رواية ذكرياتنا في رمضان – الفصل الأول
– ياعم بقا ياعم هات اعلق معاكم فرع واحد!!!!
= يابنتي اتهدي بالـ140 سنتي بتوعك دول
– هقف على السلم!!
= هتدوخي وتقعي تجبلنا مصيبه يا ليان
وانا مش ناقص ياحببتي
“فضلت رافعه راسي وباصه عليه وهو واقف على السلم بيربط طرف فرع الزينه في بلاكونة الجيران”
– هو انا مش لميت معاكم فلوس الزينة
انا من حقي اعلق على فكره !!
اتكلمت ندي:
عندها حق احنا مفروض نعلق معاكم يا مراد
= انتي لو مبطلتيش رغي انتِ كمان
هنزل اعلقك انتِ سامعين؟
ليان: انت بنى آدم مفتري!!
ندي: دي حقيقة
زياد بنرفزه: اخرصي انتِ وهي بقا وامسكوا السلم عدل لو وقعت هوديكم في داهـ ـيه
ضحكت وبصتلها بهمس: تيجي نسيبه؟
ندي بخوف: لا افرض وقع
– وهو انتي خايفه عليه
ندي بنفي: لا انا خايفه يقع علينا!
“ضحكت جامد انا وهي
و مراد اتكلم من فوق”
– انتوا شكلكوا مصممين تتعلقوا اه..
ليان: علقني.. بس ياريت تحطني جمب الفرع الاخضر ده
” ظهر صوت ضحك من وراها “
– حاسبوا خلاص انا جيت..
خدوا.. جبتلكم فوانيس كمان.
ليان: يا سلام على الوحده الوطنية.
ندي: حلو اوي بجد
” مراد نزل من على السلم وبصله “
– جاي بعد لما خلصت
كل ده بتجيب المقـ ـص يا مينا ؟
= عمك حميد روح نام يحبيبي وقفل المحل فا روحت على الطريق بره اشتري
– طب يلا نكمل عشان زهقت ولسه عايز احلق
= قدامك لسه نص الشارع
ليان: طب نساعدكم بقا!!
مراد تجاهلها وبص على اول الشارع: احمد و ياسين يكملوا بقا يا معلم انا بفصل
مينا: طب تعالي نروح لهم
مراد بص لندى و ليان: يلا على فوق خلاص المولد خلص
ندي: ليه! ماهم لسه هيكملو
مُراد: الوقت اتأخر اصلا اطلعوا يلا!
“فضلوا باصين له بصمت فا اتكلم بزهق”
– يلا يا ندى عشان بابا ميزعقش.. وانتى يا ليان.. متخلنيش اسخن طنط نورا عليكِ امشوا يلا على فوق
بصتله بغيظ: رخم!
” طلعنا انا و ندى العمارة وصلنا الدور بتاعنا وقبل ما تسبني وتطلع عند شقتهم بصتلها بحماس “
– استني استني متطلعيش
= فيه ايه؟ هندخل نلعب عندك؟
وطيت صوتي وهمست: لا مش زمان مراد راح اول الشارع لو نزلنا مش هيشوفنا
– ايه؟ ننزل تاني
= ايوا! هنتفرج من غير ما يشوفونا
– افرض زعق
بثقة: يابنتي اساسا مش هيشوفنا
– اوكيه
” نزلت ندي مع ليان و بصوا على مُراد مكنش موجود ولا هو ولا مينا قدام البيت مكنش فيه حد.. لقوا فرع الزينه مرمي على الارض فا ليان مسكته بسرعه وهي بتضحك بمرح “
– بصي سابو ايه ترا را را را
” فضلت تتحرك بيه بسرعه وهي فرحانه “
” ندي ضحكت حاولت تمسكه منها وليان جريت والاتنين فضلوا يجروا ورا بعض ونسيوا نفسهم..! لحد ما وصلوا لشارع غريب وبدأو يستوعبوا انهم بعيد عن البيت.. “
>>>>>>>>>>>>>>>>>>>>>>>>>>>>>>>>>>>
‘ اللهم صلِ وسلم وبارك على نبينا محمد ‘
* طق طق طق *
” نورا فتحت الباب “
– ازيك يا كوثر تعالي..
