجعت ركضت على درج
وصعدت للسطح فحطت وصرت اجر النفس بصوبة
ألهط من الفحطه جاوبت قبل لا يسدو حتى
ماعندي رصيد ارجع اخابرو ، وين اكو
حرمة مقدم ماعدها رصيد بتلفونها
ملِكه : الو ها .
بيرغ : وعلاه طريگ الهاااا كوووون
يا سويفله يا ما تستحين .
خليت ايدي على صدري اريد ألتقط انفاسي
بيرغ : موووو احچي وياچ الووو ؟
ملِكه : انتظر اتنفس تعبت اوف .
بيرغ : اوف شنو اوف شنو الوجبة فحطانه شكوو ؟
ملِكه : تعبت من الرگص .
سمعت صوت بريك السيارة بكل علاته وگف ركن
السيارة مبين وطفاها خطية وبكل انواع
نبرات الغضب صاح منفعل
بيرغ : وين ترگصين ؟
_ غير رگصت اليوم عيد ميلاد اختي .
_ مو ابوچ گال عمامچ واولادهم موجودين ؟
_ اي فد تونسنا .
احس عقله هنا فصل يريد يجمع الكلمات حتى
يحچي وينطق ويكمل اسئلة مو مستوعب
بيرغ : ملِكه .
_ ها .
_ عمامچ واولادهم موجودين وترگصين ؟
_ وخوالي واولادهم واولاد خالاتي شبيك
انا مثل اختهم عادي من زمان نرگص سوية .
لزمت دشداشتي تسحل وراي ذيالها صارت تراب
شني اهلي صايرين خايسين ما غاسلين السطح
هاي لو انا يمهم چان صاروا نظيفين براسي .
ملِكه : يبو على هل فستان بس يبزز .
بيرغ : لبستي فستاااااااااااان ؟
_ عجل البس دشداشة ؟
_ فستان طويل .
_ وين اكو بنية تلبس فستان طويل والحفلة عائلية ؟
سمعت صوت دفرات وتكسيرات بس هو يحاول
يسحب كلام ويستجوبني عايش دور الضابط المحقق
بيرغ : انوب بعدها تلهط فحطانه من الرگص .
ملِكه : هذا ههههههه ابن عمي والله يطلع اغاني حلوة .
بعدت التلفون مني ما تحملت ضحكت اختنگت من سألني
بيرغ : والحجاب والأسلام والكائنات ؟
ملِكه : عوزها ألبس شال مقابيل اهلي وبنص بيتنا .
بيرغ : يعني لابسه فستان قصير وبدون شال
وترگصين جدام عمامج وخوالچ وولدهمممم ؟
ملِكه : ليش ميصير ؟
سد الخط بوجهي بدون ما يجاوب اريد انزل
احس رجلي صار بيها رجاج انا شسويت سم بگلبي
نزلت مبلوعه مثل الحبابه گعدت بالمطبخ مخلوسه
دقايق وعرفتو وصل من شخط السيارة
ودگت الباب القوية عبالك واحد حاقد طالع على امه
رحت بدون ما يلمحني من باب المطبخ دحگت
ابن عمي فك الباب يجي عمرو 25 اخذ صفنه
مشرفنا بالزي العسكري مالتو فارض روحو
وسلم بلا نفس ودخل عليهم تعالت الأصوات
بعد عمامي وفات عليهم عسكوري يتخبلون .
فتح ابوية الباب نص فتحه اخذ الماي من ايد
امي وبسرعة سد الباب ، نزلن كل البنات
گعدت وياهن ضحك وسوالف نسيت السالفة
من نسوان عمامي فتحن دفاتر الماضي
بقيت اترادد وياهن ما اتحمل يقهرن امي
عبالهن امي مثل قبل وحدها ما تگدر على لسانهن
صبينا اكل للزلم ورجعنا صبينا اكل للنسوان
وجنى عگدت الحاجب وصاحت
_ هو وينووو عيد ميلادي هاي فاتحتي
شنو بس اكل تصبون الكيكة وينها
الببسي وينو الميز هنا چان وينو .
ام ملِكه : نكمل ونحلي بالكيكة يول
قابل ناكل كيك قبل الأكل .
ملِكه : هسة هذا الأكل مالو لزوم زايده منكم .
صعدت جنى فوك زعلانة أخذنا تلفوناتنا
انا والبنات وصعدنا فوك حتى الزلم ما تسمع
حس الأغاني وينخبلون علينا ، رگصنا كلنا
وحدتنا بينا رگصها عادي والثانية محترفة
تصفن بگد ما ترگص حلو ، هاي لعبتي
خلصت مراهقتي والطفولة فيفي عبده
ما تلحگني ما توصل النص هزاتي .
ردح وردح الى ان فحطنا وبعد بصعوبة
نجرّ انفاسنا، دخلن خالاتي على حس
الطبل خفن يا رجليه صار بيهن كل الحيل
ردحن وردحن ما خلن طاقة سلبية تعتب عليهن
ما شمرنها ، من الغيرة عود شوفني دخلن
نسوان عمامي فتحن شعرهن وخالاتي فتحن
شعرهن والصوبين شعرهن معطب من الميش
عود مسويات خصل اصفر يفرن بي وهو واگف
وعلى اساس يرگصن والله روغان يرگص احسن منهن .
عاط ابوية على خالتي سلمت علينا ورجعت
هي وزوجها ، دقايق ورجع صاح بأسمي
_ تعالي بوية زلمتچ يريدچ خلي شي على راسچ .
جريت شالي ونزلت عرفتو ينتظر بالگراج
خليت ابوية يرجع للأستقبال ، بيقت ادحگ عليه
من بعيد مل طلع تلفونو يتصفح بي ، رجعو
باع على باب رجع على استقبال يمكن يسأل ابوي عني
طلعت ركض وكفت بحيث سمعت ابوي يگله
_ لا شلون طلعت والله لحظة هسة تجي .
اول ما رجع دحگني جدامو اشرت على باب المطبخ
من سحبني من ايدي وحصرني على حايط مردني
ملِكه : الصبايا كلها تشاهد من ورا الباب
عبالهن عرسان اوادم عاقلين وبيناتنا حبچيات .
بقيت محشورة بين الحايط وجسمو وايدو تعصر
إيدي وعيونو نار، ريحة عطرو ممزوجة بالجگاير گفختني
كل نفس يطلع من صدره يروي غضب مكبوت بداخلو
ملِكه : ايدي گطعتهااا عوفني .
بيرغ : خفتي بدلتي ملابسچ من عرفتي وصلت مو ؟
_ عليش اجيت ها مو صار اسبوع عايفني هنا ؟
_ جاوبي شنو جنتي لابسه لا اخليچ مسرحية .
_ فستان .
_ وشعرچ مفتوح ؟
_ مو لابسة فستان ميصير شال .
قبض ايدو يريد يضربني غطيت وجهي
ماتحمل سمعت صوت اعظامو وهي تتكسر
اول ما ضربها بكل قوتو بالحايط
بيرغ : انا حلفت ايدي ما امدها عليچ
هساع اذا اضربچ اموتچ بمچانچ بس
حالف اناااا غبي وحلفت ما ارفع ايدي
اريد اعاتب ابوچ على هيچ تربية صگط .
جريت ايدو من صاح بعالي صوتو
_ ابو ملِكه عمي بلا امر عليك تجي هين .
ملِكه : لاا ابوية لا ، جنت امزح والله جنت اريد اقهرك .
_ تقهريني عايز ضيم انا يول طلعت امي من
المستشفى والبارحة للصبح نايمين مستشفى
بأختي الضيم اكل گلبي تزيديهااااااا انتِ ؟
طلع ابوية بكل احترام يحچي وياه
_ ها بوية بيرغ .
نزلت ايدي من عندو وما گدرت اخلي عيني بعينهم
ذب حسرة مسموعة طوّل بصمته ابوية حس
_ صاير شي ابني بيكم شي ؟
لمحت عضلات ايدو كلها مشدودة
جـبر نفسو سحب نفس ورد
بيرغ : گلت اخذ موافقتك اريد اخذ ملِكه للبيت .
