رواية عودة النصيب – الفصل الثاني
لبارت التانى بدون لينك
سميه قالت … بس يامريض تعال بطل قلة أدب اياد راح وراها
وقال …عايزه ايه
سميه قالت …شوف انا جهزتك الحمام اهوه هتدخل تاخد شور زى ماهو كده والشامبو اهوه وبس اياد كان بيبص للعلبه بزهول
وسميه قالت…ايه متنح كده ليه
اياد قرب شويه وقال بصوت واطى …هوا ده شمبو
سميه قالت بضيق…ايوه
اياد قال…يعنى ده مش سميه بصتله
وقالت….اه ده مش مسحوق غسيل مش حابه افسد فرحتك بأنك لقيت مسحوق الغسيل لوحدك بس انت معندكش مسحوق غسيل فى حمامك
اياد قال…وانا اقول مبيعملش رغوه بسرعه ليه فكرتكم مسترخصين وقعدت احط حجات تانيه معاه ده حطيت نص الحجات الى جوه لقيتها مكتوبه انجيليزى ومعرفتش اقراه
سميه قالت….يلا يا اياد انا هستناك بره وانت خد حمامك وتعال انا هستناك هنا البس الهدوم دى وتعال وطلعت واياد اخد الشور ولبس وطلع وسميه كانت بتتكلم فى الفون
واياد قال…اهوه خلصت الهدوم دى مقاسى مين جابها سميه بصتله شويه بس
قالت…اه انا جبتها يلا اعمل شعرك علشان ننزل
اياد قال… مابيخدش وقت اصل انا لسه مظبطه عند ميشو الحلاق بتاعنا
سميه قالت…هى مش الملاجأ دى للأطفال ايه الى مقعدك فيها
ايادقال….اه ما سوسو الدادا بتاعت الميتم بتقول انى كنت عيل لما جيت ولما كبرنا بقينا نشتغل بقى الى فى ورشه والى فى مطعم وكده يعنى بس بنرجع اخر النهار ننام فى الميتم يعنى الى معندوش مكان ينام فيه
سميه قالت…هى الدادا بتاعتكم اسمها سوسو
اياد قال …اه اسمها سوسو يلا بقى ناكل انا ميت من الجوع
سميه قالت ….تمام هما اصلا جهزو الغدا وكانو نازلين
وأياد قال وهو نازل على السلم ….سميه هوا انتى ايه ظروفك
سميه قالت…ظروف ايه يعنى
أياد قال…اصل انا شايف ايدك فاضيه يعنى
سميه قالت…فاضيه الى هو ازاى يعنى
اياد قال…يعنى مفيهاش دبله
سميه قالت….لا انا مش مرتبطه
أياد قال…معقول هى رجالتكم اتطصو فى نظرهم ولا ايه
سميه قالت….لا انا الى مش عايزه اتجوز وقعدت على السفره وقالت…اقعد اياد قعد على الكرسى الى قصادها
وقال…. الله ايه السفره الحلوه دى انتو عنديكم فرح
سميه قالت…لا ده غدانا احنا
أياد قال..يا اما هو فين أبويا
رجاء قالت بحزن …هو فى مكان احسن ياروحى
اياد قال…احسن من كده راح فين يعنى
سميه قالت….اتوفى
أياد قال….طب ومين قالكم انو فى مكان احسن مش يمكن يكون بيتشوح على الجمبين رجاء وقفت بغضب
وقالت …انت بتقول ايه ابوك كان راجل كويس عمر الألفى اسمه لوحده كفايه كان بينضرب بيه المثل بجدعنته ونزاهته وطلعت على أوضتها
وأياد قال…الوليه دى قلبها جامد قوى حد يسيب السفره دى ويقوم
سميه قالت …تمام اسمها ماما والسفره عاديه جدا زى كل يوم
اياد قال …انتو كل يوم بتعملو سفره زى دى ده فى الميتم لولقو واحده زى دى يرقصو فى الشارع انا عايز اعمل واحده زى دى كل اسبوع واوديهالهم
