رواية بنات المنشاوي الجزء الثاني – الفصل الأول
سالي:يويوووو الحقي المز بتاعك جاي علينا
مي ممازحه: ايه ال انا شيفاه دة اه يابنت المحظوظه ورد في حفله التخرج الا محد عبرني بعقد فل حتي 😂
فركت آيه بيديها في وجهه مي هاتفه بمرحها المعتاد: الله اكبر من عينك
سالي:دكتور سيف كل يوم بيحلو عن ال قبله يخربيت كدة
آيه : والله لعلقك ياسالي بس استني عليا
هتفت آيه بكلماتها وخطت بخطوات متسارعه ناحيه سيف الذي ينظر لها بسعادة حالمه واشتياق جارف ليناولها البوكيه ويقبل جبينها هاتفا:مبروك التخرج يابشمهندسه آيوو
آيه بأبتسامتها الساحرة:الله يباركلي فيك ياأغلي من روحي
سيف بتأمل لملامحها التي يعشقها:هفضل كل مرة أبص لعيونك واتأملها بفرحه كأني اول مرة اشوفها
آيه:عنيك هي ال حلوة وبتحب تشوفني
سيف:ربنا يخليني ليكي واجبلك الدنيا كلها واسعد ايامك ولياليكي ياعشقي
اقتربت آيه من اذنه بعدما رفعت جسدها بأطراف اناملها لتصل لمستواها هامسه في اذنه :بعشقك يابن الحديدي
اتسعت ابتسامته بشدة فرحا مما القت علي مسامعه ليحاوط خصرها بكلتا يديه ويحتضنها بقوة ضاما اياها بشدة ليرفعها من علي الأرض ويدور بها مرارا وتكرارا اما هي فدفنت وجهها بعنقه مختبئه من أعين الناس التي اتجهت اليهم
آيه بخجل:نزلني يامجنون الناس بتبص علينا
سيف بهيام:حلااااالي ياناس
أنزلها سيف برقه واضعا اياها ارضا كيفما كانت يطوقها بنظراته العاشقه بينما نظرت هي للبوكيه بوجه عابس قائله:اوف بقي ينفع كدة
سيف بتعجب:ينفع ايه ياروحي
آيه: ال بوكيه اتبهدل خالص والورد اتطبق فوق بعضه
سيف :فداكي مليون بوكيه هجبلك غيرة
آيه :تؤ دة كان عاجبني اوي
سيف بغرور:فكيها بقي دة انا لسه حضنك حضن الجامعه كلها هتتكلم عنه سنتين قدام ضيعتي الكاريزما يابنت الأيه
آيه بسعادة:امممم ماشي يادكتور سيفو
سيف غامزا:دكتور …. ماشي هنشوف الموضوع دة اما نروح
آيه :اهاااا طب الحق انا اللعب بالشماريخ شويه مع البنات قبل ماتعتقلني
سيف :😂😂ماشي يا يويتي وانا هروح مع زمايلي اتبسطي براحتك
القت آيه قبله في الهواء اليه وتركته متجهه لصديقاتها
سالي:اووووف حضن الموسم ياولاااا
آيه:بس يابت
مي:اجيبك منين ياصاصا الله يسامحك
سالي:والنبي تسكتي انتي وخطيبك دة مشاء الله عليه من يوم ماخطبك وهو مسافر ولا حضر عيد ميلادك ولا حفل التخرج ولا حتي موسم المولد النبوي
مي:عادي اصلا مش بيهمني
ليان:ياخوفي لميحضرش الفرح
جميعهم:😂😂😂😂😂😂
مي:رخمه جدا علي فكرة
آيه:متزعليش نفسك يا ميمي طال الله عمرة بكرة تتجوزي وتسافري الكويت معاه ومين قدك بقي
سالي:ااه لو لعبت يازهر .. اوووف عقبالي يارب معتش غيري انا في ام الشله النحس دي
ليان:مستعجله علي ايه ياسو السنجله چنتله
سالي:مش مكثوفه من نفسك وانتي بتقولي كدة وفرحك الشهر الجاي
ليان :😅😅بصراحه اه
آيه:طب ايه بقي هنقضيها رغي
ليان:عاصم جوز اختك منطلق في المكان وباينه بيستعيد زكرياته
آيه:ورد ياحبيبه قلبي ملبوخه في البت منوله وسيباه كدة
سالي:بس.. بس…
آيه :عاوزة ايه يارخمه
سالي:المز الطويل العريض القمحاوي دة يطلع مين شيفاه ماشي مع جوز اختك من الصبح
آيه:دة فارس ابن عمي وال جمبه دي تبقي اخته
ليان :يابنتي انتي احوليتي ولا ايه دي___
آيه مقاطعه:هشششش انتي دي اخته ياسالي والواد حليوة ذي ماانتي شايفه ومش مرتبط
سالي بفرحه:بجد … قلبي يايويو والله انتي اجدع واحدة في الدفعه كلها
آيه:يلا بقي جمدي قلبك كدة وخشي عليه قوليله انك معجبه بيه وعاوزة ترتبطي بيه
سالي:وش كدة!!
