رواية فراشة المقبرة – الفصل الخامس
ماتت وهى زعلانة منى، ماتت وهى فاكرانى لص وحرامى وخاين ؟
ماتت وانا مش هقدر اشرحلها انى بريء ،ماتت وسبتنى
أعيش مع الحزن ده مدى الحياة
جسمى ترنح وكنت هقع على الأرض ،البنت لما لاحظت كده فتحت حاجه ساقعه وقالتلى اشرب واسند طولك
وبصوت واطى قالت مش هينفع اتكلم معاك اكتر من كده
وقوفك قدام المحل وقت طويل هيعملى مشكله
حطيت ايدى فى جيبى وطلعت تمن الحاجه الساقعه ،البنت رفضت تاخد الفلوس، سبت الفلوس على المكتب ومشيت.
مشيت جنب الرصيف وعقلى عمال يغلى بالأفكار ذى الجمر
بنتها هى السبب فى كل إلى حصل
ورغم كل إلى عملته مش حاسه بأى ذنب، انا بدأت اعتقد ان بنتها ملهاش قلب زينا
لكن ايه الملف إلى الحجه كريمه كانت ماسكاه فى ايدها وايه علاقته بيه ؟
وليه بنتها كانت بتتخانق معاها ؟
معقول الحجه كريمه كانت عايزه تكتب ليه ورث مثلا ولما اعتقدت انى لص غيرت رأيها ؟
طيب لو كان دا فعلا إلى حصل ليها بنتها كانت بتتخانق معاها
طالما كل حاجه بقت ملكها ؟
هو ممكن تكون بنتها قتلتها ؟ مجرد ان الفكره دى حضرت فى عقلى لقيت جسمى كله بيغلى
والله يا امى لو كانت بنتك قتلتك او اتسببت فى موتك
ما هسيبها غير لما توصل حبل المشنقه، الموضوع كبر فى دماغى لدرجة التار ،مكنش ممكن استريح غير لما اعرف علاقة بنتها بموتها ،قعدت على القهوه مكنتش عارف هبداء من فين ؟ مش معقول هروح لبنتها واتهمها بقتل والدتها من غير دليل، بنتها ليها علاقات كبيره وممكن اشيل انا الليله كلها
طلعت التليفون واتصلت على البنت إلى كنت عندها
قلتلها انا عايز اطلع شقة الحجه كريمه ،البنت قالت مش هقدر اساعدك فى الموضوع ده، دى حاجه أكبر من مقدورتى، انا مش بقدر اخرج من الشقه، انا بحب الحجه كريمه لكن الصراحه مش عايزه أسمى يجى فى حاجه ذى كده
كنت عارف انها عندها حق ومرضتش اضغط عليها
قبل ما تقفل قالت بس انت تقدر تطلع الشقه بالليل
انت كنت على طول بتروح هناك ومحدش يعرف اصل علاقتك بيها ايه ،الجيران فاكرين انك قريبها.
كنت عارف انها مخاطره بس انا كنت مستعد انى اموت نظير انى اعرف الحقيقه، الساعه 11 بالليل روحت على العماره وطلعت عادى للشقه.
الباب مكنش مقفول كويس وقدرت ادخل من غير ما اكسره
دلخت وقفلت على نفسى الباب
جوه الشقه ريحتها كانت لسه موجوده، صورتها كانت بتلف فى كل مكان قدامى فى الشقه
مشيتها البطيئه وهى بتروح المطبخ ،ضحكتها وسخريتها
الصاله كانت عاديه مفيهاش اي حاجه
دخلت غرفة النوم وفتشتها ملقتش حاجه ،كان فيه اوضه تانيه مقفوله فتحتها ومكنش فيها حاجه كمان، قعدت شويه حاسس باليأس، اكيد يا يوسف لو كان فيه ملف بنتها اخدته
وبعدين ايه فايدة الأوراق حتى لو عثرت عليها طالما الحجه كريمه غيرت رأيها قبل ما تموت؟
وايه علاقة الورث اصلا بموضوع موتها ؟ هيفيدك بأيه
انت عايز الفلوس يا يوسف ولا عايز تاخد حق الست إلى ماتت ؟
مرت نص ساعه وانا قاعد فى شرود مكسور وفجأه افتكرت
الحجه فريده كانت بتقف قدام المرآيه إلى فى الصاله كتير اوى وتبص عليها اكتر من الأزم
مشيت ناحية المرآيه ومسكتها لما حركتها اتحركت معايا
وراها كانت فيه صندوق خشبى قديم فى حفره ورا المرايا
طلعت الصندوق وحطيته قدامى عشان افتحه
تليفونى رن ومع رنته سمعت سارينة بوكس الشرطه
بصيت على الرقم كان رقم البنت، رديت قالت بسرعه الشرطه تحت العماره وطالعه على الشقه ،فيه شخص بلغ عنك
اهرب بسرعه اطلع فوق سطح العماره ونط على عمارتنا فيها سلم خلفى، رجعت المرآيه مكانها بسرعه وهربت من الشقه
طلعت السلم ومن على سطح العماره نطيت على العماره إلى جنبها، مشيت ببطيء ونزلت على السلم الخلفى ولما وصلت لقيته مقفول.
