رواية عشق لا يقبل التحدي الفصل العشرون 20 – بقلم سعاد محمد سلامة

(20)

كانت غاده تشعر بنيران تحرقها عندما اخبرها عابد انه سيقيم زفاف له مع سلمى بعد يومان

💨💥💨💥💥💨💥💨💥💨💫

اكتملت تجهيزات الزفاف بوقت قياسى

ليقام الزفاف بأكبر قاعات أكبر فندق ببورسعيد  وسط حضور طاغى لكبار الشخصيات ورجال الأعمال والسياسين بالبلد

فى غرفة العريس 💝

كان يجلس معه أخيه منتصر وساهر يتجاذبون الحديث المرح فيما بينهم وكان يشعر بسعاده عارمه فأخيرا سيزف إلى مهرته الجامحة  التى ارهقته بحبها وحارب ليفوز بها

دخل والده برفقة عمه

ليهنئاه ويتمنيا له السعاده

ليقف ساهر متجها إلى أبيه قائلا بمزاح

عاش من شافك يا رؤوف باشا إنت مبتنزلش بورسعيد غير فى المناسبات فقط

ليضحك رؤوف ويقول هو في مناسبة أحلى من زفاف عابد دا أنا عمرى ماكنت أصدق إن عابد يعمل إلى عمله علشان واحده ونازل مخصوص علشان اشوفها ليضحك عابد

ليقول ساهر مازحا مبقاش فى العيله عازب غيرى

ليرد عمه رفعت عقبال ما نجوزك علشان تتلم

ليرد ساهر والله أنا اتلميت ومبقتش بسهر بره البيت واللعب القديم بطلته حتى أنا ومنتصر بقينا من الفيلا للشركه فقط

ليقول عابد باستغراب بصراحه أن مكنتش مصدق بس إيه سبب التغير

ليقول ساهر سبب التغيير نفس سبب تغييرك

ليقول منتصر باستهزاء يعنى فيه واحده هى السبب أكيد مجنونه  او مهفوفه زيك

ليقول ساهر والله الطيور على أشكالها

ليدخل وجيه مهنئا لعابد قائلا

أخيرا هحضر فرحك دا لغاية دلوقتي مش مصدق

ليضحك الجميع ويقول ساهر والله ولا أنا

ليقول وجيه محدثا ساهر عقبالك مبقاش إلا إنت

ليقول ساهر أدعى لى يمكن أطلع من الفرح بعروسه

ليقول وجيه ايه ده أنت غيرت منه ولا فى واحده أنا وصلنا إشاعة إنك بقيت مستقيم مصدقتش

ليقول ساهر لأ صدق خلاص توبنا إلى الله وندمنا على مافعلنا

ليقول منتصر لأ دا كده يبقى فى واحده قولى وأنا اخطبهالك

ليقول ساهر بتأكيد هو من ناحية إنك هتخطبهالى فدا أنا متأكد منه بس خليها لوقتها

ليقول رؤوف بسخرية سيبوه وخلينا فى عريس الليله إلى هيشرفنا ولا أيه ياعريس

ليبتسم له عابد ويقول بغرور طول عمرى مشرفكم والنهارده الشرف هيزيد

ليقول وجيه بمزاح لأ غرور النهاردة منصحكش سلمى موافقة عليك بالاجبار خلى الغرور بعيد عنك الليله

ليقول عابد والله عندك حق

***

بغرفة العروس💞💖

يقف ثلاث زهرات برفقتها بعد أن انتهت من زينتها يتحدثون بفرح فهى المهره العنيدة التى فاز بها خيال حتى أن فستانها كان يشبه المهر الأبيض ببساطته واناقته

لتقول لمار عابد أول ما هيشوف سلمى بالفستان ده هينسى نفسه

لترد رحيل بتأكيد ينسى إيه دا مش بعيد يسيب الفرح ويهرب بيها وبعدين هو ناسى نفسه اصلا

لتبتسم لمزاحهم سلمى

لتقول لمياء المره دى تفوقتى على نفسك يالمار الفستان يهوس على سلمى

لتقول لمار أنا بقالى اكتر من سنه وأنا بصمم فيه ومفيش فى خيالى غير سلمى هى إلى تنفعه علشان هى تشبه المهره البيضه الجامحة بس عابد الوحيد إلى عرف يروضها

