رواية قضية سعدية – الفصل الرابع
سعديه…قررت احجي وياا اذا بيها مجال يتعالج
شلون راح نستمر هيج
اني اريد اطفال من حقي اكون ام
ولا هذا الزواج ماله داعي
مثل كل يوم يطلع ويا اصدقائه يلعبون دمونه يجمعون بيت ويبقون سوالف وضحك
بقيت انتظره الساعه وحده ونص رجع للبيت
لكاني كاعده
بس شافني حس راح اصير مواجها بينا اني ويااا
راسا بين على ملامحه الضوجه
دخل حجا بعصبيه
رحيم…هااا شكووو كاعده
سعديه…اريد احجي وياك
رحيم…تعبان ومالي خلك خليها على باجر
سعديه…ترا مايصير هيج انت الصبح بلشغل والعصر نايم وبليل ويا جماعتك
اني اريد احجي وياك
رحيم…اهووو موكلنا على باجر
سعديه…واني اريد هسه نحجي
بدل ملابسه وتمدد وتغطى
سعديه…سحبت الغطى وكتله لازم تسمعني
اذا بيها مجال تتعالج ليش ما تتعالج
رد عليه بعصبيه شنو اتعالج شايفتني كدامج مريض
سعديه…اي مريض شنو معناها وضعك هذا اذا مو مريض
راسا رفع رجله ودفرني طحت بلكاع
كعد على حيله وصاح بيه
رحيم…اسمعي ولج اذا سمعتج تحجين بهذا الموضوع مره ثانيه اموتج تموت
فهمتي لو لا ممنوع تحجين بهذا الموضوع
حتى ويا نفسج
قسما بلله كتلج يصير بلنعل
موزين ورضيت بيج عجيز وضاله بلدار محد بحالج
اكعدي ونجبي
اكلي خبزتج ونامي
انتي مومال احترام هاي اخر مره اسمع بيها صوتج
ممنوع تحجين بهذا الموضوع مره ثانيه
ماضلت بس سعيديه عليه
صوجي جنت مرتاح وراسي بارد ليش ورطت روحي هيج ورطه
جمانه السعيدي
سعديه…غطا راسه ونام
مااعرف شسوي لو شلون اتصرف فوك ما ضحك عليه
النوب هو الي ماراضي
وهو الي يحجي ويهدد
مااكول بس عيني بعين الله
سكتت ورضيت بلواقع لان مااكدر احجي بهذا الموضوع
ابد
اني ما تهمني العلاقه بكد ما يهمني يكون حنيين عليه
ولله لو شايفه منه اهتمام حتى الأطفال مااريدهم
حنيته عندي تسوه الدنيا ومابيها
فوضت أمري لله وحده
تحولت تدريجيا إلى خدامه بهذا البيت
اشتغل بلكمتي
يعني هاي حامل ماتكدر سعديه تاخذ مكانها بلشغل
هاي ابنها يبجي سعديه بمكانها
هاي راحت البيت اهلها سعديه بمكانها
صرت اشتغل شغل فوك طاقتي
بس حتى التهي ويخلص الوقت وماافكر بضيمي
ومصيبتي الي ما لها حل
ورحيم ابد مو بحالي من الشغل للنوم للطلعة يرجع متاخر وينام وهاي الدوامه ما تخلص ابد
من اروح الاهلي اخلصها نوم واكل
عبالك مسجونه وطالعه من سجن
سعديه…يمه اريد كباب عروك
امي…اي من عيوني شو تتشهين اضنج حامل
سعديه…وووين حامل كلشي ماكووو
امي…اشوفج بس نايمه وتاكلين اذاماطلعتي حامل كولي امي كالت
سعديه…يمه فدوه لا تحجين بهذا الموضوع بعد
امي…ليش ماااحجي صارلج ٦ اشهر من عرستي
هسه اطلعين حبله
سعدية ….خفت احجي الامي تحجي الابوي واخواني
والسالفه توصل لعيالي وتصير مشكله
اني ابد ماعندي تجارب للحياة
واخاف من تهديد رحيم اخاف الناس تعرف
وتتشمت بيه
فوك ماازوجت متاخره النوب طلع رحيم مو رجال
ولله الناس كلها تضحك عليه
جمانه السعيدي
سكتت ورضيت بقسمتي ونصيبي
