ولنا في الخيال حب “تميم ونور” الحكاية السابعة عشر 17 الفصل الثالث 3 – بقلم ملك ابراهيم
_مُراد! إنتَ إيه إللي جابك هِنا!.
_مفيش وقت للكلام يانور، رجالة عصام الطويل هتهجـ.ـم دلوقتي علىٰ البيت، يالا نخرج بسرعة.
بصت نور لـ ملك وهيَ بتقولها:-
_طب يالا ملك خُدي ليليان وأخرجي من الباب التاني بسُرعة.
_وإنتي يا نور؟!.
_هنطلع أنا ومُراد من الباب الرئيسي، عاوزة أعمل حاجة مهمة.
_ماشي.
_نور، عاوز أقولك حاجة، أنا بـ….
بتقاطعه نور وهيَ بتقوله بتسرع:-
_هو دا وقته، يالا بينا!.
وأخدها من إيديها وهُما بيخرجوا بسرعة، إستخبوا ورا شجرة كبيرة، نور بتشوف الرجاله فعلًا بتدخل البيت وعارفه ومتأكدة علشان إيه، وإستنوا لحد ما كلهم دخلوا.
خرجت من ورا الشجرة بتروح على عربية من العربيات وبتحط جهـاز للتنـ.ـصت وبعد كدة بتقوم تاني وتشاور لمُراد وهو بيجي بالعربية بتاعته ومعاه ملك وليليان بتركب فيها وبيمشي بسرعة، قبل ما يحاولوا يوصلوا ليهم.
__________________
_عاجبك إللي عملته دا يا مُراد باشا ولالا؟!.
_لا طبعًا، بقولك إيه يا حتة مُخبره متفكريش إنك أذكى مني.
بصت نور ليه وقالتله بغيظ:-
_طب تبًـ.ـا لك يا مُراد!.
_بتقولي إيه؟!.
_بتقولك يا باشا عاوز كام واحدة كانتلوب؟!.
بصت نور لملك وهيَ بتقولها بعِند:-
_لا يا ملك، قولتله تبًـ.ـا لك وأقولك كمان! خسِئـ.ـت!.
_يا نور متجنينـ.ـش لو بتشتمي صدقيني هجيبك من قفاكي!.
_بتقولك إنتَ خسيت؟!.
_أه بعمل دايت الفترة دي، المُهم خلاص الليل داخل علينا والمغفليـ.ـن دول دخلوا البيت ومش هيخرجوا منه، ولو خرجوا مش هيعرفوا يتحركوا أصل محسوبك خـ.ـرم كاوتش العربيات كلها.
_شاطر يا مراد، شاطر.
_عارف، المهم هنطلع دلوقتي على بيت عصام نقلب اللي فيه النصيب وخلصنا علىٰ كدة يا نور!.
_حاضر يا باشا.
بصلها مراد وهو بيسوق وقالها:-
_أنا باشا؟! دا انت اللي باشا يا باشا.
_إحم، إحم، نحنُ هُنا، نور ليليان نامت في حضني، البنت دي شافت كتير أوي معانا اليومين دول.
حطت نور راسها جنب الشِباك وهيَ بتقول لملك بشرود:-
_كله خير، فاضل علىٰ الحِلو تكة ونرتاح كلنا يا ملك، نرتاح كلنا.
____________________
_بصراحة العِبارة يا عمي، أنا مش عاجبني ملك إنها تفضل مع أُختها طول الوقت في مكان زي دا!.
_اديك قولت يا سليم يابني، أُختها، وأنا بناتي الإتنين واحد بيكونوا في مكان واحد مع بعض حتىٰ لو على التراب!.
_ملك هتكون مراتي كمان كام شهر، يعني إزاي تعيش جوا حارة مع اختها وهيَ عايشه لوحدها، يعني اتنين بنات عايشين لوحدهم! وانت عارف كلام الناس هيقولوا ايه؟!.
_قطـ.ـع لسان أي حد يفكر يتكلم على بناتي، أنا بناتي أشرف من الشرف نفسه، بقولك ايه يا سليم، ملك لما ترجع هقولها تسيبلك حاجتك يابني.
_ليه كدة يا عمي؟!.
_علشان مقبلش حد يفرق بين الإخوات، هُما كتروا على بعض يابني؟! لو متسندوش على بعض يبقى مين يتسند على التاني!.
_عندك حق يا عمي، بس هاتوا نور تعيش معاكم دا الأفضل، ولو ملك هتستمر على كدة يبقى انا آسف.
وقام من قصاده وخرج برا البيت وهو بيـ.ـرزع الباب بصوت عالي جدًا، دخلت، والدة ملك ونور وقعدت مع والدهم وهيَ بتقوله بهدوء:-
_ملك لسه مكلماني، نور طلعت بتحفر جوا الماضي يا سعد.
_أخويا مش كِدة؟!.
_أيوه، عاوزة توقعه زي ما عمل معاك زمان!.
_طب دا كان ورث أُمي وأخده هي مالها دلوقتي، بتنبش في اللي فات واتـ.ـدفن ليه؟!.
_نور أنا حفظاها يا سعد، مش بتفوت حاجة ولا بتنساها هيَ عاوزة تاخد حقك، بنتك راجل من ضهر راجل.