لتقول سلمى بسخرية و يروضنى ليه كنت ماشيه أدوس على حد كان سابنى جامحه علشان يمكن كنت دوست على لسانك

لتقول لمار أنا مش عارفه لسانى مغلبكم فى ايه

لتقول لمياء بسخرية لسانك دا ماشى بنقط سم وفتنة بذمتك فى سر بتعرفى تداريه

لتقول لمار آه فى سر لما جالى كليه الحقوق خبيت على ماما واذا ماكنش البنت تقى هى إلى قالت لها ماكنتش هتعرف ولاتعاقبنى بالحبس أسبوع فى البيت مع الشغل

لتقول رحيل أمال أما تعرف إنك مش بتحضرى المحاضرات  هتعمل ايه

لتقول لمار ولا حاجه طالما بنجح وعابد قايم بالواجب ومظبطنى فى الجامعه أنا لو قولت له خليهم يطلعونى الأولى هيوافقوا وبعدين هى مش عايزه الشهادة أنا هديها الشهادة واشتغل إلى عايزاه

لتدخل صفاء عليهم وتقول بقوه وايه إلى الاستاذه عايزاه

لتتعلثم لمار وتقول ماما إنت هنا من امتى

لتقول صفاء من زمان وأنا هنا وسمعت كل كلامك

لتقول لمار بخوف

أنت عارفه من زمان انى بحب تصميم الازياء دا حتى أنا إلى صممت لتلاته دول فساتين زفافهم وأنا كمان ناويت اعمل عرض أزياء خاص بيا ورحيل هتساعدنى

لتبتسم صفاء وتقول بحب وانا أتمنى إنك تنجحي فى الحاجه إلى بتحبيها

لتندهش لمار من إجابة صفاء وتقول يعنى إنت مش هتعقبينى علشان مبروحش الجامعه

لتقول صفاء لأ إنت مش بتنجحى خلاص

لتندفع لمار على صفاء تعانقها بقوه وتقول أنا بحبك قوى ياماما لتضمها صفاء وتقول وأنا بحبك اكتر ياسبب من أسباب غلبى وبعدين سيبنى اشوف اختك إنت كدا كدا هتباتى معايا الليله إنما سلمى هتبعد عنى وتروح مع عريسها

لتتركها لمار وتقول يعنى هتروح فين  دى هتروح مع واحد عمل المستحيل علشانها وهيشيلها من على الارض  الدور والباقى عليا إلى مفيش حد بصلى بصه

لتحضن صفاء سلمى وتقول إنت هتحسديها

لتقول لمار هحسدها على أيه على حلاوة عابد ولا شياكته ولا ذكائه يلا ربنا يسهلها ويرزقنى

لتبتسم صفاء وتقول بحب يارب يرزقك بواحد زيك كدا غبي

لتضحك سلمى وتقول أهو علشان نلاقى حاجه نحسدها عليها

لتقول لمار يعنى نهار ما تحسدونى تحسدونى على واحد غبي

ليسمعوا طرق على الباب  لتفتح لمياء لتجد والدهم يقول إن كانت سلمى جهزت يلا علشان الفرح هيبدأ

لتقول لمياء آه جهزت

ليدخل والدها ليبتسم لها بحب ويقبل رأسها ويقول مبروك

لتبتسم له بحب وتغطي وجهها لمياء

لتخرج برفقته ومن بجوارها امها

ومن خلفها لمار ورحيل اللتان يساعدنها فى رفع الفستان من الخلف

فى الزفاف 🌺🌼🌻

نزلت برفقة والدها ليستقبلها متيم فى عشقها خيال فاز بمهرته التى تيم بها من أول لقاء

وقفت أمامه ليرفع الحجاب الأبيض الذى يحجب وجهها عن عيناه ويقبل جبهتها أراد أكثر من ذالك ولكن ليتمهل فمن يصبر ينول وها هو ينولها بعد عناء معها

ابتسامتها فى نظره كأنها إشراقة شمس بعد غيوم لتترك يد والدها وتضعها فى يد خيالها ليسير بها إلى الداخل لتستقبل بالزهور واعذب الالحان

وعلى أعذب الانغام كانت الفرحة تملىء قلوب سعيده بلم شمل المهره والخيال

كانت تبتسم بتحفظ أحيانا وأحيان أخرى كانت تبتسم من قلبها لذالك الذى ملك قلبها

كانت الابتسامة تنير وجهه تخلى عن جموده كأنه بدل بأخر

كانت هناك قلوب بها غل وحقد تريد إنهاء تلك الفرحه وتنقلب إلى عليها

غاده التى تشعر بنيران من فوز بنت غريمتها بابنها المتيم كوالده بامرأه لم تهواه يوما

