رواية شيطان الانتقام – الفصل السادس
الفصل السادس
وصل شاكر وفارس وفهد فيلا المقطم والحراسه معاهم فتحولهم باب الفيلا ودخل شاف عربيه ماهر وفهد حط ايده على العربيه لقيها بارده اخد نفس ان مادام العربيه سليمه يبقى اكيد ماهر بخير
دخل شاكر وفتح الفيلا لانه محتفظ بنسخه من كل مفاتيح عقاراته معاه للطوارئ وأولاده كذلك الأمر
لقي الفيلا كلها ضلمة طلع السلم بس حاول فهد وفارس انهم يوقفوه وهما هايطلعوا يصحوا ماهر خايفين ماهر يكون في وضع مش كويس
فارس بتعقل: بابا خليك هنا وانا هاطلع اصحيه واخليه يفوق وينزل
فعلا يا بابا كده كده اطمنا مادام هو هنا وكمان عربيته سليمه يبقى بخير قالها فهد تأكيد على كلام اخوه
شاكر بحزم : انا طالع الصايع اللي فوق علشان يبطل سرمحه وقله أدب وفي الأخر الشغل يتعطل قالها وسابهم وكمل طلوع السلالم ووراه فهد وفارس اللي اتنهد بقلة حيله
دخل شاكر كذا اوضه بس لقاهم فاضيين واتحرك على الأوضه اللي في آخر الدور واخد باله ان باب الأوضه مش مقفول كويس دخل بعصبيه وزق الباب بس وقف زي التمثال من المشهد اللي قدامه وعنيه مبرقه والوضع مختلفشي كتير مع فارس وفهد
شاكر واقف بيبص على ابنه اللي عريان ونايم على الأرض وبنت متكتفه وواضح من منظرها ايه اللي حصلها فهد اول ما عينه وقعت على البنت قلع جاكت البدله وغطاها بيه بسرعه وحط ايده على رقبتها لقي لسه فيها نبض اتنهد وقال لابوه بصوت مهزوز: لسه فيها نبض
في ثانيه شاكر كان اتحرك بجنون لماهر اللي نايم على الأرض وخبطه برجله في بطنه اكتر من مره صحي ماهر بفزع من اللي بيحصله وهو مش فاهم في ايه لقى ابوه وكأن عنيه كأنها جمره من نار وأخواته واقفين زي التماثيل وعنيه مبرقه عليه
ماهر بوجع : في ايه يا بابا براحه اااه في ايه لكل داه
شاكر بغضب اعمي: يخربيتك يا حيوان ايه اللي هيبته داه ومين دي وايه اللي عمل فيها كده
اتلفت ماهر في ثانيه وهو بيحاول يستوعب اللي بيحصل بص على نفسه لقى نفس مجرد تماما حط ايده ستر عورته وقال
بتلجلجه: مش عارف مش عارف هو كان حلم لا حلم ايوه حلم
شاكر بذهول: حلم ايه ومش عارف ايه فهمني في ايه الله يخربيتك هببت ايه
فارس اتمالك اعصابه وقال لابوه بهدوء: اهدا خلينا نفهم
واتلفت لماهر بقرف اللبس بسرعه
وكان في الوقت داه فهد فك ايدين البنت اللي على السرير وحاول يفوقها بس مش بتفوق حط رجله على السرير علشان يقرب منها ويحاول يفوقها بس اتصدم لما حس بحاجه بلت ركبته حط ايده وفوجئ بكميه دم غير طبيعيه
فهد بذعر: بابا الحقني البنت بتنزف بجنون ومش بتفوق
شاكر بذعر: فارس اتصل بدكتور حلمي بسرعه خليه ييجي بسرعه دقايق ويكون هنا
في الوقت داه خرج ماهر بعد ما لبس ترنج من الهدوم اللي كان بيسيبها في الفيلا وبقى يبص للبنت بذهول هو بيقول لنفسه هو كان حلم ايوه كابوس مش حقيقي فاق من شروده على ألم على وشه لفه بالجمب
فهمني حالا مين دي شكلها وهيئتها مبتقولشي انها من العينه بتاعتك قالها شاكر وهو بينهج من الغضب
