رواية مجهول الهوية – الفصل الأول
اتولد ب تشوه كبير في وشه الام رميته في الترعه وبعد سنين رجع ومعاه حكايه عن موت ابوه
كانو بنتين فى العشرين قاعدين سوا عند البحر
عزه… بطلي بوكا واشرحيلي ازاي ده حصل عشان انا مش فاهمه منك حاجه
ليلى… انا هشرحلك من يوم ما اتولد بس اهدي عليا عشان انا اعصابي تعبانه
عزه… طيب ما تبكيش
ليلى.. امو عيشه… ونعيم…. وحسن… دول عيلته الحكايه بدات اول ما ابويا رجع من الصيد وامى زينب راحت تستقبلو
زينب… ايه اللي انت جايبه معاك ده يا عادل
عادل… ده ولد لقيتو مرمى في الترعه انا كنت رايح البحر اصطاد الساعه 2:00 الفجر وعديت من طريق الترعه لقيته طايف على وش الترعه فى طشت بلاستك صغير قوى اتولد النهارده طلعته وجبته وراه حكايه كبيره قوي وواعره بس بعدين ليها وقتها
زينب…. هو احنا لاقيين ناكل عشان تروح تجيبلنا عيل لا وكمان وراه حكايه واعره
زينب…. بقولك ايه انت ترجع الواد ده من مطرح ما جبته ويا دار ما دخلك شر
عادل… انتى بتقولي ايه انتى عايزاني ارمي حته لحمه حمرا زي دي في الترعه كده كانى ما شوفتش حاجه
زينب… اللحمه الحمرا دي واد حرام واهلو اللى رموه
عادل… هو ما ذنبهوش حاجه بعدين مين قالك انه واد حرام مش يمكن عشان وشو او فى حاجه تانيه
زينب… قال يا ولدي على رأى المثل العشا الزين من العصر يبين…. والجواب يبان من عنوانه… يعنى واحد ومرمي في الترعه هيكون راموه ليه يعني
بقلم الكاتبه جيجي
عادل.. طيب شوفي الولد متشوه كيف يعني مش كفايه هيطلع باللي في وشه ده كمان هيبقى ولد حرام وكمان ما يلاقيش اللقمه سايق عليكى النبي يا زينب لا تخليه معانا وتربيه كيف ولدك بالظبط
زينب…. انت عايز تشلني عيلى زى ده
عادل.. اشلك ليه وتشيليني ليه شوفي حلو ازاي بشوش قوى وعنيه جميله
زينب… اه بس لولا العلامه اللى على وشه الناحيه اليمين دى تخوف يعني خايفه منه بالعلامه اللي في وشه دي
عادل… وشو كده يا زينه خلقت ربنا ما تعيبيش فيه احسن تاجى فى ولدك بصى انا هقولك على حاجه احنا هنربي الواد ده كاننا جبنا ولدين كيف ولدنا اسماعيل بالظبط
زينب… حاضر بس لو جاتلنا مصايب هتاجي من ورا الولد ده وتبقى تقول زينب قالت
عادل… بس انت ما لكيش دعوه بيه عليا اي حاجه هتحصل بسببه بس اهم حاجه ما تعمليش زي مرت العزيز لما حبت سيدنا يوسف
زينب… والله انت بالك رايق بحسدك على رواق البال ده قولي بقى هتسميه ايه
عادل… هسميه ياسين عجبني قوي
زينب… حلو بس قولى الحكايه الواعره اللي وراه
عادل… لاه الحكايه دي محدش هيعرفها واصل غير ولدى ياسين ولما يكبر ويشد طولو كده هقولو على كل حاجه حصلت معاه
زينب… يعني انت شوفت اللي رموه في الترعه وووو
الفصل التالي اضغط هنا
يتبع.. (رواية مجهول الهوية) اضغط على اسم الرواية لتجد الفهرس كاملاً بجميع الفصول.