_ حرمتك هاي بوية بكيفك يمتى ما تريد تاخذها
وبيتي مفتوح ألها شوكت ما تحب وتحتاجني .
بيرغ : عجل انا طالع انتظرها بالسيارة .
_ ليش بوية تعال فوت ارتاح بالبيت بين ما تكمل .
بيرغ : والله عندي مكالمة وشغل مهم غير مرة ان شاء الله .
بوس ابوية وطلع ، قبل لا افوت ابوية صاحني
_ صاير شي ؟
_ لا بوية سلامتك .
صعدت لميت كم غرض والباقي تركتو كلو
سلمت عليهن وابوية طلع اخذ جنطتي
باس راسي وصعدني بالسيارة ، رفع ايدو
سلم والسيارة حركت ، هدوء غلق كل الجو
الچكارة ما وگعت من ايدو على اعصابو
عبرني منطقة اهلي قبض ايدو بكل حيلو
يكسر بالسيارة وهيَّ تمشي صرخت
بكل صوتي خفت يسوي حادث صارت
تروح يمين وتجي على رصيف تصعد
وهوَ ابد مو بوعيو فاقد من العصبية
بيرغ : تضحكين عليّ اناااا صغيرررررر
اقسم بالله عندي دوام افتررر تكاونت انا والمدير
مايقبل اطلع رفع بيه مجلس تحقيقي
وطلعت غصب عنوووو اربع مرات السيارة
تريد تنگلب بيه بگد ما اسوقها سريع .
لزگت روحي مثل العلچ ولزگ بالباب من الخوف
وايدي الچلبه ليگول تسمع ساجدة تهززز شهرتني
ترجف من الخوف اريد اخلي يهدي يفتهم
ملِكه : شسويت بس افهمك .
بيرغ : شنوو تفهميني يول عقل ما ثبت براسي
من تخيلت لابسه فستان قصير وشعرچ مفتوح
وترگصين جدامهم المصيبة اعرفهم كلهم بعمرري
وأكبر مني بيهمممممم ردت امووووووت
تعرفين شنووو ردت امووووووت
النفس هذا شنو هوا الله ماصرت اشم هوا الله .
ضرب على راسو من حطم مسجل السيارة كلو
بيرغ : شني واحد غيررري شوفچ ترگصين
ملِكه شني عررررضي رخيص .
_ وداعت ابوية وغلاته فلا ..
_ نفس ما اسمععععععع .
خليت ايدي على شفايفي بمعنى ” سكتت ”
وصلنا للبيت جر ايدي من ردت اشرد منو
وافلت بريشاتي : تنزلين بوجهچ تصعدين فووووك
ممنوع تفوتين للبيت عندي گعده وياااااچ .
شحدي اگول لا حتى يسويني صبغ
جديد للحياطين سلكت الوضع ونفذت
اول مادخلت صعدت فوك اقدامي تتعثر
وگلبي يدگ دگات يريد يطلع من صدري
ويعوفني ويفلت ، سمعتو دفر الباب ودخل
لو صابني شلل نصفي هجيت للحمام
بقيت اروح وارجع بالربع ساعة اندفر الباب
بيرغ : تريدين مخده ؟
_ ها عيوني .
_ افگسهن اليوووووم .
عضيت اصبعي شلون اطلع اذا ضربني شسوي
اضربو اي والله بس يضربني اضربو واشرد منو
بيرغ : راح اهدم الباب هدم .
ملِكه : الحرمة بشارب الخير بشاربك عوفني .
بيرغ : انا مووووووو خير .
_ عرفت من البداية .
فتحت الباب اريد ابتسم جرني عبالك ساحل مجرم
فوتني بالغرفة وجهه دم صاير وبراسه طگ
دمر من بدايتو الى الحاجب ، وعيونو اليمين
بالطرف مصبوغة خفت انوب لا يموت ويبلوني .
بيرغ : تلعبين عليّ ؟
ملِكه : والله ماجنت اعرف راح تصير هيچ عصبي .
بيرغ : راح امووووت شنووو عصبي راح امووووت
يول اناااا عرررضي خط احمررر انتِ تحرگين
گلبي حذرتچ لا تخليني اغاااااااااار لا تثيرين
غيرتي اتحوووول عليچ ما ارحمچ وروح ابوووي
مخبل انااا اعتررررف من توووصل العرضي
اصيررررر مخبل انذبح ولااا اغااااااار .
جر شالي من راسي لزم شعري وصاح
_ شعرچ ملكي بس انا ادحگ على هذا شعرچ
ملابس گصيرة ماكو گصير بس يمي هين بالغرفة
ملكي وحدي ملِكه ملكي وحدي اتخبل اذا احد
يدحگ عليچ غيري النار تاكل گلبي اكلت روحي
عقل هساع عقل ماظل برررررراسي ملِكه .
رن تلفونو رد بسرعة ما انتظر ابد
_ نعم ، شوكت المجلس تمام اشكرك اهلا وسهلا .
شمر التلفون انوب جديد بعده توه مشتري
بيرغ : ارتاحيتي شكلوا بيه مجلس تحقيقي
وراح يحجزووووني تجاوزت على مديررررر
ارتاحي ست نامي ررررررغد .
ملِكه : اكو واحد عاقل يتجاوز على مدير ؟
ضميت راسي من ركض وصل عندي وصاح
بيرغ : صارت عندي نهااااية العالم من خابرتي
فحطانه گوه تجرين النفس من الررررردح
حرگتيني خليتيني بوسط النار بربوووووئهههههه .
رجع جر التلفون وضربو شاف الشاشة مفطوره
اتصل اسمع صوت يرن ثواني وبصوت واضح گال
_ الو وارث انتَ وين ؟ شعندك بوسط بغداد ؟
طرگاعة كووون لفت علينا ، اگلك كتبوا بيه
مجلس تحقيقي تعاركت انا والمدير عندك واسطة ؟
سكت باع عليَّ عض اصبعو ورجع يحچي
_ خوش يعني على مسؤوليتك اروح ؟ شبلاك تعصبت
اي هساع گلت على مسؤوليتك شني نهاية العالم
دروح بابا روح دبر سالفتي خلصني لا يشمروني توقيف .
رگع الباب وطلع من البيت كلو ، سمعت صوت سيارتو
نزعت عباتي لفيت شعري ونزلت خجلانه منهم
اول ما دخلت على غرفة ام وارث ماكو
اجاني صوتها من غرفة ام همام رحت عليها
شفتها گاعدة وحاضنة بنية مخليتها على رجلها
والقران بيدها ، بوست ام همام جانت تصلي
توها خلصت ورحت سلمت على ام وارث
البنية فاتحة عينها نزلت بستها ابتسمت بتعب
عيونها تعبانة وهالات ترس عينها جسمها
حيل ضعيف وتنفسها ابد مو منتظم
ام وارث : ميمونة هاي ملِكه حرمة اخوچ بيرغ .
بللت شفايفها بصعوبة ابتسمت
ميمونة : هلا بيها يمه .
ملِكه : الحمدلله على سلامتچ .
_ الله يسلمچ .
دخلت ام بيرغ على صورها بكل حيلها صاحت
_ ها ردت المسعدة .
ملِكه : رجّعني ابنچ .
_ اي خطية ما يگدر يعيش بلاچ .
استغربت ودخل الخوف بگلبي من ميمونة
وسعت عيونها وبلعت ريگها من شفتها غطت
راسها بيدها عبالك خايفة احد يكشف سر .
نزلتها ام وارث على مخده وصاحتني
_ تعالي يمه ملِكه محتاجه تعاونيني .
رحت وياها المطبخ صاير كوارث
غسلت المواعين كلهن درت وجهي
ورجعت بكل حيلي على كاونتر انجرحت
بطرف اصبعي بطرف الجرارات صاير حاد
من شفت ميمونة بالباب صافنة عليّ .
خلستني خلس ما ادزي شلون حچيت
ملِكه : محتاجة شي حبيبتي ؟ جوعانة ؟ عطشانه ؟
ميمونة : عندچ تلفون ؟
_ اي ؟
_ خابري بيرغ لو وارث .