اترمى ماهر على الكرسي اللي وراه: داه حلم ايوه حلم انا مقتلتش انا مخطفتهاش مش انا داه حلم
شاكر بذهول وعنين قربت تخرج من مكانها ومسك ابنه من
التشرت وبقى يهزه بجنون: قتلت مين انتا هببت ايه قولي انتا عملت ايه وحلم ايه انا مبقتش فاهم حاجه
قطع عصبيه شاكر وزعيقه جرس الفيلا نزل فارس جري فتح لقاه دكتور حلمي
فارس بيحاول يتمالك اعصابه :اتفضل يا دكتور بابا منتظر حضرتك فوق
حلمي بصله باستغراب: شاكر بيه كويس
فارس بنفاذ صبر: اتفضل يا دكتور بابا منتظرك فوق
كررها بعد ما حس ان الدكتور هايقضيها سلامات
طلع فارس ووراه دكتور حلمي اللي اول ما دخل لقي شاكر واقف وشكله بيقول ان في مصيبه وماهر اللي قاعد على الكرسي وحاطط ايديه على دماغه وموطى رأسه في الأرض وفهد اللي واقف قدام السرير وكأنه مخبي حاجه
حلمي بهدوء: خير يا شاكر باشا جبتني على ملا وشي في ايه
شاكر اخد نفس قصير واتنهد واتحرك ناحية السرير وقاله :عايز اعرف حالتها ايه
حلمي لما شاف منظرها اتفزع وبلع ريقه بصعوبه ورجع لورا خطوتين وبص لشاكر بذهول
شاكر بصوت عالي على غير طبيعته : حلمي شوفها وقولى وضعها ايه
حلمى بلع ريقه اللي نشف من الخضه وهز رأسه : اتفضلوا وانا هاشوفها واطمنك
اتحرك شاكر وفارس وفهد وماهر خارج الاوضه ونزل الريسبشن تحت وقعدوا كلهم في صمت رهيب قطعه
شاكر لماهر: ايه اللي حصل وقتلت مين فهمني
ماهر بصدمه: مش عارف كان حلم ايوه حلم صدقني حلم
فارس بنفذ صبر وعصبيه بعد ما شاف منظر البنت متبهدله من كل نحيه: احكيلنا الحلم اللي فارقنا بيه يمكن نفهم
ماهر FLASH BACK
بعد ما شرب الشبو هو ونادر وكملوها خمره
نادر بسُكر انا هاسيبك واخلع ورايا مزه
ماهر بوضع ميختلفشي عنه خدني معاك
رد نادر بضحك تؤتؤتؤ دي خاص ههههه
ماهر بصوت متقطع عيل واطي
نادر وهو بيتحرك من مكانه باي يا مان
اتحرك ماهر هو كمان وقفل الشقه وساق بالعربيه لقى نفسه مش عارف هو رايح فين طلع على الصحراوي وهناك كان هايخبط عربيه واتخانق مع صاحبها ولما شاف مراته ضربه بالنار ورمى ابنها على الأسفلت وخبطها بالمسدس على دماغها وجابها هنا وربطها وفضل يضرب فيها واغتصبها اغتصاب وحشي
END FLASH BACKE
شاكر بذهول : يعني عايز تفهمني انك قتلت الراجل وابنه وخطفت مراته واغتصبتها وتقولي حلم انتا دمرتنا وضيعتنا بعدم مسؤليتك
قطع زعيقهم نزول الدكتور حلمي من فوق
دكتور حلمي بعمليه اتكلم وهو متردد : للأسف البنت لازم تتنقل المستشفى حالا
شاكر بفزع وعصبيه: ليه اعمل كل المطلوب هنا مينفعشي البنت دي تخرج من هنا تحت أي ظرف يا حلمي
حلمى بتوضيح : يا شاكر بيه البنت عندها نزيف وتهتك في الرحم وكدمات في مختلف جسمها خلاف كسور في الكاحلين ومعصم الأيدين الاثنين وكسر في الفك واخد تنفس وكمل وللأسف تهتك في فتحة الشرج بخلاف النزيف اللي حصل في حروق شديده في بعض الجروح وللأسف لازم تدخل عمليات حالا ولازم اشاعه علشان تحدد لو في نزيف داخلي
شاكر رجع لورا بخضه وكأن حد كب عليه جردل ميه سقعه في عز الشتا حاول يجمع كلام اكتر من مره بس حس انه فشل اترمى على الكرسي وراه وحس ان عقله وقف
