ولنا في الخيال حب “تميم ونور” الحكاية التاسعة 9 – بقلم ملك ابراهيم
_تَميم إصحىٰ بسُرعة إلحقني، أنا بولد، يا خراشي يختااااااي.
_فيه إيه بتولدي؟! طب أكلم مين، الدكتورة، أهلك، المستشفى، طب تعالي هشيلك، ولا لا إنتي بقيتي تقيله.
_تقيله؟! يعني دلوقتي بقيت في نظرك تقيله؟!.
_يعني إنتي بتصحيني وبتخدعيني ومش هتولدي ولا حاجة؟!.
_كنت عاوزة منك طلب، وملقتش أنسب من الحركة دي أعملها علشان تصحى، وبعدين أنا حامل يا تميم شايله بيبي في بطني يعني مشاعيري متقلبه.
_مشاعيرك! يحبيبتي أنا بقالي إسبوع واخد أجازة من الشغل، ونايم من التعب غسلت الغسيل، وطبخت الطبيخ، ونضفت البيت، إنتي وخداني ڪ زوج ولا شغالة فليبينية!، وملك نايمه مأنتخة في الاوضه التانيه ومش بتساعدني، بالإسم أخت مراتي وجايه هنا تساعدك!.
_عاوزة طلب بسيط والله، مش هيكلف من وقتك حاجه.
_قولي يا بؤبؤة عيون تميم من جوا.
_بُص أنا الحموضه تعباني بقالها كام يوم ومش عارفه بس جعانة والساعة دلوقتي إتنين بالليل، فـ عاوزة أكل ومش هتقل علشان ميحصليش حِمو.
_طب ماشي نفسك في إيه؟!.
_عاوزة تلاتة كفتة، وأربعة حواوشي، وإتنين ساندويتش همبرجر، وشوية مشكِل، ومعاهم بقى كوباية شاي في الخمسينه علشان أحبس.
كل دا وتميم بيبصلها بغباء علىٰ كل الطلبات دي، وقالها:-
_أطلعلك قلبي تشوحيه وتاكليه معاهم؟!.
_لا يا تميم كدة كتير علشان إنتَ عاوِز تمـ.ـوتني؟!.
_طب أجيب كل دا منين يا نور دلوقتي، إحنا داخلين علىٰ الفجر.
_إتصرف يا تميم، دلوقتي لو مأكلتش إللي عوزاه ممكن يطلع في راس البيبي حتة كفتة، أو حباية على شكل حواوشي، إنت ترضىٰ للبيبي يكون حد بيتنمر عليه!.
_لا مرضاهاش للأمانة إزاي يعني دا يحصل.
وقام تميم وهو بياخد تليفونه وبيطلب ليها كل حاجه عوزاها ومستني لما الديليفيري يوصل، وأثناء ما هوَ مستني لقى ملك خارجة من الاوضه وهي بتدعك في عينيها من أثر النوم، وقعدت قصاده، بصلها تميم وقالها بسخرية:-
_نوم العوافي تنامي حافية يا رب، نفسي أعرف لازمتك إيه في البيت وحمايا وحماتي باعتينك علىٰ أساس تساعدي نور، أصبحت أنا بساعدك إنتي وهيَ.
_فاقدة شغفي وجايه أستجم عندكم شوية، الڤيو حلو والبيت شِرح وبِرح، و….
الباب خبط، فكملت ملك كلامها وهي بتقول:-
_والأكل جه.
_إيدك مش هتيجي جنبه دا لنور ومعتقدش هيكفيها.
قام تميم فتح الباب وأخد الأكل وقفل الباب وراح علىٰ أوضته هو ونور وقفل الباب وراه علشان ملك متدخلش وقعد قصادها وهو بيديها الأكل، لقاها بتضحك من السعادة وبتقوله:-
_هاكل وأخيرًا.
_قوليلي يا نور تفتكري هنعمل إيه بعد ما البيبي يشرف أو تشرف للدنيا.
_هنعملها إزاي تكون صالحة وتصلي الفرض بفرضه، هنربيها علىٰ إحترام العادات والتقاليد وإزاي تكون إجتماعية، ولو ولد هيتطبق عليه العكس، بس عارِف إيه أكتر حاجة أنا هديها ليه أو ليها؟!.
_إيه ينور؟!.
_الحنية، هزرع الحنية فيها أو فيه، أنا إتحرمت من الحنية طول حياتي، وفاقد الشيء يعطيه، علشان كدة هكون أجمل أُم في الدِنيا.
_أنا واثِق إنك هتكوني أجمل وأحلىٰ أُم في الدِنيا.
_وإنتَ هتكون أحن أب في الدِنيا، يالا ناكل بقى أنا جعانه أوي.
_كُلي وبعدها غيري هدومك وأخرجك الفجر كالعادة تشمي شوية هوا بعيد عن البت ملك التنحـ.ـة دي.
وبيسمعوا صوت خبط علىٰباب الأوضه وصوت ملك وهي بتقول:-
_إفتحلي يا تميم، إفتحي إنتي يا نور طب، أنا جعانه.
_لا إنتي مفجوعة، وأنا مراتي محتاجة تاكل وتتغذى هي وانتي عاملة زي الحانـ.ـوتي مبترحميش.
_واللهِ لهكلم ماما وبابا وأقولهم إنكم مجوعيني، أكشف راسي وأدعـ.ـي عليك بإيه يا تميم يا إبن أم تميم وإنتَ فيك كل العِبر.
_خشي نامي يا ساقـ.ـطة.
_داخله، يا رب نور تجوع بالليل تبلعـ.ـك وهيَ نايمة يا رب.
الحكاية العاشرة اضغط هنا
يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.