_ ليش ؟
_ بالي مشغول بندر وين ؟
_ بندر زوجچ مو ؟
_ اي ، تگدرين تخابرين ؟
_ بس أخلّص المواعين تشلعين عيوني تدللين .
فاتت ام وارث على مطبخ اخذتها من ايدها
گعدتها على كرسي قريب مني ، اخذت الها
گلاص ماي وهمست احاول اكون قريبة منها
_ اشربي ماي شفايفچ يابسات .
اخذته مني ما گدرت تشرب البنية
انتظرت ام وارث تطلع لزمت ايدي وهمست
_ لا تاخذين ولا تاكلين ولا تشربين
شي من اي ايد بهذا البيت حتى
ما تعيشين مثل وجع گلبي .
فاتت ام وارث بيدها سيت مواعين جديد
وكفت بنص المطبخ تنادي
_ ها يمه ميمونة وين رايحة ؟
_ انام .
حجتها ودخلت غرفت امها مثل الجثة وتمشي .
استلموني تنظيف وتنظيف وتعديلات
صار الوقت متأخر صعدت سبحت وعلى صدري
نامت طابوگة وصداع لزمني مشيت بصعوبة
للفراش مو گادره افك عيني بعد ثگلت مثل انفاسي
نمت على مخده لزمت راسي حيل ، بس ماعندي حيل
شعري ينگط على فراش مز اهتميت غفيت .
احس نمت بس ريحة مو طيبة فاتت خشمي
عبالك حيوان ميت مات بخشمي وطعهم
وانا بعز فقداني للوعي فزيت من گد
ما الطعم قوي ومر يلعب الروح ما ادري
حلم لو حقيقة ام بيرغ مدخله ايدي
بسطل ماي وتغسل ايدي ببطل بي
مثل الزيت لونو اسود فاحم عبالك زيت معطب .
رجعت غبت عن الوعي بس جفلت من حسيت برودة
بنص جسمي مو بس برجلي ثلجت جسمي
وانا بغيبوبتي ينفض نفض ثلجت بعز الحر انا
اصرخ متأذيه من وجع جسمي واصابعي
احس اصابع رجلي واحد يگطع بيهن .
بچيت ونزلت رجلي من الچرباية بصعوبة
ادور بالجرارات على شي انا ما اعرفو
دورت ودورت الحد ما طاحت عيني على
جداحة شغلتها وقدمت اصبعي على
لهب النار اريد احس بالوجع ريحة جلد يحترك
ما اهتميت ولا تأذيت طفت الجداحة شمرتها ادحگ
اصبعي ينزل دم بس ماكو وجع عيوني ثگيلة
نزلت دموعي وانا ارجع على چرباية نمت
شلون نمت ولا ادري بس نمت .
جفلت على صوت بيرغ وهو يرفعني فكيت
عيوني اجر بالنفس وكأني ميته ورجعت حييت
بيرغ : ملِكه عليش نايمة بالگاع وشعرچ مبلل
بيچ شي عيوني ، يوجعچ شي شنو متخربطة
ملِكه ويايَّ تسمعيني .
بلشت استوعب حالي شنو جابني على ارضية
عظامي تأذيني مكسرات احسهن ، صفنت بعيونو
وفزيت الرم بيدي افحصها واهمس بخوف
ملِكه : حرگت اصبعي بالجداحة اصبعي .
لزم ايدي حضنتو بكل قوتي خليت
راسي بحضنو وجسمي ينهز خوف بين ايدو
بيرغ : مابيها شي ايدچ ملِكه هاي ايدچ
اثنينهن زينات والله شبيچ اسم الله هذا كابوس .
خليت راسي على صدرو عطرو تغلغل انفاسي
ايدو تحضني تمسح على ظهري يطمني
ساعدني اگعد على چرباية وقدم ايدي
خلاهم جدامي دحگت عليهم مابيهم شي
راح على ثلاجة طلع بطل ماي شربني
استوعبت وضعيتي بس ما عرفت ليش
تخربطت لو فقدت لو جنت بكابوس .
من رجّعت بوعيي هو هم رجع بوعيو
ورجع على زعلتو عگد النونه معصب
وجر المنشفه وطلع من الغرفة كلها .
مسحت وجهي عدلت شعري وبداخلي
اخطط لازم نتصالح غلطت لازم اعوضو
خليت شال على راسي دحگت على ساعة
الصالة الفوك بصف غرفة وارث الساعة 11
الدنيا ليل والبيت هدوء فضيع بي
نزلت جهزت صينية اكل مرتبة اجت
ام بيرغ تهفي بدشداشتها النيلي
_ ها يول شتسوين هين ؟
_ اجهز اكل لبيرغ .
_ اي عفية اريدچ تحت امرو دوم
طيعي وعلى موت لا تگولين لا
كلمة ابشر وصار وامرك لا تطبح
من لسانچ اريدچ تريحين ابني دوم
ما اريد ادحگ لو احس ضايج خلگو
اريدو دوم فرحان ويضحك .
تجاهلتها خليت ماعون الكبة اريد اشيلها
ضبت ايدها على ايدي وبنبرة غريبة گالت
_ اكو ببسي بالمجمدة روحي جيبي بساع .
ردت ارفض بس گلت أسايرها وهي المجمدة قريبة
طلعت وبقت هي بالمطبخ ثواني بس ورجعت
شفتها تاكل بكبة من ماعونه ، جهزت گلاصات
وصعدت واول ما فاتت غرفتها دخلت انا
لگيت بيرغ متمدد والتلفون بيدو يتصفح
صرت مقابيلو الصينية بيدي تحمحمت ونطقتها
_ اسفة .
ما تصرف بأي رد فعل ساكن ما تحرك
زادت دگات گلبي مقهورة ولگيت روحي ابرر
ملِكه : وغلات ابوية مجنت قاصدة اسويلك مشاكل
بالدوام ولا ادري بيك بالدوام ، صح ردت اقهرك بس .
ضرب صدرو بالتلفون وبصوت مسموع تعبان هلكان صاح
بيرغ : تزيدين قهري عايز انا عايز ملِكه
مريض انا والله مريض ، ومناا اخواني
ومناك اخوي بين الحياة والموت بالسجون
شهاب لا راضي يتوب ولا يصم اثمووو يصيح
عاشگ بنت عابد بس اطلع انا اخذها واذا وارث
ياخذها اذبحها هيَّ وياه معترف لشيخ ضـلـيل
وذاك شد حزامو علينا نريد نتنفس ما نگدرررررر .
خليت الصينية على صفحة من دحگت شلون
انفجر تعبان الى درجة اعصابو تلفت تلف
بيرغ : انا رتبتي على اي لحظة تنسحب مني شمروني
بمكان غير مكاني دافعين الهم ال ضليل حتى اقل
غلط تنسحب مني الرتبة والله شنو تسترت
على اخوووك هوووو انا بيدي دمرت اخوووي
انا سلمت اخوي شوكت سترتو لو اريد استرو
اجذبهم كلهم واخفي اخلي يسافر واتلف
كل دليل عليه انا والله خليتو يثق بيه گعد
اعترف بكلشي وسلمتو بيدي للمووووت ما سترتو .
فرك وجهو ورجع راسو على ظهر السرير وكمل بتعب
بيرغ : ومن جهة وارث ترك نسوان الكوكب
راح عشگ دخيلة عندو بنت اعدائو يكرهون
طاري اسم الموروثين شلون ينطون بتهم
لواحد ابو دمرررهم بزمانو واخذ اخوهم منهم
وسيطر على كل املاكووووو ، مصيبتو مصيبة
هذا حتى اذا ال ضـلـيل ينطون بتهم بمعجزة
شهاب ما يخليهم راح يدمرهمم حقوووود هل حيوان حقود .
مسحت على ايدو من ذب نفس وگال
_ اختي وحالها لو همام وضياعو لو سَــهم
احمي منو وادير بالي من منووو تعبت والله هلكت .
ملِكه : اعتذر والله العظيم من كل گلبي اعتذر منك
راح أعاونك والله بكلشي لا تنقهر
كلشي يصير ماضي ويعدي بس انتَ ظل قوي .