فارس حس بالموقف اللي ابوه فيه واتكلم هو: طيب يا دكتور حضرتك اطلع اعمل كل اللي تقدر عليه وانا دقايق وهاطلع حضرتك
فهد بحكمه : بابا دي روح انسانه خلينا ننقذها الأول وبعدين نحدد خطواتنا
فارس بتأييد لرأي اخوه : احنا ننقلها للمستشفى بتاعنا ونشوف وضعها وتكون تحت إشراف دكتور حلمي المباشر ونخلي القسم اللي هاتكون فيه ونقول ان مهندسين هاتعاين المكان للتجديد مفيش حل غير كده
شاكر قام زي المجنون وبقى يضرب ماهر بجنون: انتا ايه ضيعت كل اللي بنتيه في سنين بسبب كلب زيك ايه غاوي رمرمه الزباله اللي شبهك ماليه الشوارع انما تخطف وتقتل تغتصب حيوان لا انا بظلم الحيوانات عنك مع كل كلمه كان قصادها قلم لحد ما شاكر تعب واترمى على الكرسي تاني هاعمل ايه لو حد شم خبر هابقى روحت في داهيه وجوزها لو مات هانعمل ايه الحادثه دي كانت فين يا كلب
ماهر بخوف من غضب ابوه اللي اول مره يشوفه: مش فاكر
شاكر بعلو صوته : فهد اصرف الحراسه هاننقلها المستشفى في العربيه وانا هاكلم مدير المستشفى يصرف الأمن اللي على الباب الخلفي ويخلي قسم الرعايه اللي في الدور الاخير لحد.ما نشوف البنت وضعها ايه يا فارس اتحرك
طلع فارس جري لدكتور حلمي يبلغه
هاننقلها المستشفى بس هاتكون تحت اشرافك محدش غيرك يدخلها
دكتور حلمي بعمليه: للأسف دي لازم عمليات يعني لازم Specialized medical team للعمليه
ننقلها الأول ونشوف الباقي قالها فارس بتوتر
فهد خرج بره واتكلم بهدوء مع رئيس الحرس: مازن خد كل الحراسه وترجع فيلا زايد وتبلغ الهانم إننا هنقعد هنا وعلى بالليل هايكون موجودين وخد ناصر السواق معاك وسيب العربيه هنا وروحوا في عربياتكم
مازن بطاعه تحت امرك يا فندم وبالفعل بداء يتحرك هو وكل الحراسه مع بعض ودخل فهد لما اتأكد من انصراف جميع الحرس
فهد: بابا كل الحرس مشي خلاص
رد شاكر بتعب : اطلع لاخوك بلغه ينزل بالبنت
حاضر قالها فهد وهو بيتحرك ناحيه السلم
فنفس الوقت داه رن تليفون شاكر وكانت جيجي مديرة مكتبه بتبلغه ان الوفد على وصول اتنهد شاكر وقالها تقفل وهو هايتصرف
نزل فارس وهو شايل البنت ولافينها كلها بغطاء علشان جسمها كل عباره عن جروح وكسور وكدمات منظرها بشع
فتحله فهد العربيه بتاع ابوه ودخلها بالراحه على الكنبه اللي ورا وقفل الباب تاني
شاكر بتعب واجهاد: فارس خد عربية ماهر واتحرك على الشركه واتصل جيب مترجم ألماني وخلص مع الوفد وانتا يا فهد اركب وسوق بينا على المستشفى انا كلمت المدير وهو في انتظارنا هناك
ركب فهد مكان السواق وجمبه ركب ماهر
وركب شاكر مع حلمي واخد فارس مفاتيح عربية ماهر ولما أتأكد انهم اتحركوا ركب العربيه واتحرك بس لفت انتباهه شنطه حريمي كروس حزامها مقطوع في دواسه العربيه وقف على جمب الطريق ومسكها وفي نفسه: يا ترى دي بتاع البنت ولا بتاع مين لو بتاعتها يبقى كده عرفنا هي مين وبنت مين ووضعها ايه اوووف منك يا ماهر شكلك هاتودينا كلنا ورا الشمس ومد ايده وقبل ما يفتحها تليفونه رن وكان شاكر فارس بتوتر واضح على صوته وملامحه: ايوه يا بابا
