رواية الضوء الخافت الفصل السادس عشر 16 – بقلم نهله جمال

رواية الضوء الخافت part 16

[ ساعاتنا في الحب لها أجنحة ، وفي الفراق لها مخالب. – ]

المكان : مبنى أوسكار

كان إيبو يجلس على الفراش الخاص به بينما كريم يجلس على فراشه ولكن يضحك بقوه

إيبو : مفيش أي حاجه تدعو للضحك ، نهائي !

كريم : أصلي افتكرت لما قولت عني انا ورزان الفرح أمتى

إيبو : إيلين مش مستوعبه ان عندي عشرين سنه لسه ! اتقدم ازاي واعمل ايه طبيعي دا ؟

كريم : بص اهدى كدا ! رأيي تتكلم معاها تاني

إيبو : مقدرش ! انت مشوفتش كسرة عنيها وهي بتكلمني ! ابوها كتب شقة امها بإسم مرات ابوها

كريم رفع حاجب ثم قال : ايه اللفه دي ! أرنبنا في منور انور

قالها بطريقته في لدغة الراء ف ضحك ايبو بقوه ف قال كريم : يوووه انا غلطان اني بكلمك

ايبو : يا عم اقعد بس خلينا نكمل

طرق باب غرفتهم ف قام ايبو وفتح الباب وجد حسن أمامه : يلا يا شباب عندنا شغل في الحديقه

إيبو : شغل ايه دا !

حسن : ورايا هتعرفوا

نزل حسن ف قال ايبو : اتفضل يا عم بيقولك شغل

كريم : انزل انت وحياة ابوك انا مفرهد

ايبو : ومالو ؟ اي واحد عنده مصيبه ييجي يرميها عليا

كريم : خلاص قايم متزعلش يا عم

خرجوا من غرفتهم واتجهوا الى الطابق الأسفل

* في غرفة رزان *

كانت تجلس على الكرسي الخاص بها وهي تقول : يا بنتي متخافيش !

إيلين : دا لو رفض تبقى مصيبه ! متخيله ان انا اللي طلبت ايده

رزان : مش هيرفض والله صدقيني ، ههههه حوه طلبتي ايده دي

ايلين : ايه الحلو ف كدا دي اهانه لأنوثتي

رزان : بفكر اعمل كدا مع لوح الثلج التاني

ايلين : مين كريم ؟ مش لما ايبو يوافق ! وحتى لو هو وافق هل اهله هيوافقوا

رزان بتنهيده : قولي يارب

طرق الباب ف قامت ايلين وفتحت الباب وجدت حسين أمامها قائلآ : يلا يا بنات على تحت ، هاتي صاحبتك بالكرسي بتاعها وتعالوا

ايلين : تمام جايين وراكم

سجبت ايلين كرسي رزان ونزلوا الى الأسفل

* في حديقة المبنى *

حسن بشرح : يعني واحد منكم هيطلع هيحفر عشان نزرع شجره هنا

ايبو : ايه الفكره اننا نزرع شجره هنا والحديقه مليانه شجر وورد !

حسن : المنطقه دي من الحديقه فاضيه تماما ف هنزرع شجره

كريم : دا انت الفراغ قاتلك

ايبو وهو يضع يديه بجيبه : اشطا ماشي شوف مين هيحفر واحنا هنكمل الباقي

نظروا جميعهم لايبو ف نظر لهم برهبه ثم ابتسم قائلآ بطريقة علي ربيع : ههه لا مش انا يا حبيبي مبحفرش انا بعدين من حفر حفرة لأخيه وقع فيها معروفه دي

حسن : انا هعتمد عليك في الحوار دا

ايبو بغضب : حوار ايه ! هو فين الحوار دا ! ياعم انت مش لاقي حاجه تمرمطنا فيها ف تقولنا هنزرع شجره !

حسن : دا مجهود مفيد ليك يا ايبو ، يا تزرعوا الشجره يا تنزلو ضغط ٨٠ مره

ايبو : مش انا اللي اتحط تحت ضغط واختيارات اشطا ؟

* بعد ربع ساعه *

كان ايبو يمسك بعدة الحفر ويحفر في الأرض بينما يقف حسن وحسين وكريم ينظرون له ف قال ايبو وهو ينظر لكريم : ما تيجي تساعدني يا سندريلا !

كريم : تصدق كنت هنزل اساعدك بس بعد سندريلا دي مش هساعدك

ايبو : انجزز بقى !

