رواية زهرة وسط أشواك – الفصل التاسع عشر
خرجت زهرة من البيت وهي منهارة مكانتش شايفة قدامها من دموع عنيها اللي بتتساقط بغزارة . كل حاجة بتتعاد في ذاكرتها..
معاملتهم الجافة ليها والكره اللي كانت بتشوفه في عيون امها.. ومعاملة ابوها الباردة. فعلا كل حاجة بتأكد انهم مخلفوهاش وانها مش بنتهم
..
محمد بغضب ل امال اللي كانت قاعدة بالامباة بنفس ملامحها الباردة …. ارتحتي كده. استفدتي ايه لما عرفتيها.. استفدتي اييه
امال بهدوء هي شاردة…. كده كده كان هييجي يوم وتعرف..
وبصتله وقالت… واه ارتحت
وقامت سابته ودخلت اوضتها.
..
مسحت زهرة دموعها ولسه بتفتح باب عربيتها في نفس اللحظة اللي احمد كان داخل بعربيته هو كمان لأن احمد ساكن في نفس الكومباوند اللي اهل زهرة ساكنين فيه
هما في الاساس جيران وده اللي خلي زهرة تتعلق بيه لانو دايما قدامها
احمد اول ماشافها وقف العربية ونزل منها وقرب عليها بلهفة
وهو بيقول… زهرة
زهرة مابصتش ليه ولسه هتركب العربية احمد مسك ايدها
وقال…. زهرة استني
قالت بعصبية….عاوز ايه
احمد… ممكن تسمعيني.
بصتله وبغضب… انا لا عايزة اسمعك ولا طايقة اشوفك من الاساس
وراحت تركب العربية لكن احمد مسكها وقال بدموع
سامحيني يازهرة. صدقيني انا لسه بحبك ومش عارف انساكي. انا محبتش في حياتي غيرك.. حتي شيماء عمري ماحبيتها
بص في عيونها وقال بحب… انا ماحبيتش غيرك في حياتي
زهرة بدموع….. خونتني ليه
احمد بندم…. اختك السبب. هي اللي شككتني فيكي
زهرة بملامح جامدة…. الله يرحمها
احمد… تعالي نرجع يازهرة. انا عارف انك لسه بتحبيني
زهرة…. لسه بحبك.
وابتسمت بسخرية ثم اكملت بقوة وقالت…
.. انا قلبي ده لو لسه فيه ذرة حب ليك هطلعه وادوسه برجلي.. انت عارف انت عملت ايه.متخيل.. انت روحت لاقرب واحدة ليا تخو، ني معاها.. ودلوقتي فاكر لما تيجي تقولي نرجع المفروض بقا اقولك ايه.اقولك تمام يلا نرجع ولا كأن في حاجه حصلت. صح
احمد بندم…. سامحيني يازهرة انا فعلا ندمان.
زهرة….. وانا مش عاوزة اشوفك في حياتي تاني. لأني نسيتك ومش عاوزة افتكرك
وسابته وركبت العربية وانطلقت بيها تحت نظرات
احمد اللي فضل واقف يبص علي اثرها بشرود لحد مااختفت من قدامه وهو جواه اصرار غريب انو يرجعها ليه تاني
زهرة كانت سايقة وهي بتبكي ومنهارة من كل اللي بيحصلها.. حتي اهلها مطلعوش اهلها!!
فجأة صرخت لما دخلت فيها عربية نقل كبيرة و هي بتحاول تتفادها ومش عارفة
………………………
عند رحيم
رحيم واقف بيدخن سيجار ببرود وياسمين واقفة قدامة وبتعيط وبتقول بغضب…. عاوز تعمل فيا ايه اكتر من كده. هاا.. كفااية بقاا.. كفاية انا تعبت. اتجوزتني ليه. علشان تزلني.صح. وتعذ. بني براحتك ومحدش يقولك انت بتعمل ايه..مش كداااا
بقت تضربو علي صدره بغضب وهي بتقول.. انت ايه مش مكفيك اللي عملتو فيا زمان.جاي تكمل عليا دلوقتي.تاني. تاني يارحيم
قعدت علي الارض وكملت بصوت ضعيف ….. انت اكتر انسان انا حبيته في حياتي.
