رواية رحمه في رمضان الفصل الثامن والعشرون 28 – بقلم سلوى عوض
بارت 28
نادين: اهم حاجه سعادتك يا امي انتي تعبتي اوي ووقفتي قصاد اعمامي لما كانو عايزين ياخدوني لدرجه انك سيبتلهم الشقه حتي ورثك من بابا سيبتيه
نادره: ابيع عمري ومحدش يمس شعره منك يا بتي دول كانو عايزين يجوزوكي ابن عمتك اللي مسافر عشان تخدميهم وخلي بالك برده لو خليل زعلك أو عاملك وحش برده مع الف سلامه
نادين: لاء يا ماما عمو خليل طيب اوي وبيحبني
نادره: ربنا يا بتي يحبب فيكي خلقه حتي الحصا ف الأرض
نادين: انا فرحانه اوي عشان هبقا مع ولاد خالتي اصلي بحبهم اوي وخصوصا رحمه وشقاوتها
نادره: نفسي رحمه تعقل
نادين: عارفه يا امي رحمه من جواها طيبه اوي وقلبها قلب طفل هيا بس شقيه شويه
نادره: طاب ياله بينا عشان نلحق نقعد معاهم شويه وكمان اشوف الولاد وقت الفطار
(ويمر الوقت)
وها هو اذان العصر، ورحمه منغمسه في المطبخ
رحمه: منك لله يا خليل انا مالي انا تعزم ولا تولع حتي ايه ده اه يا ضهري يا اما اه يا ايدي بقا الايدين ديه ولا صوابعي الجميله تقور بتنجان وكوسه وابن اللذينه جايبلي كرنب وممبار ٧ كيلو رز اه يا اما لسه هخرط الملوخيه بس احسن خلصتله كل الحاجه اللي عنده
رحمه: عشان يبقا يعمل فيها كريم ويعزم انا اصلي العصر واقرء قراءن وبعد كده اكمل وبالمره ادعي علي سعديه ولا حرام احسن يجرالها حاجه اعيش بذنبها ربنا يهديها المهم دومي بيحبني بس ايه العقل ده يا رحمه ياله مش مشكله اتوضي الاول
(وبعد أن أدت رحمه فرض العصر وقرأت ما تيسر من القرآن الكريم)
رحمه: اولع بقا علي المحشي واعمل الملوخيه والسلطه وارتب الشقه ديه بالمره عشان ناكل علي نضافه
(اما في شقه آدم)
آدم: اجهزو ياله يا جماعه عشان ننزل ولا اقولكم هطلع انزل عمي ابو عصام الاول
انتصار: جدع يا اخوي اتصاحبت علي اللي هنا كلهم
آدم: ناس طيبين ومحترمين
سعديه: هنخشو علي الراجل فاضيين
آدم: حلف عليا مدخلش عليه بأي حاجه
(اما في شقه أمينه)
كانت أمينه تغلق باب شقتها ومعها ابنتها رانيا ليجدو أبو عصام وام عصام ومعهم صابر ينزلون علي السلم
آدم: عمي ابو عصام انا كنت طالعلك عشان تنزل معايا
أبو عصام: كتر خيرك الحمدلله انا بفضل ربنا بقيت احسن بكتير ده حتي عمك خليل نازل ورانا اهو
(ينزل الجميع)
خليل: انا قافل علي اللي باللي بالكم عشان متهربش
(تصل نادره وابنتها)
أمينه: يا حبيبتي يا اختي بت يا نادين وحشتيني اوي
نادين: انتي اكتر يا خالتو
(يدخل الجميع الشقه)
خليل: ايه الجمال وريحه بخور كمان
سعديه: ريحه الوكل تفطر الصايم
خليل: تعالو اقعدو ف اوضه المسافرين علي ما الاكل يتحط
انتصار: طاب نساعدو ونغرفو الوكل
خليل: لاء انتو تقعدو جوه اتفضلو
(يدخلون الي غرفه الصالون)
رحمه: كده حلو اوي اغرف بقا
(يدخل عليها خليل)
رحمه: انته جيت امته
خليل: وهو انا جيت لوحدي كلنا هنا
رحمه: ثواني والأكل هيكون كله علي السفره صحيح متعيش عيشه اهلك مالها الطبليه
خليل: يا ام الذكاوه طبليه ايه اللي هتاخد العدد ده كله انتي تغرفي الاكل وتدخلي المطبخ
رحمه: ليه يا اخويا هتأكلني ف المطبخ
خليل: كله لمصلحتك اسمعي الكلام
رحمه: لما اشوف اخرتها معاك اخرج بقا خليني اخلص
(تضع رحمه جميع انواع الطعام علي السفره، ويؤذن المغرب)
خليل: ياله يا جماعه
(يخرج الجميع ويجلسون علي السفره)
سعديه: وه وه وه ايه كل الوكل ديتي ماشاءالله
(تتحدث الي آدم)
سعديه: شايف الجمال والنضافه
خليل: ايه يا جماعه هعزمكم ف بيتكم
(تتذوق سعديه الطعام)
