رواية زهرة وسط أشواك – الفصل الرابع والثلاثون
زهرة نايمة علي سرير في المستشفى وهي متخدرة
وحمزة قاعد قصادها بيبص عليها بجمود
وشيري واقفة بتوتر وقلق وخوف علي زهرة من حمزة
بص حمزة للدكتورة وبغضب شديد …. انا هقفلكم المستشفى دي ياولاد الكلب
بلعت الدكتورة ريقها بخوف لكن قالت… يافندم المدام اللي طلبت مني اعملها العمليه. انا ذنبي ايه
حمزة بغضب وزعيق…. كنتي ترفضي يارووح امككك
الدكتورة…. رفضت. بس هي كانت مصممة و..
سكتت
حمزة… والفلوس زغللت عينك ياز، بالة يابنت الكلـ ب..
كمل وهو بيتوعدلها… بس اقسم بالله لاقعدك في البيت بعد مااحولك للتحقيق
الدكتورة بخوف… يافندم ماهو محصلش حاجة والبيبي الحمدلله منزلش
حمزة…. لو كان جارلو حاجة مكانش زمانك واقفة وبتتنفسي دلوقتي. كنتي هتبقي مع الاموات ياروح امك
الدكتورة بلعت ريقها ولسه هترد
قاطعهة بغضب وزعيق…. اكشفي عليها و شوفي هتفوق امتا ااخلصيي
وهو بيبصلها بغضب وتوعد
الدكتورة بخوف وتوتر…. ح. حاضر
وابتدت تشوفها و بعدين قالت…. ساعة وهتفوق
شوية وزهرة ابتدت تفتح عنيها وتفوق لكن شهقت مرة واحدة لما سمعت صوتو بيقولها بسخرية…. حمدالله علي السلامه يامدام
زهرة وهي بترجع لاخر السرير بخوف … ا انت ايه اللي جابك
وهي بتبص علي شيري
اللي قربت عليها بسرعة وهي بتقول .. يلا يازهرة قومي خلينا نمشي من هنا. يلا
زهرة وهي بتحط ايدها علي بطنها هي مش حاسة بأي وجع وبتبص ل شيري…. هو ايه اللي حصل
شيري لسه هتتكلم
زهرة بغضب بعد ما استوعبت و فهمت…. انتي. انتي عملتي ايه. انتي اللي قولتيلو. بتقوليلو ليه. عملتي ليه كدااا
وهي بتحاول تقوم وهي متعصبة
شيري… عملت الصح يازهرة. لحقتك قبل ماتندمي علي اللي كنتي هتعمليه
زهرة بغضب…. وانتي ماالك. انااا حررررة..انتي ماالك
وهي بتقوم وبتشيل الابر وبتشد المحلول اللي متعلق في ايدها بعصبية شديدة
حمزة بغضب مسكها من دراعها…. اقسم بالله ماهرحمك يازهرة بسبب اللي كنتي هتعمليه ده.
بصتله وبقوة وغضب…. اوعي تفتكر انك بكدة منعتني او هتقدر تمنعني. انا هنزل اللي في بطني كده كده
حمزة بهدوء مرعب…. دا بمـ وتك. صدقيني يازهرة. لو فكرتي تجربي تعملي كده تاني.
كمل بتهديد صريح… اقسم بالله ماهرحمك. هتشوفي مني اللي عمرك في حياتك ماتتخيليه
زهرة وهي بتتنفس بغضب …. انااا حررة. مش عاوزاه
حمزة بغضب وحدة… انا عاوزه..
