رواية ورطت حياتي – الفصل التاسع
ندى قالت… ليه لقيت واحده تسد مكانها
معتز قال… لا لقيت اللى تسد مكان اى واحده واللى احلى من اى واحده
ندى قالت…. امم بجد ودى مين دى
معتز قال… مش دلوقت بعدين هبقى اقولك وعده شهر وهما بيقربو من بعض اكتر
وكان معتز واقف مع والده اللى كان بيقول… انت خلاص كده نتيجة الانتخبات طلعت وانا نجحت شكرا يا بطل انت دلوقتى تقدر تطلق البنت خلاص
معتز قال… ايه هو الشهر خلص بسرعه كده
ابوه بصله وقال… ايه انت مش فرحان انه خلص
معتز قال… اه لا لا فرحان طبعا
ابوه قال… لا انت شكلك مش حابب تطلق
معتز قال… يا ريت يا بابا
قال… اه هى حلوه يعنى بصراحه تتحب بس مش بلدى شويه
معتز قال… ما عرفش يا بابا بس انا ببقى مبسوط اوى بقعدتها وبتمنى لو تطول شويه الشهر عدا بسرعه قوى لسه فى حجات كتير كنت عايز نعملها سوا
ابوه قال… اللى يشوفك دلوقت ما يشوفكش وانت بتقول شهر بحاله يا بابا يلا روح قلها وشوف هترسى على ايه
معتز قال… اه هروح اقولها وطلع على فوق ولقاها عامله عشى وشموع وجو حلو وكانت لابسه بيجامه رقيقه جدا
معتز قال…. ايه الجمال والروعه دى هو دا ليه انا
ندى قالت… امم
معتز قال… ليه لوحدى
ندى قالت… اه مالك فى اى انت ما تبسطش من المكان اشيله
بس معتز قال بسرعه…… لا لا انا بس كنت مع بابا قالى انو
ندى قالت…. اه عرفت انو نجح وحبيت نحتفل باخر يوم لينا سوا لانه خلاص انا وانت كدا دا اخر الطريق وكل واحد هيرجع من تانى لحياته
معتز قال…. ما عرفش بالنسبالك بس انا لقيت حياتى خلاص
ندى قالت… ايه انت تقصد ايه بالكلام دا
معتز قال… اقصدك انتى انتى حياتى يا ندى حياتى اللى حبيتها معاكى قبلك كانت فاضيه اوى وما فيهاش اى حاجه حلوه
ندى قالت…. بجد يا معتز يعنى انت مش عايز نتطلق
معتز قال…. لا مش عايز ولو انتى كمان لا مش عايزه تسيبينى يبقى انا اسعد واحد فى الدنيا موافقه تكملى معايا ولا مش حابه تكملى ندى هزت دماغها بلا
معتز قال… لا مش عاوزه تكملى ندى هزت دماغها بلا معتز نزل دماغه بيأس وقال… انا بس ندى قاطعته
وقالت.. لا مش عايزه اتطلق مش عايزه امشى واسيبك
معتز قال بفرحه… ايه قولى والله
ندى قالت… والله بس تبطل سوسو وشوشو واللى تعرفهم دول ومايجوش هنا تانى عشان انسى انى كنت ورطه
معتز قال… انا نسيتهم اصلا ونسيت نفسى معاكى انا مش فاكر غيرك من ساعت ما شوفتك انتى اجمل ورطه عشتها فى حياتى ورطه حلت حياتى وبقت اجملها
يتبع.. (رواية ورطت حياتي) اضغط على اسم الرواية لتجد الفهرس كاملاً بجميع الفصول.