سعديه: يا ابوي المحشي سكر وه ولا البط وكل يهفف النفس
خليل: اظهر وبان عليك الامان
(لتخرج عليهم رحمه)
خليل: الست ام ادم معجبه باكلك اوي
سعديه: ياك هيا اللي طابخه
خليل: اه والله العظيم رحومتي اللي عملت كل الاكل والعصائر ولسه الحلويات كمان
آدم: جري ايه يا عم خليل انا بغير
رحمه: ثواني هقفل الباب
(تذهب رحمه لتغلق باب الشقه، فتجد عصام أمامها)
رحمه: حبيبي
(ترتمي بين يديه بفرحه، فيرفعها)
عصام: قلبي وروحي وعقلي
(يقف آدم مصدوماً ثم يخرج ويتركهم في حاله ذهول)
عصام: ابويا حبيبي وامي وحشتوني اوي
خليل: الله يخربيتك يا رحمه
رحمه: وانا عملت ايه
خليل: مش وقت سلامات يا عصام روح هاته
عصام: منك لله يا رحمه ده انا لسه واصل ده انا مرضيتش أفطر مع مراتي عند اهلها
خليل: يا ابني روح هات المجنون ده وتعالي الاكل كتير
(في الخارج على السفره)
انتصار: ايه يا اما عمرك ما دوجتي الوكل ولدك جام من علي الفطور زعلان وانتي ممبطلاش وكل
سعديه: بس يا بت بطلي وجع راس الوكل طعمه حلو جوي عاوزاهوش يفارج خشمي
(ليتحدث سيد وهو يضحك)
سيد: استني يا عصام انا جاي معاك
أم عصام: هو ايه اللي خلاه اتقمص كده ده عصام هو اللي مربي رحمه وف مقام اخوها الكبير
انتصار: يا ابوي احنا غيركم احنا صعايده يعني حتي لو اخوها عيب تعبط فيه جدام الناس
صابر: والله يا بنتي عندك حق اظاهر قعدتنا بعيد عن البلد نسيتنا عوايدنا
وحيد: بعد اذن الجميع هيا مش بس عوايد وتجاليد ده حرام شرعا انا اسف بس عصام بالنسبه لرحمه راجل اجنبي
أبو عصام: كلامك صح معلش احنا قولنا زي اخوها الكبير
رحمه: ايه ده ده انا شكلي غلطت غلط كبير انا هروح اصالح زوجي المستقبلي
(تتحدث الي سعديه)
رحمه: متقولي حاجه يا حماتي
سعديه: انا ليش صالح بيكم انتو حرين بس خدي تعالي اجولك
رحمه: خير
سعديه: المحشي بتاعك مسبك علي الاخر بس في حاجه انتي حطاها مخلياه طعمه عسل وسكر
(تضحك رحمه)
رحمه: سر المهنه
(اما نادره فكانت تحاول أن تسترق النظر الي خليل، لينظر لها خليل من خلف نظارته)
(يدخل عصام وسيد ومعهم آدم)
آدم: عمي صابر بعد اذنك انا عايز اكتب كتابي علي رحمه وياريت يكون النهارده
صابر: ازاي بس يا ابني في التأني السلامه
آدم: ارجوك يا عمي
أمينه: الصبر طيب يا آدم
خليل: بقولكم ايه انا والست نادره هنتجوز في العيد إن شاء الله وانتو كمان اعملو فرحكم معانا
نادره: فرح ايه بس احنا كبرنا علي كده
نادين: عايزين نفرح بقا يا امي
صابر: خلاص جوازكم في العيد وخطوبه رانيا وسيد إن شاء الله
آدم: لسه هصبر للعيد
(تترك سعديه الطعام من يدها وتتحدث)
سعديه: متصبر ده اللي يصبر ينول وكمان عشان نفسي اكل من يد عروستك كوارع ولحمه راس وفشه وكرشه ولا انتي يا عروسه مبتعرفيش تعملي غير الوكل ديتي
(تضحك رحمه)
رحمه: شكلك داخله علي طمع يا طنط
انتصار: مكفايكي يا اما بذمتك انتي بتعرفي تطبخيهم
سعديه: ما البركه ف عروستنا
أمينه: جري ايه يا ام ادم انتي ناويه تفتحي مسمط على العموم انا بناتي الله اكبر عليهم شطار ونضاف فله شمعه منوره
صابر: طاب نفطر بقا العشا قرب ياله بسم الله
عصام: والله وحشتني اللمه اوي
أم عصام: العيال وحشوني اوي
عصام: هيفطرو عند جدهم وأمهم هتجيبهم
رحمه: فين يا عم انته التليفون
عصام: لما افتح الشنط يا ام لسانين
آدم: متقولهاش كده
عصام: وبعدين بقا
آدم: بغير يا ناس بغير والله
صابر: طاب ياله كده كل الرجاله معايا علي الجامع ماهو مش هيبقا لا مغرب ولا عشا
رحمه: احسن برده هوونا
انتصار: مش جولتو في حلويات
رحمه: لما يرجعو من الجامع واحنا كمان نصلي
