رواية سقطت كالنجمه بقلبي وأنارته الفصل التاسع عشر 19 – بقلم نهله جمال

رواية ~ سقطت كالنجمه بقلبي وأنارته ~ part 19

● إشتقت إليك ولرائحتك وعبير أنفاسك الذي يدفئني ، ألن تعود ؟ ●

○ في شقة نيروز ○

إستيقظت بكسل في فراشها على صوت باب شقتها الصغيره ، إرتدت حذائها المنزلي وقامت لترى من يدق باب بيتها ، فتحت الباب ف وجدت الصبي الصغير الذي يأتي إلى بيتها يوميآ

نيروز : أهلا أهلا يا جميل ، جبت الفطار ؟

الصبي : كورن فليكس بالعسل وتوست بني ولبن كامل الدسم وجبنه كريمي وخيار

ذهبت نيروز إلى المنضده وأحضرت المال وأعطته للصبي وهي تأخذ منه الأكياس : شكرآ ليك يا حلو خد

الصبي : تحبي أدخلك الأكياس يا أبله نيروز عشان إنتي تعبانه ؟

نيروز بسعاده : أنا بخير متقلقش عليا يلا خود الفلوس هاتلك حاجه حلوه

نزل الصبي على الدرج ف أغلقت نيروز باب شقتها ثم وضعت يدها على بطنها بألم وهي تقول : حاضر يا قلب مامي هاكل دلوقتي أهو

○ في المطبخ الخاص بنيروز ○

كانت تجلس على طاولة الطعام الصغيره وأمامها رغيف من التوست المحشو بالجبن وطبق كورن فليكس كانت تأكل وهي تنظر بجريدة اليوم وتقرأ الخبر التالي ” ربح جديد في حساب رجل الأعمال هشام جمال ” ” رجل الأعمال محمد فؤاد قد أخذ زوجته هايدي الوريثه الوحيده لعائلة الحسيني في زياره لمتحف اللوفر بباريس وأكد الزوجان أنهما في غاية السعاده “

أنهت نيروز طعامها ثم أغلقت الجريده بهدوء وغسلت الأطباق ثم إرتدت ملابسها للإستعداد للذهاب إلى العمل

○ في منزل هشام جمال ○

كانت ملامحه قد تغيرت كثيرآ ، قد قص شعره وربى ذقنه واكتسبت بشرته اللون الأسمر ، كان يجلس بالقرب من نافذة الحديقه الخاصه بمنزله وهو ينظر إلى الجريده بفخر وسعاده مما وصل إليه ولإنه ربح تلك الصفقه الخاصه به ، نظر لخبر سفر فؤاد برفقة زوجته هايدي ف إبتسم بهدوء ثم رفع هاتفه وقرر الإتصال بفؤاد

○ في باريس ○

رد فؤاد على الهاتف ثم قال بثقه : مبروك على الصفقه

هشام بسخريه : حبيبي الله يبارك فيك ، مش واجب بما إنك خدت بنت الأكابر رحلة سفر كنت خد مراتك الأولى راندا معاك ما هي بنت أصول وإستحملت قرفك

غضب فؤاد وصرخ في الهاتف قائلآ : متجبش سيرة راندا مراتي على لساانك

ضحك هشام وقال : هههه يلا رحله سعيده مع مدام هايدي

ثم أغلق هاتفه وأمسك بكوب القهوه الخاصه به وأرتشف منها وعاد به تفكيره إلى تلك النقطه التي تؤلمه .. نيروز

○ في مدرسة النور للمكفوفين ○

كانت نيروز تجلس بجمالها الهاديء على البيانو وقالت لتلاميذها : أهم حاجه الإحساس ، النعمه دي في ناس كتير مفتقدنها

أحد التلاميذ : حتى إحنا يا ميس ؟

نيروز بهدوء : لا طبعآ إنتوا ربنا رزقكم الإحساس العالي الجميل اللي من خلاله بتميزو كل حاجه حواليكم ، يلا نبدأ عزف ؟

قال التلاميذ في نفس واحد : يلا

بدأت نيروز بعزف : تذكر أخر مره شفتك سنتا ، تذكر وقتا أخر كلمه قلتا ! وما عدت شفتا ؟ وهلأ شفتاا كيفكك إنت ملااا انت ..