وأيضا تلك التى عادت على أمل أن يعود اليها ها هو الأمل يلاشى

أما تلك القلوب التى تريد لهم السعاده كانت تشعر أن الحياه بها كل شىء فربما بعد يأس أمل

بمكان الرقص وفقت معه ليرقصا ولكن بسبب عرجة قدمها وجدت صعوبه ليقول لها عابد بعشق

دوست برجلك على رجلى وأنا هحركنا احنا الاتنين

لتنظر له بحب وتفعل ما قاله إلى أن انتهت الرقصه

بعد فقرات عديده بالحفل شارف الحفل على الانتهاء

ليأتي والدها مع امها لتوديعها

لتعانقها صفاء وتقول بتمنى ربنا يفرح قلبك ثم مهدى الذى عانقها وقال أتمنى ما ترجعيش ليا بجرح تانى مقدرش أداويه لتضمه بقوه

انتهى الزفاف

🌼🌻🌺

وقف أمام باب الجناح المحجوز لهم ليحملها ويدخل بها شعرت ببعض الاختناق فهذا الجناح نفسه ساومها به سابقا لتقول لنفسها ماذا يقصد بهذا

ايقصد تذكيرها أنها يوما وافقت على تسليمه جسدها مقابل المصنع

كانت أيضا تفكر فى كلمة والدها

لينزلها برفق وينظر اليها بوله ويقول اخيرا بقيتى معايا وملكى لتنظر له وتقول بقوه أنا معاك لكنى مش لعبه علشان تملكها

ليستاء من حديثها ويقول بقوه إنت ملكى وحبيبتى

لتقول له لو سمحت أنا عايزه اغير الفستان هيخنقنى

ليتنحى جانبا ويقول اتفضلى ادخلى غيرى فى الحمام

لتقول بخجل ممكن تفتحلى سحاب الفستان  علشان مش هعرف

ليستدير خلفها ويفتح لها السحاب  لتشعر بلمسات يده على جلد ظهرها ولكنها تمالكت نفسها سريعا  لتتركه وتدخل إلى الحمام لتغير الفستان لترتدى منامه ناعمه محتشمه وتخرج لتجده فى انتظارها بعد أن ابدل ثيابه بالغرفة

بعد وقت وجدته يقترب منها ويضمها إليه بعشق ويميل على شفتيها يقبلها بوله وشوق شديد  لتحاول الابتعاد لكنه كان يضمها إليه أكثر إلى أن فتح السحاب الخاص بمنامتها ونزعه عنها واستولى على جسدها الذى امتلكه بعنف قليلا بسبب جسدها التى تخشب بين يديه كلما حاول استمالتها برفق كان يشعر بجمودها وبرودها بين يديه فحاول معها بعنف قليلا علها تستجيب إليه ولكنها تزداد برودا إلى أن انتهت العلاقه بتألمهما معا فإن كانت تألمت قليلا فهو تألم أكثر منها بشعوره برفضها له

فى الصباح شعر بها تغادر الفراش وتتوجه إلى الحمام

ليتنهد بغضب شديد ويلوم نفسه على معاملته لها ببعض العنف لكنها هى من دفعته لذلك

ليجد أنها قد غابت بالحمام ليقلق عليها  ليذهب أمام باب الحمام ويطرقه عليها ويقول

سلمى إنت كويسه

لترد عليه بقوه ايوه كويسه وخارجه حالا

أما هى فكانت بالحمام تبكى على معاملته لها بعنف إلى أن سمعت صوته لتأخذ حماما بمياه دافئة لتهدئة ألمها

خرجت بعد أن ارتدت منامه أخري لتجده واقفا عارى لايستره إلا شورت قصير لتخجل من منظره

ليتجه إلى الحمام دون أن يحدثها

لتجلس على اريكه بالغرفة لتجده يخرج وهو يرتدى زيا رياضيا  ينشف شعره بمنشفه وينظر اليها ويقول إنت مش  جعانه

لترد عليه مش جعانه قوى

ليقول عابد بسؤال تحبى تفطرى هنا ولا ننزل المطعم تحت

لترد سريعا خلينا ننزل المطعم

ليشعر أنها لاتريد البقاء بالغرفة ربما بسبب ما تعامله بعنف  معها  ويقول بهدوء خلاص غيرى هدومك علشان ننزل