سميه قالت …..تمام يلا ابتدى اكل واخدت المنديل وفردته على رجلها بس بصت بصدمه لما شافت اياد وقف وكسر الفرخه بايده واخد نصها وحطلها نصها بقلم جيجى
وقال …بسم الله بس بصلها بستغراب وقال….ايه بتبصيلى كده ليه اهوه بالنص بس سميه مردتش
اياد قال…. ايه عايزه النص ده انا اخد ده عادى مفيش مشكله
سميه قالت…ايه المنظر ده كل بالشوكه والسكينه
اياد قال …انا مش هعرف اكل كده
سميه قامت وقعدت على طرف الكرسى بتاع اياد ومسكته الشوكه والسكينه ومسكت ايده وبقت تأكله واياد كان بيبصلها بنظرت اعجاب
وقال ….عيونك غريبين قوى يا سميه شايف فيهم موج البحر سميه بصتله بستغراب
وقالت…دى معاكسه
اياد قال ..لا طبعا انا بقول عنيكى عنيكى دى مش معاكسه وبصلها بوقاحه
وقال .. المعاكسه دى لما اقولك رجليكى جمال متكامل يحرك الجبل الساكن ويعمل دمار شامل
سميه بصتله بحده ووقفت وشدت الجيبه بتاعتها لتحت
وقالت..انت ازاى تسمح لنفسك تتكلم معايا كده ها انا غلطانه انى بعلم واحد جاهل وتربيت ملاجأ زيك انت اصلا اخرك تفضل فى المستنقع الى انت كنت فيه مش هتنضف أياد وقف ومسك ايدها بغصب
وقال ..انتى ايه يابت محدش مالى عينك مالو الملجأ ها الميتم الى مش عاجبك ده لو رباكى مكنتيش تلبسى جيبه زى دى اصلا بس هدى شويه
وقال…لوكان رباكى مكنتيش تتكلمى كده معايا لو كان رباكى مكنتيش تقولى عنى جاهل يابت الناس المحترمه انا لو كنت اتربيت هنا معاكم كان زمانى بيه وبعرف اكل واشرب والبس زيكم روحى من هنا انا مش محتاجك انا هعلم نفسى لوحدى الى ميربوهوش امه وابوه تربيه الأيام ياسميه هانم وطلع على أوضته
وقال …هاء احلى حاجه تبقى غلطان والناس تاجى تعتزرلك عشان غلطت فيهم سياسه رهيبه دى وراح مدد على السرير عند سميه كانت قاعده على السفره وزعلت جدا لانها قالتله كده
وقالت…مكنش لازم اقولو كلام جارح قد كده انا هروح اعتزرله وطلعت على فوق وخبطت على الباب
وأياد قال بغضب مصطنع …انا مش عايز اشوف حد انا مش من مستواكم يا اولاد الناس المحترمين سيبونى فى حالى سميه فتحت الباب ودخلت
واياد قال..اطلعى بره انتى ليه جايه تكلمى تربيت الملاجأ سميه قعدت جمبه
وقالت…انا اسفه مقصدتش اقولك كده والله اتضيقت بس شويه لما بس أياد رمى نفسه عليها وبقى بين اديها
وقال ببكى مصطنع ….انا تعبان تعبان قوى ومشى ايدو على اكتافها بوقاحه وقال ببكى مصطنع …انا محروم محروم قوى من الحنان ده انا غلبان سميه برقت بزهول وحمحت وبعدته شويه
وقالت ….خلاص بس اياد شدها ليه تانى
وقال…جربتى تنامى فى الضلمه كانو يقفلو النور وسيبونا ننام فى الضلمه انا بخاف قوى من الضلمه وشدها اكتر
وقال …خايف قوى ياسميه خبينى
الفصل التالي اضغط هنا
يتبع.. (رواية عودة النصيب) اضغط على اسم الرواية لتجد الفهرس كاملاً بجميع الفصول.