رواية عشق القلب – الفصل الخامس
الخامس يلا يا بنات الاحداث ولعت بدون لينك
عامر قال….لا انا هطلع يعنى هطلع وطلع يدور عليها بس سمع صوت راح ورى الصوت وسمعها بتتكلم
وبتقول….. ماانا مكنتش اعرف انه صاحى وسكتت شويه
وقالت…لا ياخويا اوريلو وشى ازاى بعد الى قولتو ده انا كنت أموت فى كوسفتى بس
عامر قال….انتى كمان بتكلمى الأحصنه كنت فاكر انى لوحدى بس فتون التفتتله
وقالت….انت عرفت ازاى انى بكلم الحصان عامر قرب عند الحصان
وقال…انا عارف كل ركن فى المكان ها قوليلى بقى ماجيتيش ليه انا من الصبح بدور عليكى
فتون قالت بحرج …مكسوفه من الكلام الى قولتو
عامر قال…امم وهتقعدى هنا لحد امتى يعنى فتون بكت
وقالت….مش عارفه انا من الصبح هموت واروح الحمام ومكسوفه مااطلع
عامر قال …ومكسوفه من ايه واحده قالت …لجوزها انو حلو ايه المشكله فى كده هو انتى اول واحده تقول كده تعالى وبلاش جنان دوختينى عليكى ..
فتون قالت…خلاص بقى والنبى ماتجيب السيره دى تانى
عامر قال …ماكنتش اعرف انك بتتكسفى والله بعد يزنقنى الى قولتيها بس تمام وضحك جامد
وقال ….عادى انا اعرف واحده لماكانت تتكسف كانت ترفع فستانها تخبى بيه وشها وفتون ضربته بايدها بغيظ فى كتفه
وقالت….بس بقى ايه ده وراحو سوا على البيت وعامر كان لسه بيضحك
وامه قالت…اخيرا انتى كنتى فين يابنتى قلقتينا عليكى
عامر ضحك تانى
وقال …كانت عند جواد
امه قالت….ايه الى وداها هناك
عامر ضحك تانى
وقال…كانت بس فتون
قالت بغيظ منه …زهقت من غلاسة ابنك وروحت اقعد هناك شويه وطلعت على اوضتها بسرعه
وامه قالت…انتو كنتو متخانقين
عامر قال….لامش متخانقين مكسوفين
امه قالت ….ايه دى يعنى .
عامر قال….قوليلى ياماما ايه شكل فتون حلوه وامه ابتسمت بفرحه
وقالت.. باينلها الصناره غمزت اقعد اما احكيلك وقعدو
وقالت….هى حلوه قوى بس انت عارف انى مش بعرف اوصف قوى بس هى شكلها حلو بس انت مش عايز تعمل العمليه وتشوفها الدكتور قال ان الأمل كبير ياعمرى ها مش ناوى بقى
عامر قال….من غير أمل بس عشان أمل بتزعل دى ٣عمليه أعملها وارجع زى ماروحت
امه قالت….ياحبيبى ده دكتور شاطر وانشاء الله تظبط وتشوف ياعمرى
عامر قال …ماما قولتلك انا مش فار تجارب عشان اروح عند كل واحد شويه وطلع على أوضته ودخل بضيق شديد وكانت فتون نايمه على السرير عامر راح وخبط على باب الحمام ودخل اخد شور وراح على السرير وحس بفتون جمبه قربها ليه ونام فى يوم جديد الساعه ٣ الفجر قامت فتون اخدت شور وبقت تصحى عامر
وقالت …عامر عامر عامر قام
وقال …ايه فى ايه
فتون قالت…يلا قوم هنطلع على السطح
عامر قال .. بستغراب السطح ليه هى الساعه كام دلوقتى
فتون قالت…الساعه ٣٠/ ٣يلا خد شور وتعال اطلع معايا عشان نروح نتفرج على شروق الشمس وهنطلع كمان وقت غروبها يلا بقى هتضيعو عليا
عامر قال …مايضيع يافتون ياحبيبتى هى كانت صلات الفجر تصدقى افتكرت انك مصحيانى للفجر .
