رواية في منتصف الحب – الفصل الأول
مصيبه يا سى سيد
سيد…. جرى ايه يا وليه على الصبح قطعتيلى الخلف
قالت… مصيبه يا سيد الناس مصيبه
سيد… امك ماتت قولي ايوه وانا حدبح عجل واوزعه على الخلق يا نشراح
انشرح… نعم يا اخويا
سيد… قصدي يعني رحمه رحمه ونور عليها
انشراح… تؤ انا عملت كارثه كنت بكلم امي في التليفون وسمعت صوت امك واختك قالتلي مين دول قلتلها دي ام جوزي واخت جوزي جاين يقعدوا عندنا يومين الصبح سمعت خبط على الباب لقيت امى قالتلي جايه اقعد معاكى يا موكوسه اشمعنا امه تاجي وتقعد وانا ما جيش واشوفك كفايه ما بيجيبكش ادتني كلمتين فى جنابى دلوقتي هي قاعده تحت
سيد….. طيب صاحب العقل يميز مش كفايه علينا امى كمان جايبه امك الاتنين سوا ما بيريحوش واصل ده هيبقى مرار وراكب جرار
انشراح…. عارفه يا سيد ما انا قلتلك نصيبه وانا بصحيك
سيد… قلتيلي بعد ما المصيبه اتعملت هعمل ايه انا دلوك
انشراح قالت…. ما خبراش اتصرف انت مش انت الراجل
سيد…. انا عايزك تحليها انتى مش انتى اللى جبتيها كنا نمشى امى الاول وتاجى بس ايه الصوت ده
ونزله بسرعه شافوهم ماسكين فى بعض نزلو بسرعه
سيد…. خير يا جماعه ماسكين شعور بعض كده ليه
امه قالت… يمين بالله عايزالها شبشبين انا تقولى يا وليه مش كفايه انا رضيت انك تناسب بنت عبده البقال ولا عيله ولا حاجه ولا فلوس خدناها عشان خبر ايه انت رايدها تقوم تجيب الوليه امها دي بواقي النسوين وتقعدها هنه في السرايا ليه ملجا
انشراح…. واه سامع امك يا سيد
جليله امها… وليه وانتى ليه تقعدي جنب ولدك وانا ما اقعدش جنب بنتى بت عبده البقال دي مدرسينها يا حبيبتي عارفه يعني ايه مدرسينها عندها شهاده تشتغل بيها مهندسه قدام عين التخين وسابت التخين ولزقت في ولدك الجاهل ده
سيد… هو انتر بقيتي مهندسه من ورايا سامعه امك
انشراح… والله العظيم ده هم قالوا كده هيجيبوا حاجه في المجلس بالدبلومات فهي قالت هتعيني بيها مهندسه وانا سبت التعيين اصلا واتجوزتك
سيد… هتتعينى مهندسه بالدبلوم وامك اللى هتعينك وانا اللى جاهل شوفي امك
انشراح…. يا جماعه صلوا على النبي انتى يا ام الغالى زعلتى عشان قالت يا وليه طب والنبي ده سى سيد لما بيجي يدلعني بيقولي يا وليه
جليله امها…. اقعدي ساكته ما حدش خلاه يركب وينزل رجليه غيرك
سيد… ارد ولا تزعلى
انشراح… وحيات امك عنيات ماترد انى عارفه ردك اطلع استحمى يلا عشان تروح تشوف الارض وانا هحاول افض هنا جرى ايه يا اما وانتى يا حماتي الله لا يسيئك على الصبح كده ويلا كل واحد على مطرحو
عنيات…. البيت بتاع ابونا والغورب بيكرشونا
جليله… ده لما يكونوا غورب ولدك عدل شنبو كده وقال البيت بيتكم
انشراح… هو على فكره لا بيتك ولا بيتك ده بيتنا انا وسيد
وطلعت فوق
سيد هتوحشني يا سي سيد
سيد…. انتى كمان والله هتوحشيني مش فى الشغل لا هتوحشيني على ما الناس اللي عندنا دول يمشو
انشراح…. يالهوى يا سيد دول ناسنا امي وامك على راسنا لو احنا مش هنستحمل مين يستحمل
سيد….بس هم مصعبينها قوي اني صحيح ما تعلمتش بس عندي فلوس اني اوكلك واكل شعب بحاله راجل كسيب وقوتي في ذراعي وشغال ومانيش عويل ولا قاعد على القهوه يعني ما اترفضش وانتى كمان فقيره وبنت البقال بس ست جدعه وحلوه وذكيه وبتقري وبتكتب وهتعلمى العيال وهتصونينى ايه لازمه بقى من يوم ما اتجوزنا كل يوم امك تجي تعاير بالتعليم وامي تعاير بالبقاله حاجه تزهق والله
انشراح… معلش يا سي سيد اني عذرا امك اصل امك فاكره اني هاخدك منيها ودي حاجه صعبه على اي حرمه طب انا لو جت واحده تاخدك مني يمين بالله اقطعها بشبشبي ايوه امال ايه وانا لقيتك عشان امشيك دا انى بشوفك بالواسطه
سيد…. والله انتى اللي مهونه عليا الدنيا بقولك ايه ارقصيلي كده انا نفسي قوى ترقصيلى
انشراح… ما بلاش يا سيد
سيد…. انا متجوز عشان ترقصيلي انا هشغلك اغنيه
انشراح…. انت اللي قلت بقى غمض عينك بقى عشان هبهرك بس هو انت مش كنت نازل الشغل
سيد…. بقيتها يلا
وقعد على السرير بحماس بس انشراح وقفت وبقت تعمل حركات عشوائيه بوسطها وايديها وراسها وكان شكلها مضحك جدا وبتروح وبتيجي في الاوضه
سيد… فى حاجه يا حبيبتي انتى بطنك وجعاكى
انشراح… لا
سيد…. ولا عايزه تروحى الحمام
انشراح….. برضه لا
وكملت وبقت تلف تاني
سيد… طب انتى مزكومه يعني مناخيرك وجعاكى اصلك حاطه صباعك عليها يعني خير في حاجه
انشراح…. ده اغراء انت ما شفتش صافينار ما هي بتقوم حاطه صباع على مناخيرها ويد على بطنها وتلف كده
سيد…. صافينار بتعمل كده
انشراح… ايوه
سيد.. عليا الطلاق لو بتعمل كده ما كانو خلوها في البلد دقيقه واحده
انشراح… كمل بس نار نار نار
سيد… نار تحرقك وتحرق اللي جابوكى يا حبيبتي الاغراء ما بيكونش كده كيف اغراء بالكلسون اللى انتى لابساه تحت العبايه ده كالسون في الصيف يا وليه
انشراح… مش كلسون ده بنطلون تحت الجلابيه
سيد… انتى فى الاوضه والباب مقفول وبترقصيلي ليه التكتيفه دي
انشراح… بقولك ايه انا متعوده على كده
سيد… طب بصي عايز اروح الشغل اجي بالليل الاقي سهره حلوه كده نعوض التقلصات اللى جات فجأه دى
انشراح…. عيني يا سي سيد ده انت هتيجي تلاقي هيفاء
سيد…. احب على يدك بلاش تنكر كفايه انا ارجع الاقيكى انتى زي ما انتى
انشراح…. ده انا هبهرك هحضر طقم ما فيش غيره اللي هيرجع صقته
الفصل التالي اضغط هنا
يتبع.. (رواية في منتصف الحب) اضغط على اسم الرواية لتجد الفهرس كاملاً بجميع الفصول.