رواية حلم الاميره الضايع الفصل السادس والاخير 6 – بقلم جيجي

رواية حلم الاميره الضايع – الفصل السادس

رضوان قال… وانا لو مشغلتش نفسى بيكي اشغل نفسي بمين عاد

نبيله قالت… يا واد انت جبت الكلام ده من فين

رضوان قال… مش من حته من نفسي وخلصوا اكل

ونبيله قالت… هشيل الصينيه دي هوديها تحت واجى بقولك ايه كنت عايزه اروح السوق اجيب حاجه كده تيجي معايا ولا مش هينفع نروح

رضوان قال… حاجة ايه دى اللي هتجيبيها هدوم يعني

نبيله قالت…. لا انا هجيب الحاجه وانت مش هتشوفها من دلوقتي هتستناني قدام المعرض

رضوان قال… ماشي يا ستي اللي عاوزاه كله

نبيله قالت…. تسلم ونزلت رضوان جري مسك الكتاب بتاعها وجاب الصفح الاولى وكان في تعريف ليهم جاب الصفحه اللي كاتبه فيها اسمه وبقى يقراها كانت كاتبه

رضوان ده ولد عمي متربيين سوا ما كناش بنتفق خالص بس عند الجد كنت بلاقيه في كتفي لحد ما كبرنا اتشغل في دراسته وفى حياته كان المفروض ان هو يتجوزني عشان انا بنت عمه وهو ولد عمي وده اللي جارى بالعاده عندنا بس انا كنت بحبه هو كان عايز يتجوز من بره زعلت قوي لما عرفت ان هو ما عاوزنيش وعايز واحده تانيه بس قلت يمكن ربنا شايلي حاجه احسن بس هو ما يعرفش ان انا بحبه انا ما قلتلهوش واصل البت رحمه قالت قوليله انك بتحبيه وسيبك من عزه النفس قلتلها اهم حاجه عند البني ادم كرامته لو ما كانش في كرامه ما فيش بني ادم سماح دى تبقى اخت رضوان بس رضوان بقى يبص للصفح بدهشه وقلب في اخر صفحتين كان مكتوب فيها

انا كنت فرحانه قوي وزعلانه قوى فرحانه عشان هتجوزو وهيكون معايا بس زعلانه لانه معايا غصب عنيه مجبور عليا كان نفسي يكون متمنينى ورايدني كيف ما انا رايده ويضحك ويشيلنى ويدخلني الاوضه ويقفل الباب برجله ونقضي وقت حلو بس هو هزقني قالى انى لابسه شوال رز اكمنى منقبه يعني مع ان هو بيغير على اهل بيته كنت فاكره انه هيتبسط بالموضوع بس ما عجبهوش سمعني كلام وحش بصراحه المفروض ان هو يزعل بس انا مزعلتش منه لان العقل اللي بيزعل مش القلب وفي الحب تلاقي العقل واخد اجازه خالص وانا اصلا عندي حته قليله منه يعني كانت هبله بقت مجنونه بس سمع صوتها جايه حطه بسرعه تحت المخده

وقال… يلا البسى عشان هنروح نجيب اللى انتى عيزاه

نبيله قالت…. ماشي يلا هلبس واجى

رضوان قال… وانا هاجي معاكي مطرح ما انتى عايزه نبيله راحت على الحمام ولبست ونزلوا سوا وبعد شويه كانو وصلو

ونبيله قالت… انت خليك هنا قدام المعرض

رضوان قال… ماشي يا ستي خلينى ملطوع هنا بعد شويه طلعت نبيله

ورضوان قال….. طب مش هتاخدى الفلوس تحاسبي

نبيله قالت…. لا خليها علينا المره دي

رضوان قال… لا جد جبتي حقها من فين

نبيله قالت… ايه الكلام ده هو انا مفلسه ما انا معايا فلوس

رضوان قال… ماشي يا بلبل تعالي وراحوا سوا على البيت بالليل جات نبيله قعدت جمبه

وقالت…. غمض عينك

رضوان قال… ليه

نبيله قالت…. كده بس انت غمض يلا

رضوان قال…. ماشي اهوه

نبيله قالت….. فتح عيونك

رضوان قال…. خلاص وبصلها وقال… سلسله ايه الهيافه دي مين الهايف اللي جايباله سلسله

نبيله قالت…. هو هايف فعلا كل سنه وانت طيب

رضوان قال… ايه هى دى ليا انا

نبيله قالت….. ايوه عيد ميلادك النهارده

رضوان قال…. اه وانتى جايباهالي يعني انتى افتكرتى عيد ميلادي وجبتهالى

نبيله قالت…. ايوه فاكراك وانا لو ما فتكرتكش انت هفتكر مين مش ده كان كلامك برده

رضوان قال…. هو انا ما بلبسش السلاسل بس مدام منك هلبسها وصلت بس ليه يعني

نبيله قالت…. بالعاده البنت بتجيب للراجل ساعه قلت اجدد

نبيله قالت…. لا انا ما اقصدش ليه سلسله انا اقصد ليه ما قلتليش

نبيله قالت… على ايه

رضوان قال…. على انك بتحبيني انا قريت الكتاب لما انتى بتحبيني ليه ما قولتيليش

نبيله قالت…. عشان انا ما ينفعش اقولك ان انا بحبك انا عندي كرامه

رضوان قال… عادي على فكره ممكن يبقى عندك كرامه وتقوليلي انك بتحبني

نبيله قالت بدموع…. كده يبقى زل

رضوان قال…. الحب عمره ما كان زل الحب تقوى بيه على الدنيا طالما حبيبك يدو في يدك تتخطوا اي حاجه في الدنيا