وهو بشدد علي دارعها جامد… هعيشك اسود ايام حياتك يازهرة لو فكرتي تإذيه مرة تانيه. ومش بهددك بس. صدقيني لو فكرتي تعملي كده تاني اقسم بالله ماهرحمك
حررت دراعها منو بقوة وهي زي المجنونة…. انت عاوز مني ايييه. مش عاوزة اخلف منك طلقني
حمزة…. طلاقك ده مش هيحصل غير بمزاجي..وقت ماييجيلي مزاجي هطلقك..غير كده هتفضلي زي البيت الوقف.لا منو متطلقة ولا متجوزة…انا كده كده مبقتش عاوزك . بس بسبب عندك ده مش هنولك اللي في دماغك.وهسيبك كده لحد ما مزاجي يجيلي
كمل بتحذير لاخر مرة …. و ابني لو قربتي منو متلوميش غير نفسك
كانت بتبصله بغضب شديد…انت حيواان
شيري وهي بتحاول تهديهم…. ممكن تهدو شوية.. تعالي يازهرة معايا
وهي بتمسك ايدها
زهرة بعصبية وغضب… ابعدي عني انتي كمان. انا مش عاوزة اعرفك تاني
حمزة …. يلا قدامي علي البيت. ولسه حسابك معايا
وهو بيتوعدلها بشر
زهرة بغضب وعصبية ….. ابعد عني.ابعدوو عنييي. مش هرجع مع حد فيكو.محدش ليه دعوة بيااا مش عاوزة اشوفكو
وهي بتحط ايدها علي دماغها لانها كانت دايخة لسه من اثر البينج اللي كانت واخداه
شيري قربت عليها بقلق.. اهدي ممكن انتي لسه دايخة
لكن زهرة زقتها بعصبية… ااووعي
وهي بتحط ايدها بين شعرها بعصبية وبتتنفس بغضب…محدش يقرب مني. ابعدوو عنييي
وبتخرج من الاوضة وبتنزل من المستشفى وهي غضبانة ومتعصبة
شيري…يازهرة استني. طب انتي رايحة فين دلوقتي
وهي بتحاول تلحقها وبتبص ل حمزة بضيق… قولتلك بالراحة عليها. عجبك كده
فتحت زهرة عربيتها وقبل ماتركب كانت شيري لحقتها… طب تعالي معايا. انتي مش هتقدري تسوقي بحالتك دي
حمزة بغضب… انتي بتحايلي في مين
وبغضب شديد بص لزهرة وهو بيشاور علي عربيته… اركبي بهدوء قبل ماتغابي عليكي.
وبزعيق….. يلااااا
زقتت زهرة بقوة باديها الاتنين وهي بتقول …. وريني هتقدر تعمل ايه وتغصبني ازاي اني اجي معاك
مسح علي وشه بغضب وقرب مسكها من شعرها وقال… كده ياروح امك
وهو بيفتح العربية علشان يركبها فيها بالعافية
زهرة… ابعد عني ياحيواان
شيري بزعيق …. ممكن تهدوو بقااا
وهي بتحاول تخلصها من ايده وبتقول.. حمزة ارجع انتا وهي هترجع معايا انا. يلا حمزة. كفاية كده بقاا. يلاا
وبصت لزهرة… وانتي يازهرة تعالي معايا
لكن زهرة كانت زي المجنونة قالت… محدش ليه دعوة بيا. ساامعين..محدش يقرب منيي.. والعربية اهي
وهي بتخبط عربيتها برجلها بعصبية ورمت مفاتيحها في وشه..
وقالتلو… اشبع بيها
وفضلت رايحة جاية بغضب لحد ما لمحت تاكسي معدي علطول وقفته وركبت فيه
وهي بتقول للسواق يطلع بسرعة
بصت شيري ل حمزة اللي اتحرك بسرعة يلحقها ووقفته تمنعو … سيبها ياحمزة. سيبها
حمزة… اسيبها ايه. دي مجنونة
كان قلقان لا تهرب وتروح مكان وتختفي تاني
لكن شيري طمنته وقالت …. متقلقش هي اكيد هتروح البيت.. بس انت ممكن بالراحة عليها شوية . بالراحة علشان خاطري.
كملت وهي بتلوم عليه…. مكانش لازم تعاملها بعنف كده. اديك شوفت حالتها عاملة ازاي.. هي مش هتيجي بالطريقة دي. عاملها بالراحة ياحمزة وهتيجي معاك صدقني
حمزة…. مبتجيش بالراحة دي دماغها محتاجة تتكـ سر
شيري…. هي عنيدة انا عارفة. بس انت اصبر عليها..
اتنهدت وقالت… حمزة اللي حصل ل زهرة مش قليل. استحملها شوية… هي ثقتها في اللي حاوليها بقت معدومة. مبقاش عندها ثقة في حد. كل اللي حواليها خدعوها. هي خايفة ومتلخبطة مش حاسة بالامان.
