رواية مرت اعوام – الفصل الثالث
الفصل الثالث
《إشتقت إليك أيها الغريب 》 ❤
Part 3
ترك هشام يد فريده ببطيء وهو ينظر إليها بغضب شديد وبعدها دلكت فريده يدها بألم ثم انصرفت مسرعه إلى مكتبها فيما إلتفت هشام إلى فؤاد وهو يقول ببطيء : إتأخرت ليه !
ضيق فؤاد عينيه قليلا محاولا استيعاب غضب هشام ثم قال : كان في ورق مهم ف الشركه بخلصه قبل ما اجي ، ممكن افهم ايه معصبك وليه كنت ماسك ايد الدكتوره دي كدا ؟
أخذ هشام نفس عميق وهو يغمض عينيه ثم قال بغضب مكتوم : عشان بني ادمه غبيه ولسانها طويل بتتكلم باسلوب محدش يستجرى يكلمني بيه او يرفع عينه حتى فيا ف تيجي المفعوصه دي تعمل كدا
فؤاد : بس بالهداوه دي مهما ان كان بنت وواضح انك وجعتها وايديها اتكسرت ف ايدك
هشام : اقفل سيرتها خالص دي لسه حسابها معايا ، جبت فلوس المستشفى من الشركه ؟
فراد : اه متقلقش ودفعتهم ف الحسابات ، تحب تيجي نشرب قهوه ؟
هشام : احنا ف ايه ولا ف ايه ، تعالى الفيلا نجيب حجات لبابا عشان شكله هيطول هنا
فؤاد: يلا بينا
في مكتب فريده
كانت تجمع اغراضها من المكتب الى حقيبتها وهي تبكي بصمت وشعرها يتناثر على وجهها فيما دلفت ليلى صديقتها الى الغرفه وهي تقول بتعجب : ايه دا انتي هتمشي ؟
قالت فريده وهي مخفضه رأسها وتجمع الاشياء بحقيبتها : اه انا إستأذنت من دكتور فاروق انا مش قادره اعمل اي حاجه
ليلى: طب وجمال بيه وهشام بيه !
وضعت فريده حقيبتها بعنف على المكتب وقالت بصوت عال : طز فيهم اساسا !
اندهشت ليلى من فريده ف قالت : شكل اعصابك تعبانه فعلا تعالي طيب اوصلك بعربيتي
فريده : لا شكرا هاخد تاكس واما اروح واهدى هبقى اكلمك
ليلى : خلي بالك من نفسك واهدي يابنتي
خارج المشفى
تقف فريده في انتظار اي وسيلة مواصلات ولكنها لا تجد بدأت تتأفف وتلعن ذلك اليوم السيء وحظها العاثر ، لمحها فؤاد ف قال في داخله : مش دي الدكتوره اللي هشام كان ماسك ايدها !
ف نظر اليه هشام وهو يفتح باب سيارته وقال : ما تركب في ايه !
فؤاد : اسبقني انت يا اتش ع الفيلا هعمل كام حاجه واحصلك
هشام : بس متتأخرش
فؤاد : ماشي
ركب هشام سيارته وقادها سريعا فيما اغلق فؤاد سيارته واتجه ناحية فريده
فؤاد : صباح الخير
فريده : …
فؤاد اتفضلي انا هوصلك مفيش مواصلات دلوقتي وشكلك مرهقه
فريده : …
فؤاد : ع فكرا انا تبع هشام بيه واعتبر صديق عمره هوصلك بدل وقفتك دي
فريده بنفاذ صبر : هي العيله دي ورايا ورايا يا سيدي تغور التوصيله اللي تيجي منكم سبني بقى
فؤاد : متعودتش اجرح ولا اعلي صوتي على بنت ومقدر اسلوب هشام معاكي بس والله هوصلك مستحيل اسيبك هنا
سحبها واتجهوا الى السياره جائت فريده لتركب بالخلف ف فتح فؤاد الباب الامامي المجاور لمقعده وقال بابتسامه : يرضيكي الناس تشوفني سواق الهانم والجو دا اركبي جمبي طبعا
ابتسمت فريده من خفة ظله واناقته ورقيه في التعامل معها ف ركبت بجاوره في الامام وضع يده خلف مقعدها ونظر الى الوراء ليحرك السياره ف وجد ثقلا على صدره نظر وجد فريده سقطت مغشي عليها على صدره ورأسها عند عنقه ف اتسعت عيناه دهشه وقال : الله يخربيتك يا هشام البت وقعت من طولها !
أكمل ولا لا ؟ رأيكم ف البارت وف الروايه عامة ❤
#مرت_أعوام
#نهله_جمال《إشتقت إليك أيها الغريب 》 ❤
الفصل التالي: اضغط هنا
يتبع.. (رواية مرت اعوام) اضغط على اسم الرواية لتجد الفهرس كاملاً بجميع الفصول.