الفصل الخامس والعشرون

حين تحزِمُ قرارك وعِدّة الرحيل حين تحكمُ بأن ننتهي ونُوصدُ في وجهِ بعضنا أيامنا لا تبقى في البُعد تتلصص على حالي وترقُب اسمك ووصفك في أحدِ أسطري تتلذذ أن تكون بطلَ القصيدة القادمة والفارس الذي يتسيَّدُ شجناً أسِرُّهُ لنصٍ قصير حين ننتهي، لُفّ عليك الغياب مرتين ارحل بكل حواسك عني ولا تتعدى على

❈-❈-❈

قبل عيد ميلاد أمير بـيوم..

خرج من غرفة الساونا واتجه لــغرفة مكتبه سريعًا بعدما فقد السيطرة بــحضرتها، أغلق الباب وهو يكاد يتنفس بـصعوبة، جلس على مقعده وهو يمسح على وجهه بــعنف قائلًا لـنفسه:

-وبعدهالك ياليلى، ليه مصرة ترجعينا لنقطة الصفر!!

أطبق على جفنيه متألمًا كلما تذكر هيئتها التي جعلته قديسًا لـجمالها،

فتح جهازه ينظر إلى صورتها بـصمت، أخذ يتأمل ملامحها الحنونة القادرة على ثلج نيرانه.

نهض بعدما فقد السيطرة كاملة، وخرج متجهًا إلى المشفى لـزيارة يونس…

بــفيلا يحيى الكومي..

جلست بـغرفتها وهي تدخن بـشراسة فكلما تذكرت نظراته لتلك التي ينسبها لـنفسه تشعر بـنيران بـأحشائها؛

أمسكت هاتفها وقامت بــمهاتفة أحدهم:

-هبعتلك صورة لواحدة عايزاها بكرة في المصنع القديم، مش عايزة غلطة هبعتلك كل حاجة، أنهت اتصالها وهي تحدث حالها:

-هنشوف يادكتور نوح هتعمل إيه بعد اللي هعمله في ملكة الجمال تبعك

بـمشفى يونس..

وصل راكان ودلف إليه، كانت فريال تجلس بـجواره تطعمه.

-عامل ايه النهاردة؟؟

مسح فمه، وهز رأسه ينظر إلى باب الغرفة، ربما تدلف إليه، ولكن خاب ظنه عندما جلس راكان وتحدث بـمغذى:

-مشغولين بـحفلة عيد ميلاد أمير، قولت أجي اشوفك واطمن عليك..

تنهد بـحزن دون حديث؛ ربت راكان على كتفه:

-شد حيلك عشان تخرج، مش عيب تبقى دكتور وتنام زي الدبيحة كدا

أرجع خصلاته للخلف وتحدث:

-دبيحة!! في الآخر تقول عليا دبيحة؟!!

قطع حوارهما دخول الضابط المسؤل عن حادثته:

-دكتور يونس ممكن ناخد أقوالك بسبب الحادث؟؟

استدار ينظر إلى راكان مستفهمًا:

رفع منكبيه وهو يهز رأسه بـعدم معرفته بما يحدث، فهم الضابط نظراته فـقال:

-جد حضرتك توفيق البنداري قدم بلاغ من اليوم الموافق أربعة من هذا الشهر..

أومأ متفهمًا فـأجابه :

-الدنيا كانت ضلمة ومشفتش حاجة، كان كل خوفي على بنت عمي فمركزتش في حاجة.

سأل الضابط مرة أخرى:

-بنت عمك شافت المجرم؟؟

أجابه سريعًا حتى ينهي الحديث:

-هي اغمى عليها مجرد ماالباب اتفتح وهجم علينا الحرامي.

-والبواب كان فين؟؟تسائل بها الضابط:

-البواب كان في مشوار بعيد، كنت باعته وسط البلد يجبلي حاجات ودا ياخد ساعتين على الأقل..

بعد دقائق من الأسئلة خرج الضابط، وتبقي راكان وفريال التي قالت :

-اومال ليه سيلين بتقول انها قتلتك؟!!رمق والدته بنظرة فصمتت.

-سيلين مجرد ماشافت الحرامي انهارت واغمى عليها ومعرفش إيه اللي حصل بعد كدا..

توقفت غاضبة وهي تحدجه شرزا ثم خرجت من الغرفة؛

ظل راكان يطالعه بصمت حتى قاطعه يونس:

-بتبص كدا ليه، مش مصدق إنت كمان؟!

-بقولك ايه يالاَ حد قالك إني عبيط وبريل قدامك؟!! هات من الآخر واحكي لي بدل مااخليك تفضل طول حياتك في المستشفى..

-اللي عندي قولته، مش مصدق روح اسأل اختك.

نهض وهو يضع يديه بجيب بنطاله متجهًا للنافذة وتحدث:

-إنت حاولت تعتدي على سيلين يايونس؟؟ قالها راكان وهو ينظر للخارج

تضجرت ملامحه بـجمرة الغضب وأجابه:

-للدرجة دي شايفني حيوان؟! وبعدين إنت ناسي انها مراتي ولا إيه؟!!!

استدار ينظر إليه بتقييم:

-لا مش ناسي، بس شكلك انت اللي ناسي إنها متعرفش!!!

عند ليلى

خرجت بعد فترة واتجهت إلى غرفتها، أنهت حمامها واتجهت لتؤدي فرضها بخشوع، تحمد ربها على ما توصلت إليه رغم العقبات التي واجهتها الا انها اعتبرتها قوة لإيمانها..

استمعت إلى طرقات على باب غرفتها؛ فتحت سيلين الباب تدقق النظر بها

-عاملة ايه يالولة؟ رفعت حاجبها بسخرية، ثم ألقتها بالوسادة :

-كدا تبعيني لأخوكي ياسيلي؟؟

قهقهت سيلين بمرح وجلست أمامها:

-ياختي هو كان مستني ابيع ولا أشتري!! هو كان رايح اصلًا ، غمزت بعينيها وأردفت:

-بس مقولتيش يالولة، راكي عمل إيه، أنا أسمع عن شقاوته مسمع في القناة التاسعة.

ابتعدت بنظرها عنها وتحدثت بأعين تفيض ألمًا :

-زي مابتقولي بالظبط سمعته مسمعة في كل مكان، كأن الألم مكتوب عليا طول عمري بلقب الزوجة اللي جوزها..

قاطعتها سيلين سريعًا عندما تحول الحديث للجد :

-مش قصدي ياليلى والله، على فكرة راكان مش كدا، هو آه له علاقات نسائية، بس مش اللي في دماغك..

ابتسامة سخرية بدت موجعة على شفتيها:

-ولا اللي في دماغي؛ كفاية انه هيتجوز.

سيبك من سيرة أخوكي اللي ريحة ستات مصر كلها هتلاقيها في هدومه

ربتت سيلين على كفيها ثم احتضتنت وجهها:

-ليلى هو إنتِ بتحبي راكان؟؟

صمتت هُنيه تطالع سيلين بضياع، فاليوم هي تأكدت من وجود قطعة منه بأحشائها فماذا سيكتب لها الغد؟؟؟ أتصارح سيلين؟ أم تظل صامتة حتى تُعلِمه أولا؟ ولكن كيف سيكون ردة فعله؟؟!

تشعر بـأنها بـمتاهة في منتصف الطريق، لا تعلم بأي حرب ستخوض؟

ظهرت خيوط دموعها بجفنيها وتحدثت بـتقطع:

-مش عارفة ياسيلين، صدقيني مش عارفة، كل اللي طالباه أعيش حياة هادية مع ابني وبس، مش محتاجة غير شوية سكون..

قطبت سيلين حاجبها مستغربة ردها فهتفت بها -قصدك إن حبك ل راكان دا هيدخلك مشاكل؟؟ مش فاهمة قصدك!!

نظرات ضائعة معذبة وقلب ينتفض ألمًا أجابتها :

-بيقول حاجات وبيعمل حاجات تانية!! وأنا جوايا حرب مش عارفة أخلص منها، مش عارفة الغلبة هتكون مع القلب ولا العقل؟ كل اللي متأكدة منه أن راكان صعب تعرفي هو عايز ايه..

اومأت سيلين بتفهم فهي تعلم أن أخيها صعب الوصول إلى تفكيره، فربتت على ذراعها وتحدثت :

-عايزة أأكدلك إنه بيحبك ودا أهم حاجة..

ابتلعت غصتها المتورمة قائلة بتنهيدة عميقة :

-الحب مش كافي ياسيلين، فيه أهم من الحب إنك تحسي بالأمان وانتِ في حضنه.

ثم نظرت إليها ورسمت ابتسامة مصطنعة :

سيبك من راكان وقولي ايه اللي حصل دا؟ ليه عملتي كدا في يونس؟ هو انتوا بينكم حاجة بينكم؟

صمتت ثواني تقاوم غلالة دموع وخزت جفنيها ثم قالت بصوت مختنق:

-تعرفي ان راكان مش اخويا شقيقي، ولا حتى سليم، صعب قوي لما تكوني وحيدة وتبقي عايزة تقولي اللي بيوجعك وحد يحس بيكِ ويفهمك ومش لاقية..

انسدلت عبراتها على وجنتيها وهي تطالع ليلى وتحدثت :

-الوحدة صعبة قوي، كان نفسي يكون ليا أخت احكيلها اللي بيوجعني، بس للأسف فوقت على كابوس ان امي مش امي، وأخواتي مش اخواتي!!

جذبتها ليلى لأحضانها تربت على أكتافها :

-حبيبة قلبي أنا موجودة واعتبريني اختك، اوعي في اي وقت تحسي انك وحيدة..

خرجت من احضانها تبتسم من بين دموعها :

-أنا أصلا حبيتك قوي من اول مرة شوفتك فيها لما سليم اخدني عشان أشوفك، كنت خايفة تطلعي زي نورسين ولا حلا.

أطلقت ليلى تنهيدة من عمق الليل الحالك بداخلها واجابتها بتعبير تقطر حزنًا :

-يعني مالقتيش غير ام أربعة وأربعين وتشبهيني بيهم!!

أطلقت سيلين ضحكة رغم ماكانت تشعر به، هزت رأسها :

-مش قصدي يالولة متكونيش قفوشة كدا؛ المهم نستيني جتلك ليه:

-بكرة أمير العيلة هيكمل سنة، وراكان طلب مني أهتم بكل حاجة للحفل، وفعلا اتفقت مع تنظيم الحفلة وكل حاجة جاهزة، فجيت أسألك لو محتاجة حاجة معينة في الحفلة دي؟

هزت رأسها رافضة:

-لا حبيبتي اعملي اللي انتِ عايزاه، هو قالي انك هتهتمي؛ سيبك من الحفلة وجوابي على سؤالي:

-إيه اللي حصل بينك وبين يونس؟؟

نهضت سيلين عندما استمعت إلى رنين هاتف ليلى قائلة :

-ردي على تليفونك وبعدين نتكلم؛ هزت رأسها وخرجت.

فتحت ليلى هاتفها متحدثة :

-عاملة ايه ياأسما؟

على الجانب الآخر..

أجابتها بحزن يملأ قلبها :

-نوح طلق راندا ياليلى، ودكتور يحيى كان هنا، والدنيا مش تمام أنا مرعوبة من اللي جاي..

نهضت ليلى وجلست أمام مرآتها تقوم بوضع مرطبات على بشرتها وهي تستمع إليها بتركيز:

-انا كنت عارفة ان نوح طلقها من ليلتها، بس قبل ماتتكلمي هو حلفني مااقولك، وقبل ماتتعصبي نوح غصب عنه، هو خايف عليكي ياأسما، دكتور يحيى مش هيسكت، وكان متفق مع راندا انها متعرفش والده حاليا، وطبعا كالعادة قبضت منه.