كريم : حاضر اهو

نزل كريم وساعده وبعدما انتهوا وقفت ايلين تصب لهم المياه في الحفره

بعدما انتهو قال حسن : عاش يا شباب بكرا في مفجأه هتفرحكم جدا

ايبو : ربنا يسهل دا لو جه بكرا ، مش بعيد تخلينا نمسحلك الارض

كريم صعد خلف ايبو وهو يضحك وبينما وصلوا غرفتهم دخل ايبو ليأخذ حماما دافئآ بعد ذلك العمل الشاق وبعدما خرج دخل كريم خلفه ليأخذ حمامه ، أمسك ايبو بهاتفه واتصل على والدته ، وبعد فتره من الأسئله الروتينيه ومعرفة كيف الأحوال قال ايبو : بما ان ابويا جمبك يا ماما افتحي الاسبيكر

فتحته والدته ف قالت : قول يا حبيبي

تنهد ايبو قائلآ : هو انا لو طلبت منكم أتقدم لواحده هتوافقوا ؟

جائت والدته لترد ف قال والده : بص يابني هقولك على حاجه انت راجل وانا واثق من دا ف لو انت قادر تصرف عليها وتعتمد على نفسك هنخطبهالك

والدته : استنى بس هي مين دي وشوفتها فين عشان تخطبها !

ايبو : معايا في مبنى أوسكار

والدته : يالهوي مجنونه !

ابتسم ايبو ابتسامة انكسار ثم قال : هو انا مجنون يماما ؟

والدته : ماعاش اللي يقول عنك كدا بس هي في المبنى بتعمل ايه ؟

ايبو : متقلقيش هي بس متعقده من حاجه هحكيلكم عنها لما اشوفكم ، بس مبدأيآ انتوا موافقين ؟

والدته : بص يابني انت عمرك ما كلمتنا ف حاجه زي كدا لما نقعد نفهم ونتكلم هنشوف وربنا يتمم بخير

ايبو : ماشي يماما سلام دلوقتي

أغلق هاتفه ثم قام وطرق باب الحمام ف قال طريم من الداخل : اييه !

ايبو : بص هروح لإيلين عشان لو خرجت وملقتنيش

كريم : اشطا روح

خرج ايبو من غرفته متجهآ لغرفة إيلين

طرق باب الغرفه ، مرت ثوان قبل أن تقول إيلين : ايوه ؟

فتحت الباب ف وجدت ايبو أمامها ف ارتجفت وهي تنتظر منه أن يرفض الزواج منها ولكنه ابتسم لها قائلآ : هقعد مع ابويا وامي عشان اكلمهم عنك ونروح لأبوكي نتقدم

للحظه وجد أن وجهها أشرق ف ابتسم لذلك وبدون أي مقدمات احتضنته ف رفعها عن الأرض في سعاده ..

* في غرفة كريم وايبو *

بعدما خرج كريم وجد عمه يتصل به عدة مرات ، تجاهله كريم ومن كثرة اتصالات عمه رد كريم بروتينيه : نعم يا عمي ؟

عمه : لو معاك رصيد افتح بيه نت وادخل فيس بوك بسرعه ويوتيوب

كريم باتساع اعين : في حاجه ولا ايه ؟

عمه : يلا بس سلام دلوقتي

أغلق مع عمه ثم فتح الحساب الشخصي الخاس به على فيس بوك انتظر دقيقه قبل ان يهتز هاتفه بقوه حتى انه فزع من كثرة الإشعارات +99

فتح كريم الاشعارات ووجد الفيديو الخاص به وهو يغني قد وصل عدد مشاهداته ل ٢٦٧ الف مشاهده ف اتسعت عيناه بصدمه ودخل على التعليقات

إحدى الفتيات ذاكره صديقاتها في تعليق : ( اسمعي دا كدا )

احد الشباب : ( عاااش يابني والله )

وتعليقات كثيره ايجابيه وعدد مشاركات وصل ل 350 مشاركه ف ابتسم كريم بسعاده وذهب لقناته الخاصه على اليوتيوب وجد الفيديو الذي أنزله على القناه الخاصه به قد وصل لعدد مشاهدات 273 ,000

كريم بسعاده مبالغ فيها : اييييه دااااا !!!

” لماذا أبحث عن الأمل وضوئه الخافت هنا في قلبي ؟ “