قصة ذهب – الفصل السابع
البارت السابع
قصة ذهب
البارت السابع
جمانه السعيدي
فراس…تعاي نرجع البيتنا
ذهب…لا اروح الاهلي
فراس…مايصير تتاذين بيتنا وانتي تنضفين ونرجعج الاهلج هيج
ذهب…عادي ماكو مشكله
رجعت للبيت وصلني ودخل وياي وكعد يعتذر الامي والابوي
بس اني بعد ماضربت الابره حسيت نفسي صرت احسن
توجعني بس مو كلش لان هاي الابره مهدي
راسا تمددت ونمت
الصبح من كعدت مشيت احس الوجع حيل خاف
راسا اجتني رساله
فراس…صباح الخير
ذهب…صباح الخيرات
فراس…شلونج اليوم
ذهب…تمام وراح ابدل واروح للدوام
فراس…اذا تعبانه لا ترحين اليوم
ذهب…لا احسن بهواي
فراس…اجي اوصلج
ذهب…لا اروح بلخط
بدلت ورحت للدوام كملنا محاضرات وطلعنا
طلعت برا الجامعه شفت فراس واكف
فراس….هلو ذهب
ذهب…هلو استغربت من جيته شكو صاير شي
فراس…لا ماصاير شي بس حبيت اطمن عليج
ذهب…هياتني امشي مابيه شي
فراس…الحمد لله تعاي اصعدي حتى اوصلج
ذهب…مااريد اتعبك
فراس…اي تعب ماكوووو يعني انتي تعبين علمودنا واني اذا وصلتج اتعب
ذهب…تمام صعدت
فراس…اني عازمتكم على الغدا
ذهب…جاي احس نفسي مسويه انجاز ترا اني متعوده على الشغل وحتى إذا اوكع عادي
حقك ماشفت وجهي بلمهر كرصني زنبور جوا عيني
ووجهي كله ورم اسبوع واني امشي تك عين
مع ذالك كنت اشتغل اني احب الشغل
جمانه السعيدي
فراس…ولو اني مصمم نتغدا سوا
ذهب…يعني ووين نروح بيتكم
فراس …بكيفج بيتنا تردين بمطعم
ذهب…لا نروح نتغدا احنا ورند سويه
فراس…تلكيها بعدها نايمه
ذهب…ميخالف انكعدها
طلعت تليفوني واتصلت على امي بلغته اني راح اروح وياا فراس نتغدا سوا احنا ورند
خاف اتأخر حتى لا تقلق عليه
مرينا بمطعم وفراس نزل جاب اكل جاهز كباب وتكه
ومقبلات وببسي
رحنا البيتهم فعلا رند بعدها نايمه رغم الساعه بثلاثة
خلينا الاكل بلمطبخ
اني رفعت رداناتي وبديت اجهز بلاكل
وهو واكف بصفي يرتب وياي
ذهب…ريحة الاكل طيبه اني كلش جوعانه
فراس…يله ناكل
رحنا كعدنا رند اجت لكت كلشي جاهز
كعدنا ناكل رند عابسه ولا تحجي بعدها نعسانه
كل شويه تتثاوب
واني وفراس نسولف ونضحك ما بقت سالفه ماحجينا بيها
بس كملنا اكل اني شلت ألمواعين وخليت الجاي
ورند راحت للصحيات ورجعت للغرفه
رند….نضفي المطبخ وياج ذهب قبل لا اطلعين
فراس….يله بله اسمعي
ذهب…عادي متعوده عليها
فراس…انتي منيين اجيبين هاي الروحه الحلوه المرحه
ذهب…طبيعتي اني شايله مسولية رند من هي زغيره
فراس….ينرادلي شويه طولة بال مثلج اني من اشوف تصرفاته هاي اتنرفز
ذهب…الجاي كمل خل نشرب جاي
كعدنا نشرب جاي
فراس…طيب هذا الجاي
ذهب…بلعافيه اذا طلع تعيينه تتعين
فراس…ليش لا اكيف
ذهب…توقعت تربد تفتح محل ذهب وتشتغل لان الراتب
مابي بركه
فراس…هيج اداوم اضمن الراتب وشغلي مثل ماهو
ذهب…. ممكن توصلني لان واري تنضيف وتحضير العشى
فراس…هسه نكمل جاي وواصلج
وصلني للبيت
بليل اتصل عليه
ذهب…الو
فراس…افتحي كامرا
ذهب…شكووو
فراس…افتحي كامرا
ذهب…فتحت كامرا شوفي منو احلى
مكان بي ملابس رجاليه وهو جاي يقيس
جمانه السعيدي
فراس…هذا القميص احلى لو هذا
ذهب….لا اللون الفاتح احلى