بيرغ : لا تأذيني بأمي خوفتيها گلت حقها
امي غلطت بحقها وضربتهاا حقهاا اخذت حقها
بس ما اريدها توصل مستشفى حتى لو امي قاسية
عصبية مو خووش هاي امي تظل امي روحي بيها .
ملِكه : بعد أتجنبها خلص ، اضحك سيادة المقدم
خلي ناكل نغير جو بطل نكد يا نكدي .
رحت على صينية جبتها قبل لا ياكل ابتسم ورفع حاجبو
_ نتصالح بشرط .
_ شنو .
_ تنامين بحضني اليوم .
_ لا والله دحگ هذا الأستغلال فوووول عندو لو تموت .
_ هااااا هااااااااا .
_ خاب لو تمووووت .
دفع الصينية خفيف ورجع ظهرو يريد ينام ويدردم
بيرغ : خسرت من وراها اربع ملايين اليوم
حتى يخلوني بمكاني خلتني اتعارك
وبعين صلفه حتى نوم بحضني ما تنام .
ملِكه : شدعوة اربع ملابين لو تنطيني
مليون ارگص للصبح مو بس انام بحضنك شهل عفه .
صفن بوجهي وحجاها متردد
بيرغ : أنطيچ مليوم وتنامين للصبح بحضني ؟
عضيت شفايفي افكر بيها وگعدت على تخم بعيد عنو
ملِكه : بس انام ؟
_ اي بس نامي بحضني بعد ما اريد شي .
ملِكه : مليون ونص .
_ شتسوين بالنص الطماعة .
_ سويقط معليك بكيفي اوزعو يمكن على اخواتي
عود انا حرمة المقدم وعندي كوم فلوس .
بقيت ارمش متحمسة طگ رگبتو
شغل جگارة بعدو بنصها ورفع ايدو اشر على كنتور
بيرغ : هو انا خسران خسران تگربي اريد
فلوسي من الكنتور امري لله ، الله يعوووضني .
تقدمت اخذ مثل الصندوگ بالكنتور اخذو
من ايدي طلع كله معجونيات ظل يحسب بيهن
وضربهن لاستيك وهمس وهو هيمان صافن بوجهي
بيرغ : حسبيهم تأكدي منهن .
اخذتهم احسب بيهن قبل لا اخلص سحبني
من خصري ضم راسو برگبتي حضني
قوي ما يبوس بس حضني
بيرغ : عادي نعوف الأكل اريد انام تعبان.
_ اي عادي .
_ادري تكرهيني، وادري مجبورة
تصبرين على گربي مني وحگج بس بالله عليچ
لا تگومين هالليلة وتخليني ، رايد أحس شوية
بأمان تعبت تعبان مو جسدياً لا والله
نفسياً من الدنيا، من روحي من كلشي.
ملِكه : بيرغ لا تحضني قوي والله ضلوعي اذتني .
بيرغ : صبري روحچ ، حتى لو تكرهيني
بس سنديني قبل لا أضيع بس هالليلة .
لفني بين ايدو ينود من وجع اكبر
من طاقتو وحمل مو گادر يتحملو
تنهد وهو يسحب نفس طويل من شعري
ضمني اكثر احس اضلوعي مردها ، ايدو على
ظهري وكانو يحاول يسند روحو شگد صلبة لمساتو
بس حنونه شم شعري اكثر ونزل على رگبتي احس
جسمي صار تحت طوعو
بيرغ : شعرچ ريحتو وحدها تهزم
كل عنادي وعصبيتي انهزم تعرفين
شنو انهزم جدام عطرو .
رفعت راسي خليت عيني بعيونو سألتو
ملِكه : مو گلت تكرهني ؟
بيرغ : اي واكره عنادي وضعفي وضياعي بيچ
گلشي اكره بس احتاج تتواجدين يمي دوام
اكرهچ بس احب قوتچ وقربچ مني .
رجعت نزلت راسي صار على صدرو دافي
جسمو كلو حار بس روحي باردة ما طايقتو
ولا اريد قربو ، تعبو فضح ضعفو جدامي
مو گادر يخفي مشاعرو ويسيطر عليها
بس يحارب ويصبر نفسو ، غفيت وبين فترة
والثاني افز امثل النوم وهوَ بعدو گاعد
لو ينهض يشرّب جگارة وبعدين يرجع
ياخذني بحضنو ويطحل بروحو حتى
لا يضعف اكثر افر من يقوي لمساتو
لو يتلمس بشفايفي وايدو تتلمس
بجسمي من اتحرك يمثل النوم .
الى ان نمت الثاني يوم ، گعدت هو
يبدل مستعجل دحگ الساعة ب10
ملِكه : هاي بعدك هنا المفروض من السبعة بالدوام مو ؟
بيرغ : آخذتني النومة ماردت اروح والله مرتاح
بين ايدي مربربة نايمة لو هيچ ينام الزلمة لو لا ينام .
غطيت راسي باللحاف وهو طگها ضحكه
بيرغ : امشي جهزيلي ريوك واكلي زين
اذا تضعفين اطلگج .
ملِكه : من هل ساعة التزام قاسي صيام متواصل بعد .
بيرغ : حتى افك حلگچ وادحس بي اكل والله
مهبول انا ما تعرفيني .
طفرت من الفراش رفع راسو وصاح
بيرغ : يا ويلي يا ربي مربربة يترجرج .
غسلت بالحمام ومبتسمه وبنفس الوقت مزعوجة
نزلت بسرعة لگيت ام وارث تجهز ريوگ
وهمام وسهم برا فاتحين السيارة يغسلون بيها
_ صباح الخير خالة .
_ هلا يمه هلا بملوكات .
ابتسمت خل مرة شگد احبها تروحلها فدوة عمتي
طلعت طاوة طگيت بيض نزل روغان لابس عسكري
انوب من يلبسها ينفخ روحو نفخ اذا ابزو يطگ
مثل النفاخة، گعد على ميز بالمطبخ خليت اجبان
بعدني اصب بالچاي دخل وارث من الباب صاح
_ كم مرة گلت سياراتكم لا تفوتوهاااا .
همام : والله سيارتي ما تبات بالشارع .
سَــهم : سيارته عرضه .
وارث : طلع سيارتك وفوت سيارتي .
همام : اوووووووووي شنو سيارتك مرصعه بالذهب.
شمر المفتاح على سَــهم وفات بيدو ورقه
صار جدام بيرغ وسلمو الورقة وبيرغ
وصاح على همام اول ما قراها
بيرغ : تعال ادحگ يول .
اخذها همام انزعج ورجع وارث اخذ الورقة
همام : راح تبلغها ؟
وارث : هيچ موضوع ميصير ينضم لازم تعرف .
اخذ الورقة وراح وبيرغ وهمام اثنينهم راحوا وراه
رحت بفضول وراهم من دخلوا على غرفة ام همام
لميمونة ، جانت ام وارث تنزل برجلها من الچرباية
سندت نفسها ميمونة من خلت ايدها على دوشگ
بحيث اكتافها وكفت ، من شافتهم بلعت ريگها
ودموعها بلا انذار نزلت
ميمونة : مات ؟ انتحر ؟
گعد وارث بصفها باس راسها من نزلت ايدها
اكتافها وجسمها هفت حضنها حيل وهمس يطمنها
_ لا عايش ما مات اخذي هاي الورقة اقريها .
اخذتها بيد ترعش من الرهبة خايفة حتى تقراها
شهگت بصوت من كل گلبها وصدرها طلع
ميمونة : طلگني .
همام : ميمونة مو تكرهي مو ما تريدي مو ماتقبلين
تعيشين وياه عليش هل دموووع طلگ خلصتي
صار سنتين وأكثر عايشة بكابوووس
خلصنا وانتِ خلصتي ارتاحي كافي ارتاحي .
عيونها ذبلانات بصعوبة تفتح بيهن
بقمة ضياعها استندت على وارث وهمست
وكأن طلاگها جان مستحيل وصار
ميمونة : شلون طلگني ؟
وارث : حجيت وياه واهله محتوي الحمدلله
ابو يريد يعوضه طلگج البارحة وصلت هل ورقة
وسافر اليوم الفجر تزوج بنت رضا وسافر
هو وابو وحرمته حتى يتعالج من ادمانه والتشوهات .