= هي العيال مش عندك يا نورا ؟؟
– عندي ايه لا
دول مطلعوش وقايلين لي انهم مع مراد
= انا عماله بكلمه مش بيرد وبصيت في الشارع من البلاكونه مش شيفاهم؟
” نورا لبست الخمار بسرعه على الجلابية وهي قلقانه وخدت المفتاح ونزلت مع كوثر يدوروا على ندي و ليان.. “
” لقوا مينا واقف “
نورا: مينا انت مشوفتش مراد؟؟
كوثر: او ندي و ليان!!؟؟
مينا بستغراب: ماهم لسه كانوا طالعين البيت قدامنا هما نزلوا تاني؟
نورا: طلعوا فين! محدش طلع انت شوفتهم
مينا: ايوا بأمانه مراد مطلعهم قدامي
” مينا دخل عند الحلاق بسرعه ينادي مراد و مراد خرج بقلق وهو مش فاهم راحو فين و لحظه ما كلهم واقفين لسه بيفكروا يتصرفوا ازاي لقوا اتنين جايين من اخر الشارع مع ندي وليان وهما عمالين يعيطوا جامد “
” كوثر و نورا جريوا ناحيتهم بسرعه يطمنوا عليهم “
نورا: حصل ايه انتوا كويسين!!!
كوثر بغضب ممزوج بقلق: انتوا كنتوا فين!!
” مراد و مينا فهموا من الناس انهم كانوا تايهين.. وبعدها ليان وندي حكوا لهم انهم كانوا بيلعبوا ومش قصدهم حاجه..! “
” والموقف اتلم وقتها.. وعدت الايام.. و…..”
>>>>>>>>>>>>>>>>>>>>>>>>>>>>>>>>>>
‘ اللهم صلِ وسلم وبارك على نبينا محمد ‘
|| بعد مرور 12 سنه | 30 شعبان | 2026 ||
” كنت واقفة جمب باب البيت بتفرج على الأطفال وهي بتجري.. و بيفرقـ ـعوا صواريخ وفرحانين..! وشوية تانين راكبين عَجل.. و الى بيلعبوا كورة.. بس الى كنت مركزه معاهم اوي الشباب الى واقفة معاهم الزينه و فروع النور.. بيجهزوا ومستنين النجم الكاريزما عشان ينزل ويبقي معاهم.. “
” لحد ما سمعت صوت ورايا “
– خير… عايزة ترجعي طفله؟
” لفيت وانا بداري ابتسامتي “
= وليه لاء.. على الأقل هلعب بالزينة.. وافرقع معاهم صواريحْ ونلعب كورة كمان
– اه وايه كمان؟
= معرفش بقا كنت هعرف اعمل ده..
رفعت عيني وانا ببصله وبكمل: ولا هيبقي عندي ابن عم رخم كده يقولي مش هتعلقي معانا يا ام 140 سنتي
رد بأبتسامه جانبيه: طب ماهو عنده حق برضو
رفعت كتافي بهدوء: عموما خلاص.. مبقتش ام 140 سنتي.. وكبرت
= لا ماهو هيفضل رخم برضو.. اطلعي يلا بقا عشان ندى قالت لي إنها عايزه تنزلك و قولت لها لاء
بصتله بزهق: ليه؟
– عشان انتوا مبقتوش 140 سنتي.. يا ليان
مش هينفع تقفوا فى الشارع
= ما انت بقالك اكتر من 12 سنه اهو كل سنه بتنزل معاهم مفيش حاجه اتغيرت
– شيفاني بعلق اوي على زمان ؟ انا برضو كبرت انا بس واقف مع الشباب لو محتاجين حاجه بياخدوا رأينا عشان احنا الكبار و كده..
= بس احنا قدام البيت! ومش هنعمل
حاجه بطل عنـ ـصرية و دْكورية بقا
– بقولك ايه يا ليان اخركم معايا انتي و ندي و الزنانه الى اغم عليها من فرط الزن دي انكم تطلعوا البلاكونه تتفرجو منها
= والله؟
– اه والله.. كل سنة وانتي طيبة يا لولو
= رخم!
>>>>>>>>>>>>>>>>>>>>>>>>>>>>>>>>>>>
‘ لا إله إلا انت سبحانك اني كنت من الظالمين ‘
” كُنت عارفة انه لازم هيرخم عليا
فكل فرصة يقدر يرخم فيها! “
” طلعت وخبط على مرات عمي كوثر
فا فتحت ندى “
– ادخلي ادخلي
= امك فين
– عندك امك
= شوف قليـ ـلة الادب!
– ياستي عند امك بجد ماهو يا اما هيقعدوا هنا او عندكم
قعدت بزهق وكملت: وبعدين يخلصوا ايا كان الى بيعملوه ويقوموا نازلين تحت عند تيته
= طيب مانتي عارفة اهو تيجي ننزل نقعد عند تيته احنا كمان
– اه… هنفضل احنا طول حياتنا كده عند بعض مبنروحش فى حتة تانيه بره البيت!