اتنهد حمزة بتعب وبصلها …. هي مش قادرة تقتنع اني بحبها. واني اتغيرت.مش عاوزة تصدق. اعمل ايه اكتر من كده. اثبتلها ازاي. دا غير انها محملاني ذنب ونتيجة كل اللي حصلها
شيري…. سيبها تخبط فيك براحتها لحد ماتهدي واستحملها .. وبعدين هي كمان مجروحة منك اللي حصل مابينكو زمان مخليها مش واثقة فيك .. عارفة انك بتحبها. بس هي صعب عليها تأمنك كده بسهولة.خصوصا بعد كل اللي حصلها واللي شافته.هي مبقاش عندها ثقة في حد اعذرها ياحمزة. زهرة تايهة ومتلخبطة … وعلي فكرة هي لسه بتحبك. وبتحبك اكتر مانت بتحبها كمان بس هي خايفة. حاول تصبر عليها وتثبتلها حبك. زهرة اللي حصلها كتير اوي مفيش بنت في سنها تستحمله
كملت بحزن عليها… زهرة لسه صغيرة اوي واللي شافته مش قليل. دا كفاية موضوع اغتـ صابها ده لوحدو يكسر اي بنت واللي كان نتيجتو حمل بردو. واحدة مرة واحدة لاقت نفسها حامل متعرفش ازاي ومن مين.. زهرة اتعرضت لصدمات في حياتها كتير اوي ياحمزة..سنها مايستحملش ده كله.حرمانها من حضن امها. و حجات كتير كل اللي حصلها ياحمزة انا مش محتاجة افكرك بيه.
حمزة بهدوء .. حاسس بيها وعارف ومقدر كل ده
شيري …يبقي اقف معاها وساندها رجعلها ثقتها بنفسها تاني.. طب تخيل برغم اللي هي بتعمله ده بس هي عاوزاك جمبها
بصلها بدون فهم ف قالت… ايوا محتاجة حنيتك عليها وعازاك معاها برغم انها بتظهر العكس.. حسسها بكده انك معاها ومهما تخبط فيك استحملها. وهتلاقيها هديت صدقني
حمزة بقلق…حاولي كلميها شوفيها روحت ولا راحت فين
شيري…. اكيد مش هترد عليا
ضحكت وقالت… لانها دلوقتي مبقتش طيقاني انا كمان علشان عرفتك باللي كانت هتعمله…. بس هكلم هيام تشوفها تهديها شوية
ومسكت تليفونها واتصلت علي هيام
……………
عند هيام في شركتها
كلمتها شيري علشان تلحق زهرة بعد ماحكتلها اللي حصل
وقفلت هيام مع شيري وهي بتاخد مفاتيحها وبتتحرك خارج مكتبها وهي بتتصل علي زهرة تشوفها هي فين
فتحت باب المكتب وهي خارجة اتفاجت ب زهرة في وشها
زهرة بدموع…. محتاجالك
هيام…ياقلبي. تعالي
و فتحت ايدها وحضنتها وزهرة اترمت في حضنها وهي بتبكي اووي
اخدتها واتحرك ناحية الكنبة اللي في المكتب وقعدتها في حضنها بعد ماطلبت ليها لمون وهي بتهديها وبتحاول تعرف منها ايه اللي حصل بالظبط
وبعد مازهرة حكتلها وهي بتعيط
هيام بتوعد ل حمزة … وغلاوتك عندي لاربيهولك. وهخليه يطلقك ان مكانش بمزاجه هيبقي غصب عنه.. بس انتي متزعليش
مسكت وشها بين كفوفها وبحنية… مش عاوزة اشوف دموعك دي ابدا..
وهي بتمسحلها دموعها كملت… وحمزة ده ولا يشغلك ولا تخافي منو انا هعرف ازاي اخلصك منه
ثم اكملت وهي بتأنبها….. لكن اللي كنتي هتعمليه ده غلط. رايحة تجهضي نفسك يازهرة. تقـ تلي ابنك بايدك
مكانتش زهرة عارفة ترد لانها فهمت غلطها وبقت تبكي اوي بندم
هيام… خلاص ياحبيبتي كلنا بنغلط
واخدتها في حضنها
زهرة بدموع…. هو اللي اضطرني اعمل كده رفض يطلقني وكمان مد ايده عليا
هيام…. تتقطع ايده
زهرة بسرعة قالت…. لا متدعيش عليه
هيام بصتلها ببتسامة…. خايفة عليه
زهرة سكتت
ابتسمت هيام عليها لما فهمت انها بتحبه
لكن قالت بخبث…. انتي عاوزة تطلقي
زهرة… ايوا انا استحالة اكمل معاه
هيام …..خلاص اتطمني. عازاكي متقلقيش خالص. كده كده هتطلقك منه. كل اللي انتي عاوزاه هيحصل
زهرة… بس هو عاند معايا ورافض يطلق
هيام…. يوريني هيعمل ايه. لو عاوزة يطلقك من بكرة اخليه يطلقك
زهرة مسحت دموعها… ازاي هتعملي ايه
هيام… هرفعلك الخلع وهو اكيد هيخاف علي شكله ومش هيبقي قدامه حل غير انو يطلق
زهرة من غير تفكير قالت… لا
هيام باستغراب… لا ايه
زهرة …. انا مش هقدر اعمل فيه كده
هيام بتعجب … مش انتي بنفسك هددتيه ترفعي عليه خلع
زهرة…. ايوا. بس كنت بهددو بس. لكن انا مش هقدر اعمل كده بجد
هيام….خايفة.. قولتلك متخافيش منو
زهرة… مش خايفة منو
هيام.. امال ايه
زهرة بدموع… انا بحبه. ومش هقدر اعمل فيه كده
هيام…. بتحبيه!!