زفرت أسما مختنقة وتحدثت:

-طيب وبعدين ياليلى، هفضل في القلق دا لحد إمتى؟؟

توقفت ليلى عما تفعله وأجابتها :

-ارمي الخوف ياأسما وقربي من جوزك وعيشي حياتك، الحياة قصيرة فوق ماتتخيلي، هو أنا اللي هأكدلك ان نوح مستعد يبيع الدنيا كلها عشانك!!

استمعت لفتح باب غرفتها ظنت أنها سيلين، ولكنها تفاجأت بمتيم قلبها، ابتلعت ريقها وتحدثت لتنهي مكالمتها سريعا حتى ترتدي شيئا..

جلس خلفها وانتظر إنهاء مكالمتها. تحدثت بتقطع :

-طيب حبيبتي هكلمك بعدين، لكن أوقفتها أسما :

-“ليلى” معرفتيش ليه سيلين كانت عايزة تموت يونس؟!

قابلت نظراتها مع ذاك الذي جذب كريمها ينظر إليها من خلال المرآة، ثم تحدث بعينيه :

-كملي اتصالك.

ارتبكت كثيرًا عما ينتوي فعله، فجذبت العلبة من يديه، وهي تتحدث بهاتفها :

-هكلمك بعدين يااسما، مش عارفة اتكلم.

ضحكت أسما حينما شكت بوجود راكان بجوارها، فتحدثت بخبث:

-عايزة أعرف ضروري ياليلى، الموضوع دا مخوفني تفتكري يونس حاول يعمل فيها حاجة؟

حاوطها راكان بذراعيها واضعًا ذقنه على كتفها وبدأ يفرد مرطبها على كفيها بهدوء، حتى أغلقت الهاتف بيد مرتعشة، بعدما حرك انامله على طول ذراعها المكشوف.

التفتت ترمقه بغضب:

-انت ايه اللي بتعمله دا، إزاي تسمح لنفسك تعمل كدا؟!!

العقد اللي بيني وبينك هو اللي سمحلي بكدا، إنتِ ناسية إنك مراتي!!!

أطلقت زفرة حارة من أعماق قلبها علها تخفف من اوجاعها، ورفعت نظرها إليه:

-راكان لو سمحت، ولكن قبل أن تكمل حديثها، قاطعها يضع جبينه فوق خاصتها وأكمل :

-هتفضلي مراتي ياليلى، وقبل ماتتكلمي، أنا مخنتكيش مع نورسين، هي فعلا لحقتني ومعرفش ليه؟!! بس هتأكد من لعبتها لأنها عرفت بعلاقتي بيكي، وفعلا أنا قولتلها اطلعي برة عايز انام، دا أول مادخلت الأوضة وكنت لسة داخل الجناح واتفاجأت بوجودها، وطردتها ومشيت..

رفع شمسه ونظر لليلها الدامس ومازال على وضعه، وأكمل مستطردا لحديثه:

-هي دخلت بعد فترة، عشان عارفة اني كنت تعبان وواخد مضاد حيوي تقيل بسبب البرد، ونمت محستش بحاجة غير لما سمعت اتصالك..

لمس وجنتيها بأنامله وعينيه تفترس ملامح وجهها الذي يشبه القمر :

-تفتكري بعد مادقت حبك وشوفت جمالك ممكن اشوف حد بعدك، والله دي الحقيقة عايزك تثقي وتتأكدي مفيش ست عملت فيا اللي إنتِ عملتيه ياروح قلبي.

أطبقت على جفنيها تعبأ صدرها من رائحة أنفاسه التي أصبحت تغزو رئتيها، وتمنت قربه بتلك الأثناء لدرجة انزلقت عبراتها لخيانة شعورها بتلك الأحاسيس، ماذا يحدث معها؟، حتى يصل إليها إحساس ان بُعده يرهقها، هي تريد أن تتعافى وتشعر براحتها بين ذراعيه وتملأ صدرها بالهواء المختلط بعبير أنفاسه المدمنة لرئتيها.

داعب خصلاتها مستنشقًا رائحتها بتلذذ فهمس لها :

-الليلة آخر ليلة هتباتي بعيد عن حضني، عايز الأوضة دي تولعي فيها، عشان مستحيل تدخليها تاني، ومعنى تولعي فيها، مش عايز ذكرى حتى لو بسيطة تفكرك بيها..

لم تشعر بنفسها وهي تحاوط عنقه، تدفن وجهها به، فـحملها متجهًا إلى فراشها يدثرها؛ ثم طبع قبلة على وجنتيها :

-لو مش عندي قضية مهمة ولازم أسهر عليها صدقيني مكنتش بعدت عنك الليلة، يلا براءة واستعدي لحبيبك وجنته.

تقابلت نظراتها بعينيه قائلة:

-ليه عايز تحرمني من جنتك؟ ابتسم وهو يمسد على خصلاتها، عندما أغمضت عيناها ذاهبة بنومها وهي تهمس:

-عايز يحرمني منك ومن جنتك حبيبي،

جلس بجوارها محاولا الإستماع إليها، التقط كلمة جنتك حبيبي..

ظل يناظرها بأعين تفيض ولهًا وأحس بالحرارة تتسرب لجسده، فنهض، ثم خرج بعد إغلاقه للمصباح..

مساء اليوم التالي وهو اليوم المعد للحفل لأول عيد ميلاد لحفيد العائلة ابن فقيدهم الخلوق، كانت هناك أصوات خارجة بالحديقة بأغاني الأطفال، والكل يعمل بخفة ونشاط

كانت تجلس بغرفتها تستعد لنزولها للحفل بصحبة ابنها وزوجها لأول مرة أمام جميع الحضور من الأقارب ورجال الأعمال المعروفين.

بالأسفل دلف أسعد بمرافقة توفيق، ثم أجلسه أسعد وهو يصيح باسم العاملة:

-اعملي عصير فريش وهاتيه للبيه..

وصل راكان الذي دلف للتو، ينظر إلى جده نظرات قاتمة، اقترب يجلس بمقابلته:

-أخيرًا توفيق باشا ظهر، طيب مش تعرفني ياباشا كنت فرشت الأرض دبابيس يمكن تحس بالألم اللي مش مبطل تغرسه في قلوب الناس..

صاح أسعد بغضب بعدما ظهر حزن والده، الذي يجلس مغمض عيناه قائلا:

-جدك تعبان بلاش تزودها عليه، نفسي تعمل إحترام لأبوك مرة واحدة..

اقترب راكان وحاوط مقعد جده بذراعيه وتحدث بفظاظه وصوت غليظ:

-لما يقولي ليه ضرب مراتي في غيابي؟ وهددها بإيه؟ وليه بوظ الكاميرات؟ عشان عارف إنه عامل مصايب!!

صرخ بصوت جهوري، وصلت زينب على أثره :

-حذرتك كام مرة بس انت مُصر تحولني لشيطان ويقولوا شوفوا بيعامل جده ازاي، دا مش متربي ومحترم..

-راكان !! صرخ بها أسعد.

أشار لوالده وتحولت ملامحه لنيران تحرقه وانخفض لجلوس توفيق

-أقسم بالله لأبيتك في القسم الليلة، ومش بس كدا هخليك تعفن في السجن، واللي يقول انا شيطان مرحب بيه بدل ميعرفش حقيقتك القذرة..

صفعة قوية من أسعد على وجهه!

شهقة خرجت من جوف زينب تصرخ باسم ابنها، مما أدى إلى وصول ليلى، تقف بجوار زينب توزع نظراتها بينهم: فيه ايه؟! تسائلت بها ليلى.

صاح أسعد بغضب :

-شكلي معرفتش أربيك فعلا، أشار على توفيق :

-مش محتاج انه يعفن في السجن، ماهو إنت لو هامك ابوك فعلا كنت دورت على جدك وعرفت انه كان محجوز في مستشفى السرطان..

اقترب ونظر بداخل عين أبنه :

-جدك مريض كانسر ياحضرة المستشار، ياله خده اسجنه خليه يعفن في السجن عشان وقتها أقسم بالله لا هتكون ابني ولا أعرفك..

صاعقة نزلت على الجميع من حديث أسعد، أما راكان الذي وقف متصنمًا من صفعة والده؛ رفع أنظاره فتلاقت عيناه المتألمة بها، تاركًا ما شعر به واتجه إليها وسحبها من كفيها وأوقفها أمامه

-ميهمنيش انت قولت ايه اللي يهمني دلوقتي حق مراتي، وحقها مش هضيعه، قالها ايه؟ وليه يتجرأ انه يضربها؟!!

نظر توفيق إلى ليلى واصطنع الألم :

-ليه هضربها ياراكان، دي ام الغالي ومرات سليم الله يرحمه وإنت عارف سليم كان حبيب قلبي..

صرخة مدوية خرجت منه بكل ماأوتيت من قوة :

-دي مراتي دلوقتي، سليم الله يرحمه، أنا منكرش متجوزها عشان أحافظ على ابنها، بس دلوقتي كرامتها من كرامتي، ودلوقتي اتهانت وهي في بيتي وعلى ذمتي ومن مين؛ من الراجل دا.. قالها وهو يشير بجفاء على توفيق..

توقف أسعد يرمقه بنظرات تحذيرية:

-غلط كمان هتخرج برة البيت دا، وقبل اي حاجة عارف انه بيتك يبقى إحنا اللي هنخرج، وزي ماحضرتك شايف جدك مريض ولازم له عناية، هتحرم أبوك من مساعدة أبوه؟! ولا توقف وتقول كرامة مراتي! اللي هي أصلا أرملة اخوك..

هزة عنيفة أصابت جسده..

تنهد بمرار ويبدو أن جروح قلبه لن يُشفى منها أبدا كلما نسبوها لأخيه فقط.

اتجه بنظره إليها وتحدث :

-قولي لحماكي اللي واقف قدامي يدافع عن الراجل اللي ضربك، عرفيه إزاي وقف ورفع ايده عليكي في غياب جوزك ودا ليه عشان بس انك مش من مقام ابن البنداري اللي كرهت اسمه بسبب الراجل دا..

ارتعش جسدها عندما طالعها أسعد بنظرات راجية، بينما توفيق الذي رمقها بتحذير، وُضعت بين نيران زوجها ورجاء حماها، فنظرت للأسفل ولم تتحدث وكأن لسانها شل..

أمسكها راكان يضغط على ذراعها بقوة وصرخ بوجهها :

-بقولك اتكلمي، وعرفيني الراجل اللي عملي مريض مفكر هيهزني بتمثيليه..

تصنم ماجعل الألم يسكن روحه ويشطر قلبه حينما تحدثت قائلة:

-قولتلك مفيش حاجة من دي حصلت ليه مُصر تفهمنا انك الصح وكلنا الغلط

هنا!! كأن روحه زُهقت منه،،

رفع نظره لها وبنظرات تحمل بين طياتها الكثير والكثير من العتاب، ورغم ذلك نظر بخزي إليها لأنها كتبت عليه قسوة قلبه، هز رأسه بعدما استمع إلى حديث والده :

-يارب تهدى بقى ياحضرة النايب، وأنا أبوك بأمُرك تتعامل مع جدك أفضل من كدا، ياإما..

استدار ينظر إلى والده وانتظر حديثه

-يإما انسى إن ليك أب، وأعرف هكون غضبان عليك ياراكان، معرفش انت تعرف يعني إيه غضب الأب ولا لا، بس اتماديت..

