رواية شاهد قبر – الفصل السادس
منذ اول نظرة احس ناصر انه يقف فى المكان الخطاء وعندما التقت عينيه بتلك الفتاه المنشغله فى هاتفها للحظه شعر بعقله يدور.
بالطبع مكنتش اول بنت يشوفها ناصر فى المدرسه أو الشارع لكنها كانت مختلفه عن اخواته البنات.
مين دا يابابا؟
قال الراجل وهو ينزع سترته الصوفية دا ناصر هيقعد معانا يومين!
سكتت البنت لحظه بعدها قالت ببساطه اهلا
كلمه صغيره لكنها ضربت قلب ناصر بقوة، لم تكن كلمه عاديه بالنسبه لناصر، فى حياته كلها لم يسمع اهلا بهذة الطريقه
رغم ذلك لم تحمل نظرة الفتاه اشمئزاز من مظهر ناصر بل فضول.
حاول ناصر ان يرد لكنه لم يعرف كيف، حرك رأسه فقط
إبتسمت الفتاه، ابتسامه طفيفه ورجعت للانشغال فى هاتفها
فى تلك اللحظه شعر ناصر بشيء غريب فى صدره
ليس مثل الغضب الذى يعرفه، ولا مثل الحزن الذى عاش معه سنوات، كان شعور جديد تمامآ.
شيء جعله يتمنى لو كان انظف قليلآ،لو كان شعره مرتب
لو لم تكن يديه ملطخه بزيت السيارات.
اما هى فعادت تنظر اليه نظره أطول مما ينبغى
لماذا ؟ لم تكن تعرف، لكن فى عينيه رأت شيئا لم تره فى اولاد مدرستها،لم يكن خجلأ فقط ،كان حكايه كامله.
ضم ناصر ايديه لجسمه وتصلبت عضلاته ومنع اصابع قدمه القذرة الاحتكاك فى السجاد ،وقف ثابت ،حتى لو أن دبور لسعه ما كان ليصرخ ينظر إلى الأرض كأنه يخفى نفسه
ود ان يصرخ فيه صاحب البيت اخرج او ادخل او ان يتناساه ببساطه كأنه مقعد.
اقعد يا ناصر، نطق الرجل اخيرآ بلا مبلاه سقطت الكلمه فوق دماغ ناصر كلوح ثلج فتح فمه وهو رأسه إلى هو اقعد ازاى؟
فهم الراجل وابتسم الحمام على ايدك اليمين ادخل استحم قبل الهانم ما توصل دا احسنلك واحسنلى
عرج ناصر على الحمام وهو يفكر، كل شويه بيقول الهانم الهانم ،يا ترى الهانم دى هتعمل فيه ايه، سقط ناصر تحت الماء الساخن جلخ الزيت والتراب الملتصق به وبعد ما نظفه نفسه لم يكن راضيأ تمامأ عن الشخص الذى يراه فى المرآه
آمام المرآه اقسم ناصر ثلاثة مرات ان لا يظهر امام تلك الفتاه مره اخرى، كان شيء تغير داخله، شيء لا يعرفه ولم يتمكن من فهمه.
لكنه فى هذه اللحظه اكتشف المصيبه التى حطت فوق رأسه
ناصر لم يحضر معه ملابس نظيفه
قعد فى الحمام مش عارف يعمل ايه، يرجع يلبس هدومه ؟
الزيت والوسخ وريحة العفونه ؟
متطلع يا ناصر انت هتبات فى الحمام ؟ سمع ناصر صوت الراجل خارج الحمام
قال ناصر، اطلع ازاى وانت عارف ان مفيش معايا هدوم نضيفه ؟
الراجل ضحك، قال انت يا ناصر بتحملنى مشاكلك من دلوقتى ؟
عارف ان مفيش هدوم معاك بتستحم ليه يا اخى، بعدها قال طيب اصبر هشوفلك البت فوفه تشوفلك ترينح عندها
هى تقريبا من نفس عمرك.
فوفه شوفى عندك ترينج نستعيره من فضلك
صرخت فريده ،بابا انت بتتكلم بالطريقه دى ليه ؟ ايه ترينج ده ؟ درس يا فريده كده حلو.
احضرت فوفه بنطال وتيشرت وجدهم ناصر مريحين
ولما خرج من الحمام بكسوف حس انه واحد تانى.
لو سمحت انا هنام فين؟
الراجل قاله مستعجل ليه، هنتعشى الأول ؟
ناصر قال لا والله العظيم ما اتعشى انا شبعان قلى بس هنام فين يبقى كتر خيرك، كانت لديه رغبه ضخمه فى الهرب من أمام عينيها.
ولما نظر إليها وهو فى طريقه لغرفته،وجد شعور بالتفاجيء يتملك ملامحها.
________
ممكن اعرف مين الضيف إلى جبته معاك فى أثناء غيابى ؟
هى تولا لحقت تقلك ؟
الخدامه دى من لحظة دخولها الفيلا وانا مش مرتحلها
طيب مش هتقلى مين ؟
هقلك يا روان، دا الاسطى صابر
اسطى ؟ رفعت روان حاجبها بأستنكار ،وجايب اسطى يعمل ايه عندى فى الفيلا ؟
هيريح يومين لحد ما الورشه ما تجهز بعدها يشفله مكان يسكن فيه.
هو انت عملت ورشه ؟
بصى يا ريرى هى مش ورشه بالمعنى الدقيق ،دى شركه بينى وبين الاسطى ناصر
تحركت روان خطوه وقعدت جنب جوزها يحيى ،حبيبى ورشة ايه ؟ هو انت فاضى من الشركه والمصنع بتوعنا ؟ ممكن تفهمنى ؟
همس يحى المعلم ناصر رهيب الورشه دى هتبقى اهم ورشه فيكى يا مصر.
يحى ؟ همست روان ممكن تقلى ايه إلى فى عقلك ؟ كان ممكن تشغل ناصر ده فى إى شركه لو عايز تساعده
ولا انت مش قادر تنسى….. لم تكمل روان جملتها، حدجها يحيى بنظره صارمه.
ناصر هيقعد هنا يومين مش عايز حد يضايقه.
الفصل التالي اضغط هنا
يتبع.. (رواية شاهد قبر) اضغط على اسم الرواية لتجد الفهرس كاملاً بجميع الفصول.