رواية حب في زمن اخر – الفصل التاسع
رواية حب في زمن آخر.
البارت التاسع.
بقلمي نجمة الشمال.
Blackbeard حاس بنغزة في قلبه وقال بعصبية طلعوها بسرعة وعايز حاجة تدفيها.
طلعوا ملك اللي أُغمى عليها من الخضة والرعب.
قرب منها وأخدها في حضنه وكان بيحاول يبعد البرودة من جسمها وقال وهو بيمسح على شعرها حقك عليا أنا مش عارف خلتهم يعملوا كده إزاي دموعك صوتك وإنتِ بتصرخي كانت بتقطع قلبي لما حدفوكي حسيت إن قلبي بيقع وراكي أول مرة أحس بالإحساس ده حقك عليا.
تعرفي إن المكان ده مكنش فيه قروش أنا كنت عايز أخوفك بس مكنتش متوقع إن قلبك ضعيف كده وبدأ يصحيها برفق لفه عليها الغطا بإحكام.
ملك بدأت تفتح عيونها بتعب وشافته جانبها وقالت أنا زعلانة منك إنت خلتني أخاف وتعرف إن إيفان رغم إنه قاسي بس معملش كده.
Black عيونه اتحولت لأسود وقال مين إيفان هل هو حبيبك أنا هقتله.
ملك ابتسمت بتعب وقالت إيفان هو إنت بس في زمن مختلف.
Black أنا طلبت منهم يجهزوا ليكي أكل.
ملك لا أنا مش جعانة جود جابلي أكل قبل ما أجي هنا بعد ما جينا من عند الدكتور.
Black ده أنا برضو بس في زمن مختلف صح، شكلك تعبانة جدًا.
ملك أنا كويسة بس خليني أعيش الكام ساعة اللي هقعدهم هنا يبقوا في هدوء من فضلك.
في بيت ديما الباب خبط وجريت فتحت حضنت يوسف وقالت ملك هترجع النهارده يا جو إحنا هنكلمها بس مش هنقول ليها.
يوسف إن شاء الله تيجي كويسة يلا عشان نروح نكلمها.
عيسى بتوتر ممكن نجهز المكان ليها عشان لما ترجع تتفاجئ.
ديما قالت طبعًا يا عمي يلا بس بابا بيشغل الجهاز عشان نشوفها.
عند أمير كان بيرسم ساب القلم وقال عارفة يا ملك مقدرش أتحمل دمعة منك أوقات بحس إني هأذيكي لكن أول لما أبدأ بتراجع وقلبي بيوجعني وبقيت عايز أعاقب نفسي إني خلت دمعة تظهر في عيونك بس صدقيني لما أقابلك في الحقيقة مش هخلي دمعة تنزل منك أتحرق قبل ما توجعي إنتِ بقيتي حتة مني بحس بيكي لما تفرحي أو تزعلي.
حاسس إنك هتبقي كويسة في خلال وقت بسيط.
#######
ملك كانت قاعدة على حافة السفينة والبطانية عليها ومسكه كوب شاي وبتشرب منه.
Blackbeard قرب منها مبسوط إنك بقيتي كويسة.
ملك الحمدلله شكرًا إنك طلعتني ومخلتش حاجة تأذيني بس نفسيتي تعبت شوية تعرف اللي أنا فيه ده كله ذنب مين؟
ذنب مين؟
ملك ذنب الواد يوسف جوز ديما.
سمعت صوت يوسف وقال عندك حقك عشان كنتِ بتفضلي تقطعي عليا.
ملك وشافتهم كلهم مجتمعين بصت لسيد وقالت أنا جزمة عشان سمعت كلامك شوف أنا دلوقتي فين مع قراصنة إنت متخيل كان هيرميني لقروش.
عيسى مش كان نفسك تعيشي قصة حب تاريخية أنا قرأت المذكرات وأخدت الرسالة وهستناكي تيجي تقوليلي ليا بنفسك.