زهرة بدموع هزت راسها
هيام وهي بتحرك ايدها علي شعرها بحنية…. طب ليه عاوزة تطلقي مادام بتحبيه ياحبيبتي
زهرة بدموع…علشان خايفة
هيام… من ايه يروحي
زهرة…. خايفة يخذلني. انا مش واثقة فيه ومش ضمناه. حمزة خا، ني قبل كده. لو خاني تاني مش هستحمل. انا خايفة اديلو الامان يخو، ني تاني وساعتها بجد مش هستحمل
هيام… بس اللي عرفتو انو كان متجوز قبلك يعني مخانكيش. وكمان طلقها علشانك. يعني معناه انو فعلا بيحبك وعاوزك
زهرة…. مش بتكلم علي جوازه.. زمان حمزة خا، ني وانا معاه.كان دايما بيخو، ني وبيعرف بنات
اتجمعت الدموع في عنيها وقالت بصعوبة. ک كان بيجيبهم الشقة. كنت بشوفهم وهما خارجين من عنده. وفي الاخر كان بيقولي بحبك انتي. طب بيحبني ازاي وبيخو، ني
بقت تبكي وهي بتفتكر وتقول… انا مش قادرة اصدقه. حتي لو اتغير مش قادرة
حضنتها هيام بحزن عليها وقالت… مفيش راجل يستاهل دموعك دي ابدا. لو مش عاوزة تكملي. متكمليش يازهرة مفيش حد هيقدر يغصبك
……..
عند ليلي
ليلي واقفة في بلكونة اوضتها وهي بتبص علي رحيم اللي واقف تحت جمب عربيته وهو مشغول بيتكلم في التليفون
كانت بتبص عليه بدموع وحزن
دخلت امينة تشوفها وهي بتقول.. ليلي ياحبيبتي منزلتيش تتعشي لـ..
وقطعت كلامها لما شافتها بتبص عليه
اتنهدت بحزن عليها …. انتي كويسة ياقلب امك
ليلي مسحت دموعها وهي بتلف وتدخل جوا… ايوا ياماما
امينة بزعل عليها… هقول ايه بس. زي ماوجع قلبك كده
ربنا يوجع قلـ..
ليلي قاطعتها…. لا ياماما. متدعيش عليه.. هو معملش فيا حاجة وحشه. ولا عاملني مرة وحش ولا زعلني . هو بس محبنيش. ودي حاجة ملوش ذنب فيها هو قلبه مش ملكه
انا اللي تعبت قلبي يوم ما وافقت اتجوزه وانا عارفة ان قلبه مع واحدة تانية. لكن هو مخدعنيش وصدقيني انا مش زعلانة من رحيم
امينة… ربنا يكملك بعقلك ويراضيكي ياحبيبتي.
سكتت وبعدين كملت بخزي… تعرفي ياليلي ان كلامك اثر فيا اخر مرة. انا فعلا كنت عاوزة اخرب حياة اخوكي ومراتو. بس لما شوفت حزنك حسيت ان ربنا بيعاقبني فيكي. بس انا دلوقتي بقيت بتمني ربنا يصلح مابينهم ويرجعو لبعض
ليلي…. ان شاء الله هيرجعو. وحمل زهرة ده جي في وقته اكيد هو اللي هيقربهم من بعض
امينة ابتسمت… متتخيليش بعد ماعرفت بموضوع حملها ده فرحت ازاي. مستنية حفيدي بفارغ الصبر. من زمان وانا نفسي اشوف ولاد حمزة
ليلي… ان شاء الله هتشوفيهم واتجوزيهم كمان
……
تاني يوم عند هيام في فيلتها.
