رواية ذكرياتنا في رمضان الفصل العاشر والاخير 10 – بقلم سلسبيل احمد
– فيه ايه ؟؟ مالك؟ هو ضايقك؟
= لاء
– طب حصل ايه يا ليان انتي كنتي بتعيطي؟؟
” دموعي نزلت ورا بعض وكانهم مصدقوا وحرفيا انفـ ـجرت في العياط ”
” مراد ركن على جمب والطريق كان زحمه وهو اتوتر فا ركن وبصلها بسرعه ”
– ليان فيه ايه اهدي وبطلي عياط
” مكنتش مدياله وشي لأني عمري ما اتمنيت ابقي كده قدامه هو بالذات! ”
– اهدي طب وفهميني.. لو ضايقك قولي!!
” فضلت حاطه وشي بين ايديا ”
” مراد بحركه لا إراديا شال ايدها علشان يشوفها واتكلم براحه ”
– ممكن تهدي لو سمحتي؟؟ مش هينفع العياط ده!!.
” طلع كذا منديل يديهم ليها لكنها بعدته عنها بجزء من العصبيه ”
= انا مش عايزه اتكلم ! روحني !!
اندهش من طريقتها: طب فهميني !!
– انت مش بتفهم ولا عمرك هتفهم !! انا مش مصدقه ان كل ده بسببك واني حتي مش عارفه أ..
” سكتت وهي متنرفزه اوي وبتحاول تحبس كلامها الى خايفه يطلع في وشه ”
” فتحت باب العربية ونزلت ”
– هو ايه الجنان ده
” طلعت على الرصيف وكانت ماشيه وهي بتمسح وشها وبتحاول تتنفس ”
” مراد مسك ايديها ”
– انتي رايحه فين ؟؟ هي الحالة جت لك!
= انا مش طايقـ…. مش طيقاك يا مراد!!!!!!!!!!! انا معرفش كلمتك ليه !! معرفش ليه انت !! ليه علطول انت اول حد بفكر فيه !! مش راضي تطلع من دماغي ! كل ما لما احاول افهمك معرفش !! مش فهماك !! ليه بتفضل تنكش و تتخانق وفجأة تسكت بدون سبب وعلطول مبين اهتمام و غِيره!!! بس لما حد غيرك جه !! وافقت عادي!! يعني ايه؟؟ يعني عادي ابقي مع حد تاني !!
” وقتها مراد فهم قصدها.. وفهم الى وصلها له بسبب طريقته ولكن ده كان غصب عنه.. مكنش متوقع انها تحس بكل ده وانه يبقي سبب في لخبطتها بالطريقه دي.. ”
“اتنهد وبصلها وهي بتتنفس بسرعه”
– عمر ما كان عادي اني اشوفك مع حد غيري.. وعمري ما اتمنيت غير انك تكوني معايا..
“ليان بصتله بعدم استيعاب و هو كمل..”
– انا مكنش قصدي نوصل لـ هنا بسببي.. بس كنت عارف من البداية انه مش هينفع.. صعب يكون فيه علاقة بيني وبينك.. لو بصيتي كويس عليا و عليكي هتفهمي قصدي..
” فضلت ساكته وباصه له وبتحاول تفهم هو عاوز يقول ايه.. ”
” ومراد مش قادر يشوفها بالشكل ده بسببه واقفة والدموع في عينيها بتحاول تفهمه! ”
” اتنهد بحْنقه وبصلها ”
– ليان انا…
” انتبهت له وهي مستنيا يقولها لكنه غير مسار الكلام ”
– مش عايز ابهدلك مش هينفع نبقي سوا.. انا بالفعل مسؤول عن بيت كامل.. ماما و ندى وكنزي.. هما في رقبتي! وانا مش واقف على أرض ثابته عشان ابقي معاكي.. مش هينفع اروح لعمي اقوله لو سمحت اديني بنتك!! بنتك الى حضرتك متغرب عشانها وعشان تعيش مرتاحه لو سمحت اديهالي ابهدلها معايا ؟؟ انا مش عايز احطه في الموقف ده
ولا عايز شفقه ولا مساعده من حد وغير كل ده.. انتي كمان في رقبتي.. طول ما عمى مسافر..
” دموعها كانت عماله تنزل وبصتله بضعف ”
– ده السبب الى مخليك تلعب بمشاعري؟؟
مراد رد بسرعه: لا والله العظيم! عمري ما عملت كده.. ولا لعبت بيكي اي حاجه كنت بقولك عليها مكانتش هتختلف انا كنت بخاف عليكي زي ندى و كنزي كنت هعاملك بنفس الطريقة حتي لو مكنتش بحبك
” بصتله بدهشه من الكلمه.. وهو كمان استوعب الى قاله لأن مكنش عايز يقولها ”
– بتحبني!