ملك دمعت وقالت بابا أنا بحبك أوي ومش زعلانة منك.
ديما بحماس عارفة إنتِ هترجعي إمتى؟
يوسف خبطها في رجلها.
ديما بتوتر يمكن يوم أو أكتر يمكن شهر أو أكتر يمكن سنة أو أكتر.
ملك بضيق اسكتي بس مش لو كنت اتجوزت فريد كان هيبقى أرحم من الجنان اللي أنا فيه ده.
Blackbeard أخرج السيف بتاعه وقربه منها بغضب وقال مين فريد ده إنتِ مقولتيش إنك عدّيتي بعصر فيه اسم فريد.
عيسى قال أرجوك متأذيهاش.
ملك قالت اهدي يا بابا هو مش هيعمل حاجة وقالت شيل البتاع ده بهزر يا رمضان براحة.
يوسف أول لما ترجعي هنعمل الفرح بعدها بكام يوم.
سيد طب إحنا لازم نقفل دلوقتي عشان في مشكلة.
بعد ما المكالمة قفلت.
ملك قالت استر يارب على الزمن الجاي قلبي مش مرتاح.
ملك فجأة حست بطاقة غريبة قامت وقفت وقالت هتفتكرك شكرًا على كل حاجة وفجأة ظهرت الدوامة وسحبتها كانت المرة دي حاسة بحماس مختلف.
بعد كام ثانية وقعت من الدوامة على الأرض.
ملك قالت إيه الضلمة إن شاء الله أكون في حفلة عيد ميلاد.
ظهر أصوات غريبة.
ملك رجعت لورا وقالت أنا روحت عالم الزومبي أكيد الواد يوسف دعا ليا.
ربنا يسامحك يا عم سيد إنت وديما بنتك وأبويا أنا اللي عملت فيها ذكي شان دول بيبقوا أجساد بلا قلب يعني هيحولوني أععع.
اشتغل النور وظهر الكل وكانوا بيضحكوا عليها.
ملك صرخت بحماس وقالت إنتوا كنتم عارفين محدش قالي ليه ما إنتوا لسه مكلمني.
عيسى أول واحد قرب منها وحضنها وقال خليناها مفاجأة.
ملك حضنته وقالت مفاجأة جامدة وبعدت عن حضنه وجريت حضنت ديما وكانوا بينطوا بفرحة.
سيد حقك عليا يا بنتي من كل اللي حصل.
ملك قربت منه وقالت بمرح سيد عيب متقولش كده إحنا أهل أنا مبسوطة بالمغامرة بسببها بابا اتغير وعرفت شريك حياتي المستقبلي.
يوسف عشان يكسر الجو هنعمل الفرح آخر الشهر بكرة هاخدك إنتِ وديما تروحوا تجيبوا كل حاجة محتاجنها وفستانك هدية مني.
ملك طب اشطا وكمان تودينا الملاهي والسينما.
ديما مسكت إيدها وقالت بليز وافق.
يوسف هز رأسه بالموافقة.
عيسى احكيلنا إيه اللي حصل معاكي.
ملك قعدت على الأرض وقالت هاتوا فشار وسناكس وشوية أكل وأنا هحكي لكم كل حاجة.
ملك بدأت تحكي لهم كل حاجة بالتفصيل.
وبعدها نامت من التعب.
عيسى قرب منها وشالها ونزل بيها واتجه على البيت.
تاني يوم الصبح صحيت ملك وكان عيسى قاعد جنبها وماسك إيدها.
ملك ابتسمت وقالت أخيرًا ربنا حقق ليا أمنيتي.
عيسى أنا اتغيرت متأخر ومش هضيع لحظة معاكي هعوضك عن كل حاجة.
رانيا دخلت ومعاها صندوق كبير وحطته وحضنت ملك وخرجت تجهز لهم الأكل.
عيسى مسك الصندوق وقال مامتك لما عرفت إن الحمل فيه مشكلة بدأت تكتب ليكي جوابات وتسجل ليكي فيديوهات.