لتقف وتأخذ من الدولاب زيا مناسبا وتتجه إلى الحمام لتغيره وتخرج سريعا

ليشير اليها بالخروج امامه

لتخرج بصمت وتنزل معه لتناول الإفطار الذى لم يتناوله معها وتركها وذهب إلى مكان مفتوح للتدخين

ليلتهم سجائره وهو يفكر هل أخطأ في تحديه لها واجبارها بإتمام الزفاف  ولكن لم يعد هناك فرصه للتراجع

💥💨💥💨💥💨💥💨💥💨💫

بالفيلا سمعت طرقا على غرفتها لتفتح الباب لتجد ساهر يقف أمامها

لتقول له خير عايز ايه عالصبح

ليقول لها ايه إلى اخرك فى النوم النهاردة بقالى ساعة مستنيكى فى الجنينه

لتقول له إحنا جايين وش الفجر من الفرح وبعدين إنت مالك اصحى بدري أو متأخر

ليقول ساهر تصدقى إن خساره فيكى الهديه الى معايا

لتبتسم له وتقول وياترى ايه المناسبه و الهديه المره دى أيه  فار ولا تعبان

ليقول لها تعالى شوفيها بنفسك وهى بمناسبة فرح عابد واختك

لتذهب إلى المكان التى تجلس به دائما لتجد صندوق مغطى  لتفتحه وتقول بتعجب انت جايبلى بغبغان

ليرد ساهر أه جايبلك اتنين

لتقول له بسخرية خده لنفسك انا بكره الطيور المزعجة وبعدين انت ليه عايز تجبلى هديه

ليقول ساهر بصراحة انت بتصعبى عليا فى البيت دا كله مافيش حد بيعبرك غير أنا ومنتصر

لتنظر له بسخرية وتقول وتفتكر أن فيه حد فى البيت دا يفرق معايا يا غبي

وبعدين أما تحب تهادينى تجبلى شوكلاته نوع نضيف  تجبلى حتة دهب أهو منه زينه وخزينه أو حتى عقد الماظ  دى الهدايا إلى ممكن أقبلها

ليقول بتفهم يعنى انت عايزه هدايا ماديه مش معنوية

لتقول بسخط والمعنوية دى هعمل بيها إيه أنا عايزه حاجه تنفعنى وبعدين الهدايا السابقه راحت فين

ليرد ساهر القطه فضلت معايا كام يوم وبعدين نورين شافتها وعجبتها وعطيتها لها

لتقول لمار والله هى خبيثة زى القطط

والسلحفه

ليرد ساهر عطيتها لصبحى الجناينى يأكلها مع ولاده

لتقول بتفكير والبغبغانين دول هتوديهم لمين

لتقول أه أنا عرفت هتوديهم فين إحنا نحطهم فى الصالون الثقافى بتاع غاده أهو يسمعوا كلامها ويرددوه ونعرف منهم خططها المستقبليه

💥💨💥💨💥💨💥💨💥💨💫

بعد الظهيره عاد إلى الجناح بعد  أن صعدت وحدها إليه بعد أن تناولت الإفطار وحدها ليجدوا تجلس على السرير تقرأ باحدي المجلات العربية

ليقول لها أنا بقول أننا نفضل هنا كام يوم

لترد عليه بقوه وتقول لأ أنا مش عايزه أفضل هنا

عارف ليه علشان أنت قاصد تجبنى هنا علشان تثبت لنفسك انك انتصرت عليا لما زمان ساومتنى فى نفس الجناح صح

ليندهش من حديثها ويقول إنت دايما إلى مفكره انى عايز انتصر عليكى انا مقصدش إلى فى دماغك أنا دايما بنزل هنا فى نفس الجناح لأنى ساعات مش بحب أفضل فى الفيلا فكنت بنزل هنا والفندق دا بتاعنا

وبعدين لو حابه نرجع انا موافق بس هنرجع على الفيلا بتاع العيله مش الفيلا التانيه

لتقول له ومنرجعش ليه الفيلا التانية

ليقول عابد بحزم أنا عايز اعيش مع العيله

لتقول له سلمى بموافقة  اوكي إلى يريحك

لتعلم أنها أمام تحدى جديد له وعليها أن تكسبه