رواية الحارس الفصل السادس 6 – بقلم رشا منصور

عمو عبدالرحيم…

فتحت المكتبة الصبح وكالعادة رشا اتأخرت بس حقها هى بتساعدني من غير ما تاخد مني فلوس…

وبعد أكتر من ساعة وصلت رشا وشكلها مجهد قولت لها شكلك مش بتنامي ع العموم اطمنك وليد جالي امبارح وقالي أكلم له أبن عمي واشوفلك مهندس ديكور وأنا كلمته وفي خلال يومين هيكون عندك أحسن مهندس ديكور بس ع الله بقي متنسيش عمك عبدالرحيم لما تشغلي الشركة…

رشامنصور…

أول ما وصلت المكتبة فضل عمو عبدالرحيم يتكلم وأنا مش مركزة في أى حاجة أصلا وبعد ما خلص كلامه قولت له بقولك ايه يا راجل يا طيب ما تشوفلي الكتب الخاصة ب سيدنا سليمان..

اصل أنا بفكر أغير موضوع رسالتي…

عمو عبدالرحيم…

أنتي يابنتي هتركزي في الشغل ولا في الدراسة ع العموم القسم الديني في الرف اللي هناك بس اشمعني سيدنا سليمان علشان كان عاصر الفراعنه يعني ولا علشان اتجوز بنت ملك فرعوني.. وبني لها قصر كبير لوحدها مخصوص.. وكانت مميزة عن باقي زوجاته…

طب ما سيدنا إدريس هو أول من خط بالقلم وكان بيفهم في الفلك والهندسة وبيتقال أنه ساعد في بناء الاهرامات وأبو الهول… وفي بعض الكتب بتقول أن هو اوزوريس والعلم عند الله..

ولا أنتي هتغيري مجال الآثار وعاوزة تعملي رسالتك عن قوة سيدنا سليمان وسيطرته. ع الجنn…

رشامنصور…

واضح أن عندك معلومات حلوة اوى وأنت أسهل من الكتب… احكيلي كل اللي تعرفه استني أنت قولت أن سيدنا سليمان كان موجود في زمن الفراعنه وأنه اتجوز منهم.. يعني كان موجود في مصر…. ممممم

يعني ممكن تكون الأرض دى تبع بنت فرعون!! أو يكون موجود فيها آثار تخصها وتخص سيدنا سليمان….

وابتدي عمو عبدالرحيم يقولي كل اللي يعرفه من معلومات..

برك…..

أول ما نزلت لنا الجثث،. فضلت واقف مع أهاليهم اواسيهم وطلبت منهم يدفعوا فاتورة المستشفى لحد ما نجهز أوراق تصريح الدفن، واخدتهم بعدها يودعوهم وبسبب صعوبه، الموقف طلبت منهم ينتظروا لحين الانتهاء من الغسل، والكفن…

وروحت ع المشر’حة. وابتدي الدكتور سلامه والدكتور شريف في سلخe الجلد من الجثث،. ولان الدكتورة سوزان مكنتش موجودة بقيت اساعدهم وبعدها كفنتهمm بنفسي ووضعت ع كل جثمان، إسمه لعدم اللخبطه. علشان الأهل ميطلبوش فتح الكفن. لمعرفه المتوفي…

والموضوع خلص ومشيت الناس والدكتور سلامة نضف الجلود ب محلول تعقيم…

ووصلت الدكتورة سوزان ولقيتها بتقولي..

بيعجبني فيك لمساتك الإنسانية بتعزي الناس وبتوسيهم بنفسك وأنت اللي سا’لخ. أهليهم يا حنين…

قولت لها الدكتور سلامه والدكتور شريف هما اللي سلخوا,’

بصتلي وقالتلي وانت كملت الجثة. التانيه وبعدها كفنتهم، لحد ما سلامه يعقم الجلود… أخلص وهات نص اللي خنصرته..

قولت لها خنصرة إيه أنا مش فاهم حاجه ووصل الدكتور سلامه وسمع اللي اتقال ولقيته بيقول لها لو المبلغ بسيط يبقي حلال عليه ده الراجل بتاعي ومش خسارة فيه

سوزان….

