رواية نار الحب – الفصل الأول
“أنا خايفة اوي”
“من اي؟”
“امك لو وقفت ف الجوازة هنعمل اي”
قرب مني يطمني
“إسمعيني كويس اولا انا الي بختار مش هي ثانيا بابا مرحب بيكي جدا ودا يطمنك ان مفيش حاجة هتعوق الجوازة”
“بس هي قالتلك بلاش انا
هي عايزة تتجنب المشاكل مع ماما دي اختها ومش عايزة تخسرها”
” طب اي المشاكل الي فكرك هتخسرها أختها من وجهة نظرك”
فكرت
“يمكن انا ونت نختلف وهي تبق معاك وماما تبق معايا ويخسرو بعض”
” وهو لما نختلف هنروح ندخلهم ف وسطنا يحلولنا مشاكلنا.. ؟!
ثم ان ربنا ميجيب مشاكل مهما اتخانقنا اوعدك اني مش هنام الليل غير ف حضنك”
بصيت بعيد من كسوفي ووشي احمر
______________
” لا لا لا قلتلك مش موافقة يعني مش موافقة هتعارض امك؟! “
قعدت جمبها ب هدوء
“طب قوليلي يست الكل اي سبب رفضك بوضوح مهو مش معقول ميكونش فيه سبب ونتي مش بتحبيها لله ف الله كدا”
” مش هتنفعك انا عارفة انا بقلك اي وبعدين انت عايزني أخسر أختي بسبب جوازتكو دي؟.”
ابتسمت بالجنب لما افتكرت ان دا تفكير مريم وطلع صح
” طيب ي امي احكيلي اي الي هيخليكي تخسري اختك بسببنا احنا هنعيش بعيد عنكو ومشاكلنا هتبق لينا واحنا الي هنحلها ومش هندخلكو فيها ف علاقتك انتي و خالتي مش هتتغير بالعكس دي هتقوى”
” بردو مش موافقة خلص النقاش”
قالت جملتها وقامت ونا فضلت قاعد باصص للفراغ قدامي هقنعها ازاي امي لما بتقفل بتقفل ولو مين اقنعها مش هتقتنع
انا بين نارين
امي وحبيبتي
الاختيار صعب لو اخترت حبي امي مش بعيد تقاطعني ولو اخترت امي هكمل حياتي من غير روح
مريم هي روحي
قومت ودخلت اوضتي وفتحت الشات بينا وكانت باعتة
“اوعى تنسى هستناك توصلني الكلية الصبح “
بعتلها
“عيوني”
وقفلت موبايلي نمت ع ضهري وفضلت باصص للسقف
مش همل ولا هكل هقنع امي مهما حصل هحاول مخسرش اي حد فيهم
طلع النهار ومحستش بنفسي غير وامي بتقلعني جزمتي الصبح بعد م دخلت فتحت الستاير
“نايم بالجزمة يبني كان عندك مشوار ف الحلم ول اي”
قومت مكشر من أشعة الشمس الي ضربة ف وشي
“الساعة كام ي امي”
“١٠ ي قلب أمك مفيش شغل انهاردة ول اي”
مجاوبتش عليها وقمت ب لهفة وصدمة من تأخر الوقت
“١٠ مرة واحدة ينهار قتيل اي النوم دا كله”
“عندك شغل يعني طب مقولتليش لي اصحيك انا صاحية من بدري وفكرت انهاردة اجازة”
قومت ونا بجري ع الحمام
“مهو فعلا انهاردة أجازة بس كان ورايا مشوار تاني”
ملحقتش اسمع رد امي وقفلت الحمام وهي بدأت ترتب الاوضة
لبست وخلصت وفتحت الفون الي اكتشفت انو فاصل ومن همي إمبارح مركزتش وشحنتو
انا هتسوح انهاردة
روحت الكلية واستنيتها برا انهاردة اول يوم إمتحانات ليها
وعدتها اني هوصلها وخلفت ب وعدي
____________
كنت ف اللجنة مش عارفة اركز قافل موبايلو من إمبارح معقول يكون جراله حاجة او مثلا مامتو منعتو انو يكلمني او يتواصل معايا وخدت منو الفون
لالا هو كبير مش ل درجة تاخد منه الفون
هوف وبعدين مش عارفة أركز
استأذنت للحمام بس رفضو ولكن مع الحاحي نزلت
والحقيقة مكنتش رايحة الحمام
مسكت فوني ورنيت عليه تاني واخيرا رد
ف قولت ب عصبية
“قافل فونك لي حرام عليك من إمبارح ونا مش ع بعضي”
“حقك عليا والله فصل ونا نايم وقبل منام مخدتش بالي ان هيفصل انا آسف والله حقك عليا”
اتنهدت ب ارتياح
“المهم إنك كويس”
“خلصتي ول اي”
“لا انا استأذنت ونزلت عشان اكلمك مش عارفة أركز ف الامتحان من قلقي”
“طب أنا بخير يبنتي وواقف قدام الكلية مستنيكي اهو ف يالا إطلعي كملي”
فرحت اوي وبصيت ناحية باب الكلية الي كان بعيد حبة ومفكرتش وطلعت اجري
“فينك ردي”
جريت لحد م طلعت من باب الكلية ولقيتو واقف ع الرصيف تحت شجرة وبيتكلم ف الفون
” ايوا ايوا انا هنا بص وراك “
بصلي ب صدمة وقربلي
” انتي طلعتي لي م الكلية الامتحان هيعدي ي مجنونة إرجعي”
بصتله ب ابتسامة