سحب ليلى من كفيها متحركًا للأعلى وهو يصيح بصوته :

-ماشي ياأسعد باشا عُلم ويُنفذ.

دفعها بداخل الغرفة، ووقف يطالعها بعينان تقطران ألمًا وملامح يكسوها الحزن الذي تغلغل بداخله :

-ليه عملتي كدا؟! دنت منه وهي ترسم ملامحه الغاضبة بشق الأنفس :

-راكان ممكن تهدى ومتتعصبش، انت ليه مُصر إن جدك عمل حاجة؟!!

-اسكتي ياليلى، الي واقف قدامك دا وكيل نيابة مش واحد أهبل، أنا متأكد إنه قايلك حاجة، زي ماأنا متأكد إنك مخبية عليا حاجة ودلوقتي لآخر مرة بسألك الراجل دا عامل ايه؟؟؟

تحركت واحتضنت كفيه :

-حبيبي ممكن تهدى وخلينا نتكلم زي اي اتنين متحضرين..

أطلق ضحكة ثم تحدث بسخرية :

-أرد عليكي بإيه؟  واحدة امبارح واقفة قدامي بتقولي طلقني ودلوقتي بتقولي حبيبي!! هو انتي هبلة ولا أنا اللي بقيت غبي؟؟؟

اهتزت حدقيتها واقتربت بخطوات مرتعشة، وضربات قلبها تصم آذانها من شدة خفقانه، وصلت إليه تقف أمامه:

-انا طلبت الطلاق عشان خيانتك ليا..

هز رأسه وعيناه تبحر فوق ملامحها التي أيقن أنها كاذبة :

-وعشان كدا بتقولي حبيبي؟؟ هو فيه واحدة تعرف إن جوزها بيخونها وتقوله حبيبي؟!! على العموم هعرف ياليلى وقتها ماتلوميش غير نفسك..

كملي لبس الناس على وصول، ومتنسيش من النهاردة هنتعامل قدام الكل انك مراتي، أنا مش شاقطك، وإياكِ أسمع كلمة إنك مرات سليم دي.

بأنفاس مرتفعة وعيون غاضبة تطلق شرزًا:

-انتِ مراتي أنا وبس..قالها وهو يشير إلى نفسه ثم خرج صافعًا الباب خلفه بقوة هزت أرجاء المنزل..

جلست على فراشها بروح محترقة، وقلب يتمزق ألمًا تقاوم رغبة في الصراخ، لإخراج نيران قلبها المشتعلة من تلك الحياة التي فرضت عليها..

بعد قليل أنهت إرتداء ثيابها، تذكرت صباحًا عندما دلف إليها وهو يحمل ذاك الفستان، ثم وضعه على الفراش:

-الفستان دا هتلبسيه في الحفلة، ومش عايزك تلبسي اي حاجة قديمة بعد كدا، أنا اتكلمت مع الاتيليه اللي سيلين بتتعامل معاه، تروحي، واللي تطلبيه هيكون تحت رجلك، اشوفك لابسة حاجة من اللي عندك هولع فيها..

وقف خلفها ورفع خصلاتها وألبسها قلادتها، تحدث وهو ينظر لعيناها بالمرآة:

-طلبت منك متخلعيش دا، ومع أول مشكلة رمتيها؛ دلوقتي بقولك ممكن تتخلي عني بس السلسال دا أو العقد معرفش بتقولوا عليه ايه ميتخلعش من رقبتك..

ألبسها إياه وتوقف ينظر إلى صمتها :

-ممكن اعرف ساكتة ليه؟! يعني غلطانة وزعلانة كمان!!

بدا على وجهها الحزن الشديد، فأشاحت بوجهها بعيدًا عنه، أدار وجهها إليه بأنامله قائلًا :

-ليلى انتِ عندك شك فيا؟، لسة بتشكي في حبي ليكِ؟؟

تسللت دموعها المتقطرة والمجبرة على أمرها فهمست :

-لازم نبعد شوية ياراكان، عايزة أخد قراري من غير ضغط.

تفاقم الغضب ناحيتها واكفهر وجهه، جذبها من رسغها بقوة وتحدث وهو يجز على أسنانه:

-خلي الليلة تعدي، أنا على آخري سامعة..

بالأسفل كانت تجلس بين صديقاتها:

-ميرسي على حضوركم والله، عايزة أفرّح ليلى وطبعًا راكان عازم معظم الشرطة ورجال أعمال..

ابتسمت إحدى صديقاتها وهي تشير بعينيها خلفها..

تصنم جسدها عندما استمعت لصوته خلفها :

-وأنا مينفعش أحتفل معاكم؟!

أطبقت على جفنيها عندما اختلج صدرها الكثير من المشاعر المتناقضة من فرح وحزن، شوق ونفور ..

استدارت بجسدها المرتعش، شعرت بألمٍ يتسرب لقلبها حينما وجدته لم يستطع الوقوف، ويضع كفيه على جنبه وملامح وجهه تأن ألمًا..

طالعها باشتياق ود لو يسحقها بأحضانه، متذوقًا توتها الذي انحرم منه شهرين كاملين..

رأى الخوف البادي على ملامحها حينما جذبت مقعد :

-اقعد ازاي تخرج وانت لسه تعبان؟؟

اتجه بأنظاره لأصدقائها:

عايز اتكلم معاكي شوية، تحركت صديقاتها، واستدارت للذهاب، أمسك كفيها ورفع بصره قائلا:

-اقعدي لازم نتكلم!

نفضت ذراعه بقوة آلامته وتحدثت من بين أسنانها:

-اوعى تفكر عشان متكلمتش بحميك، وخايفة عليك، تبقى أهبل وعبيط!!

ظهرت طبقة كريستالية بدموع عينيها، وهمست وهي تحرقه بنظراتها :

-عملت كدا عشان أبويا وأخويا اللي هو صاحبك مايتصدمش في صاحب عمره، ويكره نفسه أنه مصاحب حيوان في صورة إنسان..

أشارت بسبابتها ودنت حتى اختلطت أنفاسهما :

-يونس ابعد عني بقولك، متخلنيش أكرهك أكتر من كدا..

جذبها بعنف من عنقها، فاستمع لصياح راكان خلفه، دفعها بعيدا عنه ووقف أمام راكان وتحدث بصوت مرتفع:

-ايه بتصرخ ليه؟؟ اختك دي ملكي، هتستهبل انت وهي، وحياة حبي ليها لاخطفها ومحدش يعرف مكانها!!

جذبها ولف ذراعيه حول خصرها بقوة آلامته، حتى شعر بألم بجرحه وضغط عليها قائلًا:

-أنا بقول قدام الكل أهو دي ملك يونس البنداري واللي يقرب منها هشرب من دمه..

اقتربت سارة منه :

-إنت اتجننت يايونس!! وأنا روحت فين؟؟

اتجه بنظره إلى توفيق الذي جلس يرمقه بنظرات تحذيرية :

-إنتِ شوفي جدك يشوفلك عريس لعبة العبي معاه، عشان قولتلك مليون مرة انا مبحبكيش، بس إنتِ مُصرة تهيني نفسك!!!

جذب سيلين وتحرك حتى وصل إلى جده :

-دي سيلين يونس البنداري، اقتنعت أو مااقتنعتش براحتك، واللي يقرب منها هدوس عليه…

دفعته سيلين وشهقاتها بالارتفاع متجهة للداخل:

جلس بعدما شعر بألمٍ، ربت راكان على كتفه:

-لا راجل وعجبتني يلا، بس عايز اعرف سيلين كانت عايزة تموتك ليه؟؟؟

نظر إليه بتهكم :

-تربيتك ياباشا، وبما إنك هتموت وتعرف، عيب في حقك متعرفش وإنت وكيل نيابة، ولا الشهادة مضروبة؟!!!قالها ثم نهض ممسكا بطنه وتحرك خلف سيلين..

وقفت سارة تبكي، ضمها توفيق لأحضانه :

-متزعليش ياحبيبة جدك، والله لأخليه يجيلك زاحف..

– دا إيه اللي هو إزاي ياعمي، والله لاندمهم على وجع بنتي بالطريقة دي

رمقها توفيق بتحذير :

-اهدي ياعايدة، كل حاجة معمول حسابها، اقعدي واتفرجي، شوفي الليلة دي مش هتعدي على الكل غير بمزاجي، ودلوقتي هتشوفي ليلى عاملة إزاي…

بالأعلى عند ليلى كانت تتحدث بهاتفها فيديو مع والدتها واختها، وابنها بجوارها :

-كل سنة وانت طيب ياأمير.

طبعت ليلى قبلة على جبينه :

-قول لخالتو وانتِ طيبة، نظرت درة إلى ليلى :

-اوبااا ليلى خانو، لايق عليكي الدلال يالولة..

سحبت نفسًا وهي تنظر إلى نفسها بالمرآة :

-دا ذوق راكان، ابتسمت درة لأختها بحب، قائلة:

-طالعة تجنني يالولة، ربنا يباركلك في أمير.

اتجهت بأنظارها لوالدتها الصامتة

-بابا عامل إيه ياماما؟! ..إجابتها والدتها بعيناها الحزينة:

-كويس، العملية بعد بكرة، راكان قال هيجيبك ويجي صحيح..

توسعت عيناها مبتسمة:

– هو قالك كدا؟

أومأت والدتها :

-ايوة كلمنا امبارح بالليل وقال كدا، وحشتيني قوي يابنتي، وأمير كمان.

حاوطت بنتها بسعادة من عينيها:

-راكان مش مخلينا محتاجين حاجة، والدكاترة هنا مهتمين بباباكي قوي،

ابتسمت لوالدتها بدموع عيناها وهمست :

-هو فعلا حنين قوي ياماما، استمعت لفتح باب غرفتها علمت بوجوده من رائحته التي تسربت لرئتيها، فالتفتت  له بابتسامتها الجميلة وهي تنهي إتصالها مع والدتها :

-هكلمك بكرة حبيبتي، بوسيلي بابا وكريم، ثم اتجهت إلى درة :

-سلميلي على حمزة يادرة، ماإن أغلقت هاتفها، جذبها بعنف حتى اصطدمت بصدره :

-وليه تسلملك على حمزة كان أخوكِ؟!! وبعدين كريم الكبير دا عايزة تبوسيه!!

حاولت الخروج من قبضته، ولكنه وضع ذقنه على رأسها وهو ينظر إليها من خلال المرآة :

-الفستان حلو قوي عليكِ.

أومأت برأسها قائلة:

-هو فعلا شكله حلو، مازالت نظراته تبحر فوق ملامحها فتلاقت عيناه بعيناها قائلًا:

-مش الفستان الحلو، اللي لابسة الفستان هي اللي تجنن..

توردت وجنتيها بحمرة الخجل فرفع أنامله يتلمسها ومقلتيه متسلطة على شفتيها المطلية باللون الأحمر ، ثم مرر اصبعه لمحيه قائلًا:

-حاطة روج ليه؟ إنتِ مش محتاجة..

رفرفت بأهدابها الكثيفة تحاول السيطرة على إرتعاشة جسدها، فهمست بشفتين مرتجفتين :

-دا مش روج دا..

لم تكمل حديثها عندما دنى ينظر لليلها هامس أومال دا إيه؟!!

رجفة سيطرت عليها بالكامل فهمست بــاسمه :

-راكان ابعد الناس تحت، قالتها بصوت متقطع..

أغمض عينيه منتشيا بقرب عطر أنفاسها ورائحتها المسكرة قائلًا :

-هو أنا لمستك، بس متخافيش انا هكون مؤدب الكام ساعة دول..