(يذهب الرجال الي المسجد، وتتوضأ السيدات ثم يصلين)
(يعود الرجال ويجتمع الجميع في شقه خليل)
صابر: رحمه اعمليلنا شاي يا حبيبتي
رحمه: عيوني الشاي والحلويات كمان
(بعد إعداد الشاي والحلويات)
وحيد: سلم ايدك يا عروسه
رحمه: شكرا
(يُطرق الباب)
رحمه: مين
يوسف: مش هتلعبي احنا هنلعب كوره صيادين السمك
رحمه: طاب روحو انتو وانا جايه وراكم بس هنلعب في الحاره اللي ورا اللي فيها شجره التوت
يوسف: تمام هجمع العيال ونستناكي هناك
رحمه: ماشي
(بعد ذهاب الأطفال)
رحمه: اما انا هطلع انا اصل اتهد حيلي النهارده والنوم كابس عليا
أمينه: ماشي بس غيري هدومك
نادره: واحنا كمان نتكل على الله
أم عصام: تعالو نطلع على السطوح واعملكم قهوه على السبرتايه وبالمره خليل يتكلم شويه مع عروسته
خليل: والله كلك ذوق يا ام عصام
(يصعد الجميع للسطح)
خليل: ايه يا ست العرايس
نادره: نعم
خليل: في حاجه مزعلاكي
نادره: اصل الصراحه لو اتجوزنا معاشي هيتقطع واهو كان بيسند معايا في طلبات نادين
خليل: طاب ممكن اعرف معاشك كام
نادره: انا باخد ٣ آلاف ونادين ألفين
خليل: ولا يهمك انا معاشي ١٢ ألف جنيه غير حتت ارض عندي حوالي خمس فدادين وهكتبها بيع وشراء ليكي انتي ونادين قبل كتب الكتاب وفي كمان بيت في البلد نبقا نسافر نغير جو ونقعد هناك
نادره: والله انا ما عايزه حاجه اهم شي عندي انك تكون حنين على بتي اليتيمه وعليا
خليل: وعد أمام الله انكم في عيوني انتي متعرفيش انتو هتملو عليا دنيتي ازاي صدقيني انا خايف اموت وانا لوحدي ومحدش يحس بيا حتي رحمه اللي كانت دايما واخده بحسي وبتسليني ربنا كرمها بعريس وبيغير عليها من كل حاجه
(يقف آدم بجوارهم وينظر للحاره)
آدم: عمي رحمه بتتخانق
انتصار: رحمه هتجنن اخويا البنيه نايمه
آدم: اهيه والله
صابر: فين ديه
آدم: قدامك اهوه بص كده
صابر: في ايه يا ام ويشه
أم ويشه: اصبر انا طالعه لك
(تصعد وهي ممسكه برحمه)
أمينه: ايه يا وليه انتي ماسكه البت كده ليه
أم ويشه: بتك يا اختي كانت بتحدف طوب على شجره التوت بتاعتنا والطوبه دخلت عندنا وفتحت قرن الواد ويشه ابني غير التوت اللي وقعته على الارض والعيال لموه الهايفه ديه
صابر: انتي يا بتي مش قولتي طالعه تنامي
رحمه: بتمثيل اصل بمشي وانا نايمه يا ابا
آدم: يا شيخه بجد مكنتش اعرف
رحمه: ايوه امال ايه
آدم: بعد اذنك يا عمي انا…
أمينه: اهو هيسيبك يا فالحه عشان تبقي تعملي عمايلك السوده
صابر: خلاص كل شيء قسمه ونصيب
آدم: ايه حيلكم هو انا لسه اتكلمت
صابر: طاب اتكلم خلينا نخلص
أم ويشه: يا سلام انا جايه اشتكي ومحدش فيكم عبرني خلاص هروح اعمل محضر في القسم عشان يربوها
آدم: اصبري بس انا هعالجلك ابنك وهديكي حق التوت وزياده واي طلبات انا تحت امرك
أم ويشه: عايزه الفين جنيه
رحمه: الفين ايه ليه يعني
رحمه: ده انا عملت فيكي انتي وابنك معروف وكمان العيال هيندهو عليه ويشه ابو طوبه
أم ويشه: اخرسي احسنلك وانته يا افندي هات الفلوس
آدم: حاضر
رحمه: طاب تعالي اقولك على حاجه الاول
أم ويشه: اوعي يا بت من جنبي
رحمه: حقك عليا هصالحك تعالي ابوس على راسك
(تقترب منها رحمه وتهمس في اذنها)
رحمه: خدي بعضك واتكلي على الله من هنا بدل ما اقول لجوزك انك بتضحكي عليه وبتاكليه لحمه مجمده وتقوليله ديه من عند الجزار
أم ويشه: كدابه
رحمه: كدابه كدابه انا بقا هوريله صورك وانتي بتشتري اللحمه المجمده
الفصل التالي اضغط هنا
يتبع.. (رواية رحمه في رمضان) اضغط على اسم الرواية لتجد الفهرس كاملاً بجميع الفصول.