قولت ل سلامة برك كلم موظف الحسابات وخلاه يكتب فاتورتين واحده للمستشفى وواحدة اداها لأهل المتوفي واعطي موظف الحسابات عشر ألف جنيه وهو خد أربعين ألف وأنا عن نفسي مش عوزاهم أنا بصرفهم في يوم ..

أنا بس حبيت اعرفك أن أى حاجة بتحصل أنا بعرفها ولما تحتاج فلوس يا برك أطلب من سلامه أو مني ده أنت الراجل بتاعنا اعتقد كدا أنت معاك حق قسط الشاليه….

وسيبته وروحت مكتبي بعد ما قولتلهم يلا أنا طلبت غداء لنا كلنا وبقي برك واقف هيتجنن…

رزان….

روحت الكليه وأنا معنديش محاضرات أصلا وفضلت منتظرة وليد ولقيته جايلي ومعاه هديه حلوة وقالي يلا نحتفل ب عيد ميلادي رغم أنه لسه ع ميعاده اسبوع بس علشان بابا مش يشك، في الهديه..

بصراحه بابا بيتلكك علشان مش يتمم الخطوبه. هو متعلق بيا أوى ومش عاوز حد ياخدني منه…

رغم أن وليد طيب أوى بس بابا بقي وقضينا وقت حلو اوي واتمنيت السنه الجايه نكون متجوزين…

سحر…

بعد ما سوزان قالتلي أن البيت اتفتح والورثه هيعملوا مشروع فيه والناس هتدخل وتخرج وان سلامة ابني هيتمكن من البنت ويسيطر عليها وساعتها هنحقق اللي كان عاوزة نزار…

حسيت اني هقدر احقق حلمي االلي عشت طول عمري اتمناه واخلي الجنn يرجعني صغيره وحلوة وأكون اغني ست في الكون ده كله..

وانسي السنين اللي عشتها في الفقر من بعد ما تخلصوا. من نزار.

كنت بشحت اللقمة من بعد ما اطردت من الشقه الكحيانه..

وملقتش غير المقابر أعيش فيها أنا وعيالي….

ومافيش حد نفعني غير عيالي والجن. اللي معاهم علموهم ازاى يسيطروا. ع القرناء علشان الناس تنفذ لهم طلباتهم وتدينا أكل وفلوس… لكني رفضت أنهم يمارسوا السحرr أحسن الناس تعرف ويقtلوهم… ويحرموني. منهم…

أنا عاوزة ادوس ع كل الناس اللي افتروا عليا واولهم عيلة حمدي ومش بس كدا أنا مش هرتاح إلا لما ينق.طع. نسله من الأرض.

ماما ميرفت…

رشا نزلت المكتبه وكالعادة فضلت قاعدة لوحدى ناديت ع فاتن من البلكونه تيجي نقعد مع بعض اهو نضيع الوقت…

والله أنا لو قادرة كنت نزلت اشتغلت اهو أعمل حاجه تشغل وقتي.

خالتوا فاتن…

ميرفت نادت عليا اخدت التسالي وروحت لها وهى جهزت الكيك والشاي وقعدنا قدام التليفزيون ونتسلي ونحكي…

ولقيت ميرفت بتقولي أنا زهقانه ياريت كنت بشتغل.. قولت لها اقولك ع فكرة إيه رأيك إحنا هنشتغل ومن البيت كمان

إحنا اللي هنمسك الدعاية والإعلانات اللي ع النت أول ما الشركة تفتح وكدا يبقي اشتغلنا من غير ما نخرج وفي نفس الوقت اهو بنساعد عيالنا…

واتفقنا ع كدا وابتدينا نفتح الفيس ونشوف الصفحات اللي بتعمل دعاية علشان نتعلم منهم…

رشامنصور…

فضلت اسمع ل عمو عبدالرحيم ودماغي مشغولة وبحاول أفهم التنانين دى بتحمي إيه وليه في خطرr لحد دلوقتي من نسل نزار

والوقت عدي وقولت له أنا هروح بقي وأول ما خرجت من المكتبه قولت يا عيشوش عوزاكي ومش عاوزة حد يشوفني..

