رواية فيرنوت الفصل الثالث والاخير 3 – بقلم اسماعيل موسى
أنفاس وفاء كانت في أذني كنت حاسس انها قريبه جدا، بل يمكن جوايا.
نمت علي السرير والتليفون فوق أذني مرعوب متوقفتش عن قول الووو
بعد ساعه تقريبآ سمعت نفس الكلمه متصدقش!
مصدقش مين سألتها؟
عادت أنفاس وفاء الصامته مره اخري
ساعتين بالضبط وانقطع الخط
ايه الي بيحصلي ده يا ربي!
قعدت فتره طويله بعد ما الخط قطع افكر في كل الي مريت بيه اليومين الماضيين، مكنتش اعرف ان جدتي انتحرت ولا جدي كمان
كانو مخبيين علي كل دا ليه؟
بس انا كنت اناني وغبي اكثر من خمسه وعشرين سنه عمري ما فكرت ادور علي صورة جدتي واشوفها ولا حتي اسأل ماتت ازاي هيا وجدي.
الإنسان ده وحش جدا اول مره اعرف كده، طيب ووفاء ليه بتعمل كده، اذا كانت هتتجوز شخص تاني غيري ليه بتكلمني؟
اتصلت بأخت وفاء لكنها مردتش، عندها حق طبعآ بعد الي حصل من يومين، كنت في دوامه مش عارف اعمل ايه، كل ما فرح وفاء قرب حياتي بتتلخبط.
نمت وانا بادعي ربنا يفرج الغم عني ويعيد السلام لحياتي
فتحت عيني على سعال والدتي كانت بتسعل جامد وشفايفها كلها دم، يدوبك غسلت وشي وخدتها على المتستشفي، كشفو عليها وعملو بعض التحاليل أكدت انها مش بتعاني من حاجه بس انا شايف والدتي تعبانه جدا، مش قادره تتكلم.
الدكاتره قالو خليها في المشفي شويه لحد ما نطمن عليها، قعدت معها اليوم كله احد ما باليل قلت هروح اجبلها هدوم وأكل
والدتي لما شافتني ماشي اترعبت جدآ، كلبشت في مكنتش عايزه تسبني.
سألتها فيه ايه يا ماما؟
قالت بلاش تروح الشقه اليومين دول
ماما فيه ايه ممكن توضحي؟
متروحش الشقه غير بعد ما وفاء تموت
وفاء تموت؟ انتي بتخرفي يا ماما +؟ حرارتك مرتفعه
وفاء هتتجوز بعد يومين، الفرح بعد بكره
ماما قالت وفاء مش هتتجوز هتموت في الفرح، وانت كمان لو مسمعتش كلامي هتموت، مش عايزه اخسرك
طبطبت علي كتف والدتي تاكده انها بتخرف فعلا حاولت اني اخدها علي قد عقلها.
قلت متخفيش هرجع علي طول يا ماما
قالت لازم تقعد اليومين دول معايا هنا لحد ما يخلص من وفاء زي ما خلص من جدتك وجدك و….. وسكتت والدتي
سألتها مين ده؟
قالتلي الشاب الي هيتجوز وفاء هو نفسه الي كان هيتجوز جدتك
اها نامي ياماما نامي، جدتي توفت من اكتر من أربعين سنه ودا شاب صغير يدوبك خمسه وعشرين سنه
هو بيحب يظهر في العمر دا يا احمد
هو مين؟ الأول بتقولي شخص دلوقتي بتقولي هو؟
مقدرش انطق اسمه انا شفت بعنيه يقدر يعمل ايه الي انا فيه ده بسببه
والدتي كانت بتترعش جدا وفجأه بدأت بالصراخ، الأطباء حضرو بسرعه وادوها منوم.
الدكتور قال المنوم ده هيخليها تنام لغاية الصبح، اطمنت لما سمعت كده وقررت اروح الشقه.
رجعت الشقه فعلا، استحميت وغيرت هدومي حضرت اكله خفيفه وبعد كده حصلت حاجه غريبه سمعت صوت خارج من غرفة والدي الله يرحمه، مشيت وفتحت الغرفه لقيت نفس القطه الي كانت بتراقبني في الشارع كانت موقعه الصندوق الخشب علي الارض وبتعبث بمحتوياته
القطه مخفتش مني ، فضلت تبعثر الورق برجليها لحد ما ظهرت صورة جدتي الله يرحمها، القطه بصت للصوره وبصت ناحيتي بعد كده دمعت، اول مره اشوف قطه تعيط، كنت مندهش ومرتبك من الي بشوفه قدام عنيه.
