رواية شغف الغرام الفصل الرابع 4 – بقلم بقلم همس كاتبة

بارت ( 4)

( شغف الغرام )

بقلمي: همس كاتبة

زين : بتعملي ايه باوضتي

غرام بابتسامة : مستنياك

زين بسخرية : اممم ، ليه في حاجة

غرام : زين انت عايز الجوازة دي تتم ؟

زين بابتسامة جانبية : انتي عايزة ايه

غرام بتوتر : انا مبحسش تجاهك ولا باي حاجة ، و مش عايزة نتجوز

زين بخبث : ليه هو في حد تاني بحياتك

غرام بغضب : احترم نفسك

زين قرب منها و حاصرها على الحائط

د.فن رأسه في عنقها و قال بخبث : اوعك تكوني فاكرة اني بحس تجاهك باي حاجة انتي بالنسبالي صفر على الشمال بس برضو انا ليا تار عندك و لازم اخده و بعدين مش عيب يروح الجمال ده كله للغريب و ابن عمك موجود

دفعته غرام بقوة و قالت من بين دموعها : انت اقذر انسان شوفته بحياتي ، انت مريض لازم تتعالج ، انت عارف انا قبل كنت بحترمك اوي عشان سمعتك و كلام الناس عليك كنت بحس بفخر انك ابن عمي و كمان خطيبي ده كان بالنسبالي شرف كبير ، بس دلوقتي الصورة دي اتكسرت و ظهر زين الحقير انت ظهرت على حقيقتك دلوقتي ، انا كنت قبل ممكن احبك بس دلوقتي انا بكرهك و مستحيل احبك بيوم من الايام

وخرجت من الاوضة و هي تبكي

اما زين فبقيت كلماتها تتردد في اذنه و شعر بانه اذنب بحقها و اهانها

رباب : في ايه يا زين يا ابني مال البت غرام خرجت بتعيط

زين اخذ نفس عميق وقال : مفيش يا طنط

رباب بحنية : بص يا ابني دي مراتك و مشاكلكم خاصة بس عايزة اقولك على حاجة ، غرام دي لو لفيت الدنيا كلها مش هتلاقى زيها ، انسا يحبيبي كل حاجة حصلت و شوف حياتك معاها ، ما تستناش العمر يمر قدامك و ما تستناش تخسرها عشان تحس بحبك ليها

زين بضحكة ساخرة : حب ايه يا عمتو

رباب : ما تكدبش على نفسك ، انت نسخة من ابوك، زيه بالزبط ، رفاعي لما بيحاول يداري مشاعره كانت عنيه بتفضحه

زين : طنط انا مش فاضي للكلام ده

رباب : ماشي يا ابني ، انا بس كنت حابة انورك

خرجت رباب و فضل زين يبص لاثرها بسرحان و بيفكر بكلامها

دلفت الى مكتب جدها بتلقائية

الجد اسماعيل : وه من امتا بتدخلي من غير ما تخبطي يا غرام

غرام بدموع : جدو انا مش عايزة الجوازة دي تتم ، انا عايزة اطلق ارجوك يا جدو

الجد اسماعيل بخضة : ما عاش الزعل يبتي ، مين الي زعل اميرتي

غرام ببكاء : جدو ارجوك انا مش عايزاه

فتح الباب بقوة و دلف

الجد اسماعيل : انت ازاي تتجرأ و تزعل حفيدتي

زين بابتسامة : هي الي بتزعل بسرعة يا جدي ، معلش انا زعلتها شوية عشان ما رضيتش اخدها لتدريب الخيل بس هصالحها حالا

نظرت له غرام باستنكار شديد

الجد اسماعيل بقهقهة : هم الستات كدة بيزعلو بسرعة ، روحي يا غرام مع جوزك و اتصالحو

غرام بغضب : بس…

زين : تعالي تحببتي

وشدها وخرج

غرام بغضب : سيب ايدي

زين بقوة و تحدي : الفرح هيتم برضاكي او غصب عنك فاهمة

غرام بغضب : انت انسان اناني و حقير

زين شدها من خصرها وقربها منه وقال بفحيح : في وحدة عاقلة تقول لجوزها كدة ؟

سرحت غرام في عنيه و تاهت كأنها بعالم اخر و هو نسي المشكلة كلها و فضل مركز بعنيها

عطر بصدمة و همس : ايه ده

رباب بسعادة : هشششش سبيهم براحتهم

عطر بسعادة : هم بيحبو بعض ؟

رباب بابتسامة : من الواضح كدة

: اح..احم

نظرت غرام بخضة تجاه الصوت وجدت رباب و عطر و فريد واقفين و بيبصو ليهم باعجاب

افلت زين خصر غرام ببطىء

فريد : اصبرو شوية الفرح بعد بكرة و بعدين الحركات دي من ما بتتعملش بنص البيت

اتت صفية وقالت بمكر : وه على قلة الرباية ، و ايه الكلام الي بتقوله ده يا فريد بدل ما تقولهم عيب

فريد : مراته و هو حر فيها

و غمز لزين وقال : بعدين كلنا كنا شباب و عملنا كدة

اتى من ورائه ليث

ليث بضحك : اه والله يعمو بس طنط صفية ما يليقش عليها الحركات دي

نظرت لها عطر بضحكة ساخرة

في الحديقة

ملاك بتوتر : انت لسا زعلان مني

معتز بقرف : ملاك روحي من وشي انا مش طايق اشوفك

ملاك بدموع : انا اسفة

معتز بسخرية : يا سلام ، ليه هو انتي عورتيني ولا سرقتي قلمي

ملاك : ارجوك ما تتريقش ، بجد انا اسفة انا لما سمعتك بتقول هتخطب فرح خوفت اوي عشان بحبك و قولت اعمل اي حاجة انا بجد بحبك يا معتز

معتز بغضب : حب ايه ها ؟ هو الحب كدة ؟ الحب انك تعملي حركات وحدة ***** عشان توصلي لهدفك ؟ انتي عارفة انا كنت دايما بشوفك اسم على مسمى ملاك و انتي فعلا كنتي ملاك بس بعد الموقف ده بقيتي وحدة معرفهاش ، بقيتي رخيصة اوي بنظري و اكيد مش هيشرفني تكون وحدة زيك ام عيالي ، انا مفضحتكيش عشان ما يهونش عليا افضح وحدة بنت و كمان انتي من العيلة و اخت صاحبي ، انا بقيت بقرف ابص بوشك ، انتي اخر وحدة ممكن افكر فيها يا ملاك

كانت تشهق و تبكي بنحيب ، ذهبت من امامه مسرعة و ما انتبهتش لرباب فخبطت فيها

رباب بخضة : وه مالك يابت ..

ثم شهقت : يا مصيبتي مالك يا ضنايا بتعيطي ليه

تركتها و ذهبت مسرعة الى اوضتها و قفلت الباب على نفسها

دلفت اوضتها وهي تبكي

هند بخضة : في ايه

غرام بدموع : عملت زي ما قولتيلي بس هو قعد يتريق و يهين فيا

هند بصدمة : ايه

غرام ببكاء : يا ريتني ما روحتله و لا كلمته ما كانش لازم اعمل كدة

هند : بس يا غرام ما تعمليش بنفسك كدة ، هو اكيد بيحبك بس بيكابر

فلاش باك

هند : بصي انا حاسة انك احسن بنت في ايبيت ( البيت ) ده و عايزة اتكيم ( اتكلم ) معاكي كيلام ( كلام ) مهم

غرام بابتسامة : قولي يا هند انا سامعاكي

هند بجدية :اولا انا مش لدغة يا غرام ولا عبيطة انا بس بعمل كدة عشان معنديش حل تاني

غرام بصدمة : ايه ؟ يعني انتي عاملة عبيطة و الكل مصدقك ، انتي ازاي قادرة تكدبي كدة

هند : غرام اسمعيني لما تعرفي الحكاية هتعذريني اكيد

غرام بهدوء : ماشي يلا قولي الي عندك

هند : غرام ، بابا بيفوز بجائزة اسوء اب بالعالم الحياة معاه و مع مراته لا تطاق ، كنت لازم اوريه اني غبية و عبيطة عشان ميقدرش يستحمل وجودي في بيته و يسبني اروح لماما وده الي حصل بس دلوقتي هو مراقبتي كويس عشان كدة لسا عاملة دور العبيطة

غرام بصدمة : طب ازاي انتي عايشة عنده كل السنين دي

هند : مهي اساسا دي فكرة خالتي ، انا عشت معاها من زمان لحد ما تميت 14 سنة و من وقتها لغاية دلوقتي كل ما اشوف بابا اعمل اني عبيطة و لدغة ده مش بيسأل عليا غير من السنة للسنة بس كمان كان بيراقبني من وقت للتاني لما يشك فيا عشان يتأكد و لما زهق مني قرر يوديني البلد عند ماما

غرام : و دلوقتي هتعملي ايه ؟!

هند بدموع : لازم اكمل في التمثيلة دي ، محدش يعرف السر ده غير انا و انتي و ماما

غرام : وخالتك

هند بدموع : ربنا يرحمها اتو.فت من سنتين ، بابا مرضيش يخليني ارجع عند ماما عشان هي شغالة و كمان عشان يكسر عينها لانها اطلقت منه و لو فضلت مع مرات ابويا دي كانت شيلتني البيت كله و عملتني شغالة ، انا حاسة انك ممكن تساعديني مش كدة ؟

غرام : ماشي يا هند بس خودي بالك الكدب وحش اوي و لما يعرفو هيزعلو منك خصوصا ليث

هند بدموع : المهم افضل مع ماما

غرام : ماشي انا هساعدك

هند ببحة : غرام زين بيحبك

غرام بصدمة : ايييه

هند بابتسامه : سمعته بيقول لفرح انه بيحبك اوي و هو الي طلب من جدي انه يتجوزك بس من غير علمك و كمان قال سابك كل الوقت ده عشان تكبري و تحلوي

غرام بعدم تصديق : مستحييييل زييين يقول كدة

هند : اه والله

غرام : طب اعمل ايه

هند : كلميه يا غرام ، اتفاهمو و اسسو كل حاجة صح ، خليكي واضحة معاه عشان العلاقة دي تاخد شكل كويس

غرام : انا خايفة اوي يا هند

هند : مفيش خوف من الصراحة ، انتو لازم تحطو النقط على الحروف و تتفاهمو

غرام بتفكير : عندك حق

بااااك

صفية : اظن الوقت تاخر يا عطر هانم

رباب : وه يا صفية عيب عطر ضيفتنا

عطر : معلش هيا عندها حق ، انا هروح بقا

الجد اسماعيل : وه يا بتي هتروحي كيف بالوقت ده

عطر باحترام : معلش يا عمي

صفية بحقد : مهو انتي كان لازم تاخدي بالك من الوقت

الجد اسماعيل : روح يا ليث وصل خالتك عطر لغاية بيتها

ليث : حاضر يا جدو

فريد : انا هروح اطمن على المزرعة

ليث بخبث : تعال معانا يعم فريد

فريد : يلا

بعد منتصف الليل

رباب : معتز حصل ايه بينك و بين ملاك قولتلها ايه عشان تعيط

معتز بلامبالاة: هي الي حساسة زيادة عن اللزوم ، بس برضو بهدلتها على عملتها السودة دي

رباب : حرام عليك يا ابني دي عيلة و مش فاهمة ، اما اروح اطمن عليها

صعدت رباب لاوضة ملاك و فتحت الباب

صرخت رباب بصدمة : ملاااااااااااك ……..يتبع