رواية سهام الهوى – الفصل العشرون 20
سهام بسعاده : احنا جينا هنا ليه مش فاهمه
سالم حاوط خصرها بحب وقال : ليه هو البيت هنا مش عاجبك..
سهام رفعت عينيها ليه بفرحه وقالت : لا والله البيت جميل جدا لكن بسأل بس..
خلل أصابعه بشعرها ووجذبها إليه بخفه وقال بهمس : عاوز نكون لوحدنا انا وانتي وبس .. مفيش حد يعكنن علينا
سهام دفنت وشها بحضنه بحب وو
**********
بعد مرور أسبوع
زين : عاوز ايه يا سالم
سالم : بص انا هجبهالك من الاخر انا ماسك نفسي بالعافيه .. ابعد عن مرات مصطفى عشان لو هو عرف مش هيحصل كويس معاك وانا مش هعرف ادافع عنك .. ابعد عن الحرام وانا مستعد اجوزك اللي انت تشاور عليها ..
زين بانفعال : مش انت اللي تجي تقول اعمل ايه ومعملش ايه ..
سالم بجديه : بص يازين انت لو فعلا اتجوزت واستقريت مع مراتك انا مستعد ارجعلك ورثك ..
زين ضحك بسخريه وقال : ورثي هيرجعلي عشان حقي وصدقني وقتها هتجوز الست اللي دخلت نفوخي وقلبي وتبقى حلالي
سالم بعجل : هي مني شاور عليها انا بس وانا هخطبهالك من بكرى
زين : متتعبش نفسك وقتها يحلها حلال..
سالم : يازين عشان خاطري ابعد عن مرات مصطفى ابعد عن الحرام .. وكل حاجه انت عاوزه هتجيلك…صدقني.. لو انت بتحبها يا اخي قولها تتطلق واتجوزها…
زين : مرات مصطفى بقضي معاها شوية وقت لطيف مش اكتر .. انا مش هنكر اني زمان كنت بحبها اوووي اساسا انا سافرت عشان هي اتجوزت وانا مستحملتش اشوفها مع حد تاني ..لكن بعد ما سلمتني نفسها بالحرام مش هعرف أمنها على بيتي وعيالي..
سالم براحه : حلو يبقى انهي العلاقه دي خالص..
زين : ممممم.. سيبها لوقتها لما هرتبط بالبنت اللي انا عايزها وقتها هقطع علاقتي بيها..
سالم وقف وقال: ياريت تستعجل بحكاية جوازك يا زين وتنهي علاقتك بسنيه بسرعه ..
زين بخبث : صدقني انت هتخرج من هنا ومن بكرى علاقتي مع سنيه هتننتهي…
*******
بعد مده سالم في العربيه بتاعته راجع على بيته .. وفجأه خبطت عربيته شاحنه كبيره… وعملوا حادثه..
في الوقت ده كانت سهام عامله الاكل ومستنياه على نار وهو اتأخر على غير العاده .. فضلت تتصل بيه لحد ما تلفونه فصل والوقت بقى نص الليل غيرت هدومها وكانت هتنزل تشوفه اتاخر ليه بعد ما اتصلت بأخوها الصغير احمد يجي لها..
وفعلا سمعت صوت الباب بيخبط. طلعت تجري بسرعه وفتحت الباب حاسه بقلبها مقبوض اوووي سهام : اتأخرت يا احمد. .. مالك وشك عامل كده ليه..
احمد بحزن : خلينا نتكلم جوى.
سهام بقلق : نتكلم بأيه احنا نروح نشوف سالم اتأخر اووي
احمد يحاول يهديها : ادخلي الاول ياحبيبتي
سهام : في ايه يا احمد مالك .. وكملت بخضه سالم كويس جراله حاجه..
احمد نزل رأسه تحت وقال : البقاء الله سالم عمل حادثه واتوفى
سهام مستوعبتش اللي سمعته ووقعت من طولها واغمى عليها..وووو
يتبع.. (رواية سهام الهوى) اضغط على اسم الرواية لتجد الفهرس كاملاً بجميع الفصول.