آيه:ايوة يابنتي احنا صعايدة ومنحبش اللف والدوران
سالي:بصراحه انا من ساعه ماشفته وهو خطف قلبي خطف
آيه:حلوة اوي دي قوليهاله
سالي :عادي يعني؟!
آيه:يابنتي دة راجل صعيدي وال تخلي صعيدي يحبها يبقي يابختها
انفجرت ليان ضاحكه بشدة فهي لم تقوي علي حبس ضحكاتها بعد الآن
مي:انتي بتضحكي علي ايه؟!!!
آيه:اسكتي انتي يلا ياسو بسرعه بقي متضيعيش وقت انتي وفستانك الأخضر الحلو دة
ليان :فسكوز دة ياببلاوي
سال:هه خفه
آيه:يلاا يابت بقي قبل مايمشي
سالي :ماشي خلاص رايحه اهوة
هندمت سالي من هيئتها وتقدمت بخطوات واثقه نحو فارس الواقف برفقه دعاء يتبادلان اطراف الحديث بحدة لتحمحم بنعومه لينتبه لها الأثنان بينما تتابعهم آيه والفتيات بأهتمام من بعيد
سالي بنعومه:احم … استاذ فارس
فارس:نعم؟
سالي:بصراحه ياأستاذ فارس انا معجبه بيك جدا ومن اول ماشفتك بتسلم علي آيه صاحبتي الصبح وانت خطفت قلبي خطف وهتجنن عليك فلو ممكن يعني اننا نرتبط سوا
صعقت دعاء مما سمعت وبادر فارس بالرد سريعا:نعم عتچولي ايه ياأبله انتي؟!
سالي:بقول لحضرتك اني عاوزة ارتبط بيك يعني نتعرف علي بعض وكدة يعني مش خطوبه علي طول ولا حاجه
دعاء :بتقولي ايه يامخبله انتي اتچنيتي ولا ايه
سالي:انا قلت حاجه حضرتك مفيش حاجه تمنع هو مز اوي وانا معجبه بيه فين المشكله
دعاء بصياح:انا المشكله ياعين امك
سالي بتوتر:مش فاهمه حضرتك تقصدي ايه
دعاء بحدة:انتي بچحه قوي اكدة كيف جايه لواحد متچوز ومرته حامل وتقوليلها عاوزة ارتبط بيه كانك اتجنيتي يامهبله انتي
في الخلفيه***
ليان:دي بينها هتولع منك لله ياآيه اختك حامل
آيه:اسكتي انتي الوقتي خليهم يتصالحو
ليان:هما مين؟!
آيه:هحكيلك بعدين
************
سالي:لا احترمي نفسك انا محترمه غصب عنك
دعاء بعدوانيه:اهلك مكانوش فاضيين يربوكي عاد انا دلوق هعيد تربيتك من اول وچديد
فارس:خلاص بقي كفايه لحد كدة امشي دلوق ياآنسه انتي من اهنيه
لملمت سالي ماتبقي من كرامتها وعادت من حيث أتت اما عن فارس فنظر لدعاء بفرحه قائلا:بتغيري علي ولا ايه؟!