فتون قالت…صلاه لاهو انت بتصلى
عامر قام وقال بسخريه …اه ياسبحان الله مسلم وبصلى شوفتى عجايب الزمن وراح على الحمام .واخد شور وتوضى وفرش سجادة الصلاه
وقال …يلا روحى اتوضى الفجر خلاص قرب فتون بصتله بحرج
وقالت ..انا مش بصلى
عامر قال…امم لا معلش روحى اتوضى وتعالى هنصلى سوا
فتون قالت…طيب انا معنديش حجاب
عامر قال….هتلاقى هناك.مع سجادة الصلاه الى هناك دى وشاورلها بايده فتون راحت اتوضة ولبست الحجاب وصلت معاه وبعد شويه كانو قاعدين على السطح بيتفرجو على شروق الشمس
وفتون قالت….انت هتجننى ياعامر سعات كتيره بحس انك كأنك بتشوف مش عارفه ازاى ممكن حد يحفظ مكان بالشكل ده
عامر قال …طبعاممكن ده عمر بحاله لازم احفظه
انا عملت عمليه مرتين بس من غير فايده وماما عايزانى اعمل التالته
فتون قالت…غريبه قوى ياعامر مع ان عيونك حلوين قوى وبصتله بشرود
وقالت…تحسهم كده زى البحر تغرق فيهم
عامر قال…ليه حلوين قوى كده
فتون قالت بتوهان….اه قوى بس حمحمت بحرج لما اخدت بالها لجملتها
وعامر قال بتحزير ….اه بس خلى بالك انا مش بعرف انط من البلكونه اوعى توقعى انا مش هقدر اسندك ها فهمانى فتون حمحمت بحرج لمافهمت قصده
و قالت….اه فهمت وبصت قدامها وقالت بغيظ …اااه ضيعتها يخربيتك
عامر قال باستغراب ….هى ايه دى الى ضيعتها
فتون قالت….لحظة شروق الشمس اهى طلعت وماشوفتهاش
عامر قال….يابنتى انتى مش كل يوم بتشوفيها
فتون قالت….اه
عامر قال….طب مامليتيش من انك تشوفى نفس المنظر كل يوم …
.فتون قالت …لا طبعا فى حجات كده ماتنملش ابدا ماهما شوفتها وكل ماتعيشها تعشقها وتدمنها اكتر وتتعود عليها كده وتحس انها بقت جزء من يومك فهمت
عامر قال…امم فهمت
فتون قالت…انت ايه بقى الحلو الى فى حياتك ومهما عملته متزهقش منه
عامر قال….لحد اول امبارح مكانش عندى حاجه معينه بس دلوقتى بقى عندى وجودك بقى كده مش بزهق من القعاد معاكى انا كان عندى عقده من الناس مكنتش احب اقعد معاهم وبحس انى صعبان عليهم بس انتى غير مش بحس كده وانا معاكى بالعكس بحس انك حابه وجودى
فتون قالت…انا فعلا بحب وجودك انا كمان اتعودت عليك
عامر قال …احم طب تمام يلا تعالى ننزل تحت
فتون قالت …يلا ونزلو سوا وكانت مروه قاعده مع نادر ونادر بصلهم بستغراب
وقال…انتو كنتو فين
عامر قال.. كنا على السطح ليه فى حاجه
نادر قال…لا بنسأل عليكم
عامر قال…امم وقعد وفتون قعدت جمبه
وامه قالت…ها قررتو هتسموه ايه فتون بصتلها بستغراب
وقالت…هو مين ده حضرتك
مروه قالت….البيبى
فتون قالت …بيبى مين
مروه قالت…البيبى الى هتجبيه حفيدى هتسميه ايه فتون
قالت….والله ياطنط مش عايز اصدمك بس انا مش حامل
مروه قالت…اه بس انشاء الله تبقى حامل قريب وتجيبى بيبى ونسميه
فتون اتنهدت بضيق وقالت…عن اذنكم هروح الأوضه نسيت تلفونى وطلعت على فوق وعامر بص لامه بغيظ
و قال…احنا هنسمو ياماما مش هنسميه ايه ياحبيتى ده انا لو واخدها حامل ملحقتش تحمل ايه ياروحى مش كل ماتشوفينا تقولى بيبى احنا مكملناش اسبوع ياعمرى وطلع ورى فتون ودخل الاوضه
وقال ….فتون انتى فين يابنت
.فتون قالت بزهق…هنا على الكنبه ..