قطع وصلة غرامه، صوت أمير وجذبه من ثيابه:

-“بابا” لمعت عيناه وانحنى يحمله يطبع قبلة على وجنتيه :

-كل سنة وإنت طيب ياحبيب بابا، كبرت حبيبي وكملت سنة عقبال لما أشوفك أجمل شاب وأنجح دكتور في العالم كله..

حمله وهو يرمق ليلى ياله، بسط يديه لتطوق ذراعه..

توقفت للحظات تهز رأسها رافضة:

-راكان مينفعش، وحياتي بلاش الليلة، مش عايزة حد يتكلم عليا بأسلوب وحش..

-ليلى..أردف بها من بين بهسيس وهو يجز على أسنانه، ثم رمقها بنظرة جعلتها تقترب منه تطوق ذراعه، وتحركت بجواره، نظرت له ولابنها الذي يحمله، وذراعها متشابكة بذراعيه؛ ابتسمت براحة وحدثت حالها :

-ماأجمل هذا الشعور لكِ حواء زوجٌ يعشقك، وابن لك وبأحشائكِ قطعة ثرية من رحم عشقه..

توقفت قبل خروجها للحديقة، توقف ينظر إليها،طالعته بحب ثم تحدثت:

-ممكن أعمل حاجة؟؟ قطب مابين حاجبيه متسائلا:

-تعملي ايه؟!..

دنت منه ثم طبعت قبلة سريعة على وجنتيه قائلة:

-بحبك قوي..رغم قبلتها السريعة، وتمنيه بمكان آخر إلا أنها أشعرته بسعادة داخلية فابتسم قائلا :

-أنا مش أمير ياليلى! عشان تبوسيني في خدي!!

تحركت وهي تهز رأسها:

-حبيبي مش هيتغير أبدًا!!

وصلت إلى المكان المخصص لأمير بكعكة عيد ميلاده، مع التصفيقات وأغاني عيد الميلاد.

ظل حامله، وهو يتحرك به بين أصدقائه، وصل جاسر بصحبة فيروز، وعز بصحبة رُبى، وبيجاد المنشاوي بصحبة زوجته غٍنى..

قابلهم راكان بالترحاب الحار، مقتربًا بعناقه، أشار بيجاد لابنه:

-دا سفيان ياسيدي، كنت عايز تشوفه جبته أهو.

أشار لليلى التي تبعده ببعض السنتيمترات :

– ليلى مراتي.

أجابته غنى:

-اتقابلنا في فرح جاسر.

طيب طالما تعرفوا بعض بعد إذنكم، قالها وهو يجذب بيجاد من كفيه :

-عملت إيه في اللي طلبته؟!

حك بيجاد ذقنه ثم رفع نظره إلى توفيق :

-أنا عملت زي ماقولت، ومفيش أخبار، متخافش لو حد من صحابي شافوه في المطار هبلغك.

-بيجاد الولد دا ممكن ينتحل شخصية حد، جاسر مراقب برضو، بس أنا قولت معارفك اكبر عشان اللي بيسافرو وكدا

رفع نظره وتحدث بهدوء:

-بص ياراكان، الموضوع مش سهل، وبعدين دا هربان بقاله أكتر من خمس شهور، تفتكر ممكن يكون لسة داخل مصر؟!!

سحب راكان كمًا من الهواء ثم زفره وأجابه بتأكيد:

-لا متأكد أنه مخرجش برة..

وصل جاسر إليهما :

-جدك كان في مستشفى لعلاج السرطان فعلا بقاله شهر تقريبا، وبياخد علاج زي ماقلت.

أطبق على جفنيه ثم زفر واتجه إلى جاسر:

-أكيد ولا تمثيل؟!

ربت جاسر على كتفه :

-لا أكيد أنا شوفت الإشاعات والتحاليل، وصورتها كمان وبعتها لماما، وسرطان كبد يعني مفهوش هزار ياراكان، هو فيه حد يدّعي المرض؟!!

أخرج نفسًا من تبغه ثم زفره محمل بلهيب أنفاسه قائلا:

-الراجل دا مبصدقوش في أي حاجة، من وقت مااتصاحب مع قاسم الشربيني والنمساوي.

عند ليلى وصلت أسما إليها، كانت تقف مع غنى تعرفها على عز وجاسر :

-بصي ياستي، دا عز ابن عمي ودي اختي وتبقى مراته، ثم أشارت على جاسر الذي يقف بجوار فيروز وعز

-جاسر أخويا، هزت ليلى رأسها

-ايوه شوفته في الفرح، مراته حلوة قوي..

هزت رأسها دون حديث، واتجهت تنظر إلى أسما بتساؤل؛ أشارت ليلى على أسما :

-دي أسما صاحبتي وزي اختي..لكزتها أسما قائلة بعتاب:

-زي!! لا أنا اختك غصب عنك، فين عريس الليلة حبيب خالته..

أشارت على أمير الذي يحمله راكان

-مع باباه..تسائلت رُبى :

هو حضرة المستشار أبوه؟ لكزتها غنى مبتسمة :

-لا يارُبى، دا ابن أخوه الله يرحمه..

-آسفة مكنتش أعرف..

ابتسمت ليلى دون حديث..

جلست ليلى أمام سفيان :

-ازيك ياحلو ممكن نتعرف؟ قالتها ليلى التي قبلته على وجنتيه، ضحك سفيان :

Welcome, aunt

-واو دا شكل الحلو مابيتكلمش   ?Arabic

أمسك سفيان يديها وأردف :

-مامي انطي beauty

قبلت ليلى كفيه وغمزت بعينها

بتعاكسني؟ أطلقت أسما ضحكة وضربت على كفيها :

-حوشي الولد شقطك ياليلى..

جذبته رُبى وهي تضحك:

-لا دا سيفو مجنن الكل، وعريس بنتي، اللي هتيجي إن شاءالله ..

أمور قوي.. اتجهت ليلى لغنى، إنتِ حامل؟!..أومأت غنى بابتسامة :

-أيوه لسه في الرابع..نظرت لليلى وتحدثت :

-عقبال لما تجيبي أخ لأمير.

-ميرسي حبيبتي، قاطعهم سفيان وهو يسحب ليلى من كفيها :

-تعالي نشوف البيبي عشان اديله هديته بليز انطي..

تحركت وهي تشير إليهم بجوار أسما

همست رُبى لغنى :

-اقولها الولد طالع لأبوه، شوفي ماسك ايد ليلى إزاي، يالهوي دا اخدها ومشي..

ضحكة صاخبة خرجت من فم غِنى مما جعل بيجاد يصل إليها بخطوة :

-إيه ياحبيبي ماتضحكيني معاكي، قالها وهو يضغط على خصرها بقوة..

توسعت عيناها وهي تدفعه:

-بيجاد الناس بتبص علينا..

اقترب يتحدث من بين أسنانه وهو يجز على أسنانه :

-بيبص علينا من ضحكاتك ياهانم..لمي نفسك ياغِنى عشان منزعلش مع بعض، أما لو بتفكري في حاجة تانية معنديش مانع..

لكزته بجنبه وهي تنظر بالوجوه مبتسمة:

-لم نفسك ياحبيبي، بلاش اتصل ببابا يجي ياخدني ابات عنده..

حاوطها بذراعيه الاثنين :

-وماله دا حتى حمايا بعشقه وبيعشقني، متهزريش عشان مبقاش غلس ياغنايا..

تنهدت ثم جلست على المقعد دون حديث..

بأحد الأركان كان يقف بجوار زوجته

-مالك ياجاسر؟! من وقت ماخرجنا وإنت ساكت؟!

استدار إليها وتحدث بغضب:

-شوفي غنى ورُبى وانتِ تعرفي ليه زعلان، إحنا جايين عيد ميلاد طفل مش واحدة صاحبتك عشان فستانك دا ولا مكياجك!!

تحركت دون حديث متجهة إلى غِنى ورُبى :

-انا هسيبك عشان ترتاح ياجاسر..

عند عايدة التي تجلس ونظراتها النارية إلى ليلى، تحدثت متهكمة :

-شوفو بتمشي بين المعازيم كأنها ملكة العيلة، البت دي نفسي اخلص منها بطريقة مترجعش هنا تاني..

طالعها توفيق وهو يرتشف من عصيره:

-الليلة هتكون آخر ليلة ليها متخافيش. اتجهت تستمع إليه بتركيز :

-بجد ياعمي، يعني راكان هيطلقها؟! ضيقت عيناها متسائلة:

-طب إزاي ونور بتقول قالها أنه بيحبها!!

تهكم توفيق بسخرية وأجابها:

-ايوة بيحبها بس لحد ماتوصل لسريره وبعد كدا هتكون زيها زي غيرها..

هزت عايدة رأسها رافضة حديثه :

-لا ياعمي، مش بتشوف راكان بيبص عليها ازاي!! بص وشوف كدا، دي واقفة مع أصحابه كأنها مراته من سنين!!

ظل توفيق يرمقها بهدوء فتحدث :

-خليكي واثقة في عمك ياعايدة..

قاطعتهم فريال قائلة :

– البنت طيبة وكويسة ليه عايزين راكان يطلقها؟؟؟ رغم إنها عرفت ان سليم كتبلها كل حاجة مدخلتش، وسابت راكان يتعامل زي ماهو..

ربتت عايدة على كتفها

-خليكي عبيطة كدا يافريال!! دي بتخطط على تقيل، هي عارفة ان راكان عنده اكتر، فليه لأ،! تخسر الصغير عشان توصل للكبير!!

عند ليلى وأسما

-مالك ياليلى؟! تسائلت بها أسما

نظرت إليها والدمع يتحجر بعيناها :

-انا كتبت نهايتي مع راكان يااسما، ومرعوبة، خايفة يعرف ويزعل مني..

جذبتها من كفيها وأجلستها متسائلة

-إيه اللي حصل؟!

قصت ليلى ماصار لها ..

وضعت أسما كفها على فمها..

-دا كله حصل من غير ماتقولي؟!!

طيب وايه المفروض يتعمل دلوقتي؟؟

انسدلت عبراتها وهي تهز رأسها وعيناها تراقبه :

-معرفش، بس اللي أعرفه هموت لو بعد عني..

احتوت كف أسما :

-ساعديني، أعمل إيه عشان مخسروش، وفي نفس الوقت مااخسرش أبويا..

تنهدت أسما وهي تربت على كفيها :

-الموضوع صعب قوي، طيب ممكن تحكي لراكان وهو يتصرف!!

-دا اللي ناوية اعمله، لازم احكي له كل حاجة، قبل ما جده يعمل حاجة، وكمان عشان هو متأكد اني مخبية حاجة…

وصل نوح إليهما وجذب مقعدًا :

-كل سنة وأمير معاكي ياليلى..

اتجهت ببصرها لابنها الذي يحمله راكان، كأنه قطعة منه وأمنت على حديثه “اللهم آمين”

بعد فترة ليست بالقليلة، انتهى حفل عيد الميلاد، حملته بعدما غفى على ذراع زينب واتجهت إلى غرفته..

أما راكان فوقف يودع شباب الألفي مع بيجاد ونوح..

غادر الشباب وتبقى نوح، وضع يديه بجيب بنطاله ينظر إلى راكان :

-ناوي على إيه؟!

ارجع راكان خصلاته للخلف واكتفى بتنهيدة من بين شفتيه بعدة لحظات ثم اتجه إلى نوح:

-جواد الألفي بعتلي ورق خطير جدا، انت تعرف الورق دا لو اتعرف انه معايا ممكن يموتوني..

