رواية هروب اضطراري الفصل السادس 6 – بقلم بقلم جيجي

رواية هروب اضطراري – الفصل السادس

٦ بدون نت….جنات قالت بحزن…. ليه انت ما عيزش حد يعرف انك اتجوزت

بلال قال… لا انا عشانك

جنات قالت…. انا مبسوطه وراضيه يا بلال هو خلاص مش هيقدر يا خدنى هقول قاعده مع جوزى هقول انا عايزه افضل معاك محدش يقدر يأذينى دلوقتى طلعت من مملكته بقيت حره هو مش هيقدر يأذينى صح انت مش هتسيبهم يا خدونى وانا مش همشى لوعلى موتى انا كنت مسجونه معاك شوفت الحريه ما قدرش ارجع برجلى ليهم ولسجنهم

بلال قال… وانا مش هسيبك ليهم انتى مر بس قطع جملته وبص فى الارض بحزن

جنات قالت… قطعتها ليه يا بلال ليه ما كملتهاش

بلال لف وقال… فى فرق بينا يا جنات انا مهما كنت غفير عندكم ما اقدرش ابقى انانى كدا انا لما وافقت وافقت عشان اطلع من هناك انما انا لو خليتك معاى على طول ابقى باذيكى انا بيتى مش كيف بيتك

جنات قالت.. بيتك سكن ومسكن وبيتهم سجن يا بلال

بلال بصلها وقال… اكلهم غير انا واكلى فول وطعمية

جنات قالت… اكلك شهد واكلهم سم

بلال قال… فرشتك ستان وحرير وفرشتى خشب

جنات قالت… انا اول ليله انامها وانا متطمنه كانت امبارح على كتفك وفرشتك يا بلال

بلال قال….. هتركبى مواصلات انا ماعنديش عربيه

جنات قالت… هروح مشى لو يدى فى يدك

بلال قال… هتتعبى يا بت الناس هتكنسى وتتطبخى وتغسلى

جنات قالت…. خدمتك احسن راحه يا بلال

بلال قال… بس انا لسه قدامى وقت طويل على بال ما افتح عيادتى واضبط دنيتى هتشقى معايا يا بت الناس

جنات قالت… الظاهر انى بشحت الحب منك وانت معاوزنيش خلاص كتر خيرك يا بلال

بلال قال.. انا يا جنات دا انا دعيت فى صلاتى انك تكونى من نصيبي انا من ساعت ما شوفتك وانا متمني اكمل اللى فاضلى فى عمرى معاكى انا فرحت انك اخترتينى انا من وسط الناس اللى بتشتغل هناك

جنات قالت بفرحه… جد يا بلال يعنى انت كمان

بلال قال… انا بحبك وحاوط وسطها باديه ولسه هيقرب منها بس جنات رجعت دماغها لورى

وقالت… انت هتعمل ايه

بلال قال… ايه هبوسك

جنات قالت.. امم وفين الشيخ بلال

بلال قال… واه مش انتى مرتى يعنى حلالى كل حاجه مسموحه مدام فى الحلال

جنات حطت اديها تبعد اديه وقالت… طب بعد كدا لحد يشوفنا تبقى فضيحه

بلال قال.. فضيحة ايه يا بت مش انتى مرتى

جنات قالت…. باليل لما نعمل الفرح وكل الناس هنا تعرف انى بقيت مرتك

بلال قال… نستنى الليل انتى جيتى فى جمل يعنى بس مش اكتر من كدا

جنات قالت… واه دا انت ملهوف قوى على كدا ميبانش عليك

بلال قال… ايه اللى ما يبانش عليا

جنات قالت… انك مستعجل كدا ما شفتش منك حاجه زى كدا واصل

بلال قال… عشان الاول كنا هاربين وبعدين خوفت ابقى بستغل الوضع وكنت فاكر انك هتتطلقى بس دلوك بقيتى حلالى يعنى خلاص ولا ايه