من فوق الدولاب قفز قط اسود لما ركزت فيه افتكرته علي طول كان القط الي انا قذفته بالحجر في الشارع
القط الاسود حك جسمه بالقطه بعد خدو بعضهم وخرجو ورا بعض
انحنيت ارجع الأوراق مكانها بين الأوراق كان فيه قماشه صغيره ملفوفه فتحتها لقيت جواها سنة بشريه
مسكتها بين ايديا ابص فيها مقدرتش الاقي سبب لوجودها هنا بين أوراق وصور الذكريات.
القماشه الي كانت مغطيه السنه كان عليها رسومات واوشمه غريبه اول مره اشفها.
رميت القماشه علي الارض وخدت السنه علي الصاله ابص فيها اكتر بعد كده نسيت وحطيتها في جيبي.
مفيش ثواني بالضبط وسمعت خبط رزه في الحمام، اترعبت جدا بس كان لازم اشوف فيه ايه
باب الحمام مفتوح بصيت شفت نفس الكيان الأسود بس مش جوه المرايه لا داخل الحمام.
وقفت في مكاني مصدوم ومرعوب الكيان قرب مني صرخت بصوت مرتفع جدا بس مقدرتش اهرب
الكيان لمسني واغمى علي محسيتش بحاجه بعدها
تقريبا الساعه عشره بالليل فتحت عنيه كان باب الشقه مفتوح وناس كتير من الجيران حوالي من بينهم الشيخ حسن جارنا
الناس مشيت وفضل الشيخ حسن قال حصل ايه يا احمد، انا سمعت صراخك ولما كسرت باب الشقه لقيتك مرمي على الأرض
حكيت للشيخ الي حصل معايا كله، قالي كان لازم تقولي من زمان يا احمد
قعدني علي الكنبه وقعد يعزم عليه وعلي الشقه سمعت حركه غريبه في الشقه بعد كده سمعت الشيخ بيقول اخرج يا ملعون
ظهر كيان مرعب رقعد يرقص قدام الشيخ لكن الشيخ مبطلش قراءة قرأن لحد ما الكيان ده اتحرق وشفت الرماد بعيني.
الشيخ قالي الشيطان دا من أبناء ابليس ومتتبع نلسكم من زمان من ايام جدك وجدتك، تقريبا هو المسؤل عن موت جدك وجدتك
سألته ووفاء؟
قالي اعتقد انها هتكون بخير متخفش الشيطان اتحرق
مشي الشيخ حسن وانا كنت فرحان وعايز اطير افرح وابنتي كمان ووفاء وكل الدنيا.
معرفش ازاي نمت صحيت على صوت تليفون وفاء زي كل ليله
قلت ألوو. وفاء خلاص كل حاجه انتهت انا عرفت سبب كرهك لي وتغيرك
الشاب الي كان متقدملك شيطان الشيخ حسن حرقه
هنا سمعت صوته المرعب، حرقه؟ وصرخه طويله مرعبه
حرقتو عشيقي ؟ بكره وفاء هتحصل جدك وجدتك ووالدك ووالدتك
صرخت من الصدمه واغمى علي
كان يوم فرح وفاء لما فتحت عينيه طرت علي المستشفى لكن للأسف والدتي كانت ماتت في نفس توقيت المكالمه بالضبط
قعدت اصرخ كتير واعيط زي العيل الصغير نعرفش ازاي جبت رقم الشيخ حسن الراجل وصل عندي بسرعه حاول يخفف عني، قال عارف انك حزين ومصدوم بس لازم نلحق وفاء
وصلنا انا والشيخ حسن منزل وفاء وقدر يقنع والدها ان وفاء مسحوره وفيه كيان شيطاني معاها.
الشيخ حسن قدر يحرق الشيطانه دي كمان ورجعت وفاء لطبيعتها
قررت انا ووفاء اننا نتجوز بعد كام شهر من وفاة والدتي، فعلا تم العرس وخلصت اللمه وفضلت انا ووفاء لوحدينا بالشقه
وفاء قالت هغير هدومي
قلتلها وأنا كمان، بقلع هدومي في جيب البدله لقيت السنه الي كنت نسيتها من شهور في جيب البدله.
ازاي السنه دي وصلت لجيبي؟
وفاء كانت غيرت هدومها وخفت انها تشوف السنه عاشان كده فتحت الشباك ورميتها في الشارع فضلت باصص في الشارع وقت طويل، تحت الشباك كان فيه أربعة قطط اعرف شكل اتنين منهم
وفاء قالتلي فيه حاجه؟
قلت لا وقفلت الشباك.
انتهت
- اقرأ ايضا روايات ترند – كوكب الروايات