“كنت عايزة أشوفك عشان اطمن اكتر كدا هحل ونا رايقة اوي اوي”
مسكني من مناخيري زي م بيعمل
“طب يالا يست الرايق الحقي اخر الوقت يالا وحلي كويس متفكريش ف اي حاجة توترك فاهمة”
“تمام مش هتأخر اشطا”
” ولو اتأخرتي هستناكي ولو عمري كله ي روحي بالتوفيق”
شاورتلو ورجعت المدرج وبدأت احل
_____________
عدى ساعة ونا واقف مستنيها
هتقولولي طب رجلك اكيد وجعتك ضهرك وجعك
بس حرفيا انتظاري ليها متعة
لا حسيت ب اي الم ف اي حتة من وقفتي ليها برا
طلما انتظارك هيبق ل شخص انت بتحارب الدنيا والعالم عشانه ف مش مهم المدة الي هنتظرها
المهم اني عارف ان ف الاخر هوصلها وهتبق بتاعتي وملكي
بصيت ل باب الكلية لقيتها طلة ب ضحكتها الي والله اول لما بشوفها بنسى اي هم واي تعب
جريت عليا بعد م عدت الطريق
قربتلها ب عصبية
“مش قلتلك متعديش الطريق كدا انتي لي مصممة تستفزيني”
“آخر مرة اسفة المهم انا مبسوطة جدا حليت كويس جدا”
“كنت واثق من حاجة زي كدا ي حبي يالا برنامج انهاردة هيعجبك اوي”
خدتها وفسحتها وروقت عليها اليوم كله وكنت مبسوط آوي حاسس اني مالك العالم ب ضحكتها القمر دي
وصلتها ونزلت م العربية وهي ماسكة غزل البنات وبلالين الهيليوم الي جبتهملها وبصتلي م الشباك ب عنيها الغزالية
” عقبال م بيتي يكون بيتك”
استشعرت جملتها دي
تخيلت انا وهي بعد الخروجة محتاجش أوصلها لانها بقت ف بيتي وف قلبي
بصتلها
“قريب اوي إن شاء الله”
ابتسمت وطلعت ونا وفضلت واقف شوية بفكر ف امي ازاي هقنعها انا مستحيل اتخلى عن حبي انا مبقدرش من غيرها اصلا
لازم اعافر ولو على حساب حياتي
روحت البيت ولقيت امي مستنياني
قربت منها وبوست جبينها وقعدت جمبها ب ارتياح
“عاملة اي يامي”
بصتلي برفعة حاجب ووش غضبان
“كنت مع الهانم مش كدا!”
غمضت عيني بتعب
“فيها اي يامي”
“فيها اني منعتك منها ونت بتخالف امري معقول كلامي مش مهم ليك للدرجادي”
“مهم يست الكل والله بس انهاردة كانت محتاجاني وكنت لازم ابق جمبها
امي انا وعدتها ان نهاية الحدوتة هتبق معايا انا وعدتها ان هكمل حبي ب انها تكون ف بيتي وف حضني
انا بحبها وهي بتحبني
هتفرحي لما تكسري قلبي وقلبها ونعيش باقي حياتنا بنتعذب
حتى لو حصل ووافقت ع كلامك واتجوزت حد تاني
هيعجبك لما اظلم البنت التانية دي ومديهاش حقوقها من الحب والامان وابق متجوزها ب الاسم بس عشان أمي اختارتها
صدقيني الي ف بالك كلو هواجس وخوف بس هيروحو مجرد م تلاقينا مع بعض انا وهي وتشوفي حبنا بعينك مش بس تسمعيه مني
ارجوكي اتفهميني انا بين اني اختارك واختارها ودا مش اختيار
دا عذاب
ف كلتا الحالتين انا هعيش متعذب سواء اختارتك او اخترتها
ف لو بتحبيني بجد ي امي راعي شعوري واتمنيلي السعادة معاها
ولو رايك غير كدا ف انا تحت أمرك
بس صدقيني هكون اتعس انسان ف الدنيا
وادي مفاتيح شقتي ف اكتوبر
بكرا هستنى قرارك
لو وافقتي ف دا يوم الهنا والسعادة ليا
ولو موافتقيش
ف ادي المفتاح لاخويا هو اولى بالشقة
عن اذنك
سبتها ف الحيرة خصوصا انها عارفة قد اي تعبت عشان أقدر اشتري ليا شقة ف أكتوبر
دخلت اوضتي ونا حاسس بالدنيا بتلف من حواليا ونا الوحيد الي ساكن
اختيار امي بكرا هيحدد مستقبلي
مش عارف الي عملته صح ول لا
بس أكيد امي بتحبني وهتتمنالي السعادة
فتحت الفون وجبت صورنا وذكراياتنا مع بعض
“معقول دي هتفضل ذكرايات وهفضل كل ليلة بتفرج عليهم ونا حزين
كنت مفكر اني هتفرج عليهم ونتي جمبي ونقعد نتريق ع بعض واسمع صوت ضحكك الي بيحسسني ب فرحة غريبة
يارب ي امي تحسي بيا يارب متكسريش قلبي
انا بلاها جسد بلا روح
قلب من غير نبض
ارجوكي ي امي متخليهاش مجرد ذكرى ف حياتي انا لو وقعت بعدها مش هقوم”
غمضت عيني ب وجع ونمت
الفصل التالي اضغط هنا
يتبع.. (رواية نار الحب) اضغط على اسم الرواية لتجد الفهرس كاملاً بجميع الفصول.