رواية حين يغار القلب الفصل الثامن 8 – بقلم مصطفى جابر

سعدية بابتسامة فرح: الف مبروك عليكي زين يا عين امك.

صفيه بفرحه: انا هروح اكون جنبه لازم استغل الفرصة دي باي تمن اه هو دلوقتي زمانه موجوع ومكسور

سعدية بخبث: عندك حق يلا يا قلب امك وفرحيني.

صفيه وبتعدل لبسها: عنيا سلام نزلت جري علي بيت خالها..

عند زين.

خد مسدسه و امه لسه هتبطبط علي كفته وقفها: انا كويس و محدش يفتح لي الموضوع دا تاني صفحة واتقفلت.

زياد بهدؤء: انا مش مصدق الحوار دا حاسس انه فيه حاجه غلط.

رحاب بتفكير: وانا كمان شكل قمر كان بيقول انها مجبورة علي كل دا.

: هيكون اجبرها ازاي يعني دي واحدة رخيصة مصانتش الانسان اللي حبها من قلبه.

بصوا للصوت بجمود.

صفيه بحزن تمثيلي: طول عمري وانا بحذركم منها وبقولكم متصدقوش وش الملاك اللي هيا لابساه قدامكم ده بس محدش فيكم صدقني واديها كسرتك يا زين .

نور وقفت قدم صفيه و بصت ليها بقرف: نجوم السماء اقرب لك انتي وامك يا صفيه يا صفرا والاعيبكم دي لو الكل صدقها انا عمري ما هصدق.

صفيه باستغراب: تقصدي اي.

نور بجمود: قصدي اللي في دماغك يا حربوئة انتي عرفتي ازاي انه هي عملت حاجه.

صفيه بلعت ريقها بتوتر: صوتكم كان عالي علي فكره والناس كلها سمعت.

نور بشك: لا والله يعني اللي حصل ده مش تخطيط منك انتي وامك

صفيه بتوتر وغضب: نور انا مسمحلكيش تقولي عني كدا انا بس هراعي انك تعبانه يعيني من موت ابنك واهمالك انك مقدرتيش تحافظي عليه وتجيبي الواد اللي جوزك نفسه فيه.

نور بصدمة: اهمالي؟

صفيه حبت تخلي زياد يشك في نور وتوقع بينهم: اه اهمالك انتي مقضياها تنطيط من هنا ل هنا وماسكة الفون ليل نهار وجوزك مش هنا اتلاقيكي وانتي نازلة من عالسلم ومركزه في التليفون مخدتيش بالك ووقعتي نفسك بسبب عبطك.

نور بغضب: اخرسي يا حرباية قطع لسانك انا هتسبب في موت ابني.

صفيه بخبث: انا مش حرباية انا بقول الحقيقة والكل عارف انك مهملة

زياد بزعيق: بسس خلاص مش عاوزين نفتح في اي مواضيع حصلت كل واحد فيه اللي مكفيه مش ناقصين.

سكتت صفيه وزين سابهم وخرج..

رحاب ببرود: بنت عمتي شرفتينا كان نفسي اقولك اقعدي للفطار بس الوضع لا يسمح طولة لسانك والله.

صفيه بغيظ: انتي بتطرديني يا بنت خالي؟ انا لما ييجي خالي هقوله انك بقيتي قليلة الادب ومحتاجه تربية.

رحاب بصت ليها بغضب وقربت منها وضربتها بالقلم

رحاب بجمود: قسما بالله لو يطلع شك نور في محله وانتي وامك ورا الموضوع ده لهوديكم في داهية يالله غوري علي بيت اهلك

صفيه بغضب حطت ايدها علي وشها بألم و مشيت

عند قمر في العربية.

وليد ببرود: جدعة انك نفذتي اللي قولتهولك بالحرف.

قمر بدموع: انت ازاي من لحمي ودمي و عملت معايا كدا حرام عليك انا بكرهك يا وليد بكرهك ونهايتك هتكون علي ايدي.

وليد بغضب: اخرسي مش عاوز اسمع الكلمة دي منك تاني يا قمر هتندمي..انا بحبك وانا الوحيد اللي استاهلك.

قمر بسخرية و دموع: انا مش عاوزاك يأخي هو بالعافية.