وقفت دقيقه مش عارف اعمل ايه حاضن الصندوق وبفكر اطلع السلم تاني
سمعت خطوات ماشيه نازله ناحيتى وعرفت ان مفيش فايده من الهرب لو طلعت لفوق الشخص إلى نازل هلاقيه فى وشى
قلبى دق بسرعه وسلمت امرى لله وشفت ضلها نازل وفى ايدها المفتاح، من غير كلام فتحت الباب وقالتلى اهرب.
جريت فى الشارع ذى المجنون وبعد شويه اختفيت وسط الناس.
________________________________
انا متأكده انه هو يا باشا خلى العساكر تدور كويس بعد اذنك
وقف ضابط المباحث وسط الشقه وبعنيه المتمرسه قال
واضح ان مفيش سرقه، لو فيه شخص دخل هنا يبقى دخل عشان حاجه تانيه، انتى عارفه محتويات الشقه ؟
فيه حاجه ناقصه ؟
صرخت هايدى مش عارف حاجه يا باشا انا مكنتش بدخل هنا وبقالى اكتر من سنتين مدخلتش الشقه غير لما وصلنى خبر موت والدتى ،ممكن يكون فيه دهب؟
فلوس ؟
والولد دا سرقها ،هو كان بيجى هنا على طول بشهادة الجيران واكيد عارف مكان الحجات دى اكتر منى.
بصى يا هانم مش هقدر اعمل محضر غير لما تحددى كمية الفلوس والدهب إلى انسرق من الشقه
مش معقول هقول سرق كذا من غير ما اذكر كميه محدده
امال انا اتصلت بيك ليه يا حازم بيه ؟
انت صديق العيله اتصرف انت اعملها بطريقتك المهم الولد دا يتقبض عليه انا لازم اعرف سرق ايه من الشقه ؟
رفع حازم بيه وشه ،متنسيش اننا مقبضناش على الولد يا هايدى ولو عملنا محضر اي محامى برياله يقدر يطلعه براءه
مش مهم، صرخت هايدى، هاته عندك فى القسم وانت بطريقتك هتقدر تعرف دخل الشقه ليه وسرق منها ايه ؟
قبل ما يتعرض على النيابه هنكون عرفنا كل حاجه
ابتسم الضابط حازم، واضح انك مش مهتمه بالدهب ولا الفلوس إلى ممكن تكون اختفت من الشقه ممكن اعرف اننى بتدورى على ايه تحديدا يا هايدى؟
هكون بدور على ايه يا حازم بيه، والدتى ماتت وكل املاكها هتكون ليه انا لانى وريثتها الوحيده ومليش إى اخوات او قرايب.
حازم ؟ ورفعت هايدى النبروجى يدها ،عايزة الولد دا يبقى تحت ايدك فى ظرف يومين !!
ابتسم حازم بثقه متقلقيش انا هدى إشاره لكل كمائن الشرطه وهبعت إشاره للمركز عنده فى البلد لو ظهر فى اى مكان هيقبضو عليه ،رفع حازم عنيه فى وش هايدى بثبات
هايدى لأخر مره بسألك عدائك مع الولد ده فيه حاجه غير سرقة الشقه ؟
بنبره متعاليه ردت هايدى ،فكرك هتكون علاقة ايه بين هايدى النبروجى وحتت عيل حرامى كان عايش على قفا والدتى الغلبانة الله يرحمها ؟
غادرت هايدى النبروجى مكتب ضابط المباحث ، بعدها جلس حازم على الكرسى ومدد رجليه على الطاوله وولع سيجاره
سرقة ؟ دهب ؟ فلوس ؟ يا ترى هايدى هانم النبروجى مخبيه ايه وراها ؟
فتحى!؟ صرخ حازم بيه ودخل مخبر شرطه غشيم له شارب طويل ،عايزك تتدور على الواد ده وتجيب قراره من تحت الارض
تمام يا باشا ضرب فتحى قدميه الثخينه فى الأرض
اقبض عليه يا باشا؟
رفع حازم ايده لا.
____:
___________________________
فضلت يومين بتنقل من مكان لمكان بهدوء لحد ما لقيت غرفه تحت الإنشاء صاحبها وافق يأجرها لما دفعت شهرين مقدم ،مكنش ممكن اجيب السرير والكرسى والفرشة بتاعتى
لأنى لما قربت من المكان هناك لقيت المخبرين متوزعين فى كل مكان، انا مش خايف بتقبض عليه ،معملتش حاجه غلط لكن بعد إلى شوفته فى القسم المره إلى فاتت مش هدخل هناك تانى غير وانا فى موقع قوة.
قفلت الباب كويس، لحد دلوقتى لسه معرفش الصندوق فيه ايه بالضبط
قلت بسم الله الرحمن الرحيم وفتحت الصندوق
عنيه برقت ،تحت الملف فيه دهب كتير، سبايك وقطعة مجوهرات ،قلبى كان هيقف، مسكت الدهب بايدى ورفعته تحت الدهب ايدى خبطت فى ورقه متكرمشه، فتحت الورقه
كان مكتوب فيه بخط مهزوز، لو وصلت لحد هنا ذى ما انا دعيت ربنا قبل ما اموت ،يوسف خد حقى.
الفصل التالي اضغط هنا
يتبع.. (رواية فراشة المقبرة) اضغط على اسم الرواية لتجد الفهرس كاملاً بجميع الفصول.