ملك قصدك إيه مش فاهمة؟
عيسى بصي مامتك كانت بتسجل ليكي نصايح يعني لما تكوني زعلانة فرحانة نجحتي لما تتجوزي لما تخلفي مسجلة ليكي فيديوهات في كل ذكرى لعيد ميلادك كأنها موجودة.
ملك الدموع لمعت في عيونها وقالت بتعب يعني حضرتك حرمتني من أبسط حقوقي بقالك 22 سنة مش عارفة أقول لحضرتك إيه رانيا كانت تعرف؟
عيسى لا أنا لسه قايل ليها امبارح.
ملك قامت حضنته وسمحت لنفسها بالعياط وانهارت جوا حضنه وهو كان بيمسح على شعرها بحنان.
بعد ساعة وزيادة ملك هديت.
عيسى ارتاحتي؟
ملك مش أوي.
عيسى أنا كلمت الدكتور النفسي بتاعك وحجزت ليكي معاد النهارده وهاجي معاكي.
ملك هزت رأسها بهدوء وقامت تاخد شاور خرجت تصلي وتدعي.
انشغلوا عشان فرح ديما ويوسف ملك اتحسنت جدًا وعلاقتها مع باباها اتحسنت.
لكن محدش لسه يعرف إنها مريضة قلب.
كانت بتفتح الفيديوهات والجوابات بتاعت مامتها كل يوم.
بعد تلات سنين
ديما كانت قاعدة قدام ملك وبتحاول تقنعها عشان تسافر معاهم الصعيد.
ملك ماشي يا ديما جوايا حاجة عايزاني أسافر حاسة إني هقابله أخيرًا.
ديما كانت بتلاعب صغيرتها ملك قالت بقالك تلات سنين نفسك تشوفيه ونفسيتك كانت وحشة أتمنى تقابليه.
ملك كنت بدعي في كل صلاة بس أكيد التأخير ده خير عشان أكون اتعالجت من كل المشاكل اللي عندي وأكون سوية نفسيًا.
ديما سابت بنتها وقامت حضنتها.
خلص اليوم سريعًا وملك مكنتش قادرة تنام من الحماس.
أمير كان واقف في البلكونة ورفع راسه للسما وقال حاسس إن اقترب اللقاء يا ملك.
بقالي تلات سنين بكتب كل حاجة عنك في مذكرتي.
راح يصلي ويدعي.
تاني يوم في الصعيد
ملك كانت بتمشي وقالت حاسة قلبي عايز ياخدني عشان أقابلك.
أمير كان بيتمشى وسط الزرع وكان بيغني.
خبطوا في بعض.
ملك حست إن قلبها بيدق بعنف.
أمير قال ملك ورفع وشه وكانت عيونه بتلمع.
ملك قالت أنا كنت حاسة إني هقابلك وقلبي جابني لهنا.
أمير مسك إيدها عشان يتأكد إنه حقيقي مش وهم.
أمير قعدها وقال أنا حلمت بيكي.
ملك ابتسمت وقالت وأنا تقريبًا حاجة زي كده وبدأت تحكي له كل حاجة.
أمير ابتسم وقال أنا شوفت كل ده في هيئة حلم كنت بدعي بيكي في كل صلاة.
ملك ابتسمت وخدودها احمرت.
أمير أنا عايز أتجوزك.
ملك قالت يلا بابا موجود هنا.
أمير مسك إيدها وجريوا وقال يلا بسرعة هطلبك من أبوكي ونتجوز النهارده.
ملك اشطا مش لازم فرح دي مظاهر كدابة.
نسيت أقولكم إن فريد وسلمى اتجوزوا من سنة ونص.
النهاية تمت بحمد الله
- اقرأ ايضا روايات ترند – كوكب الروايات
يتبع.. (رواية حب في زمن اخر) اضغط على اسم الرواية لتجد الفهرس كاملاً بجميع الفصول.