عيونها ثبتت على وارث تركتهم كلهم لزمها
من فكها ويمسح على ظهرها وبخوف يصبرها
بچت وضحكت بنفس الوقت ضحكت صدمة
مو فرع ضربت على وجهه ضربات بحيث
اخوانها كلهم ركضوا يلزمون بيدها
رفست برجلها وگعت بالگاع مو راضيه احد يلمسها
ملخت شعرها شوهت وجهه وهي تصرخ منهاره
ميمونة : فاز حقدهم انتصر سحررررررررهم
خسرته وخسرني ومات كل تعبنا انتهينا خوووية .
شرد همام شرد ودموعو ما گدر يضمها
على كسرت اختو ركض بيرغ سحبو من ايدو
حضنو بكل حيلو فات يهم على صوتهم
ركض فات على ميمونة حضنها يمسح بدموعها
وارث شالها مثل الطفل صارت بين ايدو
لازمه بقميصو نومها على چرباية جسمها
مثل السعفة يهتز بضياع وكسرة .
وكفت احتار ادحگ على منو كلهم مكسورين
ضايعين والخوف ينقري بكل وضوح بعيونهم
اخذت ماي بارد من صارت عيني بعين بيرغ
حسيتو يتوسلني اساعدو ، دخلت على مطبخ
مستعجلة ترست ماي بارد بگلاص ونزيت
رجعت للخلف من ام بيرغ صارت جدامي
طلعت من باب المخزن مبتسمة عبالك عدها حفلة
رجعت على غرفة ميمونة گعدتها توسلتها تشرب
ماي وغسلت وجهه عيونها صارت تخوف گد البچي
وجهه كلو دم انتهت بين أيدينا.
طلع وارث وسهم يتفاهمون برا يتفقون بينهم
وسمعت يريدون يرجعوها عند دكتورة او دكتور
يمكن قبل اخذوها عليه ، ردت اطلع من حسيتها نامت
ام وارث وياهم برا وامها تبچي عليها وتتوسلهم
يساعدوها قبل لا يخسروها ، اول ما نهضت
لزمت ايدي قوي وهمست بصوت هزيل
ميمونة : خايفة ليصير بيج الصار بيه وتطلع
حوبة بندر بأخوية ، اللي دمرتنا موجود هنا
بنص بيتنا عايشة ومرتاحة وتاكل وتشرب
وتضحك وتعرف اني انتهيت بعد .
راسها ما تگدر تشيلو بس تجبر روحها
تحچي حسيتها راح تودع
ميمونة : تدرين شنو المشكلة؟
أكو ناس الغيرة كبرت بداخلهم وصارت حقد
والحقد بقلبهم مثل النار ما يهدأ ولا يبرد
يصير هدفهم يدمرون حتى لو اشخاص ما يضروهم .
نشغت وبصوت هامس الأبعد الحدود كملت
ميمونة : لا تصيرين ضحية مثلي هي ما راح
تأذي ابنها ، بس اذا تخالفيها تأذيچ
الحد ما يكرهچ ويحقد عليچ ولو تموتين لو يشمرچ .
ملِكه : اصيح اخوانچ انفاسچ جاي تنگطع .
لزمت ايدي دموعها وگعت على مخدتها
_ أم بندر زوجها يكرهها شافوها شيطانة
ما رادها شمرها وطلعت بهالابن الواحد
طلعت بسيد بندر يسواها ويسواهم
وبيوم شافت ابنها يحبني يريدني خافت تخسره
مثل ما خسرت ابو خلت ايدها بأيد الشيطانة ام بيرغ
تعاونوا ضدنا خبلني وتخبل .
ساعدت نفسها حتى ترفع راسها لزمتها اساعدها
ايدها حيل لزمتني بيها من معصمي
ميمونة : تدرين اذا اموت مـا أتحاسب يمكن
لأن والله ما شفت من حياتي شي عشتها بعذاب
وراح اموووت خسرانا كلشي وهم بعذاب
اول ما وعيت على دنيا اب ملتهي يجمع فلوس
وام حاضنه سجادتها وبس تدعي وتتعبد
صرت اقلدها اصلي هواي اختم قران هوواي
الى ان كبرت واول بشر سمعني كلمة حلوة
وحبيته سيد بندر ، اتذكر اول مرة التقيت بي
جنت اصلي انطق الشهادة وگف مقابيلي وصاح
” گولي اشهد ان علياً ولي الله ”
غمضت عيونها بس كملت كلامها
_ ضحكت وكملت صلاتي وكل مرة يشوفني
اصلي يگولها ، شگد جنت اگعد وياه
احب من يحچي عن قصص الأنبياء وقصة كل امام
معصوم ، الى ان نطقت الشهادة گال صرتي مني وانا منچ .
فكت عينها حيل مسحت دموعها وعلى بچيها انهاريت
ميمونة : تعرفين هو ابو ما رباه بس هو بي حنية السادة
چان كل سنة يسوي موكب يحب يصلي ويلتقي
بشكو واحد يحب يزور ويجمع من مصروفه حتى يخدم
تعرفين بحقدهن واعمالهن طلعن سيد من الأسلام
سيد بندر صار ملحد بعد كل هذا الإيمان .
ضربت على وجهه لزمتها بست ايدها وهمست
_ عليچ الله لا تسوين بروحچ شي .
ميمونة : راح اموت مظلومة والله مو ظالمة
شوهته اي بس الله وحده يشهد مو بوعيي
شلون اواجهه شلون اخلي يعرف امه وحرمة
ابوي السبب بندر راح ينتقم منها بأخواني
راح يدمر بيرغ وشهاب وكل شخص يوگف
بوجهه اذا ما يسويها اكبر ويخلص علينا وعلى روحه
راح تغمض عيوني وانا مظلومة هجم حياتي
السحر والغل والكره والفلوووووس
هاي الفلوس خلت اخ يكتل اخو واخ يذبح اخته
انا تعبت لهنا حدي فازوا همَّ وانا خسرت .
مُـرجانـة …
هو ضـلـيل طفر اني من خوفي منه هم طفرت
صعدت فوك اسمعه يحچي بالتلفون مستعجل
_ تعالوا شاهين وابو بالمستشفى يول .
راح على غرفة امي يبدل بقيت على درج اراقبهم
غـاليـة : شبيهم شصاير .
ضـلـيل : تمار بالعمليات يگول عندو
تمزق بالأربطة والأوتار مال ايدو كلها .
غـاليـة : وشاهين ؟
_ ما اعرف شي ما اعرررررف .
بدل مستعجل وطلع من البيت نزلت گعدت على درج
امي راحت بالأستقبال وبصوت عالي حجتها
_ طبه مرض بدل العملية ان شاء الله تصير عشرة
عاشت ايد المزق أربطة وأوتاره هل زمال
ذاك اليوم دعيت عليه من كل كلبي بالمستشفى
يگلي لزمت بنتچ كسرتها تكسرر شحدچ تتنفسين .
ساعة زمان وباب بيتنا تكسر طلعت امي
تريد تخاي شالها عدل ما گدرت دخل
شاهين راسه عبارة عن كدمات مورم
وايده ملفوفه واصابعه كلهن بدايتهن
ملفوفات عشرتهم ، ملابسو بالويل
الرتبة ماكو والجيب مشلوع
فات مثل الإعصار صرخ : وين تلفووووونكم .
غـاليـة : اسم الله شبيك .
شاهين : عدكم تلفون واحد بالبيت
مُـرجانـة وين مرررررررجانة وينهااااااا .
راد يصعد فوك نقش اعترضت طريقة وصرت
نقش : تسبح فوك على جثتي تصعد
ذاك تلفون واحد بالبيت تلفون امي
فتش براحتك ، اذا عبالك عدها تواصل
مع شخص غلطان البنية داخله
حالة نفسية وعمك شاهد اربعة وعشرين
ساعة نايمة اني اختها ما اشوفهاااا .
غـاليـة : شاهين ما اسمحلك تدخل علينا
بهل طريقة هل مرة اعديها مرة ثانية
ابلغ ضـلـيل واذا ما عرف بيتصرف اني اتصرف .