○ في منزل هشام ○

فتح عيناه بعد تفكيره في نيروز وكيف كسرت قلبه تلك الليله ف قرر الءهاب إلى مكتبه ومباشرة العمل مره أخرى

○ في منزل فؤاد بمصر ○

كانت تجلس راندا وبجانبها والدة فؤاد : طب ليه مش عيزانا نقوله دا هيفرح انتي عارفه انه بيعشق النفس اللي بتننفسيه

راندا وهي تبكي : لو قولوله هنط من فوق الكنبه وأسقط مش عيزاه يعرف حاجه

والدة فؤاد : طب إهدي ، أنا هعملك لبن دافي بس إوعي تضري إبنك متنسيش إن حماكي في غيبوبه نفسي يقوم بالسلامه ويشيل حفيده بين ايديه

راندا بسخريه وقهر : البركه في هايدي هانم بقى ما انا الزوجه السريه مبياخدهاش في سفرياته

والدة فؤاد : بطلي عبط دا بيموت فيكي وأول ما بيرجع من الشغل بييجي يترمي في حضنك

راندا وهي تبكي : عشان كدا اتجوز عليا دا احنا فرحنا مصر كلها حكت واتحاكت عنه ، صحيح الفلوس بتغير

مليت والدة فؤاد على ظهرها : طب قومي غيري هدومك وأنا هغير عشان نروح لحماكي المستشفى نطل عليه يمكن ربنا يريد ويقوم من غيبوبته وهعزمك ع الغدا برا يا ستي

ابتسمت راندا بكسره وهي تقول : بس توعديني متعرفيش فؤاد بالحمل

والدة فؤاد : يا بنتي اا ..

راندا بحزم : اوعديني يا طنط

والدة فؤاد : ماشي يا بنتي اوعدك ..

ثم قاموا ليبدلوا ملابسهم إستعدادآ للخروج ..

○ في مدرسة النور للمكفوفين ○

إنتهت نيروز من حصصها وحملت حقيبتها إستعدادآ للخروج ف وجدت زميلتها يمنى تقترب منها بسعاده وهي تصع يدها على بطن نيروز

نيروز بألم : اااه حاسبي

يمنى بسعاده : اسفه بس غصب عني يعني هتجيبي الصغنن وزشيله نلعب بيه

نيروز : يارب يا حبيبتي ادعيلي لاحسن كل ما افتكر ان هييجي يوم واولد بترعب

يمنى : يا بنتي إنتي في الشهر السادس لسه كتقلقيش خير فاضلك تلات شهور

نيروز : يارب يا يمنى لأحسن خلاص تعبني اوي

يمنى : على خير يارب ، أه صحيح يا نيروز بكرا في إجتماع مهم مع مدير المدرسه لكل المعلمين ف لازم تحضريه إوعي تنسي

نيروز وهي تعقد حاجبيها : بكرا ؟ تؤ طب متعرفيش ليه

يمنى : الحقيقه معرفش بس انا شوفت عمال جايين يرتبوا المدرسه وكدا

نيروز : أصل بكرا عندي حجات بعملها كل اسبوع بس مش مشكله تتاجل بقى

يمنى : أنا قولت أقولك عشان تعملي حسابك

نيروز : أه اكيد شكرا يا حبيبتي

ثم تركتها وخرجت لتركب سيارتها تتذهب لمنزلها الصغير ..

○ في منزل هشام ○

كان يقف في شرفة منزله وهو يحمل الهاتف وكوب من العصير ثم قال وهو يتحدث بالهاتف : امم والاجتماع دا مين من الشركات هتحضره ؟

عظيم عظيم ، خلاص هظبط أموري وأجي أحضره بس أتمنى ميكونش صفقه جديده أنا لسه باخد نفسي بالعافيه ، ههههه خلاص يا حبيبي أشوفك بخير يلا سلام

أغلق هاتفه ونظر إلى الحديقه ثم تنهد وهو يقول : لازم أشغل نفسي عشان مفكرش فيها ..

○ في منزل نيروز ○

تمددت على فراشها بإرهاق ثم وضعت يدها على بطنها وقالت : مش كفايه ترفيص بقى انت طالع شقي لمين ؟ لماما !

ثم بهتت ملامح وجهها وهي تقول : ولا لبابا ؟

طب إنت عارف إني بحبه اوي ، مكنتش اعرف إني بحبه للدرجه دي كنت دايما شيفاه أكتر أنسان مش مناسب ليا بس حبيته ، كان حنين اوي كنت بحب أسمع صوت مفاتيحه وهو راجع من الشغل وبحب ريحته تفضل فيا بعد ما يسبني كل يوم الصبح

إنت جيت غلطه وغصب عني ! بس أحلى غلطه يارب تكون شبهه أنا حافظت عليك عشان يكون معايا حته منه

اااه طب خلاص كفايه ترفيص هننام أهو