“مسح على وشه وهو مش عارف يقولها ايه”
= ليان.. دي غلطتي انا الى غلطان عشان موضحتش موقفي ليكي.. وكنت بهزر او بنكشك بطريقة بينت مشاعري.. بس مينفعش وانا عارف ده ومتقبله
ضحكت بسخريه وانا ببصله: متقبلة؟ متقبل اننا منبقاش سوا وان حد تاني يجي واكون معاه..
طب مضايق ليه بقا من عمر؟؟ وقلبت عليا عشان وافقت اقابله!!
” مراد سكت و ليان بصتله بنرفزه عاليه ”
– رد عليا و خلي عندك شخصية بقا !! طالما انت ماشي بدماغك وبتفكيرك ده !! وشايف انه عادي !! بتقلب وشك عليا ليه؟ ولما ابص لحد ولا لما اتكلمت مع مينا مكنتش طايق نفسك !! مش عارف حتي تخبي غيرك!
مراد قاطعها بعدم وعى: عشان دي مشاعري !! مهما هربت منها غصب عني بتتحكم فيا ساعات ! انا مش ملاك !! بس هرجع واقولك دي غلطتي.. ومن دلوقتي انا مش هتصرف على اي أساس غير اننا اخوات
ليان بصتله بصمود: فعلا.. احنا كنا اخوات..
من دلوقتي انا الى بقولك يا مراد انت الى ملكش دعوة بيا ولا تتحكم فيا تاني
– كلامك ملوش معنى.. عشان انا قولتلك.. انتى في رقبتي طول ما عمى مسافر
= حلو.. تمام مش هفضل في رقبتك لما ابقي مع واحد غيرك.. هبقي في رقبته هو
” قولت جملتي و بعدين دخلت العربية.. وهو فاضل دقيقة واقف بره وبعدين دخل و وصلني البيت ومحدش فينا اتكلم تاني.. ”
>>>>>>>>>>>>>>>>>>>>>>>>>>>>>>>>>
” اللهم صلِ وسلم وبارك على سيدنا محمد ”
|| بعد مرور ايام.. ||
” فات كتير على اخر خناقة حصلت بينا.. كنا خلاص في اخر يوم في رمضان.. وقاعدين بنفطر كلنا.. متكلمتش معاه غير كلام رسمي قليل جدًا من ساعتها علشان محدش يلاحظ.. لكنى كنت بحكي كل حاجه مع البنات لما بنتجمع.. بقلمي سلسبيل احمد وبسبب ان كلهم عارضوني في موضوع عمر قررت اعتذر له.. بعد لما اكتشفت اني عمري ما هعرف احب دلوقتي.. لأني بالفعل بحب حد تاني! ”
” الخبر الوحيد الحلو ان بعد خناقات كتير ومناواشات.. خطوبة ندى و أحمد
هتبقي اول يوم العيد..! يعني بكره خلاص”
” بعد لما خلصنا الأكل بابا عمل تليفون و رجع لنا ”
– خلاص كل حاجه جاهزه انا تممت عليهم.
مراد: انا لسه عند رأيي وشايف ان مكنش ليها لازمه نعمل خطوبة في قاعه ياعمي والله.
عز: ملكش دعوة.. ندى بنتي قبل ما تبقي اختك.
ليان: انا مش قادره اصبر لما اشوفك عروسة
ندى ضحكت بكسوف: انا الى مش عايزه
انا لسه صغيره!
عز: مفيش افراح غير لما تخلصي الكلية الأول
ندى: بظبط
فاطمه بصتلهم بفرحه: ربنا يزيد افراحنا يا ولاد..
نورا: آمين يارب
كنزي: يارب علشان اللبس فساتين كتير
كوثر ضحكت: خدى بالك سنه ولا اتنين ومراد هينقبك
“كلهم ضحكوا ومراد بصلها بجديه”
– دي اخر مره اصلا تلبسي فستان زي ده انا بس مرضتش ارخم عليكي عشان خاطر عمى
عز: وانا لو شايف فيه حاجه كنت هوافقك بس انت الى حنبلي حبتين
كوثر: حبتين بس؟
ندي: احم حبتين تلاته اربعه خمسه
مراد بصلها: والله؟
فاطمه: ملكش دعوة بيه ايه.. راجل طبيعي يبقي غيور على اهل بيته
عز: ايوه احنا بنهزر.. لكن مراد راجل البيت من بعدى وكلمته تمشي فاهمين؟
كنزي: ايوه ايوه المهم اللبس الفستان بكره.
ندى بصت لكنزي: مش هتوريهم فستانك؟
ليان ابتسمت بهدوء: لا خليه مفاجأة..