زادت دموعها بقهر وقالت….. وانت بردو اكتر انسان اذاني في حياتي.
كملت بحسرة… خدت شرفي وبعدها رمتني زي اي كلبة. خدت اللي انت عاوزه ورمتني. سيبتني مش عارفه اعيش حياتي ومش عارفه اتجوز زي اي بنت
بقت تبكي اكتر بقهر .. ومش عارفة انساك. علقتني بيك وخلتني احبك وجيت بكل بساطة طلقتني و سيبتني ومهمكش
ميل رحيم عليها وقال بملامح جامدة وغضب…. وده يديكي الحق تعملي اللي عملتيه. تشاركي معاهم في قـ تل اخويا
ياسمين بعصبية…. قولتلك معملتش حاجة. معملتش حاجة. مش عاوز تسمعني ومش عاوز تصدقني
. احلفلك بأيه اني مظلومة واني مأذيتكش
رحيم قعد قدامها علي السرير وقال بحيرة وتعب… هسمعك. قولي اللي عندك.. قولي. اقنعيني انك معملتيش كده.. اقنعيني ان ده مش صوتك وانك مقولتيش كده
ياسمين بلعت ريقها وقالت بعد مامسحت دموعها… لا هو فعلا صوتي وانا قولت كده.
كملت بصدق… بس والله كل حاجة اتغيرت.. انا مكملتش معاهم.. التسجيل اللي معاك مش كامل. اللي بعتهولك قص نص الكلام…. انا اه قولت كده بس لما عرفت انهم ناويين
يقـ تلو يوسف رفضت.. لما قولت كده كنت فكراهم بيدبرولك قضيه يلبسوهالك علشان تتسجن.. وانا بسبب اللي انت عملتو معايا كنت عاوزة انتقم منك بأي شكل.. روحت واتفقت معاهم
ياسمين ابتدت تحكي وهي بتفتكر اللي حصل من سنة
فلاش بااك..
ياسمين قاعدة مع عيلة الشاذلي لانها كنت بتشتغل عندهم
وكانت بتقول بغـ ل…. انا معاكم في اي حاجة تعملوها. انا اكتر واحدة عاوزة انتـ قم من رحيم.. نفسي
اوجعه واكسره. شوفو هتأذوه ازاي. وانا معاكم
واحد فيهم… تمام.. احنا هنقـ تل اخوه. ودي اكتر حاجه هتكسر رحيم الهواري
وفقط. ده الكلام اللي كان في التسجيل وكان وقف لحد هنا
لكن الحقيقة ان ياسمين وقتها اول ماسمعت كده اعترضت وقالت… لا. قـ تل لا
: امال انتي كنتي فاكرة ايه
ياسمين… انا بحسب انكم هتلفقولو قضيه ويتسجن
بسخرية…. وتفتكري لو عملنا كده. رحيم مش هيعرف يخرج منها.. رحيم واصل وليه نفوذه وعلاقاته. يعني لو حبينا نلبسه قضيه رحيم بنفوذه مش هيبات ليلة واحدة في الحجز
ياسمين… بس
قاطعها التاني…. مبسش..
وكمل بحسم.. احنا هنـ موت اخوه
كانت قاعدة هيام الشاذلي مع اخواتها واخيرا اتكلمت وقالت…. وانتي اللي هتموتـ يه ياياسـمين. انتي اكتر واحدة بتشوفي الولد. واسمع انو دايما بييجي عند…هتـ موتيه بالبطيئ كل ماييجي عندك هتأكليه وتكوني حطاله السـ م في الاكل
ياسمين قامت وقفت وقالت بعصبية… انتو ايه معندكوش قلب.. انا استحالة اعمل كده واقـ تل. وكمان طفل مايتعداش العشر سنين مالوش ذنب في اي حاجة..