رفع ايده وبكل قهر صاح
شاهين : شوفي بعينچ لزمو اصابعي ملخوهااا
واحد يگلي حتى بعد ما تبصم بيهن الحد ما تنحل
يعني شني تفسيررررها هذولي الموروثين
هذا وارررررث الشيطان .
غـاليـة : سمعت صوته ؟
_ لا .
_ ان بعض الظن اثم ما سمعته يمكن هذولي
ناس يريدون يشعلون الفتنة وتزيد نارها
بين الموروثين وال ضـلـيل .
شاهين : كسروا ايد ابووووووية يگله
حتى هاي ايدك بعد ما تنرفع على النسوان
هاي هم الظن اثم ؟
غـاليـة : اي صدگني هاي فتنة معتمديها .
ضرب الباب بكل حيله وطلع من البيت
قفلت امي البوب وطلعت اجت بوجهه
صعدت عندي انا جامدة على درج
غـاليـة : يمه مُـرجانـة عندچ تواصل وياه .
نقش : منو يمه ؟ شعرفها بهيچ اشياء .
غـاليـة : اذا عندچ احچيلي محد يأذي
تمار غير هذا وارث واهله لا تكبر يمه
اذا عندچ احجي انا امچ مو غريبة
والله العظيم سترچ وغطاچ .
هزيت راسي اذا انطق واحجي اعرفها
راح تخاف منهم والخاطر مصلحتنا
تخرب كلشي وبعد لو اموت ما اتواصل وياه
من شافتني نقش امتمت استلمت الجو
نقش : يمه لا تعلموها على هيچ اشياء
وتفتحون عينها البنية يا دوب نشوفها .
عفتهن ورحت للحمام اغسل مو رجعت
شفت بس نقش بالغرفة مدري شنو بيدها
نقش : اريد العلبة مال گلادة اخاف يرجعون
يفتشون الغرفة ويشوفها والله يموتونا والله .
هزيت راسي بـ لا وركضت على كنتور طلعتها
مُـرجانـة: لااا حبابة نقش الله يخليچ
انتِ ما خليتيني افرح بالورد ولا بالهدايا
ولا شفتهم شنو بالبوكس وحتى التلفون
اخذتي مني بقت بس هاي عندي وهم تاخذيها .
نقش : مُـرجانـة افهميني ما اذبها اضمها عندي
الى ان تخلص هل مهزلة وينسون كم يوم .
مُـرجانـة : ما انطيها حتى لو يضربوني .
اقتربت جرتها من ايدي عاطت
_ لا تنشلععععع عوووفيهااا مُـرجانـة .
_ اريدها حبابة نقش هاي من وارث .
_ جيبيهااااااا كاااااافي تخبلتي .
اخذتها من ايدي هي والعلبة وطلعت من الغرفة كلها
دمرتني خاطري كله انكسر منهااا قفلت
الغرفة وبچيت بكل حيلي وصوته ما فارگني
اتمنى ارجع اسمع صوته واشكي وضعي اتمنى
بس حتى التلفون مو عندي بقيت اكل بروحي
الحد ما نمت تعبانة من كلشي مات كل شغفي بالحياة .
فزيت ثاني يوم على صوت تكسير الباب
وصوت ضـلـيل يهز البيت بكبره مو بس گلبي
قبل لا اوكف انكسر الباب ودخل امي منتهية
تبچي وهو فات لزمني من ايدي يتفحص بيدي
اذا منتحره ويرفع براسي بقيت مثل الوصلة
بيده ياخذني ويجيبني حتى الدم جمد بجسمي
ضـلـيل : بيچ شي بوية حاجيني سمعيني صوتچ .
نزلت دموعي من الخوف حتى ما اتجرأ
اباع بعيونه همست بصوت يرجف بالتوسل طلع
مُـرجانـة: ماما .
امي بهبطتها وخوفها اخذتني منه لمتني بحضنها
ونقش گعدت بالباب تبچي اباع عليها راح ضـلـيل
مسح على راسها وبصوت خافت طمنها
_ مابيها شي بوية مبين نومها ثگيل روحي عدها .
غـاليـة : بيچ شي .
_ لا يمه جنت نايمة .
_ بعد لا تقفلين الباب ولچ يمه ردت امووت .
_ اسفة بس .
فاتت نقش من طلعت امي على صراخ ننوس
گعدت يمي اخذت ايدي باستها حيل
نقش : اسفة مُـرجانـة اني غبية والله غبية
تعاملت وياچ معاملة تلعب الررروح والله
وروح ابوية اخاف عليچ من خوفي والقران .
مسحت دموعها وابتسمت
_ يا لا تخافين ما بيه شي .
_ الخايسة عبالي انتحرتي .
_ نمت ما انتحرت شبيچ بس نمت مقهورة .
حضنتني قوي راحت غسلت وجهه ورجعت عندي
بيدها علبة الگلادة، وراحت على چربايتها
طلعت من جواها نفس علاليگ وارث همست
_ كلهن حلويات تريدين .
_ ما ذبيتيهمممم .
_ لااا .
وكفت حضنتها اكمز من الفرح الدنيا ما وسعتني
بست خدها وراسها وهي تضحك على ضحكتي
نقش : لو ما اخاف عليچ وبعدچ بعيوني نفسچ
مُـرجانـة الخايفة تحتمي بيه من جدتها
لو تريدني افسر كلماتها لان محد يفهمها
وتخاف من خيالها خجولة حتى من كلمة حلوة
فلا انقهر وانفعل ، شايفة من شفته يبوسچ
گلبي اشتعل نار عليچ خفت يفسدچ ويعلمچ
اشياء مو حلووة والله .
مُـرجانـة: ما زعلانة منچ عادي .
نقش : اووي فدوة لوجهچ الحلو .
مُـرجانـة: بس ترا وارث ما يفسد هو محترم
وحباب وكلامه حلو واللع يختف عليَّ حتى من ابچي يدوخ .
نقش : يدوخ ؟
_ اي حتى يشرب علاج .
_ يشرب علاج من البچي مالتچ .
_ هسة أخذوا علاجة من عنده .
_ هـذا يحچي مشفر الذكية اختي
فدوة لهل عقل نايم بي زمال ومرتاح .
رجعت الغراض واخذتني نزلنا للمطبخ
سوتلي اكل وامي رجعت للبيت مضمدين ايد ننوس
من شفت ضـلـيل انسدت نفسيتي ، عفت كلشي
وبقيت افتر وين ما تروح نقش اروح وياها
ساعدتها بالتنظيف وضليل فات للغرفة بعد ما طلع
طلعت امي عرفت ننوس نامت اشتغلنا بدون صوت
للعصر رجع طلع مبدل والسبحة بيده گال
_ انا راجع للغربية ارجع تمار يومين وارد
عينچ على ننوس لا تخليها تغيب عن نظرچ
بعد ماعندي حيل مصيبة جديدة روحي بطرف خشمي .
امي بقت بمكانها على گعدتها بس هزت راسها
ورفعت استكان الچاي تشرب ابتسمت
بفرح من شفت شلون عيونه نطت من العصبية
لان ما تنطي أهمية عافنا وطلع خلصنا من صوته
الثاني يوم بس كملنا الشغل شغلت نقش اغاني
وگعدنا ننوس على كاونتر واني وياها انجهز
كب كيك وامي اجت طفت الأغاني وصارت هي
ادگ على ميز الطعام وتغني بصوتها الحلو
رحت حضنتها وكفت اني وياها اتمايل
هي تغني واني ارگص وهي ترگص
ونقش تهز جتف وتضحك بعلو صوتها .
خلت الكيك بالنار گعدت فحطانة
اجت امي يمي بنص المطبخ
نمت على رجلها تلعب بشعري
وارل ما استوت الكيكة جابت نقش
چاي وگعدت ننوس بصفي .
وراحت تخلي التلفون على شحن
دقايق ورجعت مستعجلة صاحت
_ يمه يمه شوفي عمو ضـلـيل شنو ناشر
گاعد بوسط الديوان متجمعين داير ما دايره
شيوخ وشعراء ومن ضمنهم شاعر
من يقرا الظاهر الكلام يلامس
گلب الشيخ سكته وصار هو يقرا بدل
نفس القصيدة بس عمو ضـلـيل قراها .