” مراد حاول يبتسم وجز على سنانه.. بيدج الفيس بوك بتاعتي سلسبيل احمد وهو بيفتكر لها كل المواقف الى عملتها الفتره الى فاتت علشان تستفزه.. ونجحت في ده ”
فلاش باك #
– ايه ده؟؟؟ انتى خارجه ولا راجعه!
= لا خارجه فيه حاجه؟
– فيه ان الساعه 9
= معلش بقا.. غصب عني لازم اشتري حاجه ضروري..
– حاجه لازم تيجي بعد الساعه 9 ؟
= اه بعدين انت مضايق ليه؟
انا قولت لبابا
– تمام يا ليان.
باك #
>>>>>>>>>>>>>>>>>>>>>>>>>>>>>>>>>>>
‘ سبحان الله وبحمده سبحان الله العظيم ‘
|| في الورشة | بليل ||
” مراد كان قاعد مضايق ومش عارف يمسك اعصابه”
” احمد دخل عليه ”
– ازيك يا مراد؟
= عايز ايه ياض؟ انت مش خطوبتك بكره؟ ولا انت فاضيلي
– مفضي نفسي عشانك يا معلم
= بطل بقا الشويتين بتوعك دول
– انت هتفضل قافش عليا العمر كله ياجدع؟
= مش قافش انا مضايق لوحدى..
– علشان يعني الموضوع؟
اتنهد: اه..
= طب يا مراد ما قولتلك انت الى غلطان.. الحاجات دي بتيجي واحده واحده.. اتقدم لها وعمك كويس زي ما قولت! هيصبر عليك
– انا مش هحطه في الموقف ده قولت !!! انا اساسا مضايق انه أصر يشيل خطوبة ندى كلها..
= هو في مقام ابوها! ده واجبه! محدش بيعمل كده دلوقتي بس ده واجبه علشان هي بنت اخوه
– تمام يامعلم.. عاوزاني انا بقا اروح اخد بنته؟ واحرجه؟؟ واحرج نفسي! بعدين افرض اتقدمت وعدينا كل ده وكل الحاجات الحساسه دي.. لو انا معرفتش اخلي شغلي يستقر هعمل ايه.؟ هخليها جمبي؟
= استغفر الله العظيم امال يابني هتخلي حد غيرك يتجوزها؟ مانت جربت ومكنتش طايق نفسك لما واحد كان يا دوبك بيتعرف !!
– معرفش يا احمد معرفش !!
= طب هو الراجل الى كريم كان مكلمك عليه لسه مش عايز ينزل السعر؟
– أيوه..
= طب هو باعها ولا متعرفش؟
– لسه مبعش
= طب ما تسمع كلامي يسطا.. وتخليني اساعدك
في جزء..
– احمد قوم امشي
= يا مراد..
قاطعه: امشي يا معلم بقا انا هكمل شغلي اصلا
” احمد خرج و سابة و مراد فعلا لهى
نفسه في الشغل.. ”
>>>>>>>>>>>>>>>>>>>>>>>>>>>>>>>>>>>
‘ لا إله إلا انت سبحانك اني كنت من الظالمين ‘
|| في بيت ليان ||
هاجر: يابنتي بقا اظبطي شعرك هيتحرق وانا بكويه !!
ندي بزعيق: براحه الله وانتي يا ليان براحه على ايدي انتي بتبردي ايد حمار !
فريده ضحكت: انا الوحيده الى حنينه عليكي وعامله لك ماسك تحفه اهو
ندى: حببتي.. صح مشوفتيش بقا يا هاجر وش مراد لما اتكلمت قدامه عن فستان ليان
فريده ضحكت: أحسن
ليان: على فكره انا مختاره فستان عادي جدا
ندى: احمر
ليان: مش احمر يجماعه ده برجاندي!!
هاجر: ما علينا.. اثبتي على موقفك
مريم: ايوا.. معاهم حق خليه كده لحد ما يعرف غلطته..
ندى: راعوا انه اخويا ها
مريم: فكرتوني.. مينا مش راضي يديني عيديه.. بيقولي ده مش عيدنا !
ليان رفعت حاجبها: وعاملي فيها بيحب الوحده الوطنيه؟ لا طبعا خدي منه
هاجر طلعت من جيبها خمسين جديده: خدي انا هعيد عليكي
مريم حضنتها بفرحه: حبيبتي.. اكتبيلي عليها!
هاجر كتبت لها ” عيد سعيد لأجمل مريوم..”