كملت بغضب… انا مش هعمل كده. ومش هسمحلكو تعملو كده.. عن اذنكو
وقامت ولسه بتفتح الباب
واحد فيهم بكل برود اتكلم وقال بتهديد صريح…. انتي هتعملي كده. يااما هتمو،، تي.. ها تختاري ايه
لفت ياسمين ليه وقالت بقوة… مش خايفة منكم. ومش هعمل كده
وخرجت ونزلت من الشركة بسرعة وركبت عربيتها وطلعت بيها وهي في طريقها ل رحيم كانت ريحالو تحذره
لكن للأسف ملحقتش لأنهم بعتو عربية نقل كبيرة وراها
خبطتها
باااك…
ياسمين بدموع…. كنت جايه علشان احذرك واقولك خلي بالك من يوسف. بس ملحقتش.. يومها كانو عاوزين
يقتـ لوني قبل مااوصلك لانهم كانو عارفين اني هعمل كده وهجيلك. وفعلا دبرولي الحادثة دي قبل مااوصلك وفضلت في غيبوبة تلت شهور
كملت وهي بتبكي اكتر ودموعها بتنزل بحزن وقالت…. لما فوقت عرفت انهم نفذو كلامهم وقتـ لو يوسف فعلا
ياسمين كانت بتبكي بحزن شديد وهي بتقول…. والله كنت جاية اقولك خلي بالك.. انا كنت بحب يوسف اوي وربنا اللي يعلم اني كنت بعتبره اخويا. انت متعرفش انا حزنت عليه ازاي. انا قلبي واجعني عليه اوي
وهي بتبكي بشدة
رحيم كان قاعد بيسمعها وساكت. مش عارف ولا قادر يصدقها. دموعه بقت بتنزل علي اخوه اللي كان اغلي حاجة عنده في حياته كان بيعتبره ابنو مش بس اخوه الصغير
قامت ياسمين قربت منو بدموع ومسكت ايده وهي بتحلف وبتقول بصدق…. والله ماعملت كده. اقسم بالله يارحيم ماشاركت في قتـ له. والدليل اهو انا كنت في المستشفي وقت اللي حصل
رحيم…. دخلتي المستشفى في نفس اليوم اللي يوسف اتقـ تل فيه.. اضمن منين انك ملكيش يد في اللي حصلو. ماهو عادي بتحصل ممكن الواحد يقتـ ل ويتـ قتل في نفس الوقت
ياسمين…. صدقني يارحيم.. صدقني انا. صدق حلفاني
انت اكتر واحد تعرفني . استحاله اعمل كده. انا ياسمين حب عمرك..
كملت بثقة وهي بتبصله بحب رغما عنها .. انا عارفة انك لسه بتحبني يارحيم. وانك عمرك مانسيتني. حتي بعد اللي عملتو معايا
وهي ماسكة ايده وبتقول…. لسه بتحبني انا متأكده
: الله الله وكمان اتجوزتها وانا اللي كنت فاكراك بتاخد
بـ طـار اخوك. اتاريك جايب ست الحسن علشان تتجوزها. حبك القديم اللي مش قادر تنساه
وده كان صوت ليلي مراته اللي دخلت بغضب واول ماشافتهم كده اتجننت وكان الغضب عاميها
ياسمين اول ماسمعت صوتها بعدت وهي بمسح دموعها
ليلي بغضب وجنون….. يعني اللي عرفته صح. بتتجوز عليا. بتتجوز عليا يارحيم.
كملت بدموع وقهر….. انا كنت حاسه. كنت حاسه من اول يوم دخلتها البيت.. وان الحكاية مش موضوع اخوك زي ما فهمتني
رحيم قام وقف وقرب منها …. ليلي تعالي
ومسك ايدها
لكن ليلي شدت ايدها منو بغضب وقالت بقوة….. طلقني يارحيم
رحيم….. انتي مش فاهمة حاجة . تعالي بس
ولسه هيمسك ايدها
ليلي زقته بغضب ومسحت دموعها بعنف وقالت…. بقولككك طلقنيي
رحيم….. اهدي
ليلي بصريخ….. اهدي اييه وزفت ايه..انت بتتجوز عليا وعاوزني ابقي عادي…. انا رايحة عند ابويا و ياريت تطلقني بهدوء
وبصت ل ياسمين بقرف…. واشبع بحبيبة القلب
ونزلت بسرعة وهي منهارة
……………
عند زهرة
بعد وقت كانت وصلت عند شقة حمزة
زهرة مرجعتش عند جدتها لكن فجأة وبدون وعي منها لاقت نفسها واقفة قدام شقة حمزة ومن غير ماتحس طلعت مفتاح الشقة من شنطتها وفتحت بيه ودخلت
دخلت الاوضة كان حمزة نايم قربت وقعدت جمبه علي طرف السرير وفضلت تبكي
حمزة حس بيها فتح عينه واول ماشافها اتخض وقام بسرعة وهو بيقولها بقلق…. زهرة. في ايه. بتعيطي ليه كده. حصل ايه
بس زهرة كانت بتعيط وبس
حمزة قرب منها وضمها ليه… في ايه. مالك. ايه اللي حصل
زهرة بشهقات…. مطلعتش بنتهم. مطلعوش امي وابويا
وهي بتبكي اوي ومنهارة
حمزة ضمها ليه اكتر بحنية وقالها… متزعليش
وهو بيمشيي ايده علي شعرها وبيحاول يهديها
زهرة رفعت وشها ومسحت دموعها وهي بتبص ليه باستغراب وقالت بشك… هو انت كنت عارف.. رد عليا كنت عارف
حمزة هز راسه بهدوء… ايوا
زهرة…. وليه مقولتليش
حمزة…. انا لسه عارف من فترة قريبة
زهرة…. يعني الموضوع بجد بقا.