جحظت أعين نوح قائلًا:

-لا ياراكان بلاش القضية دي، أبعد عشان خاطري..

ذُهل راكان من كلمات نوح ثم صاح بغضب :

-وأخويا اللي ابنه اتيتم من قبل مايشوف النور، ولا عمي ومراته اللي ماتت وبنتها في بطنها لولا قدرة ربنا كنا فقدناها، ولا جدو اللي موتوه في المستشفى!!!

ربت نوح متفهمًا:

-راكان اللي مات مات، دلوقتي خاف على الموجودين، فكر في سيلين وليلى، باباك ومامتك ..

أنزل يد نوح بهدوء وأردف:

-كل واحد له نصيب في الحياة، أنا عارف ومتأكد كل مااشتغل على القضية هطلع بلاوي، عرفت انهم السبب في قتل مرات وابن باسم العمري، وماخفي كان أعظم!!

-طيب وجدك مش خايف عليه؟!

التوى زاوية فمه بشبه ابتسامة وأجابه:

-دا كان عارف انهم باعتين حد ليونس عشان يعمل عملية إجهاض ويتشطب من النقابة ومش منعهم!!!

-طيب كان يعرف بموتك، قصدي موت سليم ؟!

-لا معتقدش، عشان عرفت انه اتخانق مع قاسم..

هكذا أجابه راكان، ظل لبعض الوقت حتى وصلت أسما :

-ياله يانوح، تعبت.

بعد فترة صعد لغرفة أمير، وجدها تجلس بجواره تمسد على خصلاته وتنظر إليه..

اتجه وجلس بجوارها :

-إيه رأيك في مدام جاسر وبيجاد وعز

وضعت رأسها على كتفه:

-معرفش بس حبيت غنى قوي، لذيذة وربى دي حكاية، شكلها شايلة من بيجاد قوي..

كان يستمع إليها بصمت شعور لذيذ مميز وهي تحكي له ماصار بالحفل..

حاوط خصرها قائلا :

-كنتِ زي القمر النهاردة، كان نفسي احطك جوا قلبي، عشان محدش يشوفك غيري؛ قالها بصوته المبحوح.

نهضت كالملسوعة عندما فاقت ووجدت نفسها بأحضانه، فركت كفيها وتحدثت:

– هروح أغير الفستان..

توقفت حينما استمعت إليه :

-متتأخريش عليا ..

تحركت سريعًا وقلبها يتخبط بين ضلوعها..

خرجت بعد فترة من مرحاضها، واتجهت لغرفة ثيابها انتقت رداء حريري أزرق ذو فتحة صدر واسعة، أظهر مفاتنها بسخاء؛ جلست تنظر إلى نفسها بالمرآة، تحدث حالها :

-لازم تحكي له ياليلى، راكان هيقدر يحميكي، أطبقت على جفنيها متألمة وتذكرت والدها، هزت رأسها رافضة :

-لا بابا عمليته بعد يومين، بعد العملية هقوله كل حاجة، مش عارفة ممكن الراجل الجبروت دا يعمل ايه؟!!

جلست على الفراش تضم ركبتيها وهي بين نارين، زوجها بكفة، وأهلها بالكفة الأخرى!!

شهقة خرجت من فمها وهي تضع كفيها على فمها تمنع بكائها :

-يارب ساعدني، مش قادرة افكر.

بغرفة راكان انتهى عما كان يفعله بجهازه، ثم اتجه إلى شرفته وقام بإشعال تبغه وهو يفكر بحديث جاسر

-جدك فعلا مريض، ودا من فترة، اتأكدت بنفسي، لو تسمع مني، سيبه عقاب ربنا أقوى من اي عقاب..

استمع إلى طرقات على باب الغرفة

دلف والده إليه، ظل راكان كما هو لم يعريه اهتمام، بل استدار ينظر للحديقة..

اقترب أسعد منه :

-ممكن نتكلم مع بعض شوية؟!

دلف للداخل هروبا من حديثه، وقام باعتدال مضجعه :

-انا تعبان وعايز ارتاح، ولا حضرتك مستكتر شوية الراحة وجاي تكمل ضرب ؟؟!!!

دنى أسعد يجذبه من ذراعه :

-آسف ياحبيبي، بجد معرفش ازاي عملت كدا، متزعلش من أبوك ياراكان

نزع ذراعه بهدوء:

-بابا لو سمحت عايز ارتاح، فلو مفهاش قلة أدب، ممكن تسبني ارتاح، ولا أروح أوضة تانية؟!!

توسعت حدقته فبسط يديه يتلمس خصلاته، ابتعد راكان للخلف :

-لو سمحت عايز ارتاح، مش هعيد كلامي..

ربت أسعد على ظهره قائلًا:

-هسيبك دلوقتي ياراكان وبعدين نتكلم..

استدار يواليه بظهره وكأنه لم يستمع إليه..

جلس بكتفين متهدلين أثقلهما الوجع، نظر لباب الغرفة الذي أُغلق، وشعوره بالألم يتفاقم، لحظات بل دقائق ونظراته على باب الغرفة ينتظر دخولها كنسمة ربيع تبرد قلبه الملتاع،

مرت ساعة، اتجه ينظر بساعته التي وصلت للثانية ليلا، ثم نهض سريعًا إليها وداخله يحترق كمرجل جف مائه؛

دفع الباب ودلف يبحث بعينيه عليها، وجدها تجلس بالظلام كطفل معاقب من والديه..

تفاقم غضبه من هيئتها فتوقف وأنفاسه في تسارع كمتسابق وأشار إليها بمقت :

-دا كله عشان قولت لك هتباتي معايا؟!!..طيب كنتِ قولي إنك مش طيقاني كدا!!!

هبت فزعة من هيئته ودنت بخطوات مرتعشة:

-ابدًا ياراكان، أنا بس ..بس صمتت هُنيه ثم رفعت نظرها وتلاقت بنظراته المتألمة من هيئتها :

– قلقانة عشان عملية بابا..

رفع ذقنها بأنامله يتلمس وجنتيها الناعمة:

-بابا هيعمل العملية ويكون كويس، ادعيله ان شاءالله، وبكرة هنسافرله، أنا مكنتش عايز أقولك دلوقتي بس منظرك دا وجعني..

حاوطها وضمها لأحضانه، ومعركة حامية بين كبريائه برفضها له وبين عشقه وأشواقه إليها :

-ليلى ارتاحي دلوقتي وبكرة نتكلم، قالها وبداخله حرب شعواء ستقضي عليه..

هتفت بــ اسمه، تحاوطه بذراعيها،

ران صمتًا هادئًا ورغم صمتهم إلا أن هناك حديث العيون وحبس الأنفاس، سحبها من كفيها متجهًا لغرفته..

دلف لغرفته وكفيه يعانق كفيها، توقف أمام الفراش وأشار إليها :

-دلوقتي لازم تردي عليا، موافقة أن السرير دا هيكون دافانا؟؟ موافقة تكملي حياتك معايا لآخر العمر؟؟

وقف بمقابلته وعانقها بنظراته :

-موافقة تكوني ام لأولادي؟

دنى يحتضن وجهها :

-ووعد مني هخليكي ملكة قلبي وعمري وحياتي كلها..

نظرت إليه بــ ولهٍ واقتربت تعانقه:

– موافقة أعيش معاك جنتك اللي وعدتني بيها مرة قبل كدا..

كان لا رد له سوى احتضان يحلق بهما فوق السحاب، ليفصح عن عشق يسكن ويتغلغل بأركان قلبيهما ويختبئ بروحيهما، فكان هذا أفصح عن أعظم الحروف الأبجدية كلها..

أغمضت عيناها تستمتع بدقات قلبه، وعزفه المثير لشغفها به، بعثر كيانها بقربه وأهلكها بعشقه، لم لا وحبها يجري بعروقه ووريده، وعشقه كبركان متفجر ليسحبها فوق سحابته الوردية،

وهاهو روحه تصدر ألحانًا وقلبه يعزف بوجودها بين احضانه، هامسًا لها :

“مولاتي هي من أشعلت نيران فتنتها بروحي، فتعلقت الروح بالروح كما تعلق الجسد بالجسد، فأنتِ تسللتِ بين قلبي وروحي، أحييتِ قلبي وزهقتِ روحي، فأود ان أدخلك داخلي ولم أخرجك إلا إذا زُهقت الروح وذهبت لبارئها”

تخللت أناملها وسط خصلاته تنثرها بفوضوية قائلة:

– “لو كان حبي بالكلمات لم أجد ما أقوله، فــ.حبي لك وقّف اللسان والعقل، ولم يعد لحروفي معنى لأعلنها، ولكن حبي لك بنبض قلبي الذي بداخل صدري فأنا أعشقك معذبي ”

بعد فترة غاصا بها بلذة عشقهما الذي زرعه الله في قلبيهما، بعدما أصبحا روحًا وقلبًا وجسدًا واحدًا، ورغم مفارقتهما إلا أن شوقهما لم ينقضي، غاصا بنومًا مريح بعدما امتلأت روحيهما ببعضهما البعض..

بعد فترة استيقظ راكان، فكيف له أن يغفو أكثر من ذلك وهي بأحضانه، عشقه ونور قلبه بين يديه الآن، وبعد قليل سيعلنها للعالم أجمع، مرر أنامله المفعمة بالحب على شفتيها مرة وعلى وجنتيها مرة، اقترب مغمض عيناه منتشيًا بقربها ورائحة عطرها المسكرة، عبأ صدره وكل عشق العالم يتزاحم داخل قلبه ولسانه، كلما تذكر اعترافها وهمساتها له بعشقها؛ أطبق على جفنيه وحاوط جسدها بحبه؛ استمع إلى رنين هاتفه، فجذبه سريعا حتى لا تفيق معشوقته، بعد ليلة دامية بعشقهما..

-أيوه ياحسن..

أحس بقبضة قوية تعتصر صدره، وشحب وجهه بالكامل، وتسارعٌ بأنفاسه حتى شعر بتثاقل تنفسه وكأن حجرًا طبق فوق صدره، حتى أحس بذاك الألم وهو يستمع إلى كلمات صديقه الذي قال:

-راكان..مدام ليلى البنداري رافعة قضية طلاق وياريت تتصرف قبل مايوصل للنائب العام!!

سقط الهاتف من يديه، وكأن جسده شُل بالكامل، وعينين زائغتين، وهو يكرر لنفسه مااستمع إليه، التفت يطالعها بنظراته؛ شعر وكأنه غُرِس بخنجرٍ حادٍ مزق قلبه دون رحمة،

كور قبضته ضاغطًا على مفاصل أصابعه حتى شعر بتمزق أوردته..

استدار إليها بعدما استمع لهمسها :

-صباح الخير، إيه اللي قومك بدري كدا هي الساعة كام؟!

ظل ينظر إليها بصمت مريب؛ نظرات غاضبة، نظرات نارية فقط، اعتدلت تجذب الغطاء على جسدها ثم مدت يديها تمسك ذراعيه :

-راكان مالك بتبص لي كدا ليه؟!

معركة شرسة بين قلبه وعقله، قلبه الذي يدعيه أن يستمع إليها، وعقله الذي يدعيه لجذبها، وسحقها من حياته دون رجوع..

دقائق مرت عليها كالدهر، فاقتربت منه تحاوط وجهه:

-حبيبي مالك ساكت ليه؟!!

دفعها بقوة وتحدث بصوت غليظ مميت جاف لروحها :

-إنتِ رفعتي قضية طلاق؟!! رحتي لمحامي ورفعتي قضية طلاق عليا؟!!!