” ليان وفريده و ندى طلعوا فلوس وكتبوا عليها برضو ومريم فرحت اوى.. بقلمي Slsbell Ahmed كملوا بعدها هيصه و رقص زي ما كانوا شغالين.. ”
>>>>>>>>>>>>>>>>>>>>>>>>>>>>>>>>>>>
‘ الله اكبر الحمدلله استغفر الله لا إله إلا الله ‘
|| 20 مارس | اول ايام العيد | الساعه 6 الصبح ||
” خرجنا كلنا علشان نصلي.. انا والبنات و ماما وطنط ايمان و طنط شهيرة و مرات عمى وتيته.. وكل الشباب خرجوا.. و بابا و عمو ابراهيم..
وعمو عادل.. واكيد اكيد عم جابر..”
” دخلنا الجامع وهما كانو بيصلوا بره ”
ياسين: ايه يا شيخ مينا الجلبية دي هتصلي معانا
مينا: بطل عنـ ـصرية بشارك في الأجواء
احمد ضحك: من واحنا صغيرين وهو كده مفروض تتعودوا بقا..
مينا: قولهم ياعم
ياسين: طب مش يلا
مراد: مستني كريم معرفش اتهبب راح فين
” شوية ولاقوه داخل عليهم ”
ياسين: اللعب يابا مظبط حالك
مراد: بتعمل ايه كل ده؟
كريم: كنت عند الحلاق بدرج.. يمكن اشقط حد كده ولا كده!
مراد صْربه براحه على راسه: طب يلا
” دخلوا يصلوا صلاة العيد.. والأجواء كانت مليانه بهجه..! شعور سعاده مش طبيعيه..! ناس بتوزع هدايا على الأطفال.. وبلالين فكل حتة.. ريحه الهوا جميلة.. كل حاجه كانت حلوة. ”
” البنات خرجوا متأخر شوية عشان كانوا بيوزعو عليهم حاجات في المسجد! ”
” مراد شافهم و راح لـ ندى ”
– ايه كل ده ماما وتيته خرجوا من بدري
ندى: تيته عايزه تروح تجهز الكحك والحاجات عشان لما نرجع واحنا كنا بناخد بلالين وعصير وتوفي تاخد؟؟
” بص ناحيه ليان الى فعالم موازي و بتنفخ بلونه وكلهم مركزين في حاجات الأطفال الى معاهم ”
مراد: ربنا شيفيكم يلا نروح
” الكل رجع عند فاطمه لأنها عزمتهم.. علشان كلهم شاركوا في عمايل حاجه العيد معاها.. الكحك والبيتي فور.. وكمان عملوا قرص وحاجات تانيه.. ”
فاطمه: كله ياكل.. مش عايزه حد يتكسف..
هاجر: مش مكسوفين خالص اصلا ناقص ناكل الطبق
فاطمه ابتسمت: بالهنا والشفا على قلبك.
فريده: الكحك سكر يا طمطم
ليان: تنافسي اكبر البراندات يا فطومه..
مريم: ادعم جدا..
” سبتهم و خرجت البلاكونه وانا براقب الأجواء بسعاده وبتنفس الهوا الساقع النضيف.. ”
” الشارع مفهوش ناس ورايق.. وصوت الزينه الى لسه متعلقه بيرفرف.. ”
” بصيت على مراد وهو واقف مع صحابه.. بقلمي سلسبيل احمد كان عندي احساس ان هيبصلي.. وفعلا لاقيته بص.. وعلشان قررت اني متعلقش اكتر من كده دخلت..”
” فضلنا سوا طول اليوم بنجهز ندى.. ”
” كنا كلنا عندي بنلبس.. وقولنا لهم يستنوا بالعربيات تحت.. طبعا الكبار مشيوا الأول.. واحنا الى فضلنا ”
– بجد شكلك تحفه يا ندى..
ندى: بس بقا يا ليان هعيط انتي كمان شكلك حلو!
هاجر: طب ها جاهزه
ندى: جاهزه بس هاتو حضن!
” حضنا بعض كلنا في لحظه مأثره كده ”
فريده: خلاص !! لحسن نعيط والميكب يبوظ!
” ضحكنا بهدوء وهدينا.. وبدأنا نخرج ندى نزلت الأول هي وفريده واحنا وراهم.. ”
” و شوفت مراد وهو واقف.. والبدله هتاكل منه حتة! ”
” و هو اول لما شافني نازله فضل باصصلي كتير لدرجه انه وترني وفضلت واقفة مكاني..! لاقيته دخلي قبل ما اخرج من المدخل ”
– هو ايه الفستان ده انتي بتستعبطى؟
بصتله بتعجب: نعم؟!
- اقرأ ايضا روايات ترند – كوكب الروايات
يتبع.. (رواية ذكرياتنا في رمضان) اضغط على اسم الرواية لتجد الفهرس كاملاً بجميع الفصول.