هواي اكو مثلي تزوج ويتعرض زوجها الحادث
لو يموت اعتبره ميت ماموجود
من رجعت العيالي بليل رحيم هلمره اجا من وكت
الدنيا تمطر وكلمن رجع البيت اهله
السهره انلغت لان الكهرباء طفت بسبب المطر
سعديه…اريد احجي وياك
رحيم…ليش ماتبطلين هاي السوالف
سعديه…يااا سوالف كلشي مااريد منك بس المعامله الحلوه
شوف اخوانك شلون يعاملون نسوانهم
انت ليش هيج تعامليني
رحيم…وتردين مثلا اسمع كلامج امشي بشورج
تردين تركبين عليه
سعديه..كل ذني مااريدهن اريدك تكعد تسولف علبه
تسئلني شبيج محتاجه شي
رحيم…ما تنجبن وتصمين حلكج
اسمع شنو اسمعج انت شنو واسمعج وحده لا فهم ولا علم شنو بيش تردين تحجين
بلطبخ لو بلتنظيف
صدك النسوان ناقصات عقل ودين
سعديه…لاتسمعني عوفني اني مااعرف احجي انت احجيلي عن يومك
اخذني بحضنك حتى احس بلامان
انت ليش كارهني اني بيش غلطت وياك
رحيم…اني ليش رجعت جان بقيت كاعد بلمطر احسلي
ولا هاي اللغوه الزايده
جمانه السعيدي
سعديه…اذا ما تريدني طلكني وخل ارجع الاهلي
( طبعا اني مااريد اطلك عدنا المره المطلكه عيب والناس ابد ماترحمها مايكولون الصوج برجلها لا هي موزينه وطلكت المره الزينه تتحمل الضروف الصعبه
وتساعد زوجها حتلو كان انسان موزين لو بي كل عيوب الدنيا تبقى ويا وما تعوفه ابد بس كلت طلكني
بلكت يحس شويه ويعاملني معامله حلوه لان مليت من وضعي هذا واريده يحس بيه ولله لو يغير معاملته وياي
جان كمت احبه وتعلقت بي رحيم اول رجال بحياتي
اني فتحت عيني علي اريده يهتم بيه حتى هذا الزواج يطول عمره )
سعديه….سمعتني اذا ماتريدني طلكني حتى ارجع الاهلي المن باقيه هنا
التفت عليه وضربني راشدي وكعت على ضهري من قوة الضربه
رحيم…بت المطي تردين اطلكج حتى ترحين تحجين بيه بين الناس وتزودين كلام منج
شوفي اذا حجيتي هيج مره ثانيه
قسما اخذج الاهلج واكول لكيت وياها واحد بلغرفه
واخلي سمعتج على كل السان
مراح اعوفج تتهنيين ابد تعيشين وتموتين
خدامه جوه رجليه وممنوع تفتحين حلكج بكلمه وحده
تردين تطلك العجيز صحلها رجل كالت اعور
انتي منو مكلبج منو بحالج
احمدي ربح ليل نهار الغيرج هسه شايلتني شيل
اني واهلي
كومي كومي منا الله لا يبارك بيج
سعديه..نزلن دموعي واني اسمع كلامه
معقوله اني راح اخلص عمري هيج خدامه بهذا البيت
خاف اروح الاهلي وصدك يطلع عليه حجي
والناس ما تصدك تسمع كلام موزين على واحد
كبل ينتشر
حتى اخواني راح يصدكونه ومو بعيده يذبحوني
نزلت فراش ونمت بلكاع نمت واني دمعتي على خدي
واتحسب على رحيم واهله
الي ضحكو عليه وقشمروني اني واهلي
جمانه السعيدي
حياتي من تعيسه إلى اتعس ويوم اسوء من يوم
اني بهذا البيت خدامه
خدامه ونص بطنها جوع
عمتي حتى الخبز تحسبه خاف وحده منا تجوع وتاكل
من اروح الاهلي اجيب وياي
فواكه وتمر وخبز اقوت بيهن نفسي الحد ماارجع اروح عليهم مره ثانيه
بعد زواجي بسنه وحده
مات ابوي
طلع للبستان هو واخواني ووكع هناك