.عامر راح عندها وقعد جمبها وقال…بتعملى ايه هنا .
فتون قالت…عادى قاعده هنا شويه اصلى بصراحه زهقت من امك مهو مش معقول كده دول هما يادوب تلت ايام بلياليهم وهى بتسألنا على الحفيد اوف امال لو عرفت ان احنا مقضينها اخوات اخوات هتعمل فينا ايه
عامر قال …لا هى مش هتعرف
فتون قالت…. ازاى
عامر قال….هو ايه الى ازاى ببساطه مش هنقولها
فتون قالت..امم لاناصح ولما تعدى فتره من غير مااحمل هى مش هتعرف
عامر قال…ويمكن متعديش الفتره قبل ماتحملى مين عارف مش يمكن تحصل معجزه واعرف انط من البلكونه
فتون قالت….ايه انت قصدك ايه
عامر قال…قصدى انو انا ممكن انط من البلكونه وممكن ازنقك برضه وانتى ممكن تبقى الى تدينى بالجزمه وتخلى وجودى زى عدمه
فتون بصتله باهتمام وقالت…انت قصدك انك عايز نكون سوا صح
عامر قال….ايون نجرب يمكن تظبط معانا ليه لأمش انا عاجبك خلاص وانتى كمان عجبانى
فتون قالت ..بس انت مشوفتنيش ياعامر ازاى هعجبك قولى انت شايفنى ازاى متخيلنى يعنى شكلى ايه عندك
عامر قال….مش مهم شكلك عندى مهما كان عادى بس انا متخيلك بيضه وشعرك قصير كده لفوق اكتافك ولونو احمر كده وعيونك سود وجسمك ده انا حاوطته يعنى باين عليكى متوسطه وقصيره شويه
فتون قالت…امم تمام ياعامر شويه وجايه وراحت على الحمام ومسكت شعرها وقصة منه لحد ماعامر قلها واخدت شور ولبست وطلعت
و قالت …عامر انا عايزه اروح صالون التجميل
عامر قال….تمام تروحى هما الى بيروحو احسن منك وراحو سوا
وعامر قال….انا هروح كده نص ساعه واجيلك
وفتون قالت..تمام وبصت للبنت وقالت انا عايزه اعمل شعرى عايزه لونه يبقى احمر اللبنت مسكت شعرها
وقالت…هو الأسود لايقلك بس الاحمر هيبقى تحفه وبعد شويه كانت فتون صبغت شعرها وجيه عامر ياخدها
وقال ….اشمعنا النهارده جايه الصالون
فتون قالت….كده جيه على بالى اجى علشانك
عامر قال…طيب هو تمام يعنى مش عايز احطم امالك فى الى انتى عملتيه فى شكلك بس انا كده كده مش شايفه فاماكانش فى داعى ليه
فتون قالت….مش انت عايز واحده تبقى شيفاك شيفها حتى وانت مش شايفها خلاص انا شيفاك شايفنى وبهتم بيك ودينا بقى على شط البحر نتفرج على الغروب
وعامر قال …. نتفرج ماشى يافتون حاضر وراحو سوا على البحر وبقو يتمشو وفتون شافت الشمس وهى بتغرب وقضو وقت جميل جدا سوا وراحو على البيت وطلعو سوا أوضتهم
وعامر قال…مش عايزك تجاوبينى مجامله
.انتى حابه تكملى معايا كده ولا لازم انط من البلكونه علشان تحبينى
فتون قالت …لا عايزه اكمل معاك واديلك فرصتك باين عليك تستاهلها عامر ضحك وشدها ليه وغابو سوا فى اجمل لحظات جمعتهم فى صباح يوم جديد قامت فتون من النوم اخدت شور ولبست ونزلت المطبخ تعمل فطار باديها لعامر وكانت بتعمله وهى مبسوطه جدا بس نادر جيه من وراها
