رواية عشق للأبد الفصل العاشر 10 – بقلم سولييه نصار

الجزء العاشر♥️

عيونها اتوسعت بصدمة كبيرة وهي شايفاها قدامها …..

ابتسم هاشم وقال:

-فاكراها يا ام مرام ….

بصت مرام لامها بحيرة وقالت؛

-دي الخدامة اللي كانت شغالة في الفيلا ومشيت من قريب …..ايه علاقة امي بيها ……

قرب هاشم من كرسيه وقعد وبصلي وانا لسه محتار ايه اللي بيحصل هنا ….غمضت عيني واتنفست بهدوء وقولت وانا بحاول منفعلش:

-ممكن تقولي فيه ايه يا جدي؟!عشان انا مش فاهم حاجة …طلبتني أنا وزهرة ممكن اعرف فيه ايه وبلاش الالغاز دي يا جدي…..

-حاضر يا كريم …

قالها جدي بهدوء وبعدين بص لوالدة مرام وقال:

-الهانم اللي جوزتها ابني وعاملتها زي بناتي حاولت تقتلني عن طريق مريم خدامتنا القديمة

…من بجاحتها ادت لمريم فلوس عشان تحطلي السم في الاكل بتاعي  ده في الوقت اللي حكمت عليك تتجوز زهرة

-ايه !!!

قولتها بصدمة فشهقت مرام بصدمة وقالت:

-انتي عملتي كده بجد يا ماما …ليه بس !!!,

أنا كنت مصدوم وانا بنقل بصري بين مرام  ووالدتها ….بصتلي مرام وقالت:

-والله يا كريم أنا مليش دعوة بالكلام ده …

وبعدين بصت لأمها وهي بتصرخ :

-انتي معملتيش كده صح يا ماما!!!

-انا عارف يا مرام ان ملكيش دعوة باللي أمك كانت بتخططله  بس ميمنعش انك برضه كنتي بتخططي أنك تتجوزي كريم عشان فلوسه مش عشان بتحبيه ….

وشي بهت وانا ببص لمرام اللي ارتبكت ….

-مرام

قولتها بصدمة وانا ببصلها فكمل جدي كلامه وقال’

-اسمع القصة من أولها …أنت حبيت مرام واختارتها ورغم اني كنت عارفة ان والدتها انسان جشعة يهمها الفلوس وبس وده كان واضح للكل لما كانت بتعصي ابني الله يرحمه عليا وزقته عشان اكتبله جزء من املاكي وكان عايز يورثني وانا حي …بس أنا محبتش اخد البنت بذنب امها خصوصاً ان مرام كان واضح انها كويسة وبتحبك ..لكن في يوم غيرت رأيي لما سمعتهم وهما بيخططوا ياخدوا ورثي ازاي بعد ما تتجوزك …وانها هتمشي على نفس خطى والدتها لما تتجوزك …تقنعك ان يكون ليك كل حاجة ….وتعصيك عليا زي ما عملت امها وانا كنت مستحيل ارتكب نفس الغلطة عشان كده اتفقت مع زهرة على اللعبة دي انها تقرب منك وهي اللي خدرتك واقنعتك ان حصل بينكم حاجة عشان احميك …قولت وقتها لو مرام عقلت وبعدت عنك مش هتكلم لكن لما مريم جات وقالت على اللي ان مرام عايزة تعمله قررت اكشفهم قدام الكل…وكمان بسبب ان زهرة قررت انها مش عايزة تكدب اكتر من كده ….يا كريم لو عايز تطلق زهرة طلقها وهي معندهاش مانع …ولو عايز تتجوز مرام معنديش مانع…بس في الوقت اللي تحاول تقلبك عليا هطردك انت وهي في الشارع…وانت قرر!!