شاكر: انتا فين
فارس: في الطريق قربت اوصل
شاكر: تمام اول ما تخلص تحصلني على المستشفى
سابها جاره على الكرسي وكمل طريقه ونزل الشركه
وصل شاكر وحلمي مع وصول عربية فهد وماهر اللي طول الطريق الصمت كان سيد الموقف
عند الباب الخلفي للمستشفى رفعت مدير المستشفى : تمام يا شاكر باشا انا خليت قسم العنايه اللي في الدور السابع ونقلتهم القسم اللي في الدور الرابع
شاكر اتنهد: تمام
نزل حلمي وقاله: دكتور رفعت محتاج ترولي حالا
كشر رفعت وشه وسأله: ليه…؟
حلمي بوادر نفاذ صبر: معايا حاله حرجه اخلص بقى يا دكتور رفعت
حاضر حاضر
وفي اقل من دقيقتين كان في ترولي وحطو البنت عليه واتحركوا بأسانسير العمليات على الدور السابع ودخلت الاشاعه والكل بره في حاله ترقب في انتظار يشوفو البنت حالتها ايه
******
عند محمد الحاج هاشم استلم جثمان الصغير الذي لا حول له ولا قوه ملفوف في كفن صغير ضمه لحضنه وااااو وألف ااااه من وجع الفراق ادمعت عيون الجميع عند تحركه بالصغير
الحاج هاشم لنفسه :اااااه يا ابني يا فرحه كان عمري قصييير اوووووي يارب الصبر يارب على قلب عجوز كسره الزمن من كتر الفراق الصبر يارب مش معترض اللهم لا اعتراض على حكمك ولا راد لقضائك دفنت ابني ودلوقتي هادفن ابن ابني ااااه يارب لحد امته وحشني حبايبي اوي يااااارب
عصام بوجع : هاته ياحاج وخليك مع ابنك مينفعش يفضل هنا لوحده ولا أمه اللي بقت مش حاسه بالدنيا
مده ايده ياخدو بس الحاج هاشم مسك اوي في الطفل ودموعه غلبته
وحد الله يا حاج إكرام الميت دفنه سلم الأمانه لربنا
صعب عليا اوي يا عصام ادفن بإيدي حبايبي ربنا ما يكتبها على حد يا ابني ادفنه مم غير ابوه وأمه اللي لسه يا عالم حصلها هي كمان ايه
عصام بدموع محبوسه: وحد الله يا حاج وهات الولد خلينا نلحق الطريق
مش هشوفه تاني يا عصام السلام امانه على عمك يا حمزه قوله جدي بيقولك ضهره اتكسر يا ابني قوله وحشت ابوك اوي يا ابني قوله اخوك في أمانة ربنا وابوك تعب يا حمزه
عصام ودموعه نزلت: وحد الله يا حاجه
قطع وجعهم صراخ الحاجه منيره بوجع ودموع بقت زي الشلال مبينشفش: خلاص يا هاشم هاتدفنه هان عليك تحطه هو كمان في التراب خلاص معدتش هشوفه تاني هان عليك يا عصام هان عليك محمد هاتقدر تحط عينك في عينه وتقوله انا دفنت ابنك من غيرك سيبه يا حاج سوئت عليك حبيبك النبي
عصام وهو بيقومها من الأرض: يا حاجه إكرام الميت دفنه
منيره بصراخ: ميت لا والله لا قوم يا ضي عيني قوم يا قلب ستك اللي اتفطر من الوجع يا ضنايا قوم ابوك مهيتحملش قوم يا حمزه قوم يا واد
عصام بوجع :يا حاجه وحدي الله اخده من ايد جده اللي فضل متبت فيه لآخر لحظه واتحرك عصام من المستشفى في طريقه للفيوم ليودع حمزه لمثواه الأخير
يا تري اللي جاي مخبي ايه
الفصل التالي: اضغط هنا
يتبع.. (رواية شيطان الانتقام) اضغط على اسم الرواية لتجد الفهرس كاملاً بجميع الفصول.