دموعها بقت تنزل تاني وقالت … انا لحد اللحظة دي مكنتش قادرة اصدق وبقول يمكن بيكدبو عليا ويمكن في حاجة غلط
مسحت دموعها وقالت بصعوبة…. ومين اهلي بقا الحقيقين. تعرفهم. ولا مليش اهل.. كانو متبنيني من دار ايتام ولا لاقوني قدام باب جامع
حمزة مسك ايدها وقال ….لا يازهرة انتي من العيلة .
اتنهد وقال…. انتي اه مش بنت عمي محمد بس بنت عمي زيدان الله يرحمه. واخت رحيم
زهرة بضياع….. ازاي…. انا مش فاهمه حاجه.ازااي
حمزة بدا يحكيلها…..
عمي زيدان زمان اتجوز علي مراته من ورا جدي في السر.. ومتجوزش اي واحدة. اتجوز من عيلة الشاذلي العيلة اللي طول عمرها بينها وبين عليتنا عدواة وطا،ر..جدي لما عرف بجواز عمي من بنتهم اجبر عمي يطلقها. بس هي كانت حامل. وفي اليوم اللي خلفتك فيه بعت حد خطفك من المستشفى واتفق مع الدكاترة يقولوهم انك مو، تي.وادوهم جثة طفله تانيه وبعدها جدي خدك واداكي ل عمي محمد ومراته يربوكي علي انك بنتهم. وبما انهم عايشين في القاهرة ومش عايشين معانا في الصعيد محدش شك في حاجة وكل الناس صدقو انك بنتهم بجد
زهرة كانت بتسمعو بدموع وهي مش قادرة تستوعب
حاولت تمسح دموعها اللي بتنزل لكن فشلت لانها بتنزل زي الشلال مش بتوقف من كمية الصدمات اللي بتتعرضلها
زهرة بدموع…. وازاي رحيم يبقي عارف اني اخته وكان شايف وعارف بكل اللي حصلي ده ومفكرش يبقي جمبي
ليه سابني السنين دي كلها ومحاولش يحميني من الدنيا وغدرها
حمزة….. رحيم مايعرفش انك اخته. محدش يعرف غير ابويا وعمي محمد ومراته. الباقيين محدش فيهم يعرف
زهرة…. واللي المفروض ابويا ليه رماني ل عمي.ولا مكنش يعرف بردو اني بنته
حمزة….. كان عارف. بس هو كان شايف انك في امان وانتي بعيد. لان امك واهلها كانو هيخدوكي لو عرفو انك موجودة هما اساسا كانو عارفين ان جدي خدك. لانهم مدخلش عليهم حوار انك مو، تي بس افتكرو جدي اللي قتـ لك
وبعد مافات سنين بقلم فريدة احمد
قاطعته زهرة لما كملت هي وقالت بشرود…. هما اللي
قتـ لوه
بصتله وقالت… مش كده
حمزة…..بعدها بكام سنه وكان كل حاجه اتنست
دبرو حاد، ثة ليه هو ومرات عمي. وما، تو.. رحيم مسكتش. خد بطـ ار ابوه وامه. والحرب بينهم قامت. وبعدها هما كمان خطفو يوسف وقتـ لوه
زهرة بصعوبة …. هيام الشاذلي هي اللي قتـ لته..
