رواية حين يدق القلب – الفصل الأول
كانت في السوق ماشيه بنت جميله في العشرين بس خبط فيها شاب وهي معديه كانت هتقع بس مسكها بين اديه وبص لعنيها بس بعدت بسرعه ووطت تلم الحاجات اللي وقعت على الارض قعد على قصادها وبقى يلم معاها وبص لعيونها لانها كانت منقبه
وقال… لو دى عنيكى سبحان من حطها فيك رفعت عيونها ليه
وقالت… حتى لو مش عنيا سبحانه ربي برده سبحانه في كل حال واخدت الحاجات بتاعتها ومشيت راح لواحد بيبيع الخضار اللي كانت بتشتري منه وكان راجل كبير
وقال… مين البنت دي يا موسى
موسى قال…. استغفر الله العظيم على الصبح حرام عليك انا عندي عيال
اتنهد بضيق وقال… هو انا كل ما اكلم حد يقوللي حرام عليك انا عندي عيال هو انا خنقتكم انا بسالك ولخص في الكلام
موسى قال… دي بنت غلبانه فى حاله يا دياب
دياب ولع سيجاره وبقى يشرب وقال… ايوه يعني هتلخص وتقولي بنت مين امتى عشان الف وارجع في الدقيقه اللي هتقولى فيها عشان انا مش فاضي
موسى قال.. دى بت الحج سيد انت ما تعرفوش دا من عمارة الجامع دياب حمحم بحرج
وقال. .. تمام ومشي شويه ولقى شاب واقف في الشارع
قال… خد يلا ده بيت الحاج سيد امام الجامع دا
قال.. ايوه هو دياب راح خبط وفتحله راجل في الخمسين
دياب قال… ازيك يا حاج سيد اعرفك بيا انا دياب
رضوان قال… عارفينك جاي عندنا ليه
دياب قال… لا انت مش عارفني مستحيل تكون عارفني وبتكلمني بالطريقه دي اكيد
سيد قال… لا عارف دياب اكبر بلطجي في الحته وقاطع طريق ربنا يهديك خير عايز ايه
دياب قال… هو انا سمعتي سبقاني كده بص بقى انا طالب الحلال وجاي طالب القرب منك فالبنت ام عيون حلوه المنقبه اللى كانت في السوق النهارده الصبح كانت جايبه طماطم وبطاطس وخيار وشنط سودا ما شفتش ايه اللي موجود فيها لسه راجعه من خمسايه كدا
سيد قال… انا ما عنديش بنات للجواز
بس دياب قال… لا ما انا مش جاي اخد رأيك انا هخدهاغصب عنك بس قولت اخدها بالذوق عشان انت عندك بنت تانيه حلوه وصغيره في السن وولد وحيد مسافر وانتو مش حمل البهدله دى بلاش نبهدلك ابنك الوحيد ونقتله وبلاش نبهدلك بنتك الصغيره والناس تحفل عليها واخطف الكبيره واغتصبها واتجوزها برضو فجوزهاني والطيب احسن النهارده باليل هجيب الماذون واجي اتجوز انا ماليش في جو الماذون بصراحه بس عشان خاطرك عندي يا حمايا ومشي
الفصل التالي اضغط هنا
يتبع.. (رواية حين يدق القلب) اضغط على اسم الرواية لتجد الفهرس كاملاً بجميع الفصول.