رواية مذكرات زوجة – الفصل الأول
اني هاله مواليد ٩٠ الكل بلبيت يصيحولي هيله
هلكد ماعزيزه عد اهلي وعمامي
اني بيضه وجهي دائري عندي خدود كلش مميزات
وعندي شامه بخدي
عيوني سود حلوات مثل الدائره يعني مامسحوبات
وخشمي عدل
اكثر شي اشبه امي
شعري اسود طويل
امي وخالتي مزوجات الاخوان
يعني عمي مزوج خالتي وعندي بعد خاله ازغر من امي مزوجه واحد غريب
عائلتنا تتكون من
اختى منى الجبيره مواليد ٨٨
وبعدين اني مواليد ٩٠
وبعدين احمد مواليد ٩٣
وأخير شي محمود مواليد ٩٥
بابا عسكري متقاعد وامي ربت بيت
عدنا بستان بابا مخلي بي فلاح يشتغل بي ويجيبلنا الوارد
من غير كفايتنا من الزرع
جمانه السعيدي
الأشخاص الي ادور قصتي عليهم
بيت عمي ابو ناطق الي هو ماخذ خالتي
عمي يشتغل يببع بيبان حديد وشبابيك وشيلمان وحديد
أمورهم كلش تمام
عائلتهم تتكون من ناطق الجبير
وبعدين سهى ونهى وأخير شي حيدر
اما خالتي الي مزوجه عمو صادق احنا نصيحه عمووو
بس هو غربب
انسان محترم بشكل
ويقدرنا حيل ولا يترك اي مناسبه النا مايحضره
احنا نتعامل وياااا كنما من عدنا مو غريب ابد
ناطق اكبر مني بست سنوات دائما من يجينا نتبادل نضرات الاعجاب
كنت احس بحبه اليه
من صف رابع عام الحد سادس هو دائما عدنا
ويتعمد يحجي وياي ويضحكني
ويسئلني عن مدرستي
بس مامصراحني بحبه ابد
يعني يجي عادي عدنا ياكل ويشرب
يدخل ماين للببت بيت عمه وخالته بعد
واهلي كلش يحبونه
ناطق مواليد ٨٥ طوله ١٨٠ رشيق حنطاوي شعره اجعد
صاحب لحيه وشوارب
أنيق ومرتب بشكل
عنده جاذبيه مو معقوله وضحته حلووه
هلكد مايجينا يعرف كل تفاصيل حياتنه
بيوم ردت اكص شعري اني شعري كلش طويل واسود
بس البنات كلهن وياي يكصن ويسون تسريحات
واني كل يوم اضفر كصيبه
وامي ماقبلت اكص شعري
بيومه هو اجانا وشافني زعلانه
هذا الحجي اني صف سادس ادبي
طبعا بيومه كاعدين اني وامي واختي واخوي الزغير محمود
جمانه السعيدي
ناطق منو مزعل هيله
امي تريد تكص شعرها بله بشرفك هذا الشعر ينكص
اني شكد معتنيه بي
واغسله اله بايدي وامشطه واجيب زيوت
وهسه تريد نكصه
هيله كل صديقاتي كصن شعرهن بعدين اني السنه سادس
وشعري طويل وينرادله عنايه
اكصه وبعدين ارجع اطوله
ناطق انتي تحجين صدك هو هذا الشعر ينكص غير يخبل
ماما اي فدوه قنعه ترا ماتقتنع
ناطق لا ماتكصي شعرج حلووو
بيومه زعلت منهم ليش مايقبلون اكصه
ناطق خريج كلية هندسه الكترونيه
صار سنه من تخرج
طلع تعيينه بدائرة الكهرباء تعرفون اذا مهندس بدائرة الكهرباء راتبه بكون عالي
بهاي المناسبه ببت عمو سووو عشى وعزمو كل الأقارب
واحنا كلنا رحنا الببتهم
احنا البنات نشتغل بلمطبخ ونساعدهم
وناطق كل شويه وجاي للمطبخ
ناطق لا تخلون هيله تشتغل يمعودين طالبة سادس
قرب عليه وكال خوماتعبتي
هبله لا شنو تعبت الف مبروك انشاء الله توصل مدير عام
ناطق اي هذا الدعاء الحلوووو
حسيته بيومه راد يكول شي بس البيت هوسه وماكو فرصه يحجي وياي ابد
ناطق كان يحبني ومعجب بيه بس ماكو فرصه يصارحني ابد
لان كلما يجينا كلنا نكعد يمه
بس اني كنت حاسه بي
ونضراته اليه كله مشاعر
من الجه الثانيه ابن خالتي سناء وعمو صادق يحبني ومعجب بيه اسمه علي
هو صف سادس علمي
اني ويااا نفس العمر مولودين بنفس الشهر
بس مايجبنا بكد ناطق ناطق يجينا اكثر
بيوم العزيمه تفاجئت بعلي يصارحني بحبه
قرب عليه واني كاعد احضر بلزلاطه وانطاني ورقه
كال بلبيت افتحيه
ضميته وكملت شغلي
طبعا احنا بيوتنا متقاربه بنفس المنطقه بس بيت عمو ابو ناطق أقرب علينا من بيت عمو صادق
رجعنا للبيت بعد العزيمه وفتحت الورقه
كاتب بيه اني احبج من زمان بس ماكو فرصه افاتحج بهذا الموضوع وإنشاء الله بس اخلص سادس اجي اطلب ايدج