“ودي سيدة من اكبر سيدات الاعمال اللي في البلد”
كملت زهرة بصعوبة اكبر… اللي هي تبقي امي الحقيقية
حمزة هز راسه ….. ايوا
زهرة بدموع…. هي واخواتها قتـ لو يوسف. اللي المفروض اخويا.. يعني امي هي اللي قتـ لت اخويا وقبلها قتـ لو ابويا
وهي بتعيط بألم شديد
زهرة كانت بتعيط ومنهارة
حمزة رجع ضمها ليه… اهدي يازهرة. اهدي
زهرة….. مش قادرة استحمل كل اللي بيحصلي ده. والله ماقادرة استحمل
وهي بتبكي بشدة
حمزة رفع وشها وبدأ يمسحلها دموعها بحنية وهو بيقول
… انا عارف انو صعب. بس اهدي ممكن.
مسك وشها بين ايديه وقال… انا جمبك وعمري ماهسيبك. انا بحبك يازهرة
وابتدي يبص في عيونها بتوهان اللي من اثر البكاء كانت محمرة وده خلي ملامحها جميله ورقيقة
حمزة بتوهان في ملامحها اللي بتجذبو دايما وبتخليه ينسي العالم باللي فيه
حمزة… طول عمري وانا بحبك عمري مانسيتك
وباسها علي خدها ورجع ضمها ليه
وكانه هو اللي محتاج الحضن ده مش هي
كمل وقال… حتي طول السنين اللي بعدتيهم كنتي دايما في بالي. منستكيش
زهرة رفعت وشها من حضنه وبصتله بتوهان وهي لسه دموعها علي خدها
حمزة بدون وعي قرب علي شفا،، يفها وابتدي يبو، سها بدون وعي
والغريب ان زهرة كانت مستسلمة ليه وكأنها متخدرة .بس مرة واحدة فاقت لنفسها وقالت بضعف…. حمزة. ابعد. مش هينفع. لا لا
وهي بتحاول تبعد
حمزة …. شش. سيبلي نفسك.. انا بحبك. ومحبتش غيرك
وقرب يبو،، سها من تاني
وهي رغما عنها استسلمت ليه وبدون وعي منها بعد لحظات كانت ابتدت تتفاعل معاه وهي مغيبة
محستش بنفسها غير وهو بينزل البلوزة من علي كتفها وو
في الحظة دي زهرة مسكت ايده تمنعه و قالت… حمزة. لا لا. ارجوك. مش هينـ..
لكن حمزة كان مغيب وهي كانت بتتكلم بضعف
حمزة رفع ايده وبتدا يحركها علي خدها لحد مانزل بصباعه علي شفا،، يفها وقال بر،، غبة… انا عاوزك..ومتاكد انك انتي كمان عاوزاني.
وقرب منها من تاني وكانت هي استسلمت ليه كليا وهي كمان مغيبة
وبعدين…….
………………………………………………
…….
…………………….
تاني يوم في الصباح
رحيم نايم فتح عينه لما حس بحركة رقيقة علي وشة
تلقائي ابتسم اول ماشافها وكانت بنته “كنز” اللي عمرها 4 سنين
كنز…. بابا. صباح الخير
رحيم…. صباح الورد. حبيبة بابا. تعالي
وفتح ايده ليها وهي دخلت في حضنه
رحيم ضمها ليه بعد ماباسها علي خدها وقالها.. ايه اللي مصحيكي بدري كده
كنز اتنهدت بطفولة وقالت… مش بعرف انام غير هنا. مش بعرف انام في بيت جدو. وماما مش عاوزة تيجي هنا
كملت بتساؤل…. بابا هو انت زعلت مامي ليه.
رحيم… ليه بتقولي كده
كنز… علشان هي طول الليل وهي بتعيط.. بابا انا مش بحبك تزعل ماما. ممكن متزعلهاش تاني
رحيم…. حاضر ياحبيبتي.. تعالي
وشالها وقام
……..