شعرت ببرودة تتسرب لجسدها بالكامل،وشحب وجهها وأصبح يحاكي الموتى..

حاوطها من أكتافها يضغط بعنفٍ وصاح بــ.صوته :

-ردي؛ روحتي رفعتي قضية طلاق عليا؟!!

هزت رأسها بعدما فشلت في إخراج حروفها، وكأن لسانها شُل فلم تستطع الكلام..

صرخة من أعماق روحه لهيئتها الذي أيقن أنها فعلتها، نظرات ضائعة، وقلب انتفض ودامىٰ بخنجرِ غدرها الذي ادماه دون رحمة..

اقترب منها بأنفاسه الحارقة ونيران تحرق أحشائه كاملة قائلا بصوت كالفحيح:

-طول الليل حاضن حية، واحدة حقيرة عرفت تمثل عليا الحب كويس؛ لكزها بصدرها وهو يتحدث بصوتٍ متألمٍ:

قوليلي انتِ مين يابت؟!! مين موصيكِ عليا؟؟؟

اقتربت منه ودموعها كالشلال :

-راكان! رمقها بنظرات نارية وأشار بسبابته :

– ولا كلمة، مش عايز أسمع نفس، نظرات غاضبه وعيون هالكة صاح بغضب :

-وحياة كل نبضة نبضها قلبي ليكي، لأحرقك بيها، رفع كفيه وأشار على الباب :

-قومي روحي اوضتك وإياكِ تدخلي الأوضة دي تاني، ولا تقربي منها.

احتضنت كفيه :

-راكان اسمعني، نفضها كأنها مرض معدي وتحدث بغضب :

-ايدك ياحقيرة، تقربي مني حتى لو بالغلط هموتك؛ اطلعي بره، وعايزك تمسحي كل كلمة قولتهالك، اعتبريني كنت شارب ومتقل وحبيت أقضي ليلة حلوة..

نظر إليها نظرات نارية وتحدث بمغذى:

-هستنى من واحدة إيه وهي بتبيع جسمها لجوزها؟؟!!!!

اطلعي بره؛ صُعقت من حديثه، نظرت إليه برجاء وحزن شديد، تشعر بقلبها يقتلع من بين ضلوعها، ودموعها تحرق قلبها قبل جفنيها؛ جذبها بعنف يجرها من فوق الفراش وهو يصيح بغضب:

-قولت اطلعي بره ولا اطلعك زي ماانتِ كدا؟؟؟!!!!

صاعقة صفعت قلبها بعنف حتى اهتز جسدها وأصبح محطم كالأشلاء، وفقدت القدرة تمامًا على كل شئٍ؛

همست من بين بكائها:

-راكان لو سمحت اسمعني، كان غصب عني..

ركل كل شيئٍ يقابله حتى من يراه أجزم بأنه مسه مسًا من الجن:

-بررررره، صرخ بها حتى انتفضت رعبًا..

جذبت قميصه الذي بجوارها وحاولت أن ترتديه؛ ولكنه جذبه بعنف يُلقيه تحت قدمه، يدعس عليه بكل طاقة لديه:

-شوفتي أهو عشان لمستيه بس، وأي حاجة ليا هتلمسيها هتكون تحت جذمتي..

أشار لجسدها الذي كُشف معظمه أمام عيناه وأردف بقلب مذبوح :

-حتى كرهت نفسي لأني قربت من واحدة حقيرة؛ حاوطها وعيونه تريد إحراقها :

– انتِ إيه شيطانة!!! دا طلعتي أحقر من نورسين! كلكم شبه بعض!!

بررره، مش عايز ألمح طيفك، أقسم بالله لو شوفتك لأقتلك، واحمدي ربنا إنك وصية أخويا، ووعد مني لأطلقك في أقرب وقت..

جذبها بعنف من خصلاتها وألقاها خارج الغرفة وهو يكاد يلتقط أنفاسه :

-حقييييرة ..صرخ بها حتى اهتزت جدران القصر..

دلفت ليلى سريعًا غرفتها وجسدها يرتعش، صرخت بقلبٍ ينزف من الألم كلما تذكرت نظراته الحقيرة، وكلماته التي شطرت قلبها وأدمته، جثت خلف الباب وهي تضم ركبتيها وتبكي بنشيج، وشهقات مرتفعة تخرج من أنين روحها،

ظلت لوقت لم تعلم كم من الوقت مر عليها، وهي بتلك الحالة، نهضت بجسد مرهق وروحٍ فقدت أعز مالديها…

دلفت إلى مرحاضها وجلست في البانيو بثيابها لوقتًا طويل، وضعت رأسها على حائط البانيو وقامت بفتح المياه، وتركت نفسها لإزهاق روحها فهي الآن جسد بلا روح فلما لا ترتاح من تلك الحياة البائسة؟!!

شعرت بدوار فأغمضت عيناها مرحبة بغمامتها التي ربما ستريحها للأبد..

عند راكان خرج من غرفته بعد قليل يصيح على العاملة بغضب اهتز له الجدران حتى خرجت والدته من غرفتها لترى ماذا به؟

أشار للعاملة بنظرات نارية قائلا:

– الأوضة اللي فوق دي مش عايز فيها حتى الستارة، فيه عمال هيجوا يغيروها بالكامل، عشان على آخر الشهر هتجوز نورسين..

شهقة خرجت من فم زينب، اقتربت منه قائلة :

-راكان إيه اللي حصل؟!

صرخ بها :

-إيه في ايه؟! انت عارفة اني خاطب وهتجوز، مش عايز اعتراض، ولو مش موافقة هاخد بيت بره؛ قالها وتحرك سريعا، فداخله نيران تحرق العالم بأكمله…

قاد السيارة سريعًا حتى ضربت إطارتها الأرضية فافتعلت صوتًا مرتفع ، خرجت زينب تنظر لخروجه بقلب منشطر،

وصل إلى مكان خالي، لا يعلم كيف أتى إلى هنا، تمنى لو لم يصل ابدًا لأي مكان، ضرب على المقود بعنف حتى كاد أن يكسر معصمه، كأنه يعاقب يديه التي احتضنتها طوال الليل ، ويهمس لها بعشقه؛ صرخة مدوية حتى جعلته فاقد للنطق، أخرج تبغه، بعدما استند برأسه على المقود، ظل يحرق في تبغه واحدة تلو الاخرى، حتى شعر بتوقف تنفسه..

استمع إلى رنين هاتفه؛ رمقه بنظرة وجده والدته، نظر للأتجاه الأخر وكأنه لم يستمع لشئٍ، مرة واخرى حتى رفع الهاتف اخيرًا :

-فيه إيه ياماما، مردتش اعرفي اني مشغول !!

-ليلى ياراكان، ليلى…قالتها بلسان ثقيل

ظل يستمع إليها بملامح جامدة، حتى انتهت من حديثها :

-هاتيلها دكتور، أنا مش فاضي، عايزة تتصلي بالاسعاف اعملي اللي يريحك

شعر بغصة تمنع تنفسه، ولكنه تجاهلها وهو ينهي الحديث :

-انا مشغول، مش عايز إزعاج..

عند ليلى قبل قليل:

دلفت زينب وهي تصطحب الطفل الذي بكى بصوت مرتفع، يصيح بـاسم أمه.

-ليلى حبيبتي إنتِ في الحمام؟ جلست زينب تحاول تهدئته ولكن الطفل لم يصمت، تحرك بخطواته يبحث عنها، يخطو خطوة ويسقط الأخرى، إلى أن وصل إلى مرحاضها :

-ماما؛ بكى الطفل بها..

نهضت زينب تصل اليه، استمعت لصوت المياه فحملته محاولة اسكاته :

-ماما هتخرج ياحبيب ناناَ، توقفت بعدما وجدت خروج المياه من تحت الباب..

طرقت على باب المرحاض بعنف وهي تصيح :

-ليلى انتِ جوا حبيبتي؟!! لم تستمع لصوتها، فصرخت حتى وصلت سيلين والخدم إليها :

-امسكي ابن اخوكي، لما أشوف ليلى مبتردش ليه؟!! فتحت الباب ودلفت تبحث عنها؛ شهقت وهي تراها تجلس بالبانيو وجسدها بالكامل مغطى بالمياة..ابتلعت ريقها بصعوبة تحمد ربها عندما وجدت رأسها تستند على جدار البانيو، أغلقت المياه وقامت بتسربيها، ثم اتجهت بنظرها إلى سيلين التي تقف على أعتاب الغرفة :

-تعالي ساعديني نقومها ونلبسها؛ تصنم جسد سيلين وعبراتها تنزلق فهمست:

-ماما هي عايشة ولا …

جذبتها زينب وهي تربت على ظهرها

-عايشة حبيبتي وشها ماوصلوش مية، بس تلاقيها اغمى عليها من السهر والارهاق..

اتصلي براكان ياماما خليه يجي ياخدها للدكتور ..

حاولت الوصول إليه وهاتفته بالفعل بعد إنهاء اتصالها، أيقنت زينب بحدوث شيئا معهما..

حاولوا إفاقتها، وأخيرا استجابت وفتحت عيناها الذابلتين من كثرة البكاء، تذكرت ماذا صار، فانسدلت عبرة غادرة عبر وجنتيها قائلة بتقطع :

-إيه اللي حصل؟!..أحضرت سيلين ثيابها الخاصة بالحمام:

-مفيش شكلك اغمى عليكي..

اتجهت بنظرها إلى سيلين تسأل بعينيها عنه، حاوطتها سيلين وساعدتها بإرتداء ثيابها، ثم خرجت بعد قليل مستندة عليها، وهي تشعر بالاعياء، وصلت لفراشها؛ جذبت زينب منامة واسعة ووضعتها أمامها :

-اساعدك حبيبتي تلبسيها؟ تسائلت بلسان ثقيل:

-راكان خرج؟ ..قالتها ليلى، مسّدت زينب على خصلاتها ثم طبعت قبلة عليها :

-آه، عنده شغل كتير النهاردة..

عصرا بعد قضاء يومها بالنوم هروبًا من حياتها الميؤسة، اغلقت هاتفها تماما عندما شعرت بعدم قدرتها على الحديث، نزلت بساقيها المرتعشة متجهة للشرفة علها تستنشق رائحة بعض زهور الربيع التي بدأت تنتشر بالجو..

تسمّرت بمكانها بنظرات ثابتة بعدما وجدت غرفة نومه أمام بوابة القصر، والعمال يقومون بحمل اثاث الغرفة للخارج..

خرجت بجسد واهن، وأقدام حافية، كأنها تخطو على أشواك تخربش وتشحذ طبقات جلد أقدامها؛

وصلت إلى الدرج، وداهمها غمامة ساحقة، كادت أن تسقط من أعلى الدرج، هوت جالسة بأول درج..

وصلت نعيمة العاملة إليها تصيح بإسمها :

-ست ليلى اسم الله عليكي قاعدة كدا ليه؟؟!!

هزت رأسها عندما فقدت النطق، وصل راكان وهو يصيح على نعيمة :

-نعيمة! وصلت إليه سريعًا :

-نعم ياباشا..وقف راكان يعطيها أوامره:

-عايز عشا النهاردة في الجنينة، يليق بخطيبة راكان البنداري مش عايز غلطة سمعتي انتِ المسؤلة قدامي..

استمعت لحديثه الذي شطر قلبها وأدماه، حاولت النهوض ولكن لم تقو، صعد درجات السلم سريعًا بخفة دون أن يراها، توقف بخطواته أمامها :

-اووووه مدام ليلى، لسة عايشة أهو، اومال سمعت الصبح إنك كنتِ بتموتي؟!!!

