رواية وحدي في المستشفى الفصل الخامس والاخير 5 – بقلم ملك ابراهيم

كان زياد قاعد علىٰ الكرسي وقصاده خالد وراضي مربوطين وقاعدين علىٰ الارض ودا بفضل طاقم الممرضين إللي قدروا يسيطروا عليهم لما حاولوا يهربوا، وبدأ خالد يتكلم ويقول بعصبيـ.ـة:-

_زياد خلينا نخرج انا وراضي ومش هتشوفوا وشنا تاني، لكن لو البوليس إتدخل صدقني مش هتعيشوا يوم واحد!.

_صدقني يا خالد، يإللي محصلتش لا شخص وفي ولا خُلخال حتىٰ، تعرف إن رقابتك الجميلة دي هتتلف في حبل المشنقـ.ـه وهخليهم يحطوا علىٰ قبرك يافطة عليها جملة جميله أوي وهتكون “الزوز جاب حق الميـ.ـت من العايش!.

وكان خالد لسه هيتكلم لقىٰ فجأة الشرطة بتدخل وبيقف قصاده ظابط وبيسأله بمنتهى الجمود:-

_إنتَ دكتور خالد المسلمي؟!، معانا أمر ضبط وإحضار!.

_متقولش دكتور يا جدع، دا المهنة متبرأه منه واللهِ!.

وبالفعل أخدوهم ولَكِن فجأة زياد بينده علىٰ خالد علشان يستنى، وبيروح ويقف قصاده وهو بيقرب من ودانه وبيهمس وبيقوله:-

_صدقني يا خالد، هتشوف حواليك كل الميتيـ.ـن، صورهم، عيونهم، أعضـ.ـائهم، هتعرف إنك خاين لمهنتك، ولنفسك، ولدينك، هتعيش مذلـ.ـول وتمـ.ـوت وحيد، أهلك ومراتك مش هيفكروا يبصوا في وشك!ولا حتى هيترحمـ.ـوا عليك!.

وبيديله ضهره وبيمشي في اتجاهه لغرفة معينه، بينما كان خالد ماشي مع الشرطة وكل مره بيفتكر كلام زياد وبيرن في ودانه وهو بيقوله:-

_هتعرف إنك خاين لمهنتك، ولنفسك، ولدينك، هتعيش مذلـ.ـول وتمـ.ـوت وحيد، أهلك ومراتك مش هيفكروا يبصوا في وشك!ولا حتى هيترحمـ.ـوا عليك!.

وفجأة خالد بينهار وهو بيسحب السِـ.ـلاح من العسكري وبيصوبه تجاه راضي وبيخلص عليه برصاصـ.ـه في قلبه! وبعدها بيصوبه تجاه راسه وهو بيغمض عينيه وبيدوس علىٰ الزِناد وفورًا بيقع علىٰ الارض غرقـ.ـان في د.مه!.

___________________

_عامل إيه يا عبد الحميد؟!.

_الحمدلله يا باشا، نحمد ربنا إنك لحقتني ، خدوني علىٰ خوانه والله، كنت همـ.ـوت وأسيب الوليه والعيال وملهمش غيري واللهِ دا انا مقطـ.ـوع من شجرة!.

_متخافش هو بس من الصدمة دكتور محمد شافك ميـ.ـت لكن الرصاصـ.ـه الحمدلله في الكتف ومكنتش عميقه وفوقت خلال كام ساعه أهو، يالا قوم بقىٰ علشان تقولي أيـــــــــــــــــــــــوه جاي!.

_من عيوني يا باشا، ربنا يديمك يا رب!.

وفضل زياد يتكلم مع الممرض عبد الحميد وبيضحكوا على مواقفهم، لحد ما دخل عليه دكتور محمد وهو بيتكلم بسرعة:-

_زياد إلحق! فيه واحد جاي هِنا وبيقول إنه زوج المريضه إللي إسمها ملك، ومصمم ياخدها!.

_هو فين دلوقتي، إنطق؟!.