عند زهرة وحمزة
زهرة قاعدة في السرير ولفة نفسها بالملاية اللي مدارية بيها جسمها وبتبكي وهي حاطة راسها بين رجليها
خرج حمزة من الحمام لاقها كده قرب وقعد قدامها ولسه بيحط ايده عليها زهرة بعدتو عنها بغضب ورفعت وشها وهي بتقول… ابعد عني..متلمسنيش
وهي بتبكي بندم شديد وبتقول… اللي حصل ده مكانش لازم يحصل ابدا..ابدا.
وهي بتهز راسها برفض… مكانش لازم يحصل
وهي ومنهارة حرفيا وهاين عليها تضر، ب نفسها
حمزة….. انتي مراتي يازهرة.ولا نسيتي اننا لسه كاتبين كتابنا تاني من يومين بقلم فريدة احمد
زهرة مسحت دموعها وبصتله ….. دا قدام الناس بس. و كلها سنة وكل واحد كان هيروح لحاله. احنا متفقين علي كده قدام عمي.ولا نسيت
حمزة…. بس بردو اتفقنا اننا ندي لنفسنا فرصة نقرب من بعض. وانا بحبك وعاوزك يازهرة. واللي حصل ده طبيعي
وزي ماانا كنت عاوزك.انتي كمان كنتي عاوزني..والا كنتي منعتيني..
زهرة بصتله بعصبية وقالت…. انت استغليت ضعفي
حمزة قال….لو حسيت انك مكنتيش عوزاني بجد انا كنت هبعد… بس انتي كنتي عاوزاني زي ماانا كنت عاوزك بالظبط.متحاوليش تقنعي نفسك بالعكس
زهرة مسحت دموعها وقالت بجمود…. غلطة ومش هتتكرر تاني
ولسه هتقوم حمزة مسك ايدها وقال… انا بحبك يازهرة. اديني فرصة وادي نفسك
كمل بصدق…. ماحبتش في حياتي غيرك. صدقيني
زهرة كانت بتبصله بسخرية وهي مش مصدقاه وعاوزة تقوله انت كداب
حمزة فهمها وقالها…. اه عرفت بنات كتير وعملت علاقات كتير
زهرة غمضت عنيها وهي بتفتكر ان ده كان هو السبب اللي خلاها بعدت عنو زمان
كمل حمزة وقال….. بس عمري ماحبيت واحدة فيهم .. انتي مكانتك عندي غير.. غير اي حد يازهرة.. بحبك وبعشقك.. عمري ماحبيت قبلك ولا هحب بعدك.. انتي حب عمري يازهرة. بحبك. اديني فرصه
لكن زهرة بصتله جامد وقالت…. احنا عمرنا ماهنفع نكون مع بعض ياحمزة. عمرنا بقلم فريدة احمد
وقامت وهي ماسكة الملاية كويس علي جسمها ودخلت الحمام تاخد دش
وبمجرد مادخلت الحمام وقفلت الباب قعدت علي ارضية الحمام وانهارت وهي بتندم علي اللي حصل وعلي غباءها
وهي بتلعن نفسها انها ضعفت وسلمت نفسها ليه
وبعد وقت بعد ماخدت حمامها خرجت وهي لسه اثار البكا في عنيها
اخدت هدومها ودخلت تاني تلبس كان حمزة في البلكونة بيدخن
زهرة خرجت بعد ما لبست في لحظة ما هو كان بيقفل باب البلكونة بعد مادخل
و من غير ماتبصله خدت شنطها واتجهت ناحية باب الاوضة وبتفتحه
حمزة…. هتروحي فين
زهرة مرديتش عليه
حمزة قرب منها ومسك وشها بين ايديه وقال… خليكي يازهرة متمشيش
زهرة بملامح جامدة…. انا مينفعش افضل معاك ثانية واحدة
وفتحت الباب وخرجت
حمزة مسك ايدها…. استني بس.. هتروحي فين دلوقتي
زهرة شدت ايدها منو وقالت …. هروح في داهية. ملكش دعوة بيا
وهي بتبصله بغضب
وخرجت ولسه بتفتح باب الشقة لاقت اللي في وشها
والمفاجأة كانت سهر مرات حمزة التانية
زهرة باستغراب…. انتي مين
سهر … انتي اللي مين.. مش دي شقة حمزة
زهرة…. ايوا. انتي مين
سهر…. انا مراته
زهرة بصدمة… ايه.. مرات مين
يتبع….
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.