رواية أصل ولا صورة – الفصل الثالث
_متغيرة إزاي يعني ؟
_مش عارف ي رحمة
_طب دي حاجة حلوة ولا وحشة
إبتسم _لو هيخليكي تتكلمي معايا كدا تبقي حاجة حلوة طبعا يلا سلام
_سلام
دخلت المطعم وغيرت هدومي وانا فرحانه حقيقة التجربة حلوة ولذيذة جدا
……
_من غير لف ولا دوران كدا تقوليلي إنتي مين بالظبط وحور فين ؟!
_أنا حور
_لا مش حور
إتخضيت واتوترت جامد من نبرة الدادة وداريت كل دا بسرعة_اومال مين قرينها ؟
_لا شبها
بصتلها بقوة راحت ضحكت وانا واقفة متنحة!
_ي بت إجمدي كدا حور قايلالي علي كل حاجة
إتتفست بسرعة _وقعتي قلبي
_هي قالتلي إنك بنت بلد وجامدة قلبك حفيف كدا ليه ؟
_متوقعتش تكوني عارفة
_خلي بالك من نفسك كويس دول جبابرة معتز طيب اه قوي بس أصله طيب زي أمه الله يرحمها لكن ابوه الله يسامحه بقي هو الي ملاه كره من ناحيه ابو حور
خليكي ناصحه واكسبيه لصفك
_مظنش ي دادا
_ليه ؟
حكتلها علي أول مقابلة ضحكت جامد
_لا إطمني إنتي كدا خلتيه هيتجنن ويعرف مالك
_طب مانا كدا ممكن اتكشف
_لو مثلتي كويس كله هيعدي شدي حيلك بس
_ربنا كريم
……
رنيت علي رحمة بسرعة لازم الاقي إجابة للتوهان دا كله
_ايوا
_إنتي علاقتك بمحمد إبن خالتك أيه ؟
سكتت شوية _عادي قرايب
_بس ؟
_اه
_رحمة
_ بيحبني وانا شيفاه زي اخويا خلاص
_إنتي هبلة !! زي اخوكي أية؟
ضحكت _إنتي راحة تمثلي ولا تحبي ي بت
ارتبكت _بس..بس بلاش هبل أنا كنت عاوزة افهم بس
_اممم وفهمتي ؟
_اه لا يعني مش بتحبية خالص؟
_الواد قالك أية خلاكي ادهولتي كدا ؟
_ولا حاجة يلا..يلا سلام
_ براحتك سلام
….
_ممكن أقعد هنا كمان ولا هتهزئني برضو
إتفزعت_بسم الله الرحمين الرحيم
إبتسم بسخرية_أية شوفتي عفريت ؟
_لا أنقح وحياتك
_نعم!!
_أريح مجيتك جابت راحة وهدوء كدا عليا
_بقيتي قطة بتخربش كدا من أمتي؟
_وانت بقيت نحنوح كدا من إمتي؟
سكت وإبتسم _عجباكي الجنينة؟
_جدا جدا
_تعالي اوريكي حاجة
مشيت وراه لحد ماوقف قدام حوض ورد علي شكل قلب
فضلت بصة للحوض شوية قد اية شكله مبهج
بصتله بطريقة غريبة..انا نفسي مش فاهماها
_عجبك؟
_جدا
_فاكرة مين زرعه ؟
_لأ
_أحنا
_أحنا !!
ضحك_ااه كنا بنحب نزرع الورد زمان واحنا عندنا خمس سنين زرعناه
لاحظت نبرة الحزن دي كمان تمثيل !
…..
سبته وطلعت فوق وسمعت صوت…صوت عياط!!
فتحت باب اوضة فرح لقيتها قاعدة علي الارض وماسكة تليفونها وبتعيط بحرقة..
اول ماشافتني ارتبكت ومسحت دموعها بسرعة
_ايه دخلك من غير إستئذان كدا ؟
_مالك ي فرح؟
_مليش اطلعي برا
إتخنقت من طريقة كلامها وزعقت في وشها
_إحترمي نفسك وانتي بتتكلمي معايا..اياكي تتكلمي باللجهة دي تاني سامعة ولا لا ؟
بصتلي وعيطت أكتر
إرتبكت شوية ومعرفتش اعمل أيه..ايه الهبل الي بقوله دا
اخدتها في حضني
_انا أسفة معلش متزعليش مني
مسحت دموعها _مش زعلانة ولا يهمك
_طب ممكن تحكيلي بقي ؟
عيطت_ياسر
_ياسر مين؟
_خطيبي ي حور مالك
_معلش نسيت..ماله بقي ؟
_بيخوني
_أيه !!!
………
محمد مجاش بقاله ٣ ايام لية بس!
يكون كشفني ؟ لا دا ممكن يكون حصله حاجة ؟
الفكرة سيطرت عليا وفضلت قاعدة مرعوبة
فضلت ارن كتير كتير أوي ومردش عليا
_ ماما
_ايوا ي رحمة
_انا راحة لخالتي وراجعة
_تمام
روحت لحد البيت وانا قلقانة مش عارفة دا صح ولا غلط
_ازيك ي رحمة
دورت بعيوني عليه_الحمدلله ي خالتي
ابتسمت بخبث_هو في البلكونة
_ها هو مين ؟
_الي واخد قلبك ي روحي
دخلت المطبخ وانا جربت علي البلكونة
شوفته قاعد بيشرب سجاير وعيونه حمرا..بيعيط !!
_محمد
قام وقف بسرعة وطفي السجارة وهو متفاجئ
_رحمة
_مالك عامل كدا ليه ؟
قام وقف _تشربي أيه ؟
مسكت دراعه وقفته قصادي _في أيه ي محمد ؟
بصلي ودموعه نزلت وصرخ _مات..مات ي رحمة
الفصل التالي اضغط هنا
يتبع.. (رواية أصل ولا صورة) اضغط على اسم الرواية لتجد الفهرس كاملاً بجميع الفصول.