_اخر مره سيبته من كام دقيقة كان رايح ليها.

_تعالى ورايا بسُرعة وروح كلم الشرطة تاني هيَ ليلة مش هيطلع ليها شمس باين!.

_____________________

_بقولك يا خالتشي، أنا هبيت عندك إنهارده علشان الوقت متاخر!.

_لا بقولك إيه يسامية لحد دلوقتي أنا مستحملاكي إنتي وريحتك المعفنـ.ـه روحي ياختي إستحمي وحطي مزيل عرق، أصله مهم أوي في الصيف واللهِ!.

وقامت جدة زياد وهيَ بتمسكها من إيديها وبتخرجها برا البيت وبتقفل الباب لكن فجأة بتسمع صوتها وهيَ بتقول بكل غِـ.ـل:-

_كدة يا ست يا شايبه يا عايـ.ـبه! دا أنا مستحمله وش إللي خلفوكي علشان بس سي زياد غير كدة هتجوزه وهخليه يرميكي برا في الشارع يشحـ.ـاته!.

بتفتح الباب وهيَ بتمسكها من شعرها وبترميها علىٰ الارض وبتقعد فوقيها وبتضـ.ـربها وبتقولها:-

_بقىٰ أنا شايـ.ـبه يا بنت كوم شكاير الحميـ.ـر، دا أنا هخليكي تنهقي إنهارده، تعاليلي بقىٰ.

بدأت سامية تصـ.ـرخ من الألم وهي بتقول:-

_يا خرابـ.ـي يا ناس، إلحقوني يا ناس الست العبيطة دي مش عاوزة تسيب شعـ….

ولسه بتكمل كلامها لقت جدة زياد باروكة بتطلع في إيديها، بتبص ليها وبتقولها بسخرية:-

_إي دا يا سامية يا كارته، الباروكة طلعت في إيدي! كمان عملالي فيها مارلين مونرو وإنتي أخرك فار جربـ.ـان ومطلعتيش من البلاعـ.ـه!.

الجيران اتلمت وبدأو يحاولوا يبعدوها عنها لحد ما طلعت من تحت إيديها وهي بتجري، وفضلت جدة زياد بتقول:-

_يا بايـ.ـره يا عانـ.ـس لو هوبتي ناحية بيتي هشرحـ.ـك!.

وفجأة رجعت لطبيعتها تاني وهي بتبص لجيرانها الستات وبتقولهم بهدوء:-

_صحباتي حبايبي وحشتوني تعالوا ناكل جوا ونسهر شويه!.

____________________

_هتيجي معايا غصـ.ـب عنك يا ملك مش هسيبك!.

وبدأ يشدها من إيديها ويخرجها بالغصب ولما فتح باب الأوضه لقى قصاده زياد وهو مربع إيديه وبيبص ليه ببرود شديد، وبيقوله:-

_إنت مين يا جدع إنتَ؟!.

_إنتَ مال أمـ.ـك؟! أنا جوزها.

بتبص ملك لزياد وكإنها بتتوسله وهي بتقوله:-

_متسيبنيش يا دكتور زياد، هو إللي إللي….

_هو إللي إيه يا مدام ملك؟!.

بتتكلم ملك بتوتر وهي بتقول:-

_هو إللي وداني المشرحـ.ـة!.

_إنت لو مبعدتش عن طريقي هقتلـ.ـك.

بيطلع زياد مشـ.ـرط من جيبه وهو بيحطه علىٰ وريد معين في رقابته وبيقوله بهدوء:-

_طب هنشوف مين هيقتـ.ـل مين بقى!.

وفجأة لقىٰ كذا عسكري داخلين ياخدوا زوج ملك، وبالفعل قدروا يتحفظوا عليه، وبيتكلم زياد وبيقول:-

_غـ.ـوروه لحد ما نشوفها!.

_إحكيلي يا مدام ملك، ليه هيجيبك بمكان زي دا ويساهم في قتلـ.ـك؟!.