وفي لحظه كنت في بيت جدو حمدي وفي غرفة المكتب…

عيشوش ” التنين الأبيض “

من لحظه دخول الانسية البيت وأنا معاها ع طول منها بحميها، وفي نفس الوقت بر’اقبها..

وسمعت كلامها ونقلتها البيت وظهرت لها بشكل بشري وقولتلها إيه طلباتك… ردت وقالت..

رشامنصور…

أنا كل اللي عرفته عن نزار أنه كان ساحرr وعنده ولد وبنت ومراته أسمها سحر…

لكن لحد دلوقتي معرفش هو مات. ازاى وليه جدو حمدي حظر’ني. من نسله… معنى كدا أن ولاده لسه موجودين..

طب هما عاوزين إيه مني. وليه انتوا مش عارفين تعملوا لهم حاجه.

عيشوش التنين الأبيض….

إحنا منقدرش نأذي. الإنسان إلا بأمر من إنسان مثله لكن كل اللي نقدر نعمله أننا نمنع دخولهم للبيت…

وبالنسبة ل نزار هتشوفي بنفسك اللي حصل…

رشامنصور…

وكالعادة لقيت نفسي اتنقلت وشوفت الناس ملمومه وبيرموا طوب ع بيت تقريباً بتاع نزار وطلع واحد منهم يقول منه لله هو السبب أن ابني يمو’ت. قالي انه مسحور، وعلاجه عند الجنn

وأن علاجه اسيبه في مدفن يبات فيه لوحده وتاني يوم لقيت ابني بيصرخ. وبيكلم نفسه وفضل يجري في الشارع لحد ما عدى ع مزلاقان القطر وهو معدي… شوفت ابني بيت’قطع. قدام عيني

وواحد تاني اتكلم وقال نزار فهمني أن مراتي معمول لها سحر، ولازم اسيبها له تلات أيام علشان يشيل السحرr عنها..

وخرجت من البيت وفي نص الطريق افتكرت إني نسيت الفلوس ولما رجعت البيت شوفت مراتي مد’بوحه. وهو بياخد من دمهاm وبيكتب أرقام وحاجات ع الحيطان…

وتركت الناس ومشيت براحة ودخلت جوه البيت وشوفت نزار وهو بيكلم سحر مراته وبيقولها أنا هطلع ع السطوح. وههرب منه.. واروح ع بيت حمدي الجديد لسه محدش يعرفوا هروح استخبيe هناك وبالمرة أدور ع الكنز..

وجري وسحر اخدت عيالها وقالت لهم الناس عاوزة تحرمنا من أبوكم الناس دى لازم تمو’ت. محدش له حق يعيش غيرنا..

وفجأة دخلت الناس تدور ع نزار واخدوا سحر وولادها طردوهم بره وولعواe، النار في الشقه…

وسحر جريت والعيال في ايدها والناس وراها ودخلت بيت استخبت، فيه وبعدها فضلت تجري شويه ويقعدوا شويه لحد ما قالت يلا نروح ع بيت حمدي ونقعد مع أبوكم..

وأول ما قربت من البيت شوفت جدو حمدي واقف قدام بيته ونزار واقف بيترعش كأنه بيتكهرب وفضل كدا لحد ما اختفي لحمه وبقي عظام. وشوفت زى ورق بردي وقع. من ايد نزار ع الأرض وجدو حمدي خدو ودخل به البيت…

وببص ع سحر لقيتها صر’خت. وقالت ل عيالها حمدي قtل. ابوكم وطمع، في الكنز لوحده..

الكنز ده بتاعي أنا ونزار …. حمدي حرمنا منه.. لازم انتtقم. منك يا حمدي ومش هرتاح. إلا لما احسركr ع الكنز واخليك تعيش مذلول.. وبعدها اقطعe من لحمك وأنت حي،….

ومن كتر ما حسيت بالرعب.، قولت يا عيشوش ورجعت ع غرفتي وأنا بترعش ومش قادرة استوعب اللي شوفته..

جدو حمدي هو اللي أمر الجن، بقtل نزار وطمع في الكنز