بصتلي: متنكريش اننا بنطلع البلاكونه
– انا بكرهك انتِ واخوكي يابت
= اعملك شاي؟
– عندكم نسكافيه؟
= لا فيه قهوة
– قهوة بتاعت مراد الى مش بيحب حد يشرب منها؟
= ايوه هي.
– اعمليلي منها مج
ضحكت جامد: هعملك فنجان لانها تقيله لحسن يغم عليكِ
” عملت لي قهوه.. وعملت ليها شاي بلبن و بعدين خرجنا البلاكونه كانوا ساكنين فالدور التالت واحنا فالتاني و تيتة في الأرضي. “
– بصي بصي مينا بيعلق معاهم بصْمير
ضحكت: وحدة وطنيه من يومه يابنتي
” كنت سرحانه و افتكرت يوم معين..من 14 سنه واحنا اطفال..! “
– مراد هي فين ندي؟ عاوزة اللعب معاها
= هي نايمه كانت تعبانه شوية
– طب ما تخليني اللعب كورة معاكم!
= مش هينفع اكيد يا ليان.. دي لعبة صبيان بس.. بصي لما نخلص هخليكي تلعبي بيها شوية اقعدي عند البيت
بصيت على ياسين: ياسين..
مينفعش اللعب معاكم مره؟
– تعالي
مراد بصله برفعه حاجب: دي بنت هتلعب معانا ازاي
وبعدين انا قولت لاء!!
ياسين ببساطه: هي الى عاوزاه انا مالي يعم
مراد: انا مش هلعب خالص
” فوقت على ايد ندي الى عماله تحْبطني “
– انتِ سرحتي في ايه وبتضحكي كده
ابتسمت: في اخوكي المُتسلط.. بقلمي سلسبيل احمد مره زمان وانا عندي 8 سنين كده كنت عايزة اللعب معاهم كوره قالي لاء ولما قولت لياسين قالي ماشي وقتها اتقمص وقالهم مش هلعب وخد الكورة وطلعني
” فضلنا نضحك وبعدين لقيتها بصتلي “
– مراد طول عمره بيخاف عليكى
يمكن اكتر مني انا وكنزي..
= بت انتي اسكتي
– انا مقلتش حاجه!
= ما علينا.. تفتكري ياسين و هاجر هيرجعوا من البلد على اول يوم رمضان ؟
– اه.. اكيد مش هيفوتوا العزومة الرسمية يعني.
فضلت باصه قدامها فا ذغدتها: طبعا سرحتي في احمد!!
ندى بأستعباط: مين؟
– والله؟
اتنهدت بحزن: وحشني اوي بجد.. معرفش ازاي كل السنين دي مرجعوش.. ولا حتي بنتكلم ولا نعرف عنهم حاجه.. ليان احنا قعدنا صحاب لمده عشر سنين كلنا! انا وانتي و مريم وفريده
واحمد وياسين و مراد وسامح!
– والله انا فهماكي..
كملت كأنها بتعاتب شخص مجهول:
= حتي ياسين ومريم لما بيسافروا البلد كتير بنتكلم! وبيقعدوا فترة ويرجعوا لكن من يوم ما فريده واحمد مشيوا! مسمعناش عنهم اي حاجه!!
طبطبت على كتفها: عشان كده قولتلك..
انسيه يا ندى.. البيدج بتاعتي على فيسبوك سلسبيل احمد انتي تعرفي ان فات دلوقتي حوالي 12 سنه فا هما مستحيل يرجعوا.. وحتي لو رجعوا.. افرض لاقتيه متجوز ولا حاجه.. انا مش عاوزكي تتعلقي بحبال دايبه فاهمه؟
بصتلي وهي بتبتسم: انتي عارفه.. صحيح انتي اكبر مني بمجرد بس 11 شهر وشوية ايام.. بس انتي اختي الكبيرة.. وانا علطول بتسند عليكي يا ليان.
حضنتها: ده كده كده
” قاطعنا صوت ضجه كده تحت فا بصينا من البلاكونه لقيناها خناقة كل سنه “
مراد بنرفزه: يا مينا ما الشباب معلقين فرعين قدام بيتكم عايز ايه؟
مينا: ما نعلق التالت يعم فيها ايه !
ياسين مسك ايده: يابا هو مش الى في ايدك ده
صلـ ـيب ولا انا بيتهيقالي
مينا زق ايده: بصوا يا اهل المنطقه عايز يعمل
فتـ ـنة طائفـ ـية
– ما خلاص بقا يا مينا !!!
ياسين: لا يا كريم سيبه هو لازم يعمل نفس الخناقة كل سنه هو عارف انه لو مسكتش هشرد له
مراد ضحك بسخريه: مكانتش 30 جنيه الى دفعتهم معانا في الزينه !!!