_إسمه عُمر المُرسي، إتجوزنا من أربع سنين، إكتشفت إن ليه عِلاقات متعددة كتيرة أوي، لحد ما في يوم لقيت ورق كتير يدينه إنه فاسـ.ـد، وبيستخدم شركته ساتر علشان يخبي عمايله، اخدت نسخه من الورق دا وخبيتها لحد ما حس وعرف، وفي يوم قالي إن مامته ماتـ.ـت في حـ.ـادث، ولازم يروح يشوفها في المشـ.ـرحة! وقالي احاول اسانده واروح معاه، وروحت بالفعل واول ما دخلت غـ.ـدر بيا هو ودكتور خالد ونزلوني تحت، وكان عاوز ياخد تمن اعضـ.ـائي، أخر حاجه سمعتها قبل ما أغيب عن الوعي إنه أتفق معاه انه يتخلـ.ـص مني!.

_طب وفين أهلك؟!.

_اهلي عايشين في كندا، مليش حد هِنا!.

_خلاص محتاجين الورق دا علشان نقدر نظبط الدنيا معاه، وبإذن الله ياخد تأبيده هو وخالد حتىٰ يا حِتة!.

بيتكلم دكتور محمد وهو بيقول:-

_خالد قتـ.ـل راضي ومـ.ـوت نفسه يا زياد.

_عاش خايـ.ـن، ومـ.ـات كافـ.ـر!.

_خلاص سلمي الورق انهارده على الأقل علشان جوزك ياخد اجمل تأبيده، ماشي يا حِتة؟!.

_إنتَ اكيد دكتور علـ..

_دكتور على ما تفرج صح؟!.

_عرفت منين؟!.

_اتقالت ليا كتير يا حِتة، بس غلبتيني معاكي يست ملك، كنتي ليلتين ورا بعض تجري ورايا وتلعبي معايا سابواي!.

_بس إنتَ خلتني أعيش من تاني.

_لامؤاخذه يا حِتة، بس ربنا أراد ان لسه ليكي عُمر، أنا مُجرد سبب مش أكتر، بس منكرش إنك حِلوة.

_ميرسي، وأنا برضو مبسوطة إني عرفتك!.

_المُهِم بُصي يا حِتة، دلوقتي بقيتي صحتك بومب، تقدري تمشي وتشوفي حياتك، وبالنسبه للورق هتبعتيه انهارده مثلًا زي ما قولتلك على قسم الشرطة إللي جنبنا على طول، وبكدة الدنيا بقت تمام.

_أنا هرفع دعوة خُلـ.ـع ولما اكسبها، هسافر كندا لأهلي بإذن الله، ومش هرجع تاني.

_موفقة يا رب.

_____________________

وبعد مرور سنتين!.

كان زياد خارج من الحارة وهو بيشوف عربيته إللي جابها مؤخرًا بتعبه وشقاه، وركبها وبدأ يتحرك بيها لحد ما بعد وقت وصل قصاد المستشفىٰ وهو ماشي تليفونه بيرن، بيطلعه وبيرد عليه وبيقول:-

_أيوه يا ستي، خير.

_عاوزة إيه؟! خوخ!! طب دا مش الموسم بتاعه! وكمان عاوزة زبادو، إنتي بتسنني يا ستي ولا إيه؟!.

_طب خلاص من غير شتيـ.ـمة! هجيبلك قفص بحالة بس إدعيلي اخلص شغل.

واثناء ما كان بيكلمها لقى فجاة عربية ظهرت قصاده ووقف عربيته بأعجوبة وبص للعربية التانيه بنظرات غضـ.ـب ونزل منها وهو متعصـ.ـب وبيقول:-

_مبتعرفوش تسوقوا بتركبوها ليه؟!.

بتنزل هيَ من العربية وبتخلع نضارتها وهي بتبصله بصدمة وهما بيتكلموا وبيقولوا في نفس واحد:-

_إنتَ/إنتي تاني؟!.

تمّت بحمد الله♡.

_سؤال مهم:-حابين الحدوتة الجديدة تكون تصنيف إيه؟!.