رواية فيروز الحسن – الفصل الثالث
فاطمه… هو فاهم حاجه مسكين انت كمان كنت بتلعب معاها انا ولدى ما ينفعش تطلع عليه السمعه دى انا طالعه اوضتي بكره الصبح الاقيك خلصت
فوق….
فيروز…. ايه اللي انت بتقوله تحت ده ما ينفعش كده عيب
حسن…. هو ايه اللى عيب عادي تعالي تعالي اقعدي انا هرسمك
فيروز… ترسمني لا وانت بتعرف ترسم يا ولا
حسن… اه امال ايه اني رسام كبير
فيروز….. طيب يا حضره الرسام الكبير
حسن… تعرفى ان شكل وشك حلو قوي
فيروز… شكرا
حسن بعد خصله شعرها
حسن….. عشان اعرف ارسمك
وبقى يرسمها في الورقه وهي كانت بتبصله بحزن
فيروز… تعرف ان شكلك ما يبانش عليه واصل
حسن… ما يبانش عليه ايه
فيروز… يعني انك
بس سكتت حسن ضربها قلم جامد
وقال بحده….. عايزه تقولي ما يبانش عبيط مش كده
فيروز…. انا ما قصدتش
حسن طلعها بره الاوضه
وقفل الباب…. قليله حيا عايزه تقول انى اهبل انا جايبك بالفلوس بتاعتي عشان تسليني مش عشان تشتميني
فيروز… الله لا يسامحك يا مرات عمي الله لا يسامحك
بس حست بحد بيقومها نفضت هدومها
وقالت…. شكرا بس كان سعد
قالت…. انت بتعمل ايه
سعد…. ما انتى مرميه على الارض انا هستناكى فى الاوضه
فيروز… قليل الحيا صحيح انا مرت اخوك انا مرت اخوك عارف يعنى ايه مرت اخوك قليل الادب
ونزلت ردت على فونها….. الو ايوه يا مرجانه كيفك
مرجانه….مش وقت كيف يا فيروز عمك هيكتب البيت بتاعك اللي انتى كنتى قاعده فيه باسمه والارض كل حاجه ما هيديكيش حاجه من الفلوس انتى هتسكتى يعني ولا هتتصرفي انتى لازم تعملي حاجه في قانون يا فيروز تروحي المحكمه وتقدمي الورق بتاعك انتى ما انتيش ضعيفه القانون فى صفك
فيروز… انا ما عيزاش فلوس يا مرجانه خليهم ياخدوها يمكن لما ياخدوها يحلوا عني وسيبوني في حالي انا عايزاهم هما ما كنتش عايزه فلوس اني محتاجه حد ابكي على دراعه وبس مش عايزه فلوس اصرفها عايزه لو بجنيه واحد حنيه مش عايزه كتير انا كنت شايله البيت كله وبنتها قاعده تسمع على التلفزيون والتليفون وكنت ماسكه البيت كله كنس وطبخ وعجن كيف الخدامه حداهم ما عرفاش ليه عملت فيا كده انا عمرى ما زعلتها
مرجانه… طب ما تبكيش طيب
فيروز… روحي انتى يا مرجانه انا ما عايزاش حاجه خلاص
بس لقت حسن واقف وراها حط دراعه قصاد وشها بصتله بخضه ووقفت
فيروزه….ليه حاطط دراعك فى وشى كده
حسن… ابكي انتى عايزه حد تبكي على دراعه
فيروز… مش الدراع اللى ضربني يعني اكيد
حسن….. ما هو ما فيش غيرو انتى مرتى انا ولا يمكن عشان عبيط
فيروز…. انا ما كنش قصدي اقولك كده والله
حسن… ما جاتش عليكى
فيروزه… انت قولت اشترتنى
حسن… انا قولت كده لان امي لما اشترتك قالت ان انتى هتبقى عروستي وانك هتعمليلي كل اللي انا عايزاه بس انتى روحتي قولتي عني كده انا دافع فيكى عشان تسليني مش عشان تزعليني
فيروز….. بطل دافع فيك واشتريتك دى بطلها بتضايقني
حسن… هما ما دفعولكيش امي قالتلي انها دفعت فيكى تكون بتكدب عليا عشان كده انتى مش بتسليني ومن ساعه ما جيتي لاويه وشك وما بتضحكيش خلاص ممكن انتى الناس اللي هناك دول خدوا الفلوس وما ادوكيش منها حاجه انتى شوفي عايزه قد ايه وانا اديكى اللي عايزاه
فيروزه… انا ما عايزاش حاجه انا ما حدش يشتريني انا بني ادمه مش اللعبه وانت ما تضربنيش تانى الراجل ما يضربش مره وما تقولش اللى بيحصل فى اوضتنا لاى حد عيب
حسن… خلاص انا ما هزعقش وما هقولش لحد حاجه معلش يلا تعالي خلينا نكمل لعب
فيروز… مصارعه تاني لا انا ضهري اتكسر والنبى
حسن… ما تخافيش مش هلعبك مصارعه تاني المره دي هلعبك حاجه حلوه كده هتخليكى تطيري
فيروز…. يا رب يلا
وطلعو على السطح وكان رابطها بحبل من وسطها
فيروز… اللي في دماغي غلط مش كده
الفصل التالي اضغط هنا
يتبع.. (رواية فيروز الحسن) اضغط على اسم الرواية لتجد الفهرس كاملاً بجميع الفصول.