وقال….ايه الجمال ده انتى قصيتى شعرك لا وصبغتيه كمان بس تعرفى اللون لايقلك قوى الأحمر على الأبيض عمال دمار
وقال بخبث ……بس ليه يعنى كل ده ماهو عامر كده كده مش هيشوفو تعبتى نفسك على الفاضى فتون بصتله بقرف
وقالت….عاجبينى هو مش شايفنى عاجبنى و انا شايفه سيد الرجاله انت مبتفهمش ليه كل شويه هقولهالك جوزى عاجبنى وبغير نفسى علشانو وانت خليك كده موت بحقدك وغيظك منه انا حباه بعماه وانت بعنيك دى مش شيفاك وده اخرك تفضل تشوفنا كده من بعيد وتحسدو عليا واخدت الفطار وطلعت على الأوضه وقفت عند الباب واخدت نفس عميق وابتسمت ودخلت حطت الأكل على التربيزه ..وراحت لعامر
وقالت….عمور عمور انت يالا ياعمور عامر شدها ليه
وقال ….اشش نامى شويه كمان خليك جمبى فتون بعدت منه
وقالت…عااامر قوم عايزين نفطر الاكل هيبرد عامر قام
وقال…اكل ايه بس ده انا مش عايز اقوم من مكانى فتون ضحكت
وقالت…بس بقى يلا قوم وعامر قام واخد شور وراح بقى ياكل معاها
وقال باستغراب ….ايه ده
فتون قالت…ايه الاكل مش حلو
عامر قال …لا حلو قوى تحفه بس جديد دى اكيد مش طبخ امينه
فتون قالت ….لا مش طبخ امينه ده طبخ فتون
عامر قال …اوه وكمان بتطبخى ده انا كده اتحسد عليكى
فتون قالت….والله انا الى خايفه احسد نفسى عليك وبقو ياكلو سوا وبعد شوية وقت نزل عامر عند مروه
وقال …ماما انا عايز اسافر اعمل العمليه
مروه قالت بفرحه….جد ياحبيبى
عامر قال …..جد ياماما بس عايز منك طلب ..مش عايز فتون تعرف مش عايز اديلها امل على الفاضي هروح انا لوحدى كأن انا عندى صفقة شغل ..وانتى كمان مش هتاجى معايا
امه قالت…. بس ياعامر
بس عامر قال بحسم …ارجوكى ياماما
امه قالت.. ماشى ياعامر الى تشوفو ياحبيبى انا هكلمهم واخد معاد على الاسبوع ده الدكتور قالى ان امتى ماانت تجهز هيعملك العمليه على طول
عامر قال…تمام وطلع عند فتون وبقى يجهز هدومه ويحطها فى الشنطه
وفتون قالت …انت بتعمل ايه
عامر قال ….هروح اسبوع كده ولا اتنين شغل واجى
فتون قالت…ايه طب وهتسيبنى لو حدى
عامر قال….لا ياروحى مش لوحدك ماما معاكى هنا وانا انشاء الله مش هطول فتون اتعلقت فى رقبته
وقالت. ….دلوقتى ياعامر حبكلك الشغل الناس تاخد مرتاتها وتروح تعمل شهر عسل وانت سايبنى ورايح الشغل عامر حاوط وسطها باديه بقلم جيجى
وقال….على عينى والله يا فتون اسيبك انا رايح اصلا علشانك
فتون قالت….امم طب تبقى تكلمنى كل يوم صبح وليل وكل شويه تطمنى عليك
عامرقال…. متقلقيش انا هكلمك علشانى عشان اتطمن عليا انا صح مسافر بس سايب روحى معاكى
فتون قالت … اوه شكل تلميزى هينجح ويطلع من الأوائل
عامر قال…طبعا لازم ينجح ازا كنتى انتى مدرسته لازم ينجح ويحتل المركز الأول كمان