غـاليـة : انجبي لچ ضـلـيل يقرا شعر بنص الديوان .
نقش : هاي شاهين ناشرهاا ، وحتى بالفيس ناشريها
شيخ ال ضـلـيل يلقي شعر .
اخذته من ايدها واني ضربني فضول
باوعت وياهن شفت صدك الشاعر يقرا سكته وهو
بكل هيبته وصوته الخشن جر بالكلام مثله وگال
” دوم على بالي يمر الحجي يحرك يمر
بليل رسمي انتهى ولاحكني حته الظهر
تغلط وياي وكلت راح أبدي من الصفر
كلبك غلب جثتك والعشك مو بالصغر
حزام حبك واحس حددني من الخصر
يا گلبي التحبه يحب العناد گضه عمرو
خسر كلمن يعاند تغطيت وبعدني
الليلة بردان لأن مو انتَ يمي فراشي باررررررد ”
غـاليـة : خلص عمره ما يستحي .
ضحكت نقش طفيت التلفون وشمرته
على نقش ومن يومها عشت براحة
بين امي واخواتي لمدة اسبوع كامل
ومن بعد هل اسبوع رجع ضـلـيل
ورجعت اتجنب حتى امي يوم الأول
مر بالثاني اندك باب البيت من طلع
ثواني ورجع صاير نار صاح : هذا هساع احطو
وارتكب بي جرررررررريمة الساقط ابن الساقطين .
غسلت امي ايدها وراحت عليه قلقانه
_ يا ستار منو ؟
ضـلـيل : وارث المنبووووذ ، تعالي لبسي شي
واستقبلي النسوان شيخ فؤاد واهلو
وهذا الكلب واكف بالركن عباله ما لمحتوووو .
جابت نقش عبايه مال امي اخذتها لبستها
واني جمدت بمكاني ، دخلت ام تراث وعمتهم فاطمة
واخر وحدة دخلت ايليا سلمت عليهم وايليا لزمتني
من خدي باستني حيل حيل حيل وهمست
_ هاي امانة بس لازم اوصلها بكل امانة
ولو هو گال بس سلميلي عليها يستحي يگول
بوسيها بس اني ابووسچ عيني على عناده .
ابتسمت بخجل وخدودي احسها نطت نار
وصوت عمو ضـلـيل طالع هو وشيخ فؤاد وتراث
ضـلـيل : ما بيناتنا زعل ولا راح يفوت
تعرف بروحك شگد عزيز على گلبي يشهد الله
بس انا هذا عيبي من اصير عصبي افقد .
شيخ فؤاد : انا وياك من الشباب واعرفك
من جنت تجي انتَ والشيخ ابوك ومن جنت
شاب اذا انفعلت ابوك يصيح الويل منك
ولو زعلان ما تشوفني داخل بيتك
انتَ اخوي وما بيّن الأخوان زعل .
اخذت نقش الچاي دكت الباب من انفتح
الباب صار تراث مقابيلها نزل راسه وحك خشمه
وايليا جحظت عيونها عليهم تراقب ، سد ضـلـيل
الباب بقيت اسمع وياها بالكلام گالت ام تراث
_ والله ام تراث رادت تجي ويانا بس
اخت وارث ميمونة مريضة .
بلا احساس من الهبطة عطت
مُـرجانـة : ميمونة رجعت ؟
_ اي وجعت .
_ وبندر ، اقصد زوجها .
_ طلگها وسافر .
_ اي الف الف الحمدلله هم على گلبي انزاح .
غـاليـة : اسم الله ليش هم على گلبچ .
ارتبكت ومسيت امي ما تعرف قررت اسولف
الها بس يطلعن النسوان بس سديت الموضوع بجوابي
_ ها مو بينهم مشاكل فـ گلت احسن ينفصلون .
رفعت حاجبها قدمت نقش ضيافة
تحمحمت ايليا تقربت يمي وهمست
_ احم مُـرجانـة تعالي اشوفچ خطوبة اخو تراث .
صرت قريب منها رجعنا بعيد عنهن على حايط
من خلت التلفون بيدي طلعت فاتحة محادثة
والأسم مكتوب ” وارث ابن عمتهم ”
قريت الرسآئل اخر شي كاتب
” العباس عليچ خوية ايليا لا تنسين بأقرب
فرصة حتى لو كلمة ، واذا ما تگدرين انتِ استفسري منها ”
باوعت على امي ورجعت بالمحادثة
كتبت بيها ” هلو جنتل مان شلونك اني مُـرجانـة
اسفة ما اخابرك نقش اخذت تلفوني وحتى
الورد گطعته گالت ميصير وحرام تبوسني
وممنوع بعد احچي وياك وممنوع توصل بابنا
وگالت اذا تريدني لازم تتواجه وياهم وتاخذني
ميصير تجي على بيتنا انقهرت والله
بس انتَ لا تنقهر ودير بالك على نفسك ”
خفت من صوت الزلم سدت التلفون ايليا
وضمته لا يطلع احد وكلنا النسوان شمرناها صامت
ضـلـيل : لا تخربنا بهذا الموضوع مخبل ازوجها
لهذا عمي اكبر منها ب14 سنة بنيتي صغيرة
وللعلم قبل طشت ردنا نزوجها لشيخ الأشاجع
الزلمة رادها لأبنه والشيخ مات قبل فترة وينو وين الزواج .
شيخ فؤاد : چا ابنه اكبر من وارثنا
بسبع سنوات شايب انا شايفة .
ضـلـيل : بس لا متزوج ولا عندو بزره ما معترف بيهم
هذا وارثكم هم منبوذ وهم متزوج وعندو من نسلو
اطفال اثنين ما معترف بيهم وحسب ما سمعت
قبل فترة يگولون متزوج المربية مال اطفالو
ومعيشها بيت وحدها هي وامها صح هل كلام .
الكل سكت ولا حرف نطقو ما ادري ليش
ضـلـيل : هههههههه صحيح ، وتريدني
اسلموا بنتي يخسي بنص احلامو ما يوصل
ولا ينولها على جثتي لو يمووووووت
تعرف شنو لو يمووت جدامي بنتي ما اسلمها .
شيخ فؤاد : والبنت حرمته على سنة الله ورسولة
ويريدها بيا حق تاخذون زوجته منه وين صايرة .
ضـلـيل : ما معترررررررووف بي .
تراث : چا هووووو بكيفك ما تعرررررررف بي
موووو بكيفك عيوووني حبيبي انتَ بيوم العقد
انتَ ويانا على اتصال وسمعت كلشي بأذنك
وسلمت موافقتك للشيخ وبموافقتك انا وابوي
شهووووود على هذا العقد لعب جهاااال
ما معتررررف بي عمي تعترف وغصب عنكم
الزلمة يريد حررررمتوووو يحبهااااا ما يعووووفها .
ضـلـيل : فصخته وابن عمها ناهي عليها .
تراث : اخذها كلمة من زلام متربي على حب
ونخوة العبااااس وحگ ابووو راس الحااااار
بنت عابد ما تصير لغيررررر ابن ساجرررر
بنت عابد لأخوي واااااارث .
وعمي ضـلـيل تخبر صدهم شيخ فؤاد طلع
تراث وهو يصيح : وين النسوووووان يلة نتووووكل .
وشيخ فؤاد يعتذر من ضـلـيل لان
تراث رفع صوته وبنص بيته وكله نسوان
اخذت ايليا رقم امي على اخر لحظة
وبوستني وامي تعتذر منهن وطلعوا
وشيخ فؤاد برا يحچي هو وضليل يگله
_ اسبوع الجاي عرس ابنيّ نورونا
مثل ما جبت عايلتي وتعنيت ودست بساطك
اطلبك تجيب عايلتك وتجي تفرح ويايه بفرح ابني
على شرط شيخة ال ضـلـيل ام نورا وياك وبناتها .
ضـلـيل : الله كريم يصير خير .
طلعوا وانا ونقش شردنا فوك من الصياح
يگول بيكيسي مو لسان طبيعي وانفجر بالفشار
ما ندري بعد شصار صارت عصبيته كلها براس امي
اخر شي بليل اجت يمنا بالغرفة نامت من لسانه
روحها طالعة مدري هي جلطته لو هوَ راح يجلطها .