_لا يا كريمة، مش عاوز حقي، أخويا من أُمي مش كويس ولو طال وعرف إنها بنت سعد النويري هيخلـ.ـص عليها، ومش عليها بس عليها هي واللي معاها.
_متخافش أنا واثقه في بنتي، هيرجعوا هما الاربعه بخير بإذن الله.
_اربعه!.
_معاهم ظابط كدة إسمه مُراد، ونور من الاول كانت بتساعده.
_لا دا انتي تحكيلي من الأوِل!.
_حاضر بص يا سيدي…….
وبدأت كريمة تحكي ليه، ولكن الحكاية لسه ناقصه حاجات كتير جدًا! وهنسمعها من نور في الجزء الجاي♡.
____________________
_يا غبيـ.ـة شوفي الدرج إللي هناك دا.
_هتفضل تغـ.ـلط كتير هفلقـ.ـك نصين أنا بقولك أهو، مش كفايه مدخلنا من الشباك ولا الحراميـ.ـه.
بصلها مراد وقالها بسخرية:-
_حاضر هدخلك من باب البيت، كان بيت أبـ.ـونا هو، وبعدين إتعودتي عليا يا نور يا بياعة الفول، الحارة بهتت عليكي.
_ايوه بهتت عليا بقىٰ، هتكتر هديك واحدة علىٰ قفاك!.
جه مراد يتكلم بس اللي قاطعه إن هو ونور سمعوا صوت ملك وهيَ واقفه برا وبتبص عليهم من الشباك وبتقول:-
_يجماعة خلصونا وبعدها حلوا مشاكلكم، عاوزين نروح!.
_إلحق ياض يا مُراد، لقيت الورق دا
اخده مراد منها وهو بيقرأ وبيقول:-
_الله، الله، دا كمان ليه في غسيـ.ـل الأموال!.
بصت ليه نور وقالت بمنتهىٰ الغبـ.ـاء:-
_ بس ايه غسيـ.ـل أموال؟!، يعني بيغسلها في الغسالة وينشرها على الحَبل؟!.
_بلاش نظن في الراجل يا نور، اكيد عاملهم منشر داخلي!.
_يخربيـ.ـت خفة الدم بتاعتكم، خلصونا لو حد فيهم رجع هنتقلب بطاطس محمـ.ـرة!.
قامت نور من على المكتب وهيَ بتجمع الورق التاني وبتقول:-
_كدة حلوة أوي، يالا بينا.
_ما لسه بدري يا نور باشا، إي يا مُراد بيه ميصحش يا راجل لازِم تشرب حاجة برضو دي أصولنا.
_إنتَ عندك أصل يا عصام؟! طب الحمدلله إنك عرفتني.
_أيوه طبعًا يباشا عندي أصل، يعني هشوف بنت أخويا وحتى مش هاخدها في حضني.
_بنت أخوك؟! طب بلاش نفتح في الدفاتر القديمة يا عصام، يا نخرج من هنا في هدوء يا هتتقلب مجـ.ـزره.
_بالك يا ست نور، قولت من شويه للواد حمو، دراعي اليمين يفتحلي التـ.ـرب عارفه ليه؟! علشان الحكاية خلصت، والشـ.ـر هينتصر على الخير عادي جدًا.
_لا حيث كدة لو هتنتهي، هتخلص علىٰ مزاجي أنا يا عصام، قفله هتليق ببنت النويري، وهيَ بتجيب تـ.ـار أبوها وأبو بنتها الله يرحمه!.
وفجأة خرجت نور مسـ.ـدس من ورا ضهرها ومُراد كذلك الأمر وضـ.ـرب النـ.ـار بدأ بين رجالة عصام وبينهم وهو في النص لحد ما مراد اتكلم وقال:-
_اطلعي من الشباك بسرعة يا نور وانا وراكي.
وبالفعل نطت نور من الشباك وقدر مراد يعجز كل رجالة عصام وهو من ضمنهم وخرج وقفل عليهم الشباك كويس لإنه كان حَديد وطلع تليفونه واتكلم فيه وهو بيقول:-
_عاوز قوات تجيلي فورًا المهمة خلصت.
سمع مراد صوت عصام من جوا وهو بيقول بصوت عالي وبيضحك:-
_هحـ.ـرق قلبها برضو يا مراد باشا، مش هسيب حد فيكم عايش وهبدأ باللي في العربية!وريني هتلحقهم إزاي!.
كانت عربية مراد على الجنب التاني من الشارع، بينهم مسافة لكن نور مكنتش شايفه ملك ولا ليليان.
جت تقرب منها لقت فجأة حاجة خلتها تتصدم بشكل كبير، العربية إنفـ.ـجرت علىٰ غفلة لدرجة خلت نور ومراد يقعوا مكانهم، فضلت نور تبص للنـ.ـار بصدمة كبيرة! لحد ما إستوعبت وقامت علشان تلحقهم مراد مسكها وهو بيقولها:-
_يا مجنـ.ـونة هتمـ.ـوتي نفسك لو قربتي!.
_سيبني يا مُراد، لا لا ملك وليليان، عيني مش قادرة تستوعب!.
وصرخـ.ـت بأعلى صوتها وهي بتقول:-
_أختــــــــــــــي وبنتــــــــــي يا مُراد لا!.
الفصل التالي اضغط هنا
يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.