كانت زهرة نايمة في السرير وهيام جمبها بتلمس علي شعرها بحب وهدوء
فتحت زهرة عنيها بنوم
هيام…. صباح الخير ياحبيبتي
زهرة وهي بتتعدل…. صباح النور
هيام…. ها احسن دلوقتي
زهرة هزت راسها بهدوء
هيام باستها علي راسها وقامت… يلا قومي خدي دش علي بال مااخليهم يحضرو الفطار
..
بعد شوية زهرة كانت قاعدة في حضن هيام اللي بتأكلها
زهرة…. مش قادرة. شبعت
هيام… طيب دي بس. علشان اللي في بطنك
زهرة بصتلها وسكتت بحزن
هيام اتنهدت .. حبيبتي. دا خير مينفعش تعترضي عليه. واللي كنتي هتعمليه ده غلط وحرام. احمدي ربنا انهم لحقوكي لانك كنتي هتندمي صدقيني
زهرة دموعها نزلت وهي بتحط ايدها علي بطنها وقالت بسرعة … لا انا خلاص مش عاوزه انزله. انا زعلانة اني كنت هعمل كده انا والله ندمانة.مش عارفة ازاي كنت هعمل كده.
كملت بتعب وتشتت… انا حاسة اني متلخبطة ومكنتش في وعيي.مش عارفة فكرت كدة ازاي.مش عارفة .بس انا ندمت والله ياماما..
بصتلها وهي بتقول بخوف… هـ هو ربنا مش هيسامحني. صح
وهي خايفة من عقاب ربنا ودموعها بتنزل اكتر بندم
اخدتها هيام في حضنها وقالت.. مين قال كده. ربنا كبير وبيسامح استغفري ربنا واكيد هيسامحك ياحبيبتي
مسحت زهرة دموعها وقالت…. انا هقوم اصلي واستغفر ربنا. يمكن يسامحني
هيام… هيسامحك ياحبيبتي
..
و بعد يومين قضتهم زهرة مع مامتها وبعدين رجعت البيت
كانت خارجة من الجامعة لاقت حمزة مستنيها
حمزة…. ممكن نتكلم
زهرة بهدوء … نتكلم في ايه
حمزة…. تعالي نروح مكان
لكن زهرة قالت … مفيش بيني وبينك كلام ياحمزة.. واتطمن انا خلاص مش هنزل البيبي. رضيت بنصيبي خلاص
حمزة…. زهرة انا عاوز اتكلم معاكي. تعالي لو سمحتي
بصتله ومن غير ماتتكلم اتحركت وركبت معاه
حمزة قبل مايطلع بالعربية قرب علي راسها باسها
وقال…. انا عارف اني اتغابيت عليكي وعد مش همد ايدي عليكي تاني
بصتله بدموع وسكتت
طلع من طابلوه العربية علبة صغيرة وفتحها وكان خاتم من الالماس وقال… ممكن تقبلي الهدية دي
زهرة بجمود ….. مش عاوزة هدايا منك
اتضايق لكن قال في نفسه يستحمل شوية هو قرر انه يحاول معاها ويراضيها للأخر. ف رد وقال بهزار… عنك ماقبلتي انتي الخسرانة
..
بعد شوية كانو وصلو كافيه
دخلو وقعدو
حمزة…. تاكلي ايه
زهرة…. مش عاوزة.. قول اللي انت عاوزه خليني امشي
مسك حمزة ايدها وقال… عاوز نرجع يازهرة. كفايه كده. تعالي نرجع ونربي ابننا. انا والله بحبك
لكن زهرة ردت عليه بكل هدوء وقالت …. انا عاوزة اتطلق ياحمزة
حمزة بضيق ….. تاني يازهرة.. يعني ده اللي هيريحك
هزت راسها… ايوا
اتنهد بيأس وقال…. تمام. واضح ان مفيش فايدة. و مادام ده اللي هيريحك. انا موافق. هطلقك يازهرة. شوفي المعاد اللي يناسبك نروح للماذون
وقام وهو بيدفع الشيك
…
في اخر الليل كان في شركته وهو مهموم وحزين
وهو قاعد في مكتبه بيشرب لحد مابقي مش شايف قدامه
فضل لحد ما قام خد مفاتيحة ونزل من الشركة خد عربيته وطلع بيها وهو ماشي في الطريق فجأة عربية دخلت فيه حاول يتفادها لكن للاسف معرفش يتحكم في السواقة لانه مكانش في وعيه بسبب اثار الخمر،ة اللي شربها ومرة واحدة العربية اتقلبت بيه
..
في نفس اللحظة زهرة وهي نايمة قامت مرة واحدة وهي مخضوضة وهي بتقول بهمس… حمزة
يتبع……..
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.