رواية جنون الهوا – الفصل السادس
الاخير… عزه قالت …ايه الصوت ده ونزلت تشوف مين لقت ستات من الحاره بتاعتهم قاعدين مع سلوى وواحده
قالت….ربنا يجبهولك بالسلامه ياحببتى عزه برقت بشده وبصت لأمها
وسلوى قالت …ايه بتبصيلى كده ليه وعزه لسه هتكلمها بس سمعت صوت حسن
جريت عليه واتعلقت فى رقبته وحسن شدها ليه وبقت بين ادبه
وقالت… سونه وحشتنى قوى
حسن قال…انتى اكتر ياعزه انا خلصت المهمه وجاى اخدك اعرفك على ماما وبابا
عزه قالت…هتعرفنى عليهم هتقولهم ايه عنى بس واحده من القاعدين
قالت.. حمد الله على السلامه ياحضرت الظابط فرحنالك قوى
حسن بصلها وقال …هقولهم بتسيح وفتانه هو انا مش قولتلك متقوليش لحد يابت
عزه قالت ..والله انا ماقولت غير لأمى وحلفت انشاء الله تعدمنى ماهتقول لحد وشوف غلاوتى ماقلتش لحد غير نسوان حتتنا كلهم بس لولا ان انا غاليه كانت قالت للحارات المجاوره حسن ضحك بخفه
وقال….خلاص ولا يهمك كده كده المهمه خلصت يلا وعزه مشيت معاه وراحو على الفيلا
وقال…دى عزه ياماما مراتى الى حكيتلك عنها دى ياعزه ليلى العامرى ماما عزه سلمت عليها وعزه كانت مبهوره بالمكان
وقالت…..المكان حلو
حسن قال….امم تعالى هوريلك أوضتى
عزه قالت….اه يلا وراحو سوا
وحسن قال….انا تعبت من السفر هاخد دوش على السريع واجيلك ودخل وجات بنت فى العشرين
وقالت..سونسون بس
عزه قالت بغضب …يانعم انتى مين
البنت قالت…انا ابقى مرات حسن هو فين بس عزه حطت اديها فى وسطها
وقالت…بس سونسون متجوز
البنت قالت…لا ما خلاص المهمه خلصت وهيطلقها ويتجوزنى هو اصلا اتجوزها علشان الشغل.
عزه قالت …هو مش هنا
البنت قالت…ايه طب انا هشوف ليلى على بال ماياجى انت الخدامه الجديده مش كده اما ياجى ادينى خبر ونزلت وعزه اخدت بعضها ومشيت والدموع على وشها وحسن طلع ملقاش عزه بقى يدور عليها ملقهاش ونزل يسأل عليها
وقال…ماما فين عزه
ليلى قالت…جرمين طفشتها لسه بتقولى حالا
حسن قال …ايه
جرمين قالت….سونسون
حسن قال بغضب …قولتيلها ايه
جرمين قالت…انا كنت فكرها الخدامه وقلتلها انى مراتك
حسن قال بغضب …. قولتلك قبل كده انتى مش مراتى ولا هتكونى أوف وبص لأمه
وقال….وانا مش هجيبها هنا عندك تانى ومشى راح على الحاره
عند عزه كانت قاعده عند امها وبتعيط وامها
بتقول… ما كفايه بقى ياعزه ايه يابنتى مالك فى ايه انتى مش روحتى معاه رجعتى تانى ليه وبتعيطى ليه
عزه قالت….وهى بتشهق ياما لو شوفتينى بقول اسمه تانى ادينى بالشلوت ولو لقيتينى بكلمه ادينى بالجزمه ولو كلمنى ورديت عليه اديلى بالشبشب ..
سلوى قالت…ربنا يكملك بعقلك بس استهدى بالله كده وقوليلى ايه الى حصل يمكن انتى فهمتى غلط
عزه قال….لا يا اما مفهمتش غلط انا مبفهمش اصلا .روحى اعمليلى لمون انا اشربه حداد على الواطى ده قصرت معاه فى ايه انا عايزه اعرف محشى وحشيت لحمه ووديت ولمون وشربت دلع ودلعت اه ياحظى النحس ياانا يا اماه
سلوى قالت….عشان خايبه وفقريه زى امك بومه زى ودخلت على المطبخ
وعزه قالت….اه يا انا يااماه مشيو وسابو القلب بجراحو اه ياللحمه والمحشى الى راحواه بس سمعت صوت عربية حسن جريت بصت من البلكونه ولقته واقف تحت البيت وحسن رفع عينه ليها وشاورلها بصباعه بمعنى تنزل وعزه جريت على تحت
وقالت….سى حسن انا كنت عارفه انى مش ههون عليك
حسن قال…انتى مشيتى ليه
عزه قالت….علشان متطلقنيش انا مش هقدر اسمعك بتقولها ياحسن لو عايز تطلقنى طلقنى وانا هنا انا مش عايزه اسمعها
حسن قال….ومين قال انى عايز اطلقك اصلا انا مش اخدتك على البيت وعرفتك على ماما وكنت لسه هعرفك على بابا ومشينا ليه تسمعى كلامهم انا قولتلك هتجوز غيرك اطلعى يلا بلاش غباء
عزه قالت ..يوه يقطعنى جد والنبى ياسى حسن بتحبنى ومش هتطلقنى
حسن قال…لا مش هطلقك بس انا زعلت .ازاى تسيبينى وتمشى عشان كلام حد تانى انا كده مليش لزمه خالص
عزه قالت …عشان بحبك غيرت عليك مستحملتش اشوف ولا اسمع انك هتبقى مع غيرى انا يمكن ابان عندك رخيصه ومعنديش كرامه بس انا بحبك قلبى الى حبك هو الى جايبلى البلاوى
حسن قال.. .لو العشق بلا االله يزيدنا بلاوى انا عمرى ماشوفتك كده ياعزه انا بس كنت مركز فى المهمه بس خلاص انا كنت جاى الاقى المهربين لقيتى فيكى نصى التانى هو ده الحب الى انا كنت بدور عليه واحده تحبنى لا تهتم للممنوع ولا الغلط ولا المنظر العام بس تفكر فيا
عزه قالت…اى حد هيحبك مش هيشوف غيرك ولا حتى حاجه هتلهيه عنك قد مكان كبرها وعقدت حواجبها
وقالت….هو كلو من أمى هى الوليه دى عايزه تبعدنا عن بعض يلا نهرب قبل ماتاجى حسن ضحك بخفه
وسلوى بصت من البلكونه وقالت بسخريه … تعالى اما اضربك بالى عديتيهم يابت المجانين يامهبوله حسن ضحك بخفه
وقال ….مجنونه بس اعمل ايه انا اجن منها الحب اصلا جنون وحلاوته فى جنونه
يتبع.. (رواية جنون الهوا) اضغط على اسم الرواية لتجد الفهرس كاملاً بجميع الفصول.