جنات مشيت وهى بتقول بدلع… بعد الفرح

بلال قال… ماشى احسن برضه عشان يبقى فى إشهار بس المهم يبقى فى قبول

جنات قالت… خلاص عاد بتكسف بس قاطعهم دخول تقى وهى بتقول لولو لى يلا بقى يا عروسه عشان تجيبى الفستان ما فيش وقت

بلال قال… لا انتو هتطلعو بره

تقى قالت بسخريه.. لا الفستان اللى هياجينا

بلال قال…. لا انا مقدرش اطلعها بره الدوار بره مش امان واصل

قالت… ولا حتى وانت معاها

بلال قال… انا ازا كان كدا ماشى

جنات قالت… طب يلا بينا ولبست وبعد وقت كانو واقفين فى اتليه وبلال واقف بره وجات جنات ومعاها الفستان

وبلال قال… ايه اخترتى ليه ما ورتيهوليش وانتى لبساه

جنات قالت… تؤ تؤ يوم الفرح

بلال قال…. امم ماشى هتفاجأ انا يوم الفرح وراحو جابو دبل

وجنات قالت… بلال تعرف انا اخترتك ليه

بلال قال… ايوه امى بتقولى انى منحوس من يومى والمشاكل بتلزق فى قفايا كيف اللى محدوفه بالنبله

جنات قال… مشاكل انا اخ منك دبش لا يا خوى مش عشان منحوس عشان المحترم بيبان من شكله

بلال قال بضحك.. هى سقعت ليه يلا نروح

وروحو على البيت بليل كان بلال نايم فى الصاله وجات جنات

وقالت… بلال انت ليه هتنام هنا

بلال قال… لحد الفرح

جنات قالت… ايوه بس انت كنت بتنام معايا ليه هتسيبنى لحالى

بلال قال… عشان انا كنت وقتها جوز على ما تفرج بس دلوك يمكن ما امسكش نفسى

جنات قالت… بلال بطل غلاسه انت قولت انك هتفضل ويايا قوم يلا انا بخاف انام لحالى

بلال قال… جد ومين كان بينام معاكى هناك

جنات قالت بدلع… هناك كنت بخاف عادى وببكى عادى بس ما ينفعش اخاف وانا معاك صح

بلال وقف بسرعه وقال…. طبعا صح قومى هنروح اوضتنا انا امى قالت استنى الفرح بس هطلع انام واصحى قبل ما تقوم يلا وراحو سوا فى صباح يوم جديد كان بلال رايح الشغل

وجنات قالت.. بلال اوعى تكشف على بنات يا بلال انا. بقولك اهه

بلال قال… يعنى هوديهم لدكتور تانى يا جنات ما انا لازم اكشف عليهم

جنات قالت… طب بص اكشف من بعيد يعنى متركزش ولو بطن تمام قلب لا

بلال قال… جنات روحى الله يهديكى هتاخرينى

جنات قالت… طيب ومشى وباليل كان وقت رجوعه وجنات كانت قاعده مستنياه بس ما جاش عند بلال جالو واحد

وقال… أمى بتموت يا دكتور الحقنى ما عرفتش اجيبها تعال شوفها

بلال قال… طب اهدى انا جاى معاك اهه وراح معاه بس لما دخل لقى صابر فى وشه

وقال… اهلا بغفيرنا الواطى اللى خد بتنا وهرب بيها ولا نقول جوز الفاجره

بلال قرب يضربه وقال…. اخرص جنات أشرف منك يا كلب بس رجالت صابر وشدوه لورى

وصابر قال… هنشوف ازا شريفه ولا شرفتو يا عاشق زمانك انت والغندوره اللى دفنت راسنا فى الوحل اربطوه واتصل على ابراهيم

وقال… اللى بتدور عليه معايا هات بتنا تاخدو

الفصل التالي اضغط هنا

يتبع.. (رواية هروب اضطراري) اضغط على اسم الرواية لتجد الفهرس كاملاً بجميع الفصول.