نبيله قالت…. وانا عشت طول عمري ادور على اليد دي تعدي معايا في كل حاجه الرجل اللي دايسه معايا في كل حاجه بس انا ما ينفعش اجي اقولك اني بحبك

رضوان قال…. طب تيجي نتفق اتفاق انا هفضل معاكي طول العمر وانتى ما تسيبينيش واصل ولا تضايقي ولا تهتمي للمنظر تفضلي وياي واللى عايزه تقوليه قوليه في وشي حتى لو كان وحش او مش كويس او صعب عايزين من النهارده نشيل كل الحدود اللي ما بينا الاعتذار الصح الغلط مش عايزين نعرف غير الحب اغلط تسامحيني وتغلطي اديكى على قفاكى اللي عاوزه اطلبه واللي تعوزيه تطلبيه

نبيله قالت… وانا موافقه على الاتفاق

رضوان قال…. تمام انا عايزك معايا

نبيله قالت…. ايه يا عم ده ما كنا حلوين

رضوان قال…. ما احنا حلوين مش قلنا اي حاجه عاوزها اطلبها منك اديني بطلب مع انها تكسف بس اديني بقولها عادي يلا بقى

نبيله قالت…. بعدين معاك بس انا مكسوفه ان انت بردك لقيت الكتاب وعرفت يعني ان انا بحبك ما قلتليش ان انت بتحبني

رضوان قال… طيب يا ستي انا بحبك وميت فيكى وعايز اقضي باقي عمري كله معاكي عايزك تبقي مراتي وام ولدي

نبيله قالت…. وانا موافقه رضوان شدها ليه وغابوا سوا فى عالمهم الخاص فى صباح يوم جديد كانوا متجمعين كلهم على طاوله الفطار وبيفطروا رضوان وقع كوبايه الميه جمب رجل نبيله ونزل يجيبها

وقال…. انا اسف قوي يا ست البنات ما تزعليش مني ونبيله وطت كمان عشان تجيبها رضوان بصلها وابتسم

وقال… ده الاعتذار اللي كنتى عايزاه

نبيله قالت… انت لسه فاكر

رضوان قال… انا من هنا ورايح ما هنساش اي حاجه انتى تعوزيها

نبيله قالت… تسلم انا مبسوطه قوى بعد سنه ونص طلع رضوان من الحمام

وقال…. بت يا بلبل الواد عمال ينوح ما سامعهوش

نبيله قالت…. سمعاه

رضوان قال… طب ما بتسكتيهوش ليه

نبيله قالت… اصل امك كانت تقول ان الرجاله خلقها ضيق ما تستحملش البكى واول ما يقول واء يرمحو ويشيلوه قال ايه الولد مرارته ما بتتحملش يسيبوه يبكي

رضوان قال… ايوه انتى سايباه يبكي ليه يعني انتى فهمتى غلط

نبيله قالت…. لا انا سيباه عشان مراته تبقى واسعه ما يطلعش زيك روحك في مناخيرك ومستني تعطس

رضوان قال… طب سكتي الواد بدل ما اعطس في وشك دلوقتى واريحك خالص بعدين ما عوزاهوش يطلع شبهي ليه يعني

نبيله قالت… عوزاه في الشكل بس المخ لا انت دماغك ناشفه قوي

رضوان قال….. بس بحبك قوي احنا نشيله ما نخلهوش يبكي ويطلع عنيد لحد ما تاجيله اميرتو الضايعه بتاعته تكون بتدور عليه وتغيره

نبيله قالت… انا ما غيرتكش انا كنت بحبك كيف ما انت ولسه بحبك وهفضل احبك بس في شويه عيوب كده هنصلحوها في الواد بس عشان ما يطلعش فيه عيوب زيك

رضوان قال… عيوب زى وعيوب ايه دى عشان بقيت اغير عليكى

نبيله قالت… ايوه دلوك بس زمان كنت تغير على كل الناس الا عليا

رضوان قال… لا انا كنت بخاف اضيق عليكى تقوليلي انت مالك او تقولي انا عشان قاعده معاكم وانا عشان ابويا مات كنتى تعمليها زمان

نبيله قالت… زمان راح مع زمان انا بحبك قوي ومبسوطه ان انا بقيت معاك انت حلم اتحقق بعد صبر سنين وانا احلم بيه ومستنياه يبقى حقيقه انت حلم الاميره الضايع

رضوان قال…. وانتى اميره قلبي وروحي انتى اخدتى الماضي والحاضر والمستقبل جيتي مسحتى اللي قبلك
واحتليتى القلب ما سبتش فيه مكان للي بعدك

يتبع.. (رواية حلم الاميره الضايع) اضغط على اسم الرواية لتجد الفهرس كاملاً بجميع الفصول.