دعاء بأندفاع:امال هغير علي امي يعني ولا ايه
فارس:عتحبيني ولا لساكي عتكرهيني
دعاء بغضب:ايوة بحبك بحبك اكتر من حالي ودنيتي بس انت ال مصمم تزعلني وتحرچ قلبي
فارس: بعيد الشر عنيكي ياسكرة انتي انا عحبك ودايب فيكي دوب وبصراحه عچبتيني چوي وانتي عتهزقي البت ال كانت بتتغزل فيا دي
دعاء:انت ليا وبس وال هتفكر تچربلك هتكون وقعتها مطينه فااهم
فارس بتمثيل الخوف:فاهم
……………..
سالي:اه ياجذمه قديمه منك لله
آيه وهي تختبئ خلف مي:انا عملت ايه شيلوها عني الحقونااي
سالي:بقي مش عارفه انه متجوز لا وكمان مش عارفه مراته من اخته داانتي يومك مش فايت تعالي هنا
ليان وهي تضحك بشدة:خلاص بقي ياسولي بس صراحه كان شكلك حلو اوي وانتي بتتهزقي
سالي بغضب:لياااان
آيه:خلاص بقي ياسوو والله اخته ومراته شبه بعض اوي لدرجه انك متعرفيش تميزيهم عن بعض
سالي وهي تضرب مي محاوله الوصول ل آيه:ليه يختي جالك حول ولا كانو اخوات
آيه :لا بنات عم
اغتاظت سالي بشدة قائله:نعم!!! يعني دي دعاء اختك طب وربنا مهسيبك
آيه :هاتولي سيف يلحقني من الهبله دي
ليان:خلاص ياسووو قلبك ابيض
سالي:بلا ابيض بلا بتنجان انا اتهزقت قدام الناس والأبله طلعت بتستظرف طب ليه كدة
مي:يلعن ابو دي صحوبيه ابعدو عني انا جسمي ورم من الضرب
آيه وهي تبتعد عن مي وتقترب من سالي بحذر:والله دة عمل انساني برئ
سالي:منك لله بجد
آيه:بصي عليهم بيضحكو اذاي دول ياستي كانو بايتين متخاصمين وانتي بعملتك دي صالحتيهم علي بعض وليكي عليا انفذلك اي طلب تطلبيه
سالي بمكر:اي طلب اي طلب؟
آيه بثقه:اي طلب
سالي:اممممم جوزيني دكتور سيف
اتسعت عيني آيه بشدة لتهتف:يابنت ال $$$$ ثم انحنت ارضا محاوله نزع ما ترتدي من قدمها بينما فرت سالي من امامها سريعا…….
مساءا في فيلا الحديدي وبداخل المرحاض كانت آيه تبدل ملابسها لتدلف للخارج مرتديه منامه من الستان المكونه من هوت شورت بلون أسود وبلوزة ذات حمالات رفيعه ذات لون بينك مطلقه العنان لشعرها ليلمحها سيف ويتصنع النوم لتتجه اليها وتتفحصه بنظراتها وتهتف:انت نمت ياسيوفتي بقي كدة هو دة ال هنحتفل وجايبلك هديه
لم تجد منه استجابه لتزفر بضيق وتتجه نحو السرير وهي تتبدبب قدميها ارضا حتي استلقت في سريرها ودثرت نفسها بالغطاء بينما فتح هو عينيه وخطي نحوها ليجلس علي ركبتيه امامها ويدنو بجذعه قليلا نحوها هامسا:طب مينفعش نحتفل من غير هديه
اجابته دون ان تفتح عينيها:انت هديتي وعوضي من ربنا بس رخم وبتحب النوم قد عنيك
سيف:طب فتحي عيونك البحر دي ومتحرمنيش من متعه بصتي ليهم
فتحت آيه عيناها ونظرت له ولأبتسامته الساحرة التي تذوب فيها عشقا هاتفه:فتحتها اهوة عاوز ايه بقي
سيف:تعالي معايا
آيه:علي فين
سيف:لو قلتلك مش هتبقي مفاجئه