مينا: والـ20 جنيه بتوع فرع النور؟ ده انتوا
عالم نصـ ـابة بقا يخويا ؟
كريم: يلهوي اللحقو اللحقو
” قرب ناحيتهم راجل كبير بعكاز فا سكتوا كلهم “
اتكلم بزعيق: ياولاد الـ**** مش عارف اقعد في شوية هدوء من صباحيه ربنا يا بأف منك لي قرفتونا !!! امشوا ياض غورو كل واحد على بيته امشووو !!!!!
” ياسين كان ميت من الضحك هو وكريم ومينا كاتم ضحكته بالعافية “
” مراد قرب ناحيته “
– حقك عليا انا ياعم جابر حقك عليا
بصلهم وزعق: شوية عيال متربتش ولا شافت رباية هنقول ايه؟؟ مش محترمين الناس الكبيرة انا هعجنهم لك واحد واحد اقعد انت كمل كوباية الشاي بتاعتك يا عم جابر وهتشوف
” كنا شايفين الى بيحصل انا وندى
وميـ ـتين ضحك عليهم “
” مراد رجع لهم واتكلم بعصبيه بس بصوت واطي “
– اقسم بالله يا مينا لو قربت من الزينه
سكت شوية وكمل بصوت اوطي: هاروح اسلط عم جابر عليك يحدفك بالعكاز بتاعه العتيق الى بقاله معاه 70 سنه ده يجيب اجلك
مينا رد بنفس تون الصوت: طب علقوا كمان فرع عندنا وهسكت خالص
ياسين: على جـ ـثتي ولو مسكتش هنشيل الفرعين الى علقناهم عندك..
كريم بهدوء: يرجاله يلا بقا نكمل قبل لما عم جابر يفوق علينا تاني!
مُراد: يلا يا رجالة
>>>>>>>>>>>>>>>>>>>>>>>>>>>>>>>>>>
‘ اللهم اجعل صيامي فيه صيام الصائمين
وقيامي فيه قيام القائمين ‘
|| في الدور الارضي ||
” نزلنا انا وندي عند تيتة بعد لما ماما رنت علينا “
ليان: احممم احنا جينا يا فاطمه هانم اول لما عرفنا ان الحـ ـطْر اتفك
” فاطمه قامت وسلمت عليهم وحضنتهم بحب “
– مانا لو كنت سبتكم تدخلوا كنتوا هتاكلوا المفاجأة
ندى: ايه الكلام على ايه بقا السنه دي؟
كوثر: خبزنا رقاق وعيش من الى بتحبوه..
نورا: وعملنا كنافه وقطايف الى بتسرقوها..
فاطمه: كل الحاجات خلصت بس كل حاجه نيه..
كوثر بتحدْير: مش هناكل غير اول يوم رمضان بعد العزومة فاهمين؟
ليان: طبعا يعني احنا هنقدر نحْالف القواعد والقوانين يا مرات عمي
ندى: ايوه اكيد اه يا ماما مش هنحْالف حاجه
” ميلنا انا وندي على تيته “
– فطومه.. هتظبطينا في علبة لوحدنا صح؟
فاطمه بتمثيل الجدية: بس اسكتوا الله
فين كنزي منزلتش ليه
ندى: كنزي لسه نايمه لما جت من الدرس كانت مفرهده معرفش هتعمل ايه بكره دي
فاطمه: طب يلا اطلعوا صحصحوها عشان نتسحر كلنا…
” ندي طلعت تصحيها.. وانا خرجت و وقفت مره تانيه قدام البيت اشوف مُراد.. “
” شافني وهو واقف وسط صحابه.. وكان باصص عليا بطرف عينه.. حبست ابتسامتي على نظراته وكنت عارفه انه هيجي.. واستأذن منهم فعلا وجه “
– احمم ايه؟
= ايه انتي؟
– انت حد كلمك!
= آه.. واقفة عماله تبصي عليا..
” رمشت بعيني كذا مره وانا ببصله بأستنكار “
– انا! ليه معجبه مثلا؟؟
مُراد بص لها مباشرًة: ما الناس كلها عارفه يابنتي انك بتحبيني من واحنا صغيرين
“فتحت عيني بتعجب ودهشه من جملتة!!”
– ءءءء أ أ.. ء
” مكنتش عارفه اجمع كلمه واحده واقولها”
– انت بتقول ايه
ابتسم برخامه: نسيتي انك قولتي لي بحبك يا مراد واحنا صغيرين! وكنتي جيبالي كيكه فانيليا
” نهي جملته بتريقه فا غيرت تعابير وشي “
الفصل التالي اضغط هنا
يتبع.. (رواية ذكرياتنا في رمضان) اضغط على اسم الرواية لتجد الفهرس كاملاً بجميع الفصول.