فتون قالت…طيب تمام وهتجبلى ايه معاك وانتى جاى
عامر قال…ام هجيب ايه لأميرتى هجيب ايه اه لقيتها
فتون سقفت بحماس وقالت ….امم
وعامر قال…لو الصفقه نجحت هجيب قميص نوم فاتح الشبابيك والبلكونات فتون ضربته فى كتفه بخفه
وقالت….بس بقى ايه ده
عامر قال …طب خلاص جد انتى عايزه ايه
فتون قالت…عايزاك ترجعلى بسرعه عشان بتوحشنى لما بتغيب
عامر قال….أول مااخلص هاجى جرى ياروحى
وفتون قالت …خلينى أوصلك المطار
عامر قال…لا متوصلينيش ومتخرجيش من البيت لوحدك لحد مااجى واقفلى الباب كويس لما تنامى وخلى بالك على نفسك ولوواحتجتى اى حاجه كلمينى
فتون قالت …ومش هلعب لا فى النار ولا فى الكهربا
عامر قال باستغراب…ايه
فتون قالت …فكرتنى بماما لما كنا صغيرين ماكنتش تطلع من البيت قبل ماتعد اللسته دى الى انت عديتها دلوقتى
عامر قال …..ماشى ياغلباويه وفى اليوم التانى كان عامر ماشى وفتون ماسكه فيه
وبتقول ….هتوحشنى قوى
عامر قال …وانتى كمان والله ياروحى بس انا كده هتأخريلا بقى ونزل وراح على المطار وبعد مرور ٣ أسابيع كانت فتون قاعده فى الأوضه بتاعتها بتسمع التلفزيون ودخل نادر وقفل الباب وراه
وقال …ايه يابت مش ناويه تحنى عليا مرات عمى مشيت وعامر مش هنا يعنى محدش هيعرف هنتبسط سوا
فتون قالت بغضب….انت ازاى دخلت كده انا قافله الباب …اطلع بره بلاش عك روح من هنا
نادر قال …جبت مفتاح وجيت لأنى عارف انى لو خبطت مكنتيش هتفتحى
فتون قالت ..طب كويس انك عارف غور من هنا بقى بدال ماافتح نفوخك نادر قرب عليها
وقال….هو انا مش عاجبك بس
فتون ضربته قلم قوى وقالت….فوق لنفسك الى انت جاى لمراته أوضتها ده ومعندكش مشكلها انك تخونو بيقول عليك اخوه بيحبك وانت جاى ببساطه وعايزنى اخونو معاك اطلع غور من هنا يلا روح نادر لما قالت.كده بلع ريق بارتباك وحمحم بحرج
وقال.. انا اسف خلاص لو سمحتى متقوليلهوش و انا هروح ومش هاجى هنا تانى
وفتون قالت…..غور ولسه نادر هيطلع سمع صوت
عامر بيقول بفرحه…. فتون فتون انا رجعت ياروحى فتون ونادر بصو لبعض بصدمه
ونادر قال….. لو عرف هيقتلنى والنبى يافتون ماتقوليلو فتون لسه هترد بس
نادر قال….انا هتخبى هنا ورى الباب وانتى دخليه وانا هطلع على طول وهو كده كده مش هيشوفنى والنبى وفتون خافت نادر يشتبك معاه
قالت بتردد ….طب اخلص نادر اتخبى
وفتون فتحت الباب وقالت….عامر ليه مقولتليش انك جاى
عامر قال… علشان عاملك مفاجأتين احلى من بعض ولفها وبقى وشو للباب
وقال…الأولى انى جيت والتانيه بس وقف بصدمه والدموع نزلت من عينه لما شاف نادر طالع يتسحب من ورى الباب
وفتون بتشاورلو عشان يطلع
الفصل التالي اضغط هنا
يتبع.. (رواية عشق القلب) اضغط على اسم الرواية لتجد الفهرس كاملاً بجميع الفصول.