رواية عشق للأبد – الفصل السابع
الجزء السابع
عينيها وسعت وهي بتقول :
-يعني ايه مش فاهمة؟!
ضحكت وانا بقرب منها وبقول ؛
-ايه يا بيبي معقول مش فاهمة …أنا خلاص هعمل اللي انتي عايزاه ….
قربت اكتر وشدتها ليا وانا بشيل الفوطة من على شعرها عشان شعرها الجميل يتفرد قدامي ….كانت بترتعش بتوتر وهي مخضوضة اقدر اقول اني صدمتها…أخيرا شوفت تعبير تاني غير القوة والخبث …كنت مستمتع بالحالة اللي هي فيها …الذهول والصدمة …
حاولت تفك نفسها وتبعد عني بس انا شدتها اكتر وانا بلمس شعرها بلطف ….
-ابعد لو سمحت …
قالتها بأدب فرفعت حاجبي اليمين وقولت:
-الله مش ده اللي كان نفسك فيه …اني اكون ملكك وألمسك…مش ده اللي كنتي هتموتي عليه…أنا اهو بقولك أنا هستسلم ..عايزة ايه تاني ؟!!!
حسيتها اتهزت ولكن بسرعة رجعت ملامح الخبث وهي بتحط ايديها حوالين رقبتي وقالت:
-اكيد يا روحي ده اللي كنت بحلم بيه من زمان …بس….
رجعت لورا وهي بتبعدني وبتكمل:
-انت كسرت قلبي بصراحة بسبب معاملتك وانك بتجري ورا مرام لازم اتأكد الاول انك شيلتها من دماغك وبعدين هكون كلي ليك ….
رمشت وانا بقول :
-يعني ايه مش فاهم …انتي بترفضيني ….
-يوه هو انا اقدر اعمل كده يا بيبي ؟
قالتها وهي بتضحك وبعدين قربت وهي بتلمس خدي وبتكمل :
-انا عايزة بس اضمن اني انا اللي في قلبك ..
شاورت على قلبي وكملت:
-وفي عقلك كمان وهي بتشاور على عقلي ….ده حقي يا كريم مش كده ؟
اتنفست بضيق طلعت أصعب مما اتصور افتكرت أنها لما اقولها كده هتركع تحت رجلي ….
حاوطت رقبتي مرة تانية وقالت:
-وعشان تثبت حسن نيتك معايا هتعزمني على دريم بارك دلوقتي وانا موافقة مبدئياً….
-دريم بارك ؟!
قولتها بصدمة فهزت رأسها وابتسمت …….
……
بعد وقت طويل نوعاً ما …
وقفت أنا وهي جنب بعض قدام دريم بارك كانت بتتنطط جنبي زي الاطفال الاشقياء وقالت ؛
-يالا نركب قطر الموت …يالا …
قالتها بحماس فبصتلها بصدمة ؛
-عفوا ن الجماعة دي تعود عليا انا وانتي ..
هزت رأسها بحماس فقولت وانا بضحك بصدمة:
-لا أنا النوع ده من الجنان لسه موصلتلهوش ….روحي انتي بالتوفيق يمكن تموتي ونخلص ..
ضحكت وهي بتشدني وبتقول:
-يالا متبقاش جبان …
……
بعد شوية …
كانت بتضحك وهي مسكاني وانا دايخ وقالت :
-انت طلعت جبان اووي …لا انت عمرك ما هتكون زيي بتحب المغامرات…انت واحد بتخاف على حياتك جداً…
-عشان عندي أهل تخاف عليا مش زيك ؟
بهتت فجأة بس بسرعة رجعت لطبيعتها وهي بتمسك ايدي تاني وبتقولي:
-مقبولة منك يا روحي ….
…………..
تاني يوم …
-لا لا يا جدي ..أنا سمعت كلامك لحد دلوقتي بس اكتر من كده انا مش هعمل …حفيدك ده بيحلم لو فاكر أنه هيحط أيده عليا !!
قالتها زهرة لهاشم اللي كان قاعد وحاطط أيديه على. خده
الفصل التالي اضغط هنا
يتبع.. (رواية عشق للأبد) اضغط على اسم الرواية لتجد الفهرس كاملاً بجميع الفصول.