الصراحه اني معجبه بناطق اكثر
احسه جبير وفاهم
وابد مامفكره بعلي
ولا يجي على بالي
نجحت من السادس
ومنى خلصت معهد هاي السنه
وعلي ابن عمو صادق نجح ومعدله يدخله معهد طبي
جمانه السعيدي
ناطق بيومه رجعت للببت
ام ناطق صلوات هيله نجحت ومنى هم نجحت
نريد انروح نباركلهم
ناطق بهاي المناسبه اريد احجي وياج بموضوع
ناطق امي اني اريد ازوج
…يوم الهنا هذا اليوم الي اني منتضرته صار سنيبن
…اني اريد هيله
…هيله ليش هيله منى اكبر وخريجه وحلوه ومعدله وامه تكول شايله البيت شيل على راسه
.. اني اريد هيله
…بكيفك بس خاف تريد تكمل دراسه
…اني مااريد تكمل دراسه خلاص شهادة السادس كافيه عليه
اني موضف وعندي راتب بعد هي شسوي بلمدرسه
…اروح احجي وياهم واشوف ردهم شنوووو
وفعلا اجت خالتي علينا تباركلنا بلنجاح وفتحت الموضوع ويه امي
ام ناطق احنا نريد هيله الناطق
امي هيله ليش مو منى
…ناطق يريد هيله
…زين اني احجي ويه ابوها وارجعلكم الخبر
…تمام
ام هيله ابو احمد ألبوم بيت ابو ناطق اجو يطلبون ايد هيله
…هيله ليش هيله منى الجبيره
..هم يردون هيله وشني منى بايره هسه تجيه قسمه زينه الحمد لله حلوه ومرتبه وخريجه
….زين شوفي بتج تقبل ترا ناطق خوش ولد وموضف
مانلكه احسن منه ابد
هيله اني بيومه سمعت خالتي من طلبتني كلش فرحت
لان اني صدك احبه
وامنيتي ارتبط بي
بليل امي اجت تفتح الموضوع وياي
…اليوم بيت عمج طلبو ايدج للزواج ناطق يريدج
…بكيفكم بس اريد اكمل مدرستي
..من يجي ابن عمج اكعدي ويااا وكليله اريد اكمل مدرستي
…تمام
ثاني يوم امي اتصلت بيهم ونطتهم المواففه بس كالتلهم البنيه تريد تكمل دراسته
العصر اجه ناطق وخالتي اني بس سمعت بيهم ركضت بدلت لبست فستان ماروني مخصر وفتحت شعري
ابوي واخواني ماكو موجودين
بس امي ومنى
دخلت وسلمت عليهم وخالتي حضنتني وباستي وباركتلي
امي البنيه ماعدها مانع وابوها موافق بس عدها شرط تكمل دراسته
ناطق شسوي بلدراسه شهادة السادس كافيه عليه
الزوجه ماله غير بيته واطفاله
اني ضد واحد ياخذ موضفه
يبقى طول عمره مشلوع كلبه
الجهال بجهه وهو وزوجته بجهه
ولا اكله طيبه ولا راحه تبقى تركض ومتلحك
هيله مو شرط اتعيين خل اخذ الشهاده وبس
ناطق وشسوين بلشهاده اذا ماتتعينين بعدين اني الحمد لله
راتبي خير من الله وراح ما انقص عليج اي شي تطلبي
واكعدي وأخذي راحتج
بعد شسوين بلشهاده
جمانه السعيدي
امي يله خل نطلع حتى يتفاهمون هو وياها
لازم ثنيبنهم يقتنعون
هذا زواج مو لعبه
عشرة عمر مو يوم لو يومين
الكل طلع وبقينا بس اني ويااا
ناطق كمت وكعدت بصفه
انتي ماتدرين اني شكد احبج ومتعلق بيج
صار اكثر من اتلث سنوات واني انتضر هذا اليوم
انتضر اتخرج واتعيين واجي اخطبج
هيله يحجي وياي ومد ايده يلعب بشعري
كلامه سحرني خلاني مااندل راسي من رجليه
ناطق صدكي راح ادللج دلال ومااخليج محتاجه اي شي
هيله بكيفك
ناطق نكول على الخير والبركه
هيله اشرت براسي اي موافقه
ناطق هاي هي نتوكل ونجيب مشيه العمي
طلعو ناطق وخالتي وعمي اجه بليل بحدد ؤوم المشيه
والعقد
وصل الخبر البيت عمو صادق وعلي تخبل
اني اريد هيله
شنو هيله تاخذ واحد اكبر منه بست سنوات
اني اريده اني وياها نفس العمر ونفس الجيل
انكمل دراسه سووو
ليش هي مستعجله على هذا الزواج
طلع علي وراح البيت عمو ابو ناطق
علي عندي موضوع اريد احجي وياك بي
ناطق اي تفضل ادخل جوه
علي لا اريد احجي وياك هنا مااريد احد يسمعنا
ناطق خير خوفتني
علي اني احب هيله وصارحته بحبي ممكن تنسحب من هاي الزواجه
اني اريده انت ممكن تختار وحده بعمرك موضفه مثلك
الفصل التالي اضغط هنا
يتبع.. (رواية مذكرات زوجة) اضغط على اسم الرواية لتجد الفهرس كاملاً بجميع الفصول.