رواية خيانة لا تغتفر – الفصل التاسع والأخير
البارت التاسع والاخير رررر
البارت التاسع والاخير رررر
#جمانه السعيدي
يعقوب….جاي اكلب بلصور وطلع عندي مقطع مصورته هبه
حسن بغرفتي ويحجي وياا سحر
حسن…كم حبه انطيتها
سحر…اثنين مثل ما اتفقنا
عدت المقطع اكثر من خمس مرات
بديت اربط الأحداث والعلاج وامي شلون تدهورت حالته صار عندي شك
بموضوع حسن وسحر بس مااكدر اتهمهم هيج ما عندي
اي دليل مجرد شك
راسا طلعت تليفوني ونقلت المقطع من الايباد الجهازي
كمت بدلت ملابسي
ورحت للاستقبال المكان الي بنام بي حسن
دورت بغراضه لكيت هويته
اخذته وطلعت سحر شافتني ووين رايح
يعقوب….هسه ارجع
اكو ولد صديقي يشتغل بلاستخبارات اتصلت علي
يعقوب…شلونك محسن
محسن…هلو يعقوب شلونك من زمان ماسمعت صوتك
ولا شفتك من وقت الفاتحه
الف رحمه على روح امك الطيبه
يعقوب…أريدك بشغله مهمه
محسن…اي ادلل
يعقوب…انت وين
محسن…بلدائره
يعقوب…اي عز الطلب اني عندي شغله يمك بلدائره
محسن…تعال هله بيك
اجرت تكسي وطلعت كبل اتصلت علي طلع برا استقبلني
دخلت جوا
محسن…اتفضل شكو قلقتني
يعقوب…اريد معلومات عن هذا الولد طلعت هويته
هسه اكلك من يا محافظه ومن ياالمكان
محسن…بس هاي تدلل خل اجيب الحاسبه
جاب الحاسبه مالت الدائره عليها كل المعلومات
دك اسمه ومحافظته بقه يبحث شويه
جمانه السعيدي
محسن…منيين تعرفه
يعقوب….اني هسه احجيلك بس فهمني شطلع عندك
محسن….هذا الشخص على بلاغ خطف بنيه
اهلها بلغو علي الضاهر ناهب هاي البنيه او عدهم علاقه هو وياها اهلها مقدمين علي بلاغ
يعقوب…والبنيه شنو اسمها
محسن… اسمها سحر محمد علي
يعقوب…يعني مو اخوها
محسن….لا مو اخوها صاحبه ومهزومين هو وياها
يعقوب….ابوها مسجون قضية محدرات
محسن…دقيقه خل اشوف
لا ابوها رجال بسيط يشتغل لباخ هو وولده ثنيبنهم
هاي المعلومات مسجله بلبلاغ
لان ماخذين كل المعلومات عن اهلها
يعقوب…يعني ابوها مو تاجر مخدرات ولامسجون
محسن…لا هذا رقم ابوها مسجل بلبلاغ
يعقوب …يعني سحر مو اخته
محسن…لا صاحبته
يعقوب..الحك عليه
محسن…شكووو
يعقوب….ذوله الثنيين قتلو امي
محسن…شلون يعني عايشين وياك
يعقوب…هاي زوجتي دخلت عليه على اساس فقيره ودور شغل
اشتغلت عدنا لمن امنا بيها
ازوجتها شويه وكالت اخوي ماعنده سكن
جابته سكن عدنا كانت تدعي ابوها يتعاطى مخدرات
وكان يضربها ويبيعها على الزلم
هذا حسن اشتغل بلمحل ببتنا
وبدأ ياخذ فلوس من المحل امي شكت بي
وكالت هذا الولد مو امين
بس اني ماصدكته
هاك شوف هذا المقطع بنتي سجلته الهم
امي ماكانت تاخذ علاج الضغط
اتفقو عليها وانطوها غير علاج لمن ماتت
محسن….انت مسكن عصابه بيتك
يعقوب…واني شمدريني بيهم
محسن…غير تسئل عنهم اكو واحد يزوج وحده كلشي مايعرف عنها
جمانه السعيدي
يعقوب.. اشتغلت عدنا ست اشهر اني شمعرفني
اريد تطلع هسه وياي قوة تقبض عليهم اريدهم يعترفون بجريمتهم اني الي جبت القتله للبيت
اني الي ضيعت امي من ايدي
طلع وياا يعقوب قوه بعد ماقدم بيهم بلاغ يتهمهم بقتل امه
وصلو للبيت دخل يعقوب قبلهم اول شي قبضو على حسن
وبعدين سحر
سحر…شكو يعقوب ليش ياخذوني اني شسويت
يعقوب..من توصلين تعرفين انتي شسويتي
اخذتهم الشرطه وطلعت للمركز
يعقوب دز هبه يم اخته منى وراح وراهم
اول ما وصل حسن طلعو البلاغ الي علي هو وسحر