فراس…دقيقه وويا هاي الستره احلى لو وياا هاي
ذهب…وياا السوده احلى
فراس …شنو رائيج بهاي الحذاء
ذهب…ماكو غير لون
فراس…دقيقه اخي عندك غير لون
شوفي هاي اللوان
ذهب ….ثاني وحده حلوه
فراس….شكرا اني متأكد ذوقج حلو
ذهب…ليش ماتاخذ ذوق رند
فراس…صار ساعه اتصل يطلعلي مشغول
ذهب…ارجع للبيت دنيا ليل خطيه وحدها
فراس…اي هسه أحاسب وارجع للبيت تصبحين على خير
ذهب…وانت من اهل الخير
جمانه السعيدي
اليوم الي اروح بي الرند الكا فراس بلبيت يحير شيسوي
سوالف وضحك يشوفني برامج على موبايله
يحجيلي عن اصدقائه
اذا عندا طلعه ياخذ رائي
ينخبص بيه خبص ورند بغرفتها تطلع للصحيات وترجع تتمد لو على التليفون لو تكول اريد اطلع
وفراس يصمم اله اطلع وياهم
بهاي الفتره فراس بطل يشكي من رند طول مااني اروح الهم للبيت هو مرتاح نفسيا ومايشكي من رند ابد
حتى رند حست بهذا الشي
رند…ذهب الله عليج تعاي كل يوم
ذهب…اي خدامه بلاش
رند….ولله فراس بطل يتعارك وياااي
ونفسيته صارت احسن بهواي
ذهب…واني اشتغل عندج وعند فراس
بدت الامتحانات وتغيبت عنهم
كل يوم يتصل عليه اي حجه حتى نحجي سوا
حتلو عشر دقايق
يطمن على ادائي بلامتحان
اني كلبي مطمن من ناحيته لان هو زوج اختي
ونفسيته حلوه
معتبرته مثل اخوي عامر عادي عندي اذا يتصل لو نحجي سوا
الكلام بينا بحدود العقل والمنطق اني ابد مااشك بي
المهم اذا مااروح الهم
يتعارك وياا رند يسود عيشته حتى هي تتصل على امي
وتضغط عليها
وامي تضغط عليه واروح الهم
بس اني ابد مو ابالي هاي تصرفاته متعمد
كنت اعتقد يجزع من رند وبتعارك وياها
كام يتررد عليه بلكليه بحجة اوصلج
جمانه السعيدي
رغم اني مسجله بلخط بس اني مطمنه اله اصعد وياا
يوصلني
صارت علاقتي بي قويه بحكم اني عدهم كل الوقت
وهو يحجيلي كلشي
خلصت هاي السنه ونحجت ولله الحمد
تفاجئت بي جايبلي هديه كلاده ذهب ناعمه زنجبيل خناكي ضعيف وفراشه زركه زغيره كلش حلوه
انطانيها كدام رند وكال هاي هدية نجاحج
ولو قليله بحقك هلكد ما تعبانه ويانه
اتفاجئت الصراحه ماتوقعت يجيبلي هيج شي
بس اخذتها لان هو صمم
بلعطله اجاني واحد تقدملي شخص جدا محترم
مهندس متخرج ومتوضف
راتبه محترم وعندا سياره وحيد على ثنيين خوات
ثنيينهن مزوجات باقي بس هو وأمه بلبيت
شايفني بلصدفه مره طلعنا اني وامي رايحين للمستوصف
وهو جان بلمستوصف
باقي يمشي ورانا منا لمن وصل للبيت
بعدين دز امه تشوفني
امه حيل اقتنعت بيه بس اني كنت متردده
علمود الدوام اريد اكمل دراستي
امي…وافقي ونشرط علي تكملين دراستج
ذهب…خاف مااكدر اكمل
امي…خوش ولد ليش اضيع منج هاي الفرصه
ذهب…زين نعقد ومن اكمل كليه نزوج
امي…ينتضرج بعد ٣ سنوات
ذهب…اذا يعجبه ينتضر خاف ازوج وصير عليه مسوليه
ومااكدر اكمل
بابا…بلاول خل نسئل عنه راح اكلف فراس يسئل عنه
اذا طلع خوش ولد نشرط علي تكملين دراستج
يابويه اني كبرت وماليه حيل مثل قبل وأهم بيج ليل نهار
اربدج تزوجين واطمن عليج
للحكايه بقيه تفاعل حلو مثلكم
الفصل التالي: اضغط هنا
يتبع.. (قصة ذهب) اضغط على اسم الرواية لتجد الفهرس كاملاً بجميع الفصول.