رواية مرت اعوام – الفصل الخامس والثلاثون
الفصل الخامس وثلاثون والأخييير
مرت أعوام part 35 الاخير ❤
; في فيلا هشام وفريده
كانت فريده تتحدث في الهاتف مع شفق وتقول : والله طبعان عيني من الصبح يا شفق حتى لسه من ساعتين راجعه من المستشفى انا وهشام اصل ياسين السنان الاماميه بتاعته طلعت اهي
شفق : ماشاءالله ربنا يحميه يارب ، انا بقى يا ستي من ساعة ما نور خدت التطعيمات وهي عياط وزن ليل ونهار وفؤاد مبيعرفش ينام منها والله بيصحى الصبح للشركه بالعافيه ف لما لقيت الوضع صعب كدا اتصلت على ماما قولتلها تيجي تقعد معانا وفؤاد الله يكرمه رحب بيها ، انتي عارفه من ساعة ما قدمت استقالتي ف الداخليه وهي وبابا ع طول لوحدهم
فريده : ما حق باسم رجع يا شفق واللي قتله اتعدم كنتي هتعملي ايه زياده في الداخليه بيتك وبنتك اولى ، بس هي هتتعبط فترة التطعيمات ولما تفطميها بس اما تكبر شويه كدا هترتاحوا شويه ، المهم متتأخروش انا تبلت اللحوم بتاعت الشوي ومستنياكم
شفق : حاضر بس هريح نص ساعه بعدين احمي نور وارضعها واغيرلها ونيجي حتى يكون فؤاد رجع من الشركه
فريده : ماشي مستنياكم هقفل انا عشان اتصل على غنوه
أغلقت فريده مع شفق وقامت بالاتصال بغنوه ولكنها لم تتلقى رد ف قامت بالاتصال مره أخرى
;في فيلا جيمي
كانت غنوه تحاول اغلاق باب الحمام وجيمي يحاول فتحه ويقول : والله ما هسيبك انهارده كل ما احط حاجه حلوه ف الثلاجه تاكليها مليت الثلاجه والبيت حلويات خلصتيهم
غنوه بغضب طفولي : مستخسر فيا اخص عليك
جيمي : دا انتي اللي مستخسره فيا دا مبدوقش حاجه ابدا بجيبها
غنوه : تستاهل عشان كسرتلي الروج والمكياج بتاعي
جيمي : عملت كدا لما سعادتك قطعتي سلك التليفزيون وانا بتفرج على ماتش الاهلي
غنوه : وانا عملت كدا ليه ؟ مش عشان كسرتلي كعب جزمتي
جيمي بنفاذ صبر : طب امسكي الفون ردي
التقطت غنوه منه الهاتف من وراء باب الحمام وردت : فرييده الحقيني جيمي هيموتني
جيمي وهو يشد شعر رأسه : يارب صبرني على ما بلتني
فريده : ههههههه حرام عليكي يا غنوه هتجننيه
غنوه : اخص عليكي يا ريدا حتى انتي واقفه ف صفه
فريده : طب بطلوا جنان عشان انا وهشام بنروق الفيلا اهو ومستنيينكم عشان العزومه
غنوه : هنلبس وجايين حاضر
أغلقت فغنوه معها ثم خرجت وذهبت الى غرفتها لتبدل ملابسها تبعها جيمي وبدل ملابسه ايضا ف قالت غنوه : مش واجب برضو ناخدلهم حاجه واحنا رايحين ؟
جيمي : اول مره تقولي فكره كويسه ، اقترحي عليا ناخد ايه
غنوه : تورتايه مثلا او علبة جاتوه او شوكولا
جيمي : انسيي عشان مش ناقص فضايح هناك هجيب ورد لفريده ولعبه لياسين وقضي الامر
نطت غنوه على الارض بقدميها ف قال جيمي : اياااكي تنطي تاني بالمنظر دا متنسيش انك حامل
; في فيلا فؤاد
دخل غرفته بعد ان عاد من العمل وجد شفق نائمه ف قال : ايه يا حبيبي مش فيه عزومه هنروحها
شفق بنعاس : هريح نص ساعه بس بنتك مش بتخليني انام
فؤاد وهو يمدد ظهره بجانبها : طيب
وضعت شفق يدها على وجهه فؤاد ف ابعدها ثم وضعت قدميها على ظهره ف أبعدها لكنها احتضنته من عنقه حتى كاد يختنق ف قام بغضب وهو يقول : اييييه يا ست الاخطبوط انتي اتهدي شويه
شفق وهي تقوم وتقذف المخده عليه : انت مزعج انت وبنتك مبقتش عارفه انام منكم
وقامت لتبدل ملابسها
; في حديقة فيلا هشام وفريده
كان الرجال الثلاثه يشوون اللحوم والثلاث فتيات يجلسون على الطاوله من تقطع المكرونه ومن تعد السلطه وفجأه قالت شفق : عارفين يا بنات
فريده وغنوه : اييه
شفق : برغم ان بيبقى فيه مشاكل هبله بيني وبينه بس بجد احساس انك تشاركي حياتك مع شخص بتحبيه وهو بيحبك احساس حلو اوي
فريده وغنوه وهم ينظرون لرجالهم : معاكي حق
جاؤ الثلاث رجال ومعهم اللحوم المشويه وجلسوا على الطاوله كل رجل بجانب زوجته ❤
” الجواز ك فكره مش وحش زي ما البعض بيقول ، بس هو متوقف على اختيارك للشخص الصح وعدم تسرعك ، دا هيخلي جوازك ناجح او لاقدر الله فاشل ودا برضو متوقف على انك تكون سعيد او تعيس وبائس ” ❤
مرت أعوام انتهت وكل اللي كانوا متابعينها واحد واحد هتوحشوني وبحبكم جدااا مش هعرف اعملكم كلمم منشن بس اكيد عارفين نفسكم وبجد انتوا الحاجه الحلوه اللي في حياتي .. ربنا يجعل كل ايامكم سعاده ❤
《 THE END 》 ..
- اقرا ايضا روايات روزان مصطفى من هنا
الفهرس (رواية مرت اعوام) اضغط على اسم الرواية لتجد الفهرس كاملاً بجميع الفصول.