وليد ببرود: مع الوقت هتحبيني و تحبي وجودي يا ستي دا انا هخليكي اسعد انسانه.

وصلوا البيت و طلعت قمر جري ل امها و اخوها و وليد وراها..

وليد ل رجالته: سبوهم.

مها بقرف وغضب: اتفوو عليك انت مش بن اختي انت شيطان ولو فاكر ان اللي حصل ده هيعدي بالساهل تبقي بتحلم انا هفضحك يا وليد هفضحك وهقول لزين علي كل حاجه.

وليد ببرود: هتروحي تقولي ل زين اني هجمت علي بيتكم و معايا رجالة ب سلاح وانه لو قمر منفذتش اللي هقوله هقتلكم دا مين العبيط اللي يصدق الكلام ده معلش؟ ابسط حاجه هيقولك مقولتيش ليه وتبلغو الشرطة او كان زين ضربني برصاص مسدسه .

مها بعصبية: هيصدقوا و انا مش هقول ل زين انا هسجنك.

وليد بمكر وبيقرب من قمر وبيرفع سلاحه في وشها: وترضي بنتك تتفضح بالصور المتفبركة…اسمعي يا خالتي انا لحد دلوقتي بتكلم بهدوء بس بنتك دي هخلصلك عليها لو حد عرف حاجه.

مها برجاء: سيبها يا وليد انا زي امك بلاش شيطانك يعميك يا بني عشان خاطر الشهر المفترج اللي احنا فيه.

وليد ببرود: مفيش شياطين في رمضان يا بتوع الدين انا هسيبكم وامشي دلوقتي وفكرو في كلامي

خرج وهو بيضحك بسخرية..

مها بدموع: حقك عليا انا يا ضنايا انا اسفه لك والله العظيم سامحيني يا بنتي كل ده بسببي.

قمر بصت ليهم بدموع: قضاء ربنا يا ماما وانا واثقه انه كل حاجه هتتحل.

مها بحزن: يارب يا بنتي.

عند زين..

كان قاعد علي الشط ودموعه محبوسة في عينه بتيجي ست كبيرة بتقعد جنبه: ارمي حمولك علي الله مش هيتخلى عنك.

زين بص ليها بجمود..

الست بطيبه: صفي قلبك لله وكل طرقك هتكون سالكه طالما قلبك مليان حب.

زين بحزن : سبيني في حالي يحجة الله يرضي عنك انا مبقتش بحب حد ولا طايق اليوم اللي سلمت قلبي فيه ل واحدة كسرته وطلعت رخيصه لعبت بيا و بقلبي و ب اهلي انا مقروف حتي اقول اني كنت خاطبها.

الست بهدؤء: يابني مش كل اللي ظاهر تصدقه دور ب عينك و قلبك هتعرف طريقك.

قالت كلامها وقامت مشيت..

زين بسخرية : كلام ملهوش اي لازمة.

بليل..

رحاب كانت رايحه لصاحبتها قابلت طاهر في السكة..

رحاب بأبتسامة: طاهر بتعمل اي هنا

طاهر بأبتسامة: انا ماشي وراكي من بدري..كنت عايز اقعد معاكي نتكلم شوية كده في موضوع لو ده ميدايقكيش.

رحاب بأبتسامة: ميدايقنيش بس ممكن تخليها وقت تاني معلش علشان صحبتي عايزاني في موضوع مهم

تيجر بابتسامة: خلاص ماشي هاتي رقمك وهبقي اكلمك نظبط ميعاد سوا .

بعد شوية سابته ومشيت وهو راح ركب العربية و جت له مكالمة..

تيجر ببرود: خير.

الكينج: ها عملت اي معاها… البضاعة علي وصول خد بالك والعملية دي كبيرة اوي مش حمل خسارة تانية والحكومه مفتحها عنيها ولازم نتصرف وخصوصا الظابط زين دا.. هو لسه مبتدئ بس دماغه ناشفه وحظنا المنيل ان الكمين بتاعه عند طريق نقل البضاعه ولازم نشوف حل لانه واقف لينا زي اللقمة في الزور.

تيجر بخبث : متقلقش انا وصلت ل حاجه هتخليه يعدينا من الكمين بمزاجه او غصب عنه

الكينج بمكر: طول عمرك تيجر ابن تايجر يا زعيم .