وياا شويه تهديد وكتله زينه
اعترف بكلشي
حسن.. سحر حبيبتي خطبته وابوها ماقبل بيه
لان اني عليه سمعه موزينه
اتفقت اني ويااها نشرد جبتها واجيت هنا
كنت عايش وياها علاقه بالحرام اني ماازوجتها
محسن…ليش ماازوجتها
حسن….. ليش ازوجها وهي متاحه اليه بكل وقت
بعد ما وصلنا شفت نفسي مااكدر اتحمل مسؤليتها
نزلتها دور شغل
اسبوع تدور وماكو شغل
الحد مالتقت بالحجيه واشتغلت عدهم كانت تججيلي عن وضعهم هم عائله زغيره و حالتهم الماديه زينه
اشتغلت عدهم كانو ينطوها فلوس دائما
الحد ماتفاجئت يعقوب خطبها مني
اني فرحت لان راح اخلص من مسؤليتها
وهم جانت اجيبلي فلوس منهم مهرها اشترينا ٣ مليون واني اخذت مليونيبن
بعدين انطردت من الشغل وهي عرضت عليه اعيش بيتهم
قنعت يعقوب ورحت سكنت عدهم
جمانه السعيدي
من سكنت عدهم شفت شغلةالمحل خير من الله
كدرت سحر تقنع يعقوب اشتغل بلمحل كمت اخذ مصرف
من الفلوس الي تدخل للمحل
الحجيه كشفتني سحر ساعته حذرتني
سحر انطتني فلوس حتى اسوك
خاف يعقوب يشك بيه
من بعدها الحجيه قفلت عليه ما قبلت ارجع للشغل
واني كان عاجبني الشغل حيل مابي تعب وبي فلوس
محسن….اتفقتو تقتلوها مووو احجي لا اخليهم يعلكونك
هنا وينزعون جلدك
حسن….اي بدلت علاج الضغط بعلاج يصعد الضغط
واتفقنا اني وسحر تنطيها حبايتين حتى يصعد ضغطها
وتموت
يعقوب….الله يلعنك ياحيوان ولك كاعد بيتي وتاكل
من زادي ولله لو طالب مني فلوس حان انطيتك
امي جان كلبها حاس بس اني ماصدكتها
انت النذل تكتل امي
محسن…داخل بيت يعقوب كنت على علاقه بسحر
حسن…اي كلما نلكه فرصه تكون بينا علاقه
يعقوب.. تفووو عليك ياناقص
التفتت على سحر وانتي ليش فهميني ليش
بس اريد سبب مقنع ليش
ازوجتج ونطيتج الحريه وما قصرت وياج بشي
واي شي تطلبي اكول حاضر خطيه مسكينه ماعدها عائله
تالي هاي مجازاتي
الله ينتقم منكم ثنيبنكم
طلكتها بنفس الساعه بلمحكمه والشرطه دزت خبر الاهلها
حضرو للشرطه
رجعو قدمو بلاغ جديد عليها وعلى حسن
انحكم عليهم ثنيبنهم اعدام بسبب جريمة قتل امي
لان يعتبر قتل عمد مع سبق الاصرار والترصد
هذا الحجي كان سنة ٢٠١٨ الحد هذا اليوم اعيش بلندم
امي بسببي ضاعت لو سامع كلامها
مجان خسرتها
خمس سنيين واني رافض فكرة الزواج بسبب الي صار وياي ومنى تلح عليه ازوج لا تعيش وحدك
كافي محمل نفسك شي فوك طاقتها
سنة ٢٠٢٢ منى خطبتلي صديقتها بنيه عمرها ٣٢ سنه
انسانه متدينه ومحترمه اخلاقها عاليه
بس ماصار عدنا اطفال الحد هذا اليوم
منتضرين رزق رب العالنين
عدنا هبه ماليه البيت علينا الحمد لله رب العالمين
القصه مو قصة غريب وقربب القصه مبداء واخلاق
ناس تخاف الله تحسب حساب العشره
شكد نلتقي بناس لقاء عابر بس ياثرون بنفسنا بااخلاقهم
بتربيتهم بغيرتهم بتصرفاتهم الحلوه
واكو ناس قريبه علينا بس ادور علينا الزله
مو الأصل والفصل بس اساس العلاقه الناجحه
يااما صارت جرائم قتل الزوجه تتفق وياا عشيقها وتقتل زوجا مع ان سئل عليها وتأكد من أصلها قبل الزواج
وعدهم اطفال
وياما اخ قتل اخو واكو يقتل عائلته بلكامل
واكو صديق عايش وياا كل العمر يغدر بيك
كل يوم نسمع قصه شكل
الإنسان تحكمه أخلاقه وتربيته
انتهت قصتنا دمتم سالمين
الفهرس .. (رواية خيانة لا تغتفر) اضغط على اسم الرواية لتجد الفهرس كاملاً بجميع الفصول.