هبطت من السرير ودلفت لخارج الغرفه برفقته ممسكه بيده متجهين لغرفه أخري بجوار غرفتهم قام سيف بفتح بابها واضائه النور لتجوب آيه ببصرها بداخلها وتبتسم بسعادة غامرة فقد كانت غرفه قد أشرف سيف علي تجهيزها لأستقبال مولودهما وأعد بها كل مستلزماته وقام بتغيير الديكورات لتصبح غرفه اطفال كما اعد له سرير صغير وبعض الألعاب التي امتلئت بها الغرفه لتلتفت له آيه وهي لا تصدق ماتراه بينما اقترب هو منها بحنو هاتفا:امبارح رحت للدكتور ووريته التحاليل الأخيرة وقالي انك خلاص ممكن تحملي عادي وتبطلي تاخدي الحبوب
آيه بسعادة:بجد ! انا هبقي ام ياسيف
سيف وهو يقبل جبينها:هتبقي احلي ام ياقلب سيف
آيه:انا مش مصدقه أخيرا هبقي حامل واشيل في بطني حته منك تكبر جوايا وتملي علينا البيت انا بحلم صح
سيف وهو يحتضنها:لا دي حقيقه ياملاكي وهتتحقق لما ربنا يأذن وهتكوني احلي واطيب ام في الدنيا وهيجي ال يشاركني فيكي برضايا
قهقهت آيه :ايه ال بتقوله دة
سيف:بتكلم جد علي فكرة ابننا او بنتنا ال هتجبيها هتاخدك مني وتشاركني فيكي ودي حاجه مش عارف بصراحه هستحملها اذاي بس هكون فرحان وجدا كمان
آيه:انا بحبااااك من هنا لأخر يوم في عمري
سيف :اوعي تبطلي تقوليهالي كل ما بسمعها منك بيتولد جوايا احساس حلو اوي بيخليني متمسك بالحياه عشان اكون معاكي وبس
آيه:ربنا يخليك لقلبي
سيف:عجبتك الهديه؟
آيه بسعادة:جدا
سيف بمكر:طب فين هديتي انا بقي
طبعت آيه قبله حانيه علي خدة
سيف:لا كبرنا علي الكلام دة في ليڤل اعلي من كدة
آيه:امممم حضن بقي
سيف:امممم قولتيلي طب تعالي نروح اوضتنا وانا هشوف الموضوع دة …
___________________________
هناء:مساء التفاح علي ال قلبها مش مرتاح
ورد:ربنا يريح قلبك يانؤة مالك في ايه؟
هناء:ملل بعيد عنك الأجازة مش عايزة تخلص والواحد زهق بصراحه
عاصم:يختي هاتيلي شويه من الأجازة بتاعتك ال مزعلاكي دي دة انا مش لاحق ارتاح
هناء:يابني منتا ارتحت الفترة ال كنت بتقعدها في السوبر ماركت وبعته الأه هو مفيش حمد ولا شكر ابدا
عاصم:طب والله كانت ايام حلوة بدل الملل ال الواحد فيه
ورد:بقي بتسمي قعدتك معايا ملل
عاصم:هو انا اققدر ياروحي دة انتي وردتي ال مبرتاحش غير معاها
هناء:عقبالي بقي يارب
عاصم:متهمدي بقي يابت
ورد:متوافقي علي العريس ال متقدملك وترحمينا بقي كل شويه عقبالي عقبالي
هناء بتوتر:ها … لا ياستي انا لسالي سنه كمان جامعه ومبفكرش في الموضوع دة دلوقتي
عاصم:دة علي اساس انك مش هتنتحري وتتجوزي من كام سنه فاتو ولا ايه
هناء:اسكوووت مش الواحدة مننا ملهاش غير شهادتها ياعصوم يخويا
عاصم بشك:اهيييه لا ياشيخه
ورد:ايه ياجماعه سيبها علي راحتها يا صومي وربنا يبعتلها واحد ابن حلال كله بأوانه
هناء:انا هروح اققعد مع هايدي شويه عن اذنكم
ورد بغيظ:يادي هايدي وسنين هايدي ال جت اخرتنا
عاصم:بقول ايه ياريري
ورد:قلب ريري
عاصم:متيجي تحكيلي حدوته قبل النوم
ورد :اه منك انت مبتزهقش حواديت
عاصم:فرصه ماما نايمه وهناء عند جارتنا ومنال كمان نعس___
منال:وااااااء واااااء وااااء
ورد بلهفه: منال
عاصم:يابنت ال … ماشي يامنال بس اما تكبري والله لكدرك انتي وجوزك
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.