ثاني يوم خلصها طالع البيت هدوء
ثالث يوم رجع على غربية بس اطمئن على ننوس
بليل خابرت ايليا سلمت على امي اخته منها
واني اخذت ننوس وراحت تغسل ايدها
اول ما همست : هلو ايليا .
جمدت ولساني تشنج وحتى التلفون شمرته
وارث : احااا ردت روحي انصهرررررنا يالبصررررررة .
رجعت التلفون على اذني وهمست بخجل
وصوتي بعد ما ينسمع
وارث : احچي على اساس اطنطنين انتِ وايليا .
_ ها .
_ احااااااااا .
عدلت شعري عبالك يشوفني وهمست
مُـرجانـة : احم ايليا .
_ مشتاقلچ ميت عليچ نحلة .
غطيت وجهي بيدي رجعت ننوس تباع بوجهي
مُـرجانـة : زعلانة مني مو ؟
_ افااااا ازعل من نحلتي ؟
_ عبالي زعلتي شوفي والله حافظت
على گلادة وطلعت الحلويات الحد الأن
عندي محتفظه بيهن ما اكلتهن بس الوردات
اول ما رحت تگطعت كلهن .
وارث : شلون ينطيهم گلبهم ينزلون دموعچ
وتزعلين اووووف گلبي اووووووف ورم بعد .
مُـرجانـة: مقهورة لأن صار هواي ما احچي وياك .
_ لا تزعلين منها هي هم اختچ الچبيرة
وخافت عليچ وحلو يعني حريصة
ويمكن ما فهمت علاقتنا واني غلطان رحت
زايد وتقربت منچ غلطان اعترف .
مُـرجانـة : لا عادي هو بستي بس خدي .
وارث : بس خدچ ؟
_ وراسي مو ؟
وارث : ورگبتچ وحضنتچ احتفظت
بالقميص بي عطرچ .
سكت ثواني وهمس بصوت ثگيل
_ نحلة .
_ ها .
_ مُـرجانـة اريدچ .
وكفت على حيلي اكمز اروح وارجع بعدين
ايتوعبت هذا تلفون امي واني جوا مو فوك
وننوس جحظت عيونها تباع بصدمة .
وارث : الو مُـرجانـة وينچ الوووووو .
مُـرجانـة: احم وياك وياك .
_ راح اخذچ واذا ما اخذتچ معناها الموت اخذني منچ .
انقهرت من كلامة وگلبي انقبض ما عرفت ليش
دخلت نقش شافت ارتباكي وصلت يمي وهمست
_ هذا وارث مو ؟
_ لا ، اي ها اي وارث بس ايليا .
رفعت راسها وجرت التلفون مني سدت الخط
وصعدت فوك رحت وراها بسرعة شفتها تحچي
بتلفوني نفس التلفون : ليش تأملهاااا وتعلقهااا
بيك مووو ما ينطوهااا راح تعذبهاا اذا تعيشها بأمل .
گعدت على سرير صرت بصفها اكل اظافري
واسمع صوته بكل هدوء يجاوبها
_ اختي انا اكثر بشر ما اريد اذيتها
هاي حرمتي لا انتِ ولا عمچ الكم حق تمنعوني
اتواصل وياها واعرف اخبارها وللعلم حرام عليچ
تحركيني منهااا انا رايدها واحبها وانتِ
تعرفين متمسك بيهاااا بأي حق تمنعيها
اخرر بشر يريد مُـرجانـة تتعذب اناااااا .
نقش : ما راح ينطوها .
_ باجر طالعين رتل سيارات وشيوخ
اظل احاول وياهم الى ان يردون حرمتي
انا اگدر اخذها غصب عنهم بس مُـرجانـة
عزيزة على گلبي ما يهون عليَّ زعلها
اريدها تطلع من بيت امهاا بعرس والناس تشهد بي .
نقش : من حقي اخاف عليها من المستقبل
اذا ما صرتوا البعض اختي تتعلق بيك
شنو يظل بيهاا رجاءً افهمني وروح ابوية اخاف عليها .
سلم وترخص گعدت دموعي تنزل
حضنتني خلتني على صدرها
نقش : بعدين راح تعرفين تصرفي هو الصح .
ابتعدت من حضنها واعتزلت عنهم الثاني يوم
خليت ايدي على گلبي من سمعت امي تگول
_ وارث ورتل من شيوخ العشاير
موجودين بديوان شيخ ضـلـيل .
وارث ..
هل رتل مختلف عن القبلة رتل رتب وفوج
كامل من شيوخ الغربية والبصرة
وشيوخ عامية من كل مكان ، قبلها بيوم
سلمنا خبر الضليل وربعه ، بس ما عرف
هل شيوخ من جهتي ويمكن عرّف وغلس
هو يريدها كل شوي امر عليه بفوخ شيوخ شكل
يفكر امل لو اتعب راسي براسه وما اخافه انا حر
واكسر عينه اخذها عصب عنه وعنهم .
نزلوا الشيوخ وبوسطهم رتب لواء وفريق
عميد ومقدم من كل رتبة اربعة مشيت بوسطها
انا وخالي وتراث اول ولأن عدهم علم يعرفون العدد
مو قليل ناصبين المضيف برا الكراسي وطبلات
سلم عليهم كلهم من وصل عندي وعند تراث
شافنا اغتاظ واعصابه صارت بالصدارة .
وكل عادة نفس الكلام ونفس لعب الملاعب مالتهم
قدم شاهين ابن اخو دگ شاهين صدره جدام كل
الشيوخ من شاف اخو علاء راد يتقدم وصاح
شاهين : العقد بينهم منتهي ودام حاضرين
الشيوخ يرمي اليمين لا انا ولا عمامنا قابلين
ابن ساجر ياخذ بنت عابد ، والبت بنت عمي
وانا جدام الشيوخ وهل وجوه الخيرة ناهي عليها .
طبطبت على رجل تراث فهمني ، وربنا رحمني
المضيف بوسط الشارع يعني مو عيبه اسوي عظام
هل چلب ابن الچلب طحين ، شمرت السترة
وركضت كضيته انا وتراث بطحته خربت
تكوين ملامح وجهه سويت تخدير بدون تدخل
ابر فقدت احتار بوكسات راسي احس افتر
بگد ما رگعته براسه ، الشيوخ كلها تجر بيه
وارث : تفوووووو على هيچ تربية
كلب ابن الكلب اطلگ مرتي حتى تاااااخذهااااا
وين صايرة تربية ضـلـيل صگطططططططط .
رفع ضـلـيل ايده واجه يمي عباله اتحرك
ما هز رمش من رموش عيوني جرني من ايدي
صرنا بعيد على زلام كلهم والشيوخ تراث مستلمهم
عصر ايدي ون فوك وبكل حقد الكون همس بتهديد
ضـلـيل : عبالك تعبرها عليّ؟ تجيني إنتَ وأخوتك
حتى تضمضم السالفة بزواج وتسترون عيبكم؟
أخوك اعترف بلسانو گال إنه مغتصب البنية
وانتَ جاي تطلبها مو حب بيهم ولا ميت عليها
مثل ما حچيت وتمثل جدام الشيوخ مثل الشيطان
ناوووي تاخذها حتى تغطّي على فعلته لأن البت حامل منّه!
عت القميص بأثنين اديناته يهز بيه يهدد منفجر
ضليل : معروف ابن ساجر وارث يغطي
ويتستر على كل المصايب حتى يحافظ
على سمعة الموروثين ، بس وعزّ ستر نسوانه
يا وارث يا ابن ساجرإذا طلع كلامو صدگ
وطلع متگرب على بنيتي ومعتدي عليها
أقسم بشرفي ما أخلي ليلكم ليل، ولا نهاركم نهار!
احولو صبح مظلم إذا ما اخليكم تصيحون الغوث
أخلّص عليك وعلى نسل ساجر، وأخلد عاركم للتاريخ
وهذا تهديد مو حچي، يتحول فعل واخذها مني وعد!
يتبع …
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.