بلعت غصة أحزانها وأردفت بنبرة مبطنة بالبكاء :

لازم نتكلم..

نظر حوله، ثم امال بجسده عليها ونظر إلى مقلتيها:

-بلاش تخليني اكرهك أكتر من كرهي ليكِ دلوقتي، ياريت تحافظي على كرامتك، وتعملي زي ماقولتلك، مش عايز أشوف وشك..

خطى بعض الخطوات ثم تراجع إليها:

-آه نسيت أقولك، حرقتلك قضية الطلاق بتاعتك كان نفسي تشوفي الامضاء بتعتك وهي بتولع كدا، زي اللي هعمله فيكِ..

طالعته بنظرات متألمه تترجاه بنظراتها الحانية :

-راكان ،لو سمحت!

-اخرسي..إياكِ تشيلي التكليف اللي بينا، انتِ هنا أرملة عيلة البنداري، وأنا هنا أخو جوزك المرحوم، المحترم اللي يستاهل انك تخلي ولادك يشيلوا اسمه؛

دنى حتى اختلطت أنفاسه التي تطلق لهيبًا وهمس لها:

-عارفة أحسن حاجة انك ماحملتيش عشان لو كان حصل كنت قتلته بإيدي، عشان مش عايز واحدة من أمثالك تكون ام أولادي!!

دفعها بقوة حتى اصطدمت رأسها بالدرج فصرخت متألمة، استدار بعدما استمع لأحد العمال :

راكان باشا الأوضة هنوديها فين

رمق ليلى بنظرات جحيمية ثم أردف

-ولع فيها، كنت عايز اقولك اتبرع بيها بس ريحتها وحشة؛ قالها ثم تحرك سريعًا…

لم تتحمل المزيد من القسوة الذي تكمن في قلبها بل أخذ ينهش بجسدها كاملا؛  فنهضت ببطئ متجهة خلفه؛ دلفت إلى غرفته بعدما دفعت الباب بقوة وصلت تنظر إلى فراغ الغرفة..

خرج من مرحاضه وجدها تقف بالغرفة؛ اقترب يمسكها بعنف من ذراعها :

-إيه اللي دخلك هنا؟! إيه مستنية اولع في الأوضة عشان ترتاحي؟؟

لازم نتكلم!

نظر إليها وصاح بصوت كفحيح أفعى:

-لو مخرجتيش حالا هطردك من البيت بفضيحة، وهاخد ابنك واخليكِ زي الكلبة..

كلماته طعنتها بشدة، حتى شعرت بانسحاب أنفاسها؛ ورغم ذلك اقتربت منه محاولة ضم وجهه، دفعها بغضب عارم حتى سقطت على الأرض متأوهة تمسك أحشائها وعبراتها تغزو وجنتيها كأمطار غزيرة؛ انحنى بجسده ورغبة عارمة بإحراقها ولكن كيف؟!!!حاوطها بنظرة قاسية مردفًا :

-عايزة تجربي وتشوفي ممكن أعمل فيكي إيه؟؟

أمسكت كفيه :

-راكان اسمعني!! باااس اخرسي بشمئز من صوتك..

استمع إلى طرقات على الغرفة، أرجع خصلاته بعنف وصاح بغضب مين ؟!

دلفت نورسين تتدلى بخطواتها :

-انا حبيبي ممكن ادخل؟ ثم نظرت لليلى التي تقبع على الأرضية لا حول لها ولا قوة، فاستدارت :

-شكلك مشغول مع مدام ليلى، هستناك تحت..

جذبها من خصرها ثم حاوطها :

-لا ياحبيبي مدام ليلى كانت جاية عشان أساعدها، عايزة تسيب البيت فكنت بفكر معاها هتروح فين؟

استندت ليلى على الجدار عندما شعرت بدوران الأرض حولها، ناهيك عن احتراق قلبها من قربهما، تخطته وهي تتحدث بوهن :

-البيت اللي يناسبك عرفني، وأنا هجهز نفسي، لم يعيرها اهتمام ولكنه ضم نور بقوة قائلا وهو يقربها منه :

-وحشتيني قوي، مكنتيش عايزة ترجعي من ألمانيا؟!!

دنت نور تحاوط عنقه ورفعت نفسها تطبع قبلة على شفتيه :

-كنت هموت من اشتياقي ليك..

توقفت ليلى على باب الغرفة وقلبها يُدمي، من ذاك الاقتراب، ولكن هناك ماجعلها كطائر ذبيح ذُبح عنقه بيد صاحبه، عندما اقترب راكان من نورسين وهو يحاوط خصرها :

-اعملي حسابك هنسهر مع بعض الليلة، ثم أشار للغرفة :

-دي اوضتك شوفي عايزة تعملي فيها اي، رمق الذي تقف بجسد بلا روح فجذب نورسين مرة أخرى..

تحركت إلى أن وصلت غرفتها وهنا خارت قواها وسقطت على الأرضية لتستمع لسقوطها مربية ابنها، أسرعت خلفها فهي كانت تراقب هذيان تحركها

صرخت باسمها، فانتفض قلبه من صراخهم باسمها، خرج بقلبٍ متلهفٍ

لُجم بصاعق الصدمة وهو يراها وكأنها فقدت الحياة، اقترب بقلب يتجرع ألمًا لحياتهما البائسة وهو يحملها متجهًا لفراشها..

-اتصلي بالدكتور ياسيلين خليه يجي يشوفها؛ هكذا أردفت بها زينب التي وصلت للتو؛ مسّدت على خصلاتها بحنان أموي قائلة بقلبِ أمٍ حزين:

-مالك يابنتي؟ دي تاني مرة يغمى عليك.

وصلت نورسين، فتسائلت :

– هي مالها؟…أجابتها سيلين سريعًا :

-اتخنقت من الزحمة عشان كدا أغمى عليها..

فاقت ليلى بعد قائق معدودة؛مسدت زينب على خصلاتها :

-حبيبتي مالك من الصبح وكل شوية يغمى عليكِ؛ أنا اتصلت بالدكتور وهو في الطريق..

اعتدلت بوهن وهي تهز رأسها :

-لا أنا كويسة، يمكن عشان مأكلتش بس..

-ياريت ياماما تأكلي المدام مش كل شوية تزعجيني بحاجات تافهة، مش مربي طفلة في البيت!!

رفعت نظرها جهته، كان يقف يحاوط نورسين ؛ استقرت كلماته في منتصف صدرها مما أدت إلى شعورها بالاختناق، فهتفت بصوت كادت أن يكون متزنا :

-آسفة ياحضرة المستشار، أخدنا من وقتك الثمين، ثم اتجهت إلى زينب:

-ممكن ياماما تخلي نعيمة تعملي جمبري، عايزة أكل جمبري جاي على بالي!!

أطلقت سيلين ضحكة من شفتيها

-لا.. دا لولة شكلها هتغرق في البحر، إيه يابنتي يغمى عليكِ شوية تصحي على الجمبري!!!

دققت زينب بملامحها :

-حاضر ياليلى قومي خدي شاور، وانزلي وهخلي نعيمة تعملك جميع أنواع الأسماك.

ظل يطالعها بغضب للحظات ثم تحدث لوالدته :

-البتاع اللي هي عايزاه دا تاكله في المطبخ، مش على السفرة.

نهضت زينب وتوقفت أمامه :

-ليلى تاكل في المكان اللي يعجبها، مش عجبك ممكن تاخد خطيبتك وتتعشى بره..

قاطعتها ليلى قائلة بوهن:

-خلاص ياماما انا هتعشى لوحدي في الجنينة بحب العزلة متخافيش هعرف اتعامل..

هتفت سيلين بمرح :

-لولة مش هتطمع في الجمبري كله، وهتاخدني جنبها، ضربتها سيلين بكتفها :مش كدا يالولة؟!

رسمت ابتسامة على وجهها ورفعت كفيها التي شعرت برجفتهم ولا تعلم لماذا؟ ووضعتها على وجه سيلين:

-بس متطمعيش عليا؛ كان يراقب كل حركة تفعلها حتى شعر برجفة شفتيها ويديها، أحس بنيران الذنب تحرق أحشاؤه اتجهاها، ولكنها أحرقت كبريائه ورجولته، أعاده عقله سريعًا، فسحب نورسين من كفيها :

-خلاص ياحبيبي، العرض المسرحي بتاع المدام خلص؛ تحرك للخارج سريعًا حتى لا يضعف أمام نظراتها الحزينة..

عند درة وحمزة..

-جلست على سجادة صلاتها تدعو ربها تضرعًا وخشية:

“اللهم رب الناس اذهب الباس اشفِ انت الشافي المعافي اشفِ والدي شفاء لا يغادر سقما”

“يارب اعفو عنه، يارب احفظه بحفظك”

دلف حمزة يبحث عنها :

-حبيبتي لسة بتصلي، ياله بابا جهزوه للعملية، ساعدها على الوقوف، ألقت نفسها بأحضانه وبدأت تبكي بنشيج:

-خايفة قوي ياحمزة بابا لو حصله حاجة هموت، احتوى وجهه ونظر لمقلتيها :

-حبيبتي ان شاءالله هيقوم بالسلامة،

خلي عندك إيمان بربنا..أزالت دموعها:

-ليلى مجتش معرفش ليه!!..ازاي تسيب أبوها في وقت زي دا؟!!

اتجه بأنظاره للبعيد مردفًا:

-راكان متصلش برضو، وبتصل بيه مابيردش!!

سحبها خارجًا من الغرفة :

-ممكن يكونوا في المطار ولا حاجة..

وصلت عند والدتها التي كانت تهاتف ليلى :

-خلاص حبيبتي خلي بالك من نفسك، واحنا هنطمنك أول بأول؛ طالعتها درة بأنظار مستفهمة؟؟

-ليلى مش هتعرف تيجي عشان حامل جديد..

وضعت درة كفيها على شفتيها

-ليلى حامل، إنتِ متأكدة؟!

ضمتها والدتها وانسدلت عبرة على وجنتيها :

-أنا كنت شاكة أصلًا، ربنا يكملها على خير ويجيبه بالخلقة التامة، بس هي قالت متعرفوش حد دلوقتي عشان راكان مسافر وميعرفش لسه، يعني متقوليش لحمزة..

أومأت برأسها متفهمة، والسعادة تغزو وجهها، بعدما كان يضج بالحزن..

عند ليلى بعدما أغلقت الهاتف مع والدتها، نهضت ودلفت لمرحاضها، خرجت بعد قليل، أدت فرض ربها وجلست تقرأ اذكار المساء، ثم اتجهت لغرفة ثيابها واخرجت جميع ملابسها الذي أحضرها بالأمس، وقامت بحملها وصاحت على مربية ابنها التي تُدعى بداليا :

– داليا عندي الهدوم دي جبتها جديد، وللأسف مش حابة ألوانها، لو عجبوكي خدي اللي عايزاه والباقي نزليه لنعيمة تحت..

حاولت المربية سبر أغوارها فتحدثت:

-الفستان دا كان جميل قوي عليكِ امبارح يامدام.

ربتت ليلى على كتفها:

-محبتوش حبيبتي، خديه هيكون جميل عليكِ هو حلو بس اتخنقت منه معرفش ليه؟!!

أخذت داليا بعض الثياب وتحركت للخارج، قابلها راكان الذي خرج للتو من غرفته وهو يحادث حمزة صائحًا:

-قولتلك مشغول، يبقى عرفني التطورات أول بأول، اتجه بنظره لغرفتها التي خرجت منها داليا تحمل فستانها وبعض الثياب الأخرى، أغلق الهاتف سريعًا مع حمزة واتجه إلى داليا:

-واخدة الهدوم دي فين ياداليا؟!