نقلو للمستشفى الدكتور اكد وفاته من اول ما وكع
من مات ابوي اعتبرت نفسي متت ويااا
هو الي جان حنيين عليه ويسئل ويطلع مصرفي
وكل كم يوم تجي امي تكول ابوج يكول مشتاقلها
بعد من يسئل عني ومنو بحالي
اخواني من يوم ازوجت لليوم صار سنه ماداخلين عليه
بعلاكه برتقال
اشوفهم من اجي البيت اهلي
لا يسئلون عني ولا بحالي
بقيت سبع ايام بيت اهلي دمعتي ما نشفت ابد
ليل نهار ابجي هلمره اني صدك ضعت
منو بعد يسئل عني
بعد اليوم السابع اجت ام رحيم
تعاي رحيم يكول خل ترجع للبيت بعد شكو باقيه
بيت اهلها
رحيم وإخوانه صح موجودين بلفاتحه
بس رحيم ابد مافكر يسلم عليه لو يعازيني
لو ياخذ من خاطري
اصلا ما شفته ابد
اخواني ثنيبنهم كالو يله روحي ويا عمتج
لميت ملابسي ورجعت ويا عمتي
من وصلت للبيت البنات سلمن عليه حتى حمويني
سلمو عليه واخذو من خاطري
بس رحيم ماالكيته بلبيت
بليل فرشت فراشي بلكاع ونمت مااريد اشوفه
ولا اسمع صوته
جمانه السعيدي
بليل من دخل سمعت صوت الباب
دخل بدل ونام على الجربايه
الصبح يحركني برجله واكف على راسي ويدفعني برجله
فتحت عيوني بدون اي كلام
رحيم…ملابسي اغسليهن خليتهن على الجربايه
طلع للشغل واني بقيت بمكاني
توقعت بليل يكعدني وياخذ من خاطري عبالك عدوته
مو زوجته
شويه ودكت الباب عمتي
اكعدي اعجني هم يله يختمر الدنيا بارده
كعدت استغفرت ربي وطلعت من الغرفه
عجنت وخليت الجدر على النار ودخلت اغسل ملابس رحيم من طلعت عمتي كالت هاي بيضتج اتريكي
سعديه…مااشتهي
راسا اخذتها وضمتها حتى ماكالت ليش ما تشتهين
اجيبلج شي ثاني
حياتي كانت روتينيه وصعبه وممله
خدامه مجانيه بيتهم محد بحالي ولا احد يسئلني شنو محتاجه
حتى من لبست اسود على ابوي امي جابتلي دشاديش اسود وحجابات ثنيين
البس بيهن
بس اي واحد من عيالي ما فكدني باي شي
٣ سنوات شفت المر من زوجي ومن عيالي
والغريب الي يشئل ليش سعديه ماحبلت
عمتي تكول جبيره وينها وين الحباله بنيه جبيره
جان زوجنا رحيم بس خطيه سعديه
يتيمه منو الها وين اتروح
هذا الكلام كنت اسمعه بااذني واسكت شسوي
مابيدي شي
بمكان ماتكول مضلومه شايلتنا شيل والرجال مابي حظ
تكول هي ماتحبل جبيره شلون تحبل
ومره اجت جوارينا كالت عمتج تكول زوجها يموت عليها
اكله يمه ازوج حتى يصير عندك أطفال
يكول مرتي عندي تسوه الدنيا كلها
مايقبل يزوج عليها
يحبها يموت عليها
سعديه…هذا الكلام كان يموتني تموت اني عليه ضغط مو طبيعي
محد فاهمني ولا احد حاس بيه
مااعرف ليش صابره وساكته واني بطني نصها جوع
وملابسي من اهلي
باقيه احرك بروحي وساكته
منتظره الفرج من رب العالمين
هملت نفسي حيل لا حفافه ولا تراتيب النهار كله افتر مثل الناعور أنضف واطبخ
واشيل هاي اخلي هاي
وماكو كلمة حمد ولا شكر
كل الي يجي يدوس عليه
الفصل التالي اضغط هنا
يتبع.. (رواية قضية سعدية) اضغط على اسم الرواية لتجد الفهرس كاملاً بجميع الفصول.