ابتلعت ريقها في محاولة للحديث، لحظات مرت عليها وهي تحاول أن تجد كلمات مناسبة فأجابته:

-مدام ليلى ادتهملي، بتقولي مش محتاجاهم، بس لو حضرتك عندك مانع…وضع كفه لتصمت، تنهد بحرقة شديدة وأردف محاولا الثبات :

-مبروكين عليكي..

اتجه لغرفتها يدفع الباب كالثور الهائج يبحث عنها، لم تكن بغرفتها، استمع إلى حديثها بالشرفة..

-يعني معزومين عندنا، معلش ياأسما لسة صاحية، خلاص حبيبتي هستناكوا

وقفت تنظر إلى الحديقة وهي تضع كفيها على أحشائها، استنشقت رائحة عطره، فنزلت كفيها وظلت كما هي تنظر إلى الحديقة.

دلف إلى الشرفة، يجذبها بعنف

-افهم معني اللي بتعمليه إيه؟!!

نزعت ذراعيها حاولت التظاهر بالقوة أمامه، رافضة نبضات قلبها فقالت بنبرة لم تهتز رغم تمنيها قربه:

-بعد كدا لما تتكلم معايا تتكلم بهدوء، مش في حصة درس، وياريت تخبط على الباب لما تدخل، ودلوقتي اطلع برة مش عايزة أشوف وشك قدامي، أشارت على الباب ورمقته باحتقار:

-اطلع بره الأوضة دي، مش مرحب بيك فيها، دي اوضتي أنا وجوزي الله يرحمه وخاصة بينا وممنوع حد يتخطاها، اقتربت تلكمه بقوة بصدره

-روح للــ.لمامة اللي كنت واخدها في حضنك، انت آخرك الأشكال دي، إنما أنا آخري واحد محترم يستاهل أبكي عليه العمر كله، اقتربت أكثر حتى اختلطت أنفاسهما النارية، ونظرت إليه بنظرات جحيمية:

-ايوه رفعت عليك قضية طلاق، ولو راجل طلقني..

لم يشعر بنفسه وهو يرفع كفيه على وجنتيها بقوة حتى شعرت بتخدير خديها؛ تراجعت للخلف خطوة تنظر إليه بنظرات متألمة، جذبها بعنف يصك على أسنانه فقد حولته إلى شيطان مارد:

-ورحمة سليم لأطلقك، بس أشفي غليلي منك، وهاخد منك الولد، واخليكي تكرهي اليوم اللي عرفتي فيه واحد اسمه راكان؛ أشار بسبابته :

-هعرفك أنا راجل ولا لا يامحترمة؛ قالها وهو يدفعها بقوة حتى سقطت على الفراش..

نكست رأسها أسفًا وقالت بألمٍ يعتصر ماتبقى من روحها الذي أهدرها دون رحمة :

-هعرفك ياراكان ازاي تخوني وعينك في عيني، هدوقك نار قلبي اللي مرحمتوش ودوست عليه!!

بعد عدة ساعات تجهزت وارتدت أفخم ثيابها، كان فستان ابتاعه لها سليم بمناسبة عيد ميلادها الأول بجواره، كان فستانًا من اللون الأسود، ضيق من عند الخصر، يبرز مفاتنها بعدما زادت بوزنها بعد ولادتها وحملها، ارتدت حجابها وأنهت زينتها؛ ثم اتجهت إلى الأسفل وهي تمسك بيد أمير الذي يخطو خطوة ويسقط آخرى، فنادت على مربيته عندما فشلت بحمله بعد شعورها بالارهاق:

-خدي أمير ياداليا، سيلين عاملة سفرة صغيرة لينا في الجنينة وديه هناك.

بعد قليل وصلت نورسين وكذلك أسما ونوح الذي دعاه راكان؛ جلس الجميع على المائدة المعدة بحديقة المنزل.

وصلت ليلى وألقت عليهما تحية المساء

-مساء الخير؛ قالتها بهدوء.

نهض نوح إليها يطالعها بصمت رغم زينتها إلا شعر بألم بصوتها، ورغم ذلك سحبها لتجلس بجواره :

– تعالي قوليلي، هو اللي يعاشر راكان يحلو كدا، قلبي الضعيف لا يتحمل يالولا، والله أخطفك مش كدا ياطنط زينب؟؟

قاطعهم وصول يونس وهو يتحدث

-أهلا بدكتور التجميل، وأنا بقول الدنيا منورة ليه اتاري القمر على الأرض، قالها وهو يغمز إلى سيلين..

دققت سيلين نظراتها بفستان ليلى فأردفت:

-مش دا الفستان اللي سليم كان مشتريه يا ليلى، ولا إنت من حبك فيه روحتي جبتي زيه؟؟

تصلبت أنظاره على ذاك الفستان الذي كاد أن ينزعه من فوق جسدها وقام بتمزيقه، ولكنه تذكر مافعلته به، فأمسك كوبه يرتشف منه قائلا:

-ايوه ياسيلي مدام ليلى بتحب جوزها، لدرجة بتحافظ على كل حاجة مرتبطة بيه، قالها بصوت متألم..

كانت تجلس توزع نظراتها بينهما، فتوقفت تمسك بكف زوجها:

-اقعد يانوح هنا، وأنا هروح مع ليلى؛ قالتها أسما، أما زينب التي تجلس ونيران تحرق صدرها، حاولت بكل قوتها أن تعلم ماذا صار بينهما ولكن كالعادة خيّب آمالها، رفعت نظرها إلى يونس فجلس بجوارها وهمس:

-حاولت افهم ماتكلمش، فقولت أعمل شو زي ماشفتي لكن…

ربتت على كفيه تشيع نورسين التي تجلس تضع رأسها بصدره وتتلاعب بزر قميصه بعد ذهاب ليلى وأسما..

زفرت باختناق وتحدثت إلى يونس

-البت دي مستحيل أخليه يتجوزها، عايزني أوافق على جوازك من سيلين شغل دماغك يادكتور!!

أومأ برأسه وتحرك متجهًا إلى سيلين التي تحمل أمير وتجلس بجوار ليلى.

-رايح فين يلاَ، تسائل بها راكان

رمق راكان بنظرة وغمز بعينيه :

-رايح لحبيبتي عندك مانع؟!!

توقف يطالع نورسين فأطلق ضحكة، واقترب منهما :

-بقولك يانور هو إنتِ راسك وجعاكي ولا حاجة

ضيقت عيناها متسائلة:

-مش فاهمة!!..

أشار بسبابته مردفًا:

-أصلك نايمة على راكان!! هو إنتِ بتقيسي نبض قلبه ولا إيه؟!!!بس نصيحة من العبد لله؛ راكان نبضاته متفرعة زي شجرة الصبار، متينة وممكن تعيش من غير مية، ولو قربتي منها تعورك؛ سحب كفيها من على زر قميصه وجذبه بعنف،ثم حرك حاجبه للأعلى وللأسفل :

– وأدي الزرار يانور اللي خانقك، خليه كدا مفتوح..

-انت غبي يلاَ!!

دنى يونس وهو يرمقه بنظرات غير مفهومة، وتصنع ضبط قميصه:

-لا !! ابدا ياباشا، أصلي لاقيتك مش واخد بالك اننا حواليك، وانت فتحها على الرابع، راعي ان فيه طنط زينب قاعدة ومدام أسما، طيب ليلى مراتك إنما سيلين دي مش بنت؟!!!!

ضرب يونس على كتف راكان وهو يتكأ بذراعه ينظر إلى نورسين:

-آسف يانور بس بغيير على راكان، تقولي ايه صداقة بقى!!

انت مش كنت رايح لسيلين يايونس؟؟ امشي، قالتها زينب بغموض؛ ثم اتجهت إلى نوح ونورسين:

-الأكل دا راكان اللي طلبه يانوح، أكيد عارف ذوقك، ثم رمقت نور :

-بيقول نور بتحبه!! أومأت نورسين

-أي حاجة راكي يقولها بعشقها طبعًا ياطنط..

هزت رأسها بهدوء..بالهنا حبيبتي

بعد إنهائهم الطعام، كان يطالع تلك التي تضحك مع أسما وسيلين، وهم يلاعبون أمير.. شعر بنيران تحرق صدره كلما نظر إلى ذاك الفستان الذي جعلها كالقمر بليلة تمامه..

وصل أسعد ملقيًا السلام؛ نهض راكان بعد قام بتشغيل موسيقي أجنبية هادئة، ولم يعير والده أهمية فرفع كفيه إلى نور :

-تعالي نرقص..

ابتسمت وتوقفت متجهة إليه..

اقترب نوح من يونس :

-إيه اللي بيحصل بالظبط؟!

رفع يونس أكتافه وأجابه :

-شكل الموضوع كبير اللي يخلي راكان كدا..

تهكم نوح وتحدث:

-يبقى اللي جاي مرار ياحبيبي؛ دا ليلى لابسة فستان سليم، وراكان عازم نورسين وبيرقص معاها، انا كدا عرفت الأيام الجاية هيكون شكلها إيه!!!

اختفت ضحكات ليلى وهي تطالعهم وهم يتمايلون على الموسيقى، رفعت نظراتها المتألمة لذراعيه الذي يطوق خصرها، وهي تعانقه مقتربة من شفتيه، وهو يطلق ضحكاته، ثم جذبها بقوة حتى أصبحت بأحضانه كاملة لا يفصلهما شيئا ، اقترب يداعب وجهها بشفتيه مبتسمًا، وكأنها عشقه منذ سنوات!!! رفعها من خصرها حتى وقفت على حذائها وبدأت تتمايل،

هنا انهارت ليلى كاملًا، واستدارت للجانب الآخر، وانسدلت عبراتها وكأن أحدهم طرق بمطرقة من نيران ثم فوق صدرها، أغمضت عيناها رُغمًا عنها وأصدرت شهقة بكاء مريرة خرجت من أعماقها المحترقة، ووضعت كفيها على فمها حتى تمنع نفسها من النحيب..

ربتت أسما على ظهرها:

-حبيبتي اهدي..ضغطت على فستانها وتحدثت من بين بكائها :

-بيدبحني ياأسما، أنا مش قادرة أتنفس، أسما أنا بموت..

وصلت العاملة بطعامهم:

-آسفة مدام ليلى، اتأخرنا..

نظرت ليلى للطعام وشعرت بتقلب معدتها، دفعته بعيدًا عنها:

-مش قادرة أشم ريحته، وصلت سيلين التي كانت تلاعب أمير، فبعدما وجدت يونس قريبًا منهم، ارتعدت اوصالها فاتجهت لليلى واسما؛ جلست وأجلست أمير على ساقيها :

-شوف ياميرو مامي بتحب الجمبري وعمتو بتعشقه كمان، سكبت بعض الطعام ووضعته أمام أسما، واتجهت إلى ليلى تضع طعامها، دفعته ليلى ونهضت تضع كفيها على معدتها.

عند راكان

ظل يتراقص مع نورسين وضحكاته ترتفع بالمكان على كلمات نورسين، قاطعهم جري ليلى للداخل وهي تمسك معدتها ؛ هبت زينب فزعا من مظهرها، وتحركت متجهة إليها، دلفت ليلى إلى المرحاض، وقامت بإخراج مافي جوفها..

ظلت لفترة ليست بالقليلة، وهي تتقيأ حتى شعرت بالداور، فسقطت